ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓚᐅᔪᒪᔪᖃᖅᐸᑦ ᑐᓴᖅᑎᑦᑎᓕᑦ ᑲᓇᑕ ᐅᓪᓗᐊᓂ ᑐᑭᓕᕇᒃᓗᑎᒃ ᐃᖏᕐᕋᖃᑕᐅᔪᒪᔪᑦ ᑕᑯᓐᓇᖅᑎᑦᑎᓗᑎᒃ
ᔫᓂ 2, 2025 – ᐃᖃᓗᐃᑦ, ᓄᓇᕗᑦ

ᐅᑯᐊ ᓄᓇᓕᖅᐸᐅᔭᐃᑦ ᐃᖃᓗᐃᑦ ᑐᓴᖅᑎᑦᑎᔪᒪᕗᑦ ᐃᓚᐅᖁᔨᓪᓗᑎᒃ ᑭᒃᑯᑐᐃᓐᓇᓂᒃ, ᓄᓇᓕᖕᓂ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᐊᐅᓚᑦᓯᔨᓂᑦ ᐊᒻᒪᓗ ᓇᖕᒥᓂᖃᖅᑐᓂᒃ ᐃᓚᐅᓗᑎᒃ ᑲᓇᑕ ᐅᓪᓗᐊᓂ ᑐᑭᓕᕇᒃᓗᑎᕐ ᐃᖏᕐᕋᖃᑕᐅᔪᒪᔪᑦ ᑕᑯᓐᓇᖅᑎᑦᑎᓗᑎᒃ.

ᑐᑭᓯᒋᐊᒃᑲᓐᓂᕈᓐᓇᖅᐳᑎᑦ ᐅᕝᕙᓘᓐᓃᑦ ᑐᓴᖅᑎᑦᑎᓗᑎᑦ ᐃᓚᐅᔪᒪᓂᕐᓂᒃ ᑐᑭᓕᕇᒃᓗᑎᒃ ᐃᖏᕐᕋᖃᑕᐅᔪᒪᔪᑦ ᑕᑯᓐᓇᖅᑎᑦᑎᓗᑎᒃ, ᐊᑏ ᐅᖃᕐᕕᒋᓗᒍ ᒪᑎᓪᑕ ᐱᓐᒃᓯᓐ m.pinksen@iqaluit.ca ᑎᑭᐅᑎᓚᐅᓐᖏᓂᖓᓂ ᔫᓂ 25, 2025.

ᖃᐅᔨᒪᔾᔪᑎᒃᓴᐃᑦ ᐃᓚᐅᔪᓄᑦ ᐳᒃᑕᓛᕈᑎᓄᑦ:

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑭᐅᔾᔪᑎᑦ ᐃᖅᓯᓇᖅᑐᓄᑦ ᕿᒻᒥᕐᓄᑦ ᐃᓄᖕᓄᑦ ᑐᓴᐅᒪᔾᔪᑎᒃᑯᑦ
ᒪᐃ 30, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᑐᓕᖅᑎᑦᑎᔨᖕᒋᑦ ᓄᓇᓕᖕᓂ ᐃᓱᒫᓘᑕᐅᔪᓂᒃ ᑐᓴᓚᐅᕐᒪᑕ ᕿᒻᒥᑦ ᐃᖅᓯᓇᖅᑐᑦ ᐱᔾᔪᑎᒋᓪᓗᒋᑦ ᓄᓇᓕᖕᓂ. ᐃᓱᒫᓘᑎᖃᖅᑐᑦ ᐃᓄᐃᑦ ᑕᑯᓚᐅᕐᒪᑕ ᒪᕐᕉᖕᓂᒃ ᕿᒻᒥᓂᒃ ᐃᖅᓯᓇᖅᑑᓐᓂᒃ ᐃᓄᖕᓄᑦ ᐊᒻᒪᓗ ᕿᒻᒥᐅᖃᑎᖕᒋᓐᓄᓪᓗ ᐅᖃᐅᓯᐅᓚᐅᖅᑐᑦ ᐃᑭᐊᖅᑭᕕᒃᑯᑦ ᐃᕐᖕᒌᓐᓈᖅᑕᐅᒃᑯᓪᓗ.

ᖃᓄᐃᓕᐅᕆᐊᕈᑕᐅᔪᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑕᒫᓂᖅᑭᕙᑦᑐᑦ ᕿᒻᒦᑦ ᐊᒻᒪ ᑭᒃᑯᑐᐃᓐᓇᐃᑦ ᐃᓗᓯᖏᓐᓄᑦ ᐅᓗᕆᐊᓇᖅᑐᑦ
ᒪᐃ 27, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᑕᒫᓂᖅᑭᕙᑦᑐᑦ ᕿᒻᒦᑦ ᓱᓕ ᐃᓱᒫᓗᓇᖅᐸᒻᒪᑕ ᓄᓇᓕᑦᑕ ᐃᓗᐊᓂ, ᓴᖅᑮᔾᔪᑎᐅᓯᒪᓕᖅᑐᑎᒃ ᐊᑦᑕᓇᖅᑐᓂᒃ ᐊᒻᒪ ᑭᒃᑯᑐᐃᓐᓇᐃᑦ ᐃᓗᓯᖏᓐᓄᑦ ᐅᓗᕆᐊᓇᖅᑐᓂᒃ.

ᐃᑉᐱᒋᔭᐅᖏᑦᑐᑦ ᕿᒻᒦᑦ ᓴᖅᑮᕙᒻᒪᑕ ᐊᑐᕆᐊᒃᑯᑦ ᐃᖏᕐᕋᔪᓄᑦ ᐊᑦᑕᓇᖅᑐᓂᒃ, ᐱᖁᑎᓂᒃ ᓱᕋᐃᔭᐃᕙᑦᑐᑎᒃ, ᐱᓱᑦᑐᓄᑦ ᐃᕐᓯᒋᔭᐅᓕᖅᐸᑦᑐᑎᒃ, ᐊᒻᒪ ᐃᓚᒋᐊᕈᑎᐅᔪᓐᓇᖅᑐᑎᒃ ᐋᓐᓂᐸᑦᑐᓄᑦ. ᐊᓯᖏᓐᓂᒃ ᐆᒪᔪᓂᒃ ᐱᖃᑎᖃᓕᖅᐸᑦᑐᑎᒃ - ᐱᖃᓯᐅᑎᓪᓗᒋᑦ ᐆᒪᔪᐃᑦ ᓂᕐᔪᑏᑦ. ᐅᑭᐅᖅᑕᖅᑐᒥ, ᑎᕆᒐᓐᓂᐊᖑᔪᑦ ᖃᐅᔨᒪᔭᐅᕙᒻᒪᑕ ᓯᖏᕐᓯᓲᖑᓂᖏᑦ, ᑕᒪᒃᑯᓂᖓ ᑲᑎᓯᓐᓂᕈᑎᒃ ᓴᖅᑮᔪᓐᓇᖅᑐᑦ ᐊᑦᓱᑲᓪᓚᐅᔪᖅ ᐋᓐᓂᐊᓇᖅᑐᓂᒃ ᓯᐊᒻᒪᐃᒍᓐᓇᕐᒪᑕ ᐊᓂᕐᕋᓂ ᐆᒪᔪᖁᑎᓄᑦ ᐊᒻᒪ ᑭᒃᑯᑐᐃᓐᓇᕐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 5074, 5076, 5078, 5080, 5082, 5084 ᐊᒻᒪᓗ 5100
ᒪᐃ 27, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᖅ, ᒪᐃ 29, ᐱᒋᐊᕐᓗᑎᒃ ᐅᓪᓗᒃᑯᑦ 9-ᒥᒃ 12-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 5074, 5076, 5078, 5080, 5082, 5084 ᐊᒻᒪᓗ 5100.

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓱᓕᓐᓂᖓ ᐃᓄᐃᑦ ᒪᒃᑯᑦᑐᑦ ᐳᐃᔾᔪᕋᕐᕕᒻᒧᑦ ᐃᓯᕈᑎᓄᑦ ᐱᓕᕆᐊᑦᓴᐅᑉ
ᒪᐃ 26, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᕈᒪᓪᓚᕆᑦᑐᑦ ᐅᑯᓂᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (QIA) ᑲᑐᔾᔨᖃᑎᒌᓐᓂᒃᑯᑦ ᐊᑐᐃᓐᓇᐅᑎᑦᓯᒍᓐᓇᓚᐅᕐᓂᖏᓐᓄᑦ ᐊᑭᖃᖏᑦᑐᓂᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᓂᒃ ᐃᓄᐃᑦ ᓱᕈᓯᖁᑎᖏᓐᓂᒃ ᐊᒻᒪ ᒪᒃᑯᑦᑐᓂᒃ ᐳᐃᔾᔪᕋᕐᕕᖃᕐᕕᒻᒦᑦᑐᒧᑦ ᐊᖅᑯᑎᖃᖅᑐᑎᒃ ᐃᓄᐃᑦ ᒪᒃᑯᑦᑐᐃᑦ ᐊᑐᕈᒪᓂᕐᒥᒃ ᑮᓇᐅᔭᖁᑎᐅᔪᓂᒃ.

ᓴᖅᑭᑕᐅᓚᐅᖅᑐᖅ ᒫᕐᓯ 17, 2025, ᐅᓇ ᐱᒋᐊᖅᑎᑕᐅᓚᐅᖅᑐᖅ ᐊᑐᐃᓐᓇᕈᐃᓯᒪᓚᐅᖅᑐᖅ 3,125-ᓂᒃ ᐊᑭᖃᖏᑦᑐᓂᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᖏᓐᓂᒃ ᐃᓄᐃᑦ ᓱᕈᓯᖁᑎᖏᓐᓄᑦ ᐊᒻᒪ ᒪᒃᑯᑦᑐᖁᑎᖏᓐᓄᑦ ᐊᕐᕌᒍᓕᓐᓂᒃ 0-ᓂᒃ 30-ᓄᑦ. ᐅᓪᓗᒥᒧᑦ, ᐃᓘᓐᓇᑦᓯᐊᑎᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᐃᑦ ᐊᑭᖃᖏᑦᑐᑦ ᐱᔭᐅᓯᒪᓕᖅᑐᑦ, ᐊᒻᒪ ᐱᓕᕆᐊᑦᓴᖅ ᐃᓱᓕᓯᒪᓕᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᐃᓐᓇᐃᑦ ᖃᒻᒪᖅ – ᓯᕙᑖᕐᕕᒃ ᒪᐃ 31, 2025-ᒥ
ᒪᐃ 26, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᒪᐃ 31, 2025, 10 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᐃᓐᓇᐃᑦ ᖃᒻᒪᒃᑯᓐᓂ. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᐃᓄᖕᓄᑦ ᑐᓴᕋᑦᓴᖅ

ᓄᓇᓕᐸᐅᔭᒃᑯᑦ ᐅᖃᐅᑎᑦᓴᖏᑦ ᐱᓪᓗᒋᑦ ᐆᒪᔪᓂᒃ ᐊᐅᓚᑦᓯᔾᔪᑎᐅᔪᑦ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᑦ

ᒪᐃ 22, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᕐᓯᒪᑲᓐᓂᓕᕐᒥᔪᑦ ᐱᓕᕆᐊᖃᕈᒪᕙᓐᓂᖏᓐᓄᑦ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᓇᒋᑦ ᐊᒻᒪ ᐃᑉᐱᒍᓱᑦᓯᐊᓂᒃᑯᑦ ᐆᒪᔪᖁᑎᖃᕐᓂᕐᒥᒃ ᑭᐅᔾᔪᑎᒋᓪᓗᒋᑦ ᐃᓱᒫᓘᑎᖃᖅᑐᑦ ᐊᒥᓱᕈᖅᐸᓪᓕᐊᑐᐃᓐᓇᓕᕐᓂᖏᓐᓄᑦ ᐱᔾᔪᑎᖃᖅᑐᑎᒃ ᑕᒫᓂᖅᑭᕙᑦᑐᓂᒃ ᐆᒪᔪᖁᑎᐅᔪᓂᒃ ᓄᓇᓕᑦᑎᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᕼᐋᐱ ᕚᓕ

ᒪᐃ 22, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖅᑐᒦᖁᔨᓐᖏᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: