ᓄᓇᒥᑦ ᓴᓗᒻᒪᖅᓴᐃᓂᖅ – ᐱᓕᕆᐊᖅ ᐅᖓᕐᕙᕆᐊᖅᑕᐅᔪᖅ ᓄᓇᓕᒻᒥᐅᑕᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒥᑦ ᓴᓗᒻᒪᖅᓴᐃᓂᖅ – ᐱᓕᕆᐊᖅ ᐅᖓᕐᕙᕆᐊᖅᑕᐅᔪᖅ ᓄᓇᓕᒻᒥᐅᑕᓄᑦ
ᐋᒡᒌᓯ 25, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᓄᓇᒥᑦ ᓴᓗᒻᒪᖅᓴᐃᓂᖅ ᓴᓗᒻᒪᖅᓴᐃᓂᕐᒧᑦ ᐊᔾᔨᙳᐊᓂ ᐊᑭᑦᑐᕋᐅᑎᓂᕐᒧᑦ ᓄᓇᓕᒻᒥᐅᑕᓄᑦ ᐅᖓᕐᕙᕆᐊᖅᑕᐅᓯᒪᔪᖅ ᑎᑭᒐᓱᐊᕐᓂᖓᓄᑦ ᑕᓪᓕᕐᒥᖅ, ᓯᑎᐱᕆ 26. ᑖᓐᓇ ᐅᖓᕐᕙᕆᐊᖅᑕᐅᓂᖓ ᑕᐃᒪᐃᒍᓐᓇᖅᑎᑕᐅᔪᖅ ᐃᑲᔪᕐᓂᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐱᕆᓕᕆᑯᖓ ᐊᕙᑎᖓᓂ ᓴᐳᒻᒥᑦᑎᓂᕐᒧᑦ.

ᐱᓇᓱᐊᕈᓯᑕᒫᑦ ᐊᒧᔭᐅᔪᑦ ᑲᔪᓯᓂᐊᖅᑐᑦ ᑕᓪᓕᕐᒥᑕᒫᑦ, ᓂᐅᕕᕈᑎᓂᑦ ᐱᔾᔪᓯᐊᖅᑐᑎ ᐊᑕᐅᒥᕐᒧᑦ ᐃᓚᒋᔭᐅᖃᑕᐅᔪᒧᑦ ᓄᓇᓕᒻᒥᐅᑕᒧᑦ ᐊᒻᒪ ᑳᐱᕈᑎᓄᑦ ᑐᓂᔭᐅᔪᑦ ᐊᑕᐅᓯᕐᒧᑦ ᓇᒻᒥᓂᐅᔪᒧᑦ. ᑭᖑᓪᓕᖅᐹᒥ ᐱᔾᔪᓯᐊᒧᑦ ᐊᒧᔭᐅᔪᖅ ᑕᒪᒃᑭᓐᓄ ᓄᓇᓕᒻᒥᐅᑕᓄᑦ ᐊᒻᒪ ᓇᒻᒥᓂᕆᔭᐅᔪᓄᑦ ᐱᖓᑦᑎᒥᐅᓛᖅᑐᖅ, ᐅᑦᑑᐱᕆ 1.

ᓵᓚᒃᓴᖃᕋᓱᐊᖃᑕᐅᓗᑎᑦ, ᐃᓚᒋᔭᐅᖃᑕᐅᔪᑦ ᖃᕋᓴᐅᔭᒃᑯᑦ ᑎᑎᕋᕆᐊᓖᑦ ᓯᕗᓂᐊᒍᑦ ᐊᒻᒪ ᑭᖑᓂᐊᒍᑦ ᓴᓗᒻᒪᓴᖅᑕᐅᔪᒥ ᐊᔾᔨᙳᐊᒥᑦ ᐅᕗᖓ comms@iqaluit.ca. ᐱᖃᓯᐅᑎᓗᒍ ᐊᑎᓕᐅᕐᒪᖔᖅᐱᑦ ᓄᓇᓕᒻᒥᐅᑕᐅᓪᓗᑎᑦ ᐅᕝᕙᓘᓐᓃᑦ ᓇᒻᒥᓂᖃᖅᑎᐅᓪᓗᑎ, ᐱᖃᓯᐅᑎᓗᒋᑦ ᓇᐃᑦᑐᑦ ᑐᓴᖅᑎᑦᑎᒍᑎ ᖃᓄᑎᒋ ᐊᑦᑕᑯᓂᑦ ᓄᐊᑕᐅᓚᐅᕐᒪᖔᑕ (ᐆᑦᑑᑎᒋᓗᒍ, “3 ᐴᔅᓴᐃᑦ ᐊᑦᑕᑯᐃᑦ”). ᑐᓂᓯᓂᖃᕈᕕᑦ ᑭᒡᒐᖅᑐᐃᓪᓗᑎ ᓇᒻᒥᓂᕆᔭᐅᔪᒥᑦ, ᐱᖃᓯᐅᔾᔨᖁᔨᒧᒍᑦ ᓇᒻᒥᓂᕆᔭᕕᑦ ᓇᓗᓇᐃᒃᑯᑕᖓᓂ ᐃᓚᖓᓐᓂ ᐊᔾᔨᙳᐊᓂᑦ.

ᖃᕋᓴᐅᔭᒃᑯᑦ ᓇᐃᓈᕈᑎᑦ ᑐᕌᕈᑎᖏᑦ ᐊᒻᒪ ᐃᓚᒋᓕᐅᔾᔨᓂᕐᒥᑦ ᐱᑕᖃᕆᐊᖃᖅᑎᑕᐅᔪᓐᓃᖅᑐᑦ. ᑐᓂᔭᐅᔪᑦ ᐊᖏᖅᑕᑐᐊᖑᓂᐊᖅᑐᑦ ᖃᕋᓴᐅᔭᒃᑯᑦ, ᑭᓯᐊᓂ ᑲᔪᖏᖅᓴᐃᔪᒍᑦ ᑐᓃᓪᓇᕐᓗᒋᑦ ᓴᓗᒻᒪᓴᕐᓂᕆᔭᐃᑦ ᖃᕋᓴᐅᔭᒃᑰᕈᑎᒃᑯᑦ ᐱᔪᒪᓕᖅᑎᓪᓗᒋᑦ ᐊᓯᖏᑦ.

ᑖᓐᓇ ᐊᑭᑦᑐᕋᐅᑎᓂᐅᔪᖅ ᒪᑐᐃᖓᔪᖅ ᓄᓇᓕᒻᒥᐅᑕᓄᑦ ᐊᒻᒪ ᓇᒻᒥᓂᖃᖅᑐᓄᑦ ᐃᖃᓗᓐᓂ.

ᖁᔭᓐᓇᒦᒃ ᑭᒃᑯᓕᒫᑦ ᑐᓂᓯᓯᒪᔪᑦ ᐃᖃᓗᐃᑦ ᓴᓗᒪᑏᓐᓇᖅᑐᒍ ᐊᒻᒪ ᐱᐅᔫᑎᑦᑐᒍ. ᐃᖏᕋᓂᕆᔭᖓ ᑲᔪᓯᑏᓐᓇᕐᓚᕗᑦ!

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:

ᔩᐅᑉ ᕙᕐᓂ

ᐊᖏᔪᖅᑳᖅ ᑐᓴᐅᒪᔪᓕᕆᔨᒃᑯᓐᓄᑦ ᐊᒻᒪ ᐊᑭᓕᕐᓱᐃᔨᓄᑦ ᐱᔨᖅᑎᕋᐅᑎ

ᓄᓇᓕᐸᐅᔭᐃᑦ ᐃᖃᓗᐃᑦ

867-979-5619 | G.Byrne@iqaluit.ca