ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖃᓗᖕᓂ ᑮᓇᐅᔭᖅᑑᑎᒃᓴᑦ ᐊᐅᓚᓂᖕᒋᑦ ᕿᒥᕐᕈᓂᖅ
ᐋᒡᒌᓯ 19, 2025 – ᐃᖃᓗᐃᑦ, ᓄᓇᕗᑦ
ᐃᖃᓗᓐᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᖃᓄᖅ ᓄᓇᓕᐸᐅᔭᒃᑯᑦ ᐋᖅᑭᒃᓱᐃᕙᖕᒪᖕᒑᑕ ᐊᕐᕌᒍᑕᒫᑦ ᑮᓇᐅᔭᖁᑎᒋᔭᒥᓂᒃ ᐊᐅᓚᑦᑎᕙᖕᓂᖕᒋᓐᓂᑦ.
ᐊᕐᕌᒍᑕᒫᑦ, ᓄᓇᓕᐸᐅᔭᒃᑯᑦ ᐱᕙᒌᔭᓲᖕᒍᒻᒪᑕ ᒪᕐᕉᖕᓂᒃ ᐊᕕᒃᓯᒪᔪᓂᒃ ᑭᓯᐊᓂ ᐊᒃᑐᐊᓂᓕᖕᓄᑦ ᑮᓇᐅᔭᖅᑐᕈᑎᒃᓴᓄᑦ. ᐊᐅᓚᔾᔪᑎᓄᑦ ᑮᓇᐅᔭᑦ ᐊᑐᖅᑐᒃᓴᑦ ᑮᓇᐅᔭᖃᖅᑎᑦᑎᕗᑦ ᓄᓇᓕᐸᐅᔭᒃᑯᑦ ᖃᐅᑕᒫᑦ ᐱᔨᑦᑎᕋᐅᑎᖕᒋᓐᓂᒃ. ᑕᒪᓐᓇ ᐃᓚᖃᖅᑐᖅ ᐃᒥᖃᕐᓂᕐᒧᑦ ᑭᓈᓗᖃᕐᕕᖕᒧᑦ ᐊᐅᓚᑦᑎᕕᐅᔪᓂᒃ, ᐊᐳᑏᔭᐃᓂᖅ, ᐊᖅᑯᑎᓂᒃ ᐋᖅᑭᐅᒻᑎᑦᑎᓂᖅ, ᐱᖖᒍᐊᖅᑐᓕᕆᓂᕐᒧᑦ ᐱᓕᕆᐊᑦ, ᑕᒪᐃᓐᓄᑦ ᐊᐅᓚᑦᑎᓂᒥᒃ, ᐊᒻᒪᓗ ᑮᓐᓇᐅᔾᔭᒃᓵᖕᒋᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᓐᓄᑦ. ᐊᑭᓕᐅᑕᐅᕙᒃᑭᓪᓗᓂ ᓲᕐᓗ ᐅᖅᓱᐊᓗᒃ, ᓇᓪᓕᐅᒃᑯᒫᑦ, ᐆᒻᒪᖅᑯᑎᓄᑦ, ᐱᖁᑎᓄᓪᓗ.
ᐊᑭᑐᔫᑎᓄᑦ ᑮᓇᐅᔭᑦ ᐊᑐᖅᑐᒃᓴᑦ ᐊᑐᖅᑕᐅᓲᖕᒍᔪᑦ ᐊᑯᓂᐅᔪᒃᑯᑦ ᑮᓇᐅᔭᓕᐅᕈᑕᐅᓇᓱᒃᑐᓄᑦ ᐊᐅᓚᔪᓐᓇᐅᑎᓄᑦ ᐊᒻᒪᓗ ᐊᖕᒋᔪᓄᑦ ᐱᖁᑎᓄᑦ. ᑖᒃᑯᐊ ᐊᖕᒋᔫᓪᓗᑎᒃ ᐱᓕᕆᐊᒃᓴᑦ ᐊᕐᕌᒍᒐᓴᖕᓄᑦ ᐱᓕᕆᐊᖕᒍᓲᑦ ᐸᕐᓇᐃᓇᓱᒃᓗᑎᒃ ᐱᔭᕇᕋᓱᓪᓗᑎᓪᓗ. ᓲᕐᓗ ᐅᑯᐊ ᐊᖅᑯᑎᓄᑦ ᓄᑖᖖᒍᕆᐊᕈᑎᑦ, ᐃᒪᖃᐅᑎᓄᑦ ᑭᓈᓗᖃᐅᑎᓄᓪᓗ ᓱᓪᓗᓖᑦ ᓄᑖᖖᒍᕆᐊᕈᑎᓄᑦ, ᓄᓇᒃᑰᕈᑎᓄᑦ ᐊᒻᒪᓗ ᐱᖁᑎᓄᑦ ᓂᐅᕕᐊᖕᒍᔪᓄᑦ, ᐊᒻᒪᓗ ᐱᓕᕆᕝᕕᖕᒥ ᐱᐅᓯᒋᐊᕈᑎᓄᑦ. ᑕᒪᕐᒥᑲᓴᒃ ᐊᑭᑐᔪᓄᑦ ᐱᓕᕆᐊᖕᒍᔪᑦ ᑮᓇᐅᔭᖃᖅᑎᑕᐅᕙᒃᑐᑦ ᓯᓚᑖᓂ ᑐᓐᓂᖅᑯᑕᐅᑐᐃᓐᓇᖅᐸᒃᑐᑎᒍᑦ ᐱᑎᑕᐅᕙᒃᑐᓂᑦ ᓄᓇᕗᑦ ᒐᕙᒪᒃᑯᖕᒋᓐᓂᑦ ᑲᓇᑕᐅᑉ ᒐᕙᒪᒃᑯᖕᒋᓐᓂᓪᓘᓐᓃᑦ.
ᐊᕐᕌᒍᓕᒫᒧᑦ ᑮᓇᐅᔭᑦ ᐊᑐᖅᑐᒃᓴᑦ ᐱᓕᕆᐊᖕᒍᓂᖕᒋᑦ ᐱᒋᐊᓲᖕᒍᕗᑦ ᓄᓇᓕᐸᐅᔭᕐᒥ ᐊᐅᓚᑦᑎᔨᓂᒃ, ᓯᕗᒃᑲᑕᖅᑕᐅᔪᖅ ᑮᓇᐅᔭᓕᕆᔨᒃᑯᑦ ᐊᐅᓚᑦᑎᕕᖕᒐᓂᑦ ᐊᒻᒪᓗ ᑮᓇᐅᔭᓕᕆᔨᒃᑯᑦ ᐃᖅᑲᓇᐃᔭᖅᑎᖕᒋᓐᓂᑦ. ᐱᓕᕆᖃᑎᖃᓲᑦ ᐊᓯᖕᒋᓐᓂᑦ ᐱᓕᕆᕝᕕᐅᔪᓂᑦ ᓴᖅᑭᑦᑎᓇᓱᒃᑐᑎᒃ ᑎᑎᕋᖅᑕᐅᖖᒐᖅᑐᓂᑦ ᑮᓇᐅᔭᖅᑐᕈᑎᒃᓴᓂᑦ ᒪᓕᒃᑐᑎᒃ ᐊᑐᖅᑕᕕᓂᕐᓂᑦ, ᖃᐅᔨᒪᔭᐅᔪᑦ ᑳᓐᑐᕌᒃᓄᑦ ᐱᓕᕆᐊᒃᓴᑦ, ᒫᓐᓇ ᐱᔭᐅᒋᐊᓖᑦ, ᐊᒻᒪᓗ ᑲᑎᒪᔨᓄᑦ ᖃᓄᖅᑑᕈᑎᓄᑦ ᑐᕌᒐᕆᔭᐅᔪᑦ. ᓇᓚᐅᑦᑖᖅᓯᒪᖕᒥᔪᑦ ᑮᓇᐅᔭᓕᐊᓂᑦ, ᐃᓚᓕᐅᔾᔭᐅᓪᓗᑎᒃ ᐊᑐᕐᓃᑦ, ᓇᖕᒥᓂᖁᑎᓄᑦ ᑖᒃᓰᔾᕈᑎᑦ, ᒐᕙᒪᒃᑯᓐᓂᓪᓗ ᑮᓇᐅᔭᑦ.
ᑎᑎᕋᖅᑕᐅᒋᐊᕐᖕᒐᖅᑐᑦ ᑮᓇᐅᔭᑦ ᐊᑐᖅᑐᒃᓴᑦ ᐱᔭᕇᖅᑕᐅᒃᐸᑕ, ᑐᓂᔭᐅᓲᑦ ᓄᓇᓕᐸᐅᔭᒃᑯᑦ ᑲᑎᒪᔨᖕᒋᓐᓄᑦ. ᐃᖃᓗᖕᓂ, ᑮᓇᐅᔭᑦ ᐊᑐᖅᑐᒃᓴᑦ ᕿᒥᕐᕈᔭᐅᓲᑦ ᑮᓇᐅᔭᓕᕆᔨᒃᑯᑦ ᑲᑎᒪᔨᖕᒋᑦ ᑲᑎᒪᑎᓪᓗᒋᑦ, ᑲᑎᒪᔨᓕᒫᑦ ᑲᑎᒪᓪᓗᑎᒃ. ᑲᑎᒪᔩᑦ ᕿᒥᕐᕈᓲᑦ ᑮᓇᐅᔭᖅᑐᕈᑎᒃᓴᓂᑦ ᓇᓗᓇᐃᔭᑦᑎᐊᖅᓯᒪᓪᓗᑎᒃ, ᐊᐱᖅᓱᖅᐸᒃᑐᑎᑦ,
ᐊᓯᔾᔨᖁᔨᑐᐃᓐᓇᕆᐊᖃᖅᑐᑎᓪᓗ. ᑖᓐᓇ ᐱᓕᕆᔾᔪᓯᖅ ᐱᕕᖃᕈᑕᐅᕗᖅ ᐅᖃᐅᓯᐅᔪᓐᓇᕐᓗᑎᒃ ᓯᕗᓪᓕᐅᔾᔭᐅᒋᐊᓕᑦ ᐊᒻᒪᓗ ᐋᖅᑭᒋᐊᖅᑕᐅᔪᑦ ᑭᖕᒍᓪᓕᖅᐹᒥ ᐊᖕᒋᖅᑕᐅᓚᐅᖖᒋᓐᓂᖕᒐᓂ.
ᐱᓪᓚᕆᖖᒍᖅᑎᑕᐅᓗᓂ, ᑕᒪᕐᒥᒃ ᐊᐅᓚᔾᔪᑎᓄᑦ ᐊᒻᒪᓗ ᐊᑭᑐᔫᑎᓄᑦ ᑮᓇᐅᔭᑦ ᐊᑐᖅᑐᒃᓴᑦ ᐊᖕᒋᖅᑕᐅᔭᕆᐊᓖᑦ ᑲᑎᒪᔨᓄᑦ ᐱᖁᔨᕗᖕᒑᕈᑎᒃᑯᑦ. ᖄᒃᑲᓐᓂᐊᒍᑦ ᐊᑐᓕᖅᑕᐅᓂᖕᒋᓐᓄᑦ ᑮᓇᐅᔭᖁᑎᒋᔭᐅᔪᑦ ᐊᕐᕌᕈᑕᒫᑦ, ᑲᑎᒪᔩᑦ ᐊᖕᒋᖅᓯᓲᖕᒍᒋᕗᑦ ᐊᕐᕌᒍᑕᒫᑦ ᐱᖁᑐᓄᑦ ᑖᒃᓰᔭᕈᑎᑦ ᐊᑭᖕᒋᓐᓂᒃ ᑖᒃᓰᔭᐃᔭᕈᑕᐅᕙᒃᑐᑦ ᐊᑭᖃᖅᑎᑕᐅᕙᒃᑐᑦ ᐊᑭᖕᒋᓐᓂᒃ ᒪᓕᒐᕋᓛᒃᑯᑦ. ᑖᓐᓇ ᒪᓕᒐᕋᓛᖅ ᐋᖅᑭᒃᓯᔾᔪᑕᐅᕗᖅ ᐱᖁᑎᓄᑦ ᑖᒃᓰᔭᕈᑎᑦ ᐊᑭᖕᒋᓐᓂᒃ ᑐᖖᒐᕕᒋᔭᐅᓪᓗᑎᒃ ᒫᓐᓇ ᖃᐅᔨᓴᖅᑕᐅᔪᑦ ᐊᑭᖕᒋᑦ ᐊᒻᒪᓗ ᑮᓇᐅᔭᖅᑖᕆᔭᐅᕙᓪᓕᐊᔪᑦ ᐱᔭᐅᒋᐊᓕᑦ.
ᑖᒃᓰᔭᐃᔭᕈᑕᐅᕙᒃᑐᑦ ᐊᑭᖕᒋᓐᓂᒃ ᒪᓕᒃᑎᑕᑦ ᐊᕐᕌᒍᑕᒫᑦ ᐱᔭᕆᐊᖃᖅᐳᑦ ᐱᖕᒐᓱᐊᖅᑎᑦ ᐅᖃᓕᒫᖅᑕᐅᔭᕆᐊᓖᑦ ᑭᒃᑯᑐᐃᓐᓇᑦ ᑲᑎᒪᔨᖕᒋᑕ ᑲᑎᒪᓂᕆᔭᖕᒋᓐᓂ ᑕᒪᓐᓇ ᐊᑐᓕᓚᐅᖖᒋᓐᓂᖕᒐᓂ.
ᐊᖕᒋᖅᑕᐅᒃᐸᑦ, ᑮᓇᐅᔭᑦ ᐊᑐᖅᑐᒃᓴᑦ ᖃᐅᔨᒪᔾᔪᑕᐅᕗᑦ ᓄᓇᓕᐸᐅᔭᕐᒥ ᐊᐅᓚᓂᕆᔭᐅᔪᓄᑦ ᑮᓇᐅᔭᓕᕆᓐᓇᖅ ᐊᕐᕌᒍᒧᑦ. ᑮᓇᐅᔭᓕᕆᔨᒃᑯᑦ ᖃᐅᔨᓴᖃᑦᑕᖅᑐᑦ ᑮᓇᐅᔭᑦ ᐊᑐᖅᑕᐅᑦᑎᐊᕐᒪᖕᒑᑕ, ᑲᑎᒪᔩᑦ ᓇᓗᓇᐃᖅᓯᕕᐅᖕᒋᓐᓇᓲᑦ, ᓇᓗᓇᐃᖅᓯᕙᒃᑐᑎᓪᓗ ᐊᑭᓕᐅᑎᑦ ᐊᖕᒋᖅᑕᐅᓯᒪᒐᓗᐊᕐᒪᖕᒑᑕ. ᐊᕐᕌᒎᑉ ᓄᕐᖕᒍᐊᓂ, ᐃᒻᒥᒃᑰᖅᑐᖅ ᑕᒻᒪᖅᓯᒪᔪᖅᓯᐅᖅᑎ ᕿᒥᕐᕈᓲᖅ ᓄᓇᓕᐸᐅᔭᐅᑉ ᑮᓇᐅᔭᓕᕆᓂᕐᒧᑦ ᑎᑎᖅᑲᖁᑎᖕᒋᓐᓂᑦ ᐊᑐᐃᓐᓇᕈᖅᑎᕆᓂᕐᒥᓪᓗ ᑭᒃᑯᑐᐃᓐᓇᕐᓄᑦ ᐅᓂᒃᑳᕐᒥᑦ. ᑕᒪᓐᓇ ᓇᓗᖖᒋᑦᑎᐊᕈᑕᐅᕙᒃᐳᖅ ᑕᑯᒃᓴᐅᑦᑎᐊᕐᓂᖕᒐᓂᒃ ᓵᑕᐅᓕᕈᓐᓇᕐᓂᕐᒥᒡᓗ ᐊᑐᖅᑐᖃᕐᓂᖕᒐᓄᑦ ᑭᒃᑯᑐᐃᓐᓇᓄᑦ ᑮᓇᐅᔭᖁᑎᒋᔭᐅᔪᓂᒃ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᑎᑦᑎᑦᑎᐊᕈᒪᔪᑦ ᐊᒻᒪᓗ ᐱᓕᕆᑦᑎᐊᕈᒪᓪᓗᑎᑦ ᐃᓄᖕᓄᑦ ᐃᑲᔫᑎᒃᓴᑦ ᐊᐅᓚᑕᐅᓂᖕᒋᓐᓂᑦ. ᖁᔭᓕᔭᕗᑦ ᓄᓇᖅᑲᑎᒌᑦ ᑲᔪᓰᓐᓇᖅᑐᒃᑯᑦ ᐃᓱᒪᒋᔭᖃᖅᐸᖕᓂᖕᒋᓐᓄᑦ ᓄᓇᓕᐸᐅᔭᒃᑯᑦ ᐊᐅᓚᓂᕆᕙᒃᑕᖕᒋᓐᓂᒃ ᐱᔨᑦᑎᕋᕐᓂᕆᕙᒃᑕᖕᒋᓐᓂᓪᓗ.
##
ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᔨᐊᕝ ᐹᕐᓂ
ᐊᐅᓚᑦᑎᔨ ᑐᓴᐅᒪᑎᑦᑎᓂᕐᒧᑦ ᐊᑐᖅᑎᐅᕙᒃᑐᓄᓪᓗ ᐱᔨᑦᑎᕋᕐᕕᖃᖅᐸᖕᓂᕐᒧᑦ
ᐃᖃᓗᓐᓂ ᓄᓇᓕᐸᐅᔭ 867-979-5619 | G.Byrne@iqaluit.ca
