ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᓈᓗᓐᓂᒃ ᑯᕝᕕᕕᒃ ᓄᓇᒃᑰᔫᓄᑦ 1 ᐱᓕᕆᔾᔪᑎᐅᓕᕐᒥᔪᖅ
ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᒃ ᑭᓈᓗᓐᓂᒃ ᑯᕝᕕᕕᒃ ᓄᓇᒃᑰᔫᓄᑦ ᒥᓪᓗᐊᖅᑎᓄᑦ ᐱᓕᕆᔾᔪᑎᐅᓕᕐᒥᒻᒪᑦ, ᐊᒻᒪ ᐱᓕᕆᕝᕕᐅᔪᖅ ᐊᐅᓚᑕᐅᑦᓯᐊᓕᓚᐅᖅᑐᖅ ᓈᒻᒪᓪᓗᓂ, ᐱᒋᐊᖅᑐᑎᒃ ᓇᒡᒋᔾᔭᐅᒥ, ᐃᐳᕈ 29, 2019.
ᓯᒥᓚᐅᕐᓂᖓ ᐱᓪᓗᒍ ᓱᓪᓗᓕᐅᑉ ᖃᓪᓚᓈᖅᑕᒥᓂᕐᓄᑦ, ᐊᐅᑦᑕᔫᓄᑦ ᐴᒥᓂᕐᓄᑦ, ᐅᕐᓱᒧᑦ ᐊᒻᒪ ᐊᓯᕈᓘᔭᖏᓐᓄᑦ ᐊᔾᔨᒌᖏᑦᑐᓄᑦ ᓱᓪᓗᓕᓐᓂᑦ ᓴᓇᕐᕈᑎᓄᑦ ᐊᒻᒪ ᐃᓪᓗᒥᐅᑕᓄᑦ, ᑭᓈᓗᓐᓂᒃ ᑯᕝᕕᕕᒃ ᓄᓇᒃᑰᔫᓄᑦ ᒥᓪᓗᐊᖅᑎᓄᑦ ᒪᑐᒋᐊᖃᓚᐅᕐᒪᑦ ᒫᕐᓯ 28. ᒪᑐᒻᒪᑦ ᑭᓈᓗᒃ ᑯᕕᑎᑕᐅᒋᐊᖃᓕᓚᐅᖅᑐᖅ ᐃᖃᓗᐃᑦ ᓵᖓᓄᑦ ᑲᖏᖅᑐᒧᑦ.
ᓴᓇᔭᐅᒋᐊᑦᓴᐅᑎᒋᓚᐅᖅᑐᖅ ᓯᒥᑦᓯᒪᔪᖅ. ᑕᓪᓕᕐᒥᐅᑎᓪᓗᒍ, ᐃᐳᕈ 19, ᓯᑎᒃᑯᑦ ᐱᓕᕆᔾᔪᑎᑦᓴᒥᒃ ᓴᓇᕐᕈᑎᑖᓕᓚᐅᖅᑐᑦ, ᐊᒻᒪ ᐃᖃᓗᓐᓅᖅᑕᐅᑲᖅᑐᓂ. ᑖᓐᓇᓕ ᓴᖕᖏᔪᑦᓴᔭᐅᔪᖅ ᒥᓪᓗᐊᕈᑎ ᓯᒦᓯᒪᔪᓂᒃ ᓴᓂᕐᓂᒃ ᐲᔭᐃᔾᔪᑎᐅᔪᓐᓇᓚᐅᖅᑐᖅ, ᐊᐅᓚᑦᓯᔾᔪᑎᐅᔪᓐᓇᐃᓕᓚᐅᖅᑐᓂᒃ ᑯᕝᕕᕕᒻᒥᒃ.
ᓯᑎᒃᑯᑦ ᐱᓕᕆᕙᓐᓂᐊᖅᑐᑦ ᖃᐅᔨᓴᐃᓐᓇᕐᓗᑎᒃ ᖃᓄᐃᓕᖓᒍᑎᐅᔪᒥᒃ, ᐊᒻᒪ ᓄᓇᑦᑕᖓ ᐅᑎᖅᑎᒋᐊᖃᕐᓂᖅᐸᑦ ᖃᓄᐃᓕᖓᓂᕆᓚᐅᖅᑕᖓᓄᑦ ᐱᓕᕆᐊᖑᒐᔭᖅᑐᑦ.
ᓯᕗᓂᕐᒥ ᓯᒥᒃᑲᓐᓂᖁᓇᒍ ᓱᓪᓗᓕᒃ, ᓯᑎᒃᑯᑦ ᐃᖅᑲᐃᑎᑦᓯᔪᒪᓕᖅᑐᑦ ᓄᓇᓕᕐᓂᒥᐅᑕᓂᒃ ᖁᕝᕕᓐᓂᒃ ᑯᕕᑎᑦᓯᓕᕋᐃᒍᑎᒃ ᐃᖂᑎᑦᓴᔭᐃᓐᓇᕐᓂᒃ ᑯᕕᑎᑦᓯᖃᓯᐅᑎᒋᐊᖃᕐᒪᑕ, ᐊᒻᒪ ᖁᕝᕕᓐᓅᕆᕙᖕᖏᓪᓗᑎᒃ ᓱᓇᑐᐃᓐᓇᕐᓂᒃ ᓲᕐᓗ ᐱᐊᕋᓂᒃ ᐊᓪᓚᕈᑏᑦ, ᖁᐃᖏᓕᓴᐃᑦ / ᖁᑦᑕᕐᕖᑦ, ᖃᓪᓗᓈᖅᑕᐃᑦ, ᐊᕐᓇᓄᑦ ᐱᐅᓴᐃᑎᕈᓘᔭᐃᑦ ᐊᒻᒪ ᐅᕐᓱᐃᑦ ᓂᖅᑎᐅᕈᑏᑦ.
ᓯᑎᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᒃ ᐃᑲᔪᑦᓯᐊᓂᕐᓯᓐᓂᒃ ᑲᑐᔾᔨᖃᑎᒌᓐᓂᒃᑯᑦ.
