ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐊᑐᐃᓐᓇᐅᓕᕐᒥᔪᖅ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ

ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐊᑐᐃᓐᓇᐅᓕᕐᒥᔪᖅ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ
 ᓯᑎᒃᑯᑦ ᖁᕕᐊᒋᓪᓗᒍ ᑐᓴᖅᑎᑦᓯᒍᒪᓕᕆᕗᑦ ᐃᓪᓘᑉ ᐃᓗᐊᓂ ᐱᖕᖑᐊᕐᕕᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐅᓕᒻᒦᑦᑐᖅ ᒪᑐᐃᓛᓕᕐᓂᖓᓂᑦ ᒪᐃ 13, 2019. ᒪᑐᐃᕐᓂᖓ ᓇᓪᓕᐅᓂᕐᓯᐅᖅᑕᐅᖁᓪᓗᒍ, ᐳᓪᓚᓕᓐᓂᑦ ᐱᖕᖑᐊᕐᕕᓐᓂᑦ ᐋᖅᑭᑦᓯᓯᒪᓛᕐᒪᑕ ᐊᑭᖃᖕᖏᑦᑐᒥᑦ ᐃᓚᒌᓄᑦ ᐅᐸᑦᑕᐅᔪᓐᓇᓛᖅᑐᓂᑦ ᐅᐸᒍᒪᔪᓄᑦ, ᐃᓯᕐᕕᑦᓴᐅᓕᓛᖅᑐᖅ ᐅᓐᓄᓴᒃᑯᑦ 3:30-ᒥ ᓄᖅᑲᕐᓗᑎᒃ 5-ᒨᖅᐸᑦ ᐅᓐᓄᓴᒃᑯᑦ ᒪᐃ 13-ᖑᓕᖅᐸᑦ.
ᐱᖕᖑᐊᕐᕕᒻᒧᑦ ᐅᓪᓗᕐᓯᐅᑎ ᒪᐃᒧᑦ ᐊᒻᒪ ᔪᓂᒧᑦ ᓴᖅᑭᖅᑕᐅᓛᖅᑐᑦ ᑕᓪᓕᕐᒥᕐᒥ, ᐃᐳᕈ 26, 2019, ᐊᒻᒪ ᑕᑯᔭᐅᔪᓐᓇᓛᕆᓪᓗᑎᒃ ᓯᑎᒃᑯᑦ ᐃᑭᐊᖅᑭᕕᖓᓐᓂ, ᐱᖕᖑᐊᖅᑐᓕᕆᔨᒃᑯᑦ ᕙᐃᔅᐳᒃᑯᑦ ᒪᑉᐱᒐᖓᓂ, ᐊᒻᒪᑦᑕᐅᖅ ᐸᐃᑉᐹᒥ ᑎᑎᕋᕐᓯᒪᑎᓪᓗᒋᑦ ᐱᔭᐅᔪᓐᓇᓛᕐᒥᔪᑦ ᐱᖕᖑᐊᕐᕕᐊᓗᒻᒥᑦ.
ᐊᑎᓕᐅᕐᓯᒪᒋᐊᓖᑦ ᓱᕈᓯᕐᓄᑦ ᐱᖕᖑᐊᕈᑎᓂᑦ ᐱᓕᕆᐊᑦᓴᐃᑦ ᐱᒋᐊᓛᖅᑐᑦ ᐱᓇᓱᐊᕈᓯᖓᓂ ᒪᐃ 20. ᑐᑭᓯᒋᐊᒃᑲᓐᓂᕐᕕᑦᓴᖅ ᐊᒻᒪ ᐊᑎᓕᐅᕈᒪᔪᓄᑦ ᑕᑯᒋᐊᖅᑕᐅᔪᓐᓇᖅᑐᑦ ᖃᕋᑕᐅᔭᒃᑯᑦ ᐅᕗᖓ ᓯᑎᒃᑯᑦ (MaxGalaxy) ᒪᑉᐱᒐᖓᓂ ᐅᕙᓂ http://cityofiqaluitrecreation.maxgalaxycanada.net/Home.aspx
ᑕᒪᒃᑯᐊ ᐊᑎᓕᐅᕐᓯᒪᒋᐊᓖᑦ ᐱᓕᕆᐊᑦᓴᐃᑦ ᐱᖃᓯᐅᔾᔨᓯᒪᔪᑦ ᓵᑯᖅᑎᑕᐅᕙᓪᓗᑎᒃ ᐊᕐᓴᒥᑦ ᑐᑭᕐᓯᒋᐊᖃᖅᐸᑦᑐᑎᒃ ᐊᕐᕌᒍᓕᓐᓄᑦ 4-ᓂᑦ 5-ᓄᑦ ᓇᒡᒋᔾᔭᐅᓕᖅᑭᕐᓂ, ᐅᓐᓄᓕᕋᑖᒥ 5:30-ᒥᑦ 6:15-ᒧᑦ ᐅᓐᓄᒃᑯᑦ; ᓵᑯᖃᑦᑕᓛᕐᒥᔪᑦ ᐊᕐᕌᒍᓖᑦ 6-ᓂᑦ 12-ᓄᑦ ᓈᑦᓯᐅᖑᔭᓛᕐᓂᐊᓂ, ᐅᓪᓗᒃᑯᑦ 11:30-ᒥᑦ 12:30-ᒧᑦ ᐅᓪᓗᒃᑯᑦ; ᑏ-ᐹᓪᒥᑦ ᐊᓇᐅᑎᑕᐅᓛᖅᑐᑦ ᐊᕐᕌᒍᓖᑦ 4-ᓂᑦ 8-ᓄᑦ ᑕᓪᓕᒥᕐᓂ, ᐅᓐᓄᓕᕋᑖᒥ 5:30-ᒥᑦ 6:30-ᒧᑦ ᐅᓐᓄᒃᑯᑦ, ᐊᒻᒪ ᐊᔾᔨᒌᖏᑦᑐᓂᑦ ᐱᖕᖑᐊᖃᑦᑕᓛᖅᑐᑦ ᐊᕐᕌᒍᓖᑦ 6-ᓂᑦ 12-ᓄᑦ ᐱᖓᑦᓯᐅᓕᕋᐃᑉᐸᑦ, ᐅᓐᓄᓕᕋᑖᒥ 5:30-ᒥᑦ 6:30-ᒧᑦ ᐅᓐᓄᒃᑯᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ, ᐊᒻᒪᑦᑕᐅᖅ ᐊᑐᖅᑐᐊᕈᒪᓂᐊᖅᑐᑦ, ᖃᐅᔨᒋᐊᖁᔭᐅᔪᑦ ᐱᖕᖑᐊᖅᑐᓕᕆᔨᒃᑯᓐᓂᑦ 979-5611, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᓗᑎ ᐅᕗᖓ recreation@city.iqaluit.nu.ca.