ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᓄᓇᓯᐅᑎᓂᑦ ᐅᐊᓴᕆᙱᐊᖃᖏᓐᓂᖅ ᐅᖓᕐᕙᕆᐊᖅᑕᐅᔪᖅ
ᐋᒋᓯ 5, 2021 - ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᓕᒻᒥᐅᑕᓂᑦ ᐃᒥᕐᒥ ᐊᑐᕆᐊᖃᖏᓐᓂᖅ ᓄᓇᓯᐅᑏᑦ ᐅᐊᓴᖅᑕᐅᓂᖏᓐᓄᑦ ᓱᓕ ᐊᑐᖅᑕᐅᔪᖅ. ᐅᐊᓴᕆᐊᖃᖏᑎᑦᑎᓂᖅ ᐱᖃᓯᐅᔾᔨᔪᑦ ᐊᑕᖏᖅᑐᒋᑦ ᐊᐅᓚᐅᑎᓖᑦ ᓄᓇᓯᐅᑏᑦ ᐊᒻᒪ ᐅᒥᐊᑦ, ᐃᒻᒥᒨᒐᓗᐊᕈᓂ ᐅᕝᕙᓘᓐᓃᑦ ᑮᓇᐅᔭᓕᐅᕋᓱᓂᕐᒧᑦ ᐊᑐᖅᑕᐅᓂᖓ.

ᐅᓇ ᑐᓴᖅᑎᑎᔾᔪᑎ ᑐᓂᔭᐅᔪᖅ ᒪᓕᓐᓂᖃᖅᑐᓂ ᐃᓚᖓ 206(3) ᒪᓕᒐᕋᓛᖅ 200.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᐃᓪᓗᓖᑦ ᐃᒥᕐᒧᑦ ᐃᑲᔫᓯᐊᕆᕙᑦᑕᖏᑕ ᐊᑭᖏᑦ ᐊᓯᔾᔨᕐᑕᐅᓂᖓ
ᐋᒋᓯ 4, 2021 - ᐃᖃᓗᐃᑦ, ᓄᓇᕗᑦ

ᐱᒋᐊᕐᑐᒍ ᔪᓚᐃ 31, 2021, ᐃᓪᓗᓖᑦ ᐃᒥᕐᒧᑦ ᐃᑲᔫᓯᐊᕆᕙᑦᑕᖏᑕ ᐊᑭᖏᑦ ᐊᓯᔾᔨᕐᓯᒪᓕᕐᑐᑦ $0.002−ᒥᖕ ᓖᑕ (ᖃᓪᓗᑎ) ᐊᑕᐅᓯᖅ $0.000−ᒧᑦ ᓖᑕ ᐊᑕᐅᓯᖅ.  ᐃᓪᓗᓖᑦ ᐃᒥᕐᑐᕈᑎᖏᓐᓄᑦ ᐊᑭᖏᑦ ᐃᑲᔫᓯᐊᕐᑕᖃᓚᐅᕐᑎᓐᓇᒍ ᑕᐃᒪᐃᓕᖓᑐᐃᓐᓇᕐᓂᐊᕐᑐᑦ $0.02 ᓖᑕ ᐊᑕᐅᓯᖅ.     

ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ ᓴᓇᒋᐊᓕᖅᑐᑦ, ᒪᑐᓯᒪᓂᐊᖅᑐᖅ ᐋᒐᓯᒥᑦ ᓰᑏᐱᕆᒧᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᐊᖃᖅᐸᓪᓕᐊᓕᖅᑐᑦ ᐋᖅᑭᒋᐊᕆᓂᕐᒥᑦ ᐃᓗᕕᖃᕐᕕᒻᒥᑦ ᓂᐊᖁᖕᖒᑎᓃᑦᑐᒥᑦ. ᑳᓐᑐᕌᑎᒍᑦ ᐱᓕᕆᕗᖃᕐᓂᐊᖅᑐᖅ ᐋᒐᓯ 4-ᒥᓂᒃ ᓰᑏᐱᕆ ᕿᑎᐊᓄᑦ. ᐱᓕᕆᐊᖃᕐᓂᐊᖅᑐᑦ ᐱᐅᓯᑎᒋᐊᖅᑕᐅᓗᓂ ᑰᓐᓂᕆᕙᑦᑕᖓ ᐃᓗᕕᖃᕐᕕᐅᑉ ᐊᑯᓐᓂᖏᒍᑦ.

ᐃᓗᕕᖃᕐᕕᒃ ᒪᑐᓯᒪᓂᐊᖅᑐᖅ ᐋᒐᓯ 4-ᒥᓂᒃ ᓰᑏᐱᕆ ᕿᑎᐊᓄᑦ. ᓄᑖᓂᑦ ᐃᓗᕕᕐᓯᐅᕆᐊᖃᖅᐸᑕ ᓴᓇᔭᐅᓂᖓᓂ ᑲᔪᓯᑎᑕᐅᖃᑦᑕᓂᐊᖅᑐᑦ ᐱᓕᕆᐊᒥᓂᒃ ᓄᖅᑲᖓᑎᑕᐅᑲᐃᓐᓇᐸᓪᓗᑎᒃ. ᐅᖁᒪᐃᑦᑐᓂᑦ ᓱᓇᒃᑯᑖᓂᑦ ᐃᓗᕕᖃᕐᕕᒻᒦᑦᑐᖃᖅᐸᓂᐊᖅᑐᑦ, ᐱᓕᕆᔪᐃᑦ ᖃᓂᒋᔭᖏᓐᓂ ᐃᓗᕕᖃᕐᕕᐅᔪᑦ ᐊᑦᑕᕆᔭᐅᓗᑎᒃ ᐱᓕᕆᐊᖑᕙᓐᓂᐊᖅᑐᑦ ᐊᑐᖅᐸᓪᓗᑎᒃ ᐱᓕᕆᔾᔪᑎᓂᑦ ᑎᒍᒥᐊᖅᑕᐅᓗᑎᒃ ᐱᓕᕆᔾᔪᑎᐅᔪᓐᓇᖅᑐᓂᑦ ᓴᓇᕐᕈᑎᖃᖅᐸᓪᓗᑎᒃ.

ᕿᑲᕐᓇᐅᓂᖓᓂ ᐅᓪᓗᕐᓯᐅᑎᖓᑦ ᓄᓇᒃᑰᔫᑦ ᐱᔨᑦᓯᕋᖅᑏᑦ

ᓄᓇᓕᐸᐅᔭᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᐅᔪᑦ ᐃᖅᑲᓇᐃᔭᓛᖏᒻᒪᑕ ᑭᒃᑯᑐᐃᓐᓇᕐᓄᑦ ᕿᑲᕐᓇᐅᓕᖅᐸᑦ ᓇᒡᒋᔾᔭᐅᒥ, ᐋᒐᓯ 2, 2021. ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ.

ᖃᐅᔨᒪᓛᖅᑯᓯ ᐅᑯᓂᖓ ᐅᓪᓗᕐᓯᐅᑎᐅᑲᐃᓐᓇᓛᖅᑐᒥᑦ ᓄᓇᒃᑰᔫᓄᑦ ᐱᔨᑦᓯᕋᖅᑎᓄᑦ:

ᓴᓇᒋᐊᕆᐊᓕᓐᓂᑦ ᓴᓇᒋᐊᑲᐃᓐᓇᑎᓪᓗᒋᑦ ᒪᑐᓯᒪᑲᐃᓐᓇᓂᐊᖅᑐᖅ ᐳᐃᔾᔪᕋᕐᕕᖃᕐᕕᒃ

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᐊᕐᕌᒍᑕᒫᕐᓯᐅᑎᒥᓂᒃ ᐊᑐᑲᐃᓐᓇᕐᓂᐊᓕᕐᒥᒻᒪᑦ ᐳᐃᔾᔪᕋᕐᕕᒻᒥᑦ ᒪᑐᓯᓯᒪᑲᐃᓐᓇᕐᓗᑎᒃ ᐱᒋᐊᕐᓗᒍ ᓇᒡᒐᔾᔭᐅᓕᖅᑭᐅᓕᖅᐸᑦ, ᐋᒐᓯ 3.

ᐊᑦᑐᖅᑕᑑᓂᐊᖅᑐᖅ ᐃᓚᖓ ᐳᐃᔾᔪᕋᕐᕕᐅᑉ ᑐᑭᓕᐊᖅᑐᒥᑦ ᐳᐃᔾᔪᕋᕐᕕᐅᕙᑦᑐᖅ. ᐱᓐᓇᔭᕝᕕᒃ ᐳᐃᔾᔪᕋᕐᕕᒃ, ᐆᓇᖅᑐᒥᑦ ᐃᒪᓕᒃ ᐅᕕᓂᓐᓂᐊᕐᕕᐅᔭᖅ, ᐃᖃᐃᓕᓴᕐᕕᒃ ᐊᒻᒪ ᐃᓘᓐᓇᑎᒃ ᐃᖃᐃᓕᓴᐅᑎᓂᑦ ᐃᓕᓐᓂᐊᕐᕕᐅᕙᑦᑐᑦ ᑕᐃᒪᐃᓕᖓᑐᐃᓐᓇᓂᐊᖅᑐᑦ ᐅᓪᓗᕐᓯᐅᑎᖏᒍᑦ ᐋᖅᑭᑦᑕᐅᓯᒪᓂᖏᓐᓂᑦ ᒪᓕᓪᓗᑎᒃ.

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᓯᒪᑲᐃᓐᓇᓂᐊᖅᑐᖅ

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᒪᑐᓯᒪᑲᐃᓐᓇᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᓈᑦᓯᐅᖑᔭᒥᓂᒃ, ᔪᓚᐃ 25 ᐅᓪᓛᖓᓄᑦ ᔪᓚᐃ 27 ᐃᓪᓗᑦᑕᖓ ᓴᓇᒋᐊᖃᕐᒪᖔᖅ ᓇᐅᒃᑯᑦ ᖃᐅᔨᓴᖅᑕᐅᑲᐃᓐᓇᕐᓂᖓᓂ.

ᐊᓪᓚᕝᕕᖏᑦ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᑐᐊᕕᕐᓇᖅᑐᓕᕆᓂᕐᒥᑦ ᐱᔨᑦᓯᕋᖅᑎᐅᔪᑦ ᒪᑐᓯᒪᓂᐊᕐᒥᔪᑦ ᑭᒃᑯᑐᐃᓐᓇᕐᓄᑦ. ᐊᐱᖅᑯᑎᖃᕈᑦᓯ ᐅᖄᓚᒋᐊᓕᒃ ᓄᓇᓕᐸᐅᔭᐃᑦ ᑭᐅᔨᖏᓐᓄᑦ ᐅᕗᖓ 867-979-5650.

ᐱᖕᖑᐊᖅᑐᓕᕆᓂᕐᓱᑦ ᐊᑐᖅᑕᐅᕙᓐᓂᖓ ᐊᓐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᐊᑐᐃᓐᓇᐅᖏᑲᐃᓐᓇᓂᐊᖅᑐᑦ ᒫᓐᓇᐅᓂᖓᓂ. ᐊᐱᖅᑯᑎᖃᕈᕕᑦ ᑐᑭᓯᒋᐊᒃᑲᓐᓂᕈᒪᒍᕕᓪᓘᓐᓃᑦ, ᐅᖄᓚᖁᔪᖅ ᐅᕗᖓ 867-979-5611 ᐅᕝᕙᓘᓐᓃᑦ ᐅᕗᖓ recreation@iqaluit.ca.

ᓄᓇᓕᐸᐅᔭᒃᑯᑦ ᒪᒥᐊᑉᐳᑦ ᐊᑲᐅᖏᓕᐅᕈᑎᐅᔪᓂᑦ ᐊᒻᒪ ᖁᔭᓐᓇᒦᖅᑐᑎᒃ ᐃᓕᑦᓯᓐᓂᒃ ᐃᑲᔪᑦᑎᐊᕋᑦᓯ.

ᐃᒪᕐᓂᑦ ᓴᓂᕐᓂᖅ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᐃᖃᓗᖕᓂ ᓄᓇᓕᐸᐅᔭᒃᑯᑦ ᐱᓕᕆᖃᑎᒌᒃᐳᑦ ᑲᔪᖕᒋᖅᓴᐃᓪᓗᑎᒃ ᓄᓇᓕᖕᒥᐅᓂᑦ ᓇᖕᒥᓂᖃᖅᑎᓂᒡᓗ ᐃᒪᖅ ᓴᓗᒪᑏᓐᓇᕋᓱᒡᓗᒍ. ᐃᒪᖅ, ᑰᒐᓛᒃ, ᑰᒃ, ᐃᒪᕕᒃ, ᐊᒻᒪᓗ ᓯᒡᔭᐃᑦ ᐱᒻᒪᕆᐅᕗᑦ ᓴᓗᒪᑎᑦᑎᐊᕐᓗᒋᑦ, ᐊᑦᑕᕐᓇᖕᒋᓪᓗᑎᑦ ᑲᒪᒋᔭᐅᑦᑎᐊᕐᓗᑎᓪᓗ ᓄᓇᓕᑦᑎᓐᓂ.

ᐊᕐᕌᒍᑕᒫᑦ ᐃᒪᕐᒥᒃ ᓴᓂᕐᓂᐅᓛᖅᑐᖅ ᑕᒫᓂ ᐊᕐᕌᒍᒥ ᑕᓪᓕᕐᒥᖅ, ᐋᒡᒌᓯ 20, 2021-ᒥ 9-ᒥ ᐅᓪᓛᒃᑯᑦ 12-ᒧᑦ ᐅᓐᓄᓴᒃᑯᑦ. ᐃᖅᑲᓇᐃᔭᖅᑏᑦ ᐊᒻᒪᓗ ᐊᑐᕆᐊᓖᑦ ᐊᑐᐃᓐᓇᐅᓛᖅᑐᑦ ᐃᓐᓇᑐᖃᐃᑦ ᖃᕐᒪᖕᒐᑕ ᓴᓂᐊᓂ ᐃᒡᓗ ᓈᓴᐅᑎᖕᒐ 226.

ᑖᓐᓇ ᐱᓕᕆᐊᖕᒍᕙᓪᓕᐊᔪᒪᔪᖅ ᑐᕌᒐᖃᕐᓂᐊᖅᑐᖅ ᓯᒡᔭᒥᑦ ᐃᓗᕕᖃᕐᕕᖕᒧᑦ; ᔨᐅᕈᑏᓐ ᑰᒃ ᐱᒋᐊᖅᑐᓂ ᐋᓐᓂᐊᕕᖕᒥ ᓯᒡᔭᒧᑦ (ᒍᕋᐃᓐ ᐊᓐ ᕗᕉ); ᑯᐊᓂ ᑰᒃ ᐱᒋᐊᖅᑐᓂ ᐊᐳ ᕙᐃᔅ ᐊᖅᑯᑎᖕᒐᓂ ᑯᐊᐸᒃᑯᑦ ᒑᓯᑖᕐᕕᖕᒐᓄᑦ; ᐊᒻᒪᓗ ᖃᓂᒋᔭᖕᒋᑦ ᑕᓰᑦ.

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᕗᑦ ᑭᒃᑯᑐᐃᓐᓇᕐᓂᒃ ᖁᑭᐊᖃᑦᑕᖁᔭᐅᓗᑎᒃ ᓇᓗᓇᐃᖅᑕᐅᓯᒪᔪᒥ ᖁᑭᐊᕕᐅᓂᖓᓂᑦ

ᐃᓱᒫᓘᑎᑕᖃᓕᕐᒥᔪᖅ ᓄᓇᓕᕐᒥᐅᑕᓂᑦ ᐃᖃᓗᓐᓂ ᐅᖃᐅᓯᐅᕙᑦᑐᓂᑦ ᖁᑭᐊᔪᖃᖃᑦᑕᕐᓂᖓᓂᑦ ᖃᖅᑕᓕᐊᕆᐊᑉ/ᐱᓱᕐᕋᐅᑉ ᐊᕙᑎᖏᓐᓂ.

ᓄᓇᓕᐸᐅᔭᐃᑦ ᐃᖃᓗᐃᑦ ᐊᑕᐅᓯᕐᒥᑦ ᑭᓯᐊᓂ ᐊᒻᒪ ᒪᓕᒐᓕᐅᕈᑎᐅᓯᒪᔪᒥᑦ ᐊᕙᑎᖃᕐᒪᑕ ᓇᓗᓇᐃᖅᑕᐅᓯᒪᔪᒥᑦ “ᖁᑭᐊᕕᒃ”, ᐃᓱᐊᓃᐸᓗᑦᑐᒥᑦ ᑕᓯᓗᓕᐊᕆᐊᑉ ᐊᑐᕆᐊᑉ.

ᒪᓕᑦᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᖁᑭᐅᑎᓕᕆᓂᕐᒥᑦ ᐊᐅᓚᑦᑎᔾᔪᑎ ᒪᓕᒐᕋᓛᖅ No. 367:

3.1 ᑭᓇᑐᐃᓐᓇᖅ ᖁᑭᐊᒋᐊᖃᖕᖏᑦᑐᖅ ᐃᓗᐊᓂ ᑕᐅᓐᖓᑕ ᐃᖃᓗᐃᑦ.

3.. ᑲᑎᒪᔨᐅᔪᑦ ᐱᔪᓐᓇᐅᑎᑖᖅᑎᑦᑎᔪᓐᓇᖅᑐᑦ ᐱᑦᑎᐊᕐᓯᒪᔪᓂᑦ ᓚᐃᓴᑖᕈᑎᐅᓯᒪᔪᓂᑦ ᐊᒻᒪ ᐊᐅᓚᑕᐅᔪᓂᑦ ᖁᑭᐊᕕᑦᓴᓂᑦ ᐃᓗᐊᓂ ᑭᓪᓕᖃᐅᑎᖏᑕ ᑕᐅᓐᖑᔫᑉ.

ᓄᓇᓕᐸᐅᔭᒃᑯᑦ ᐃᓕᑦᓯᓐᓂᒃ ᖁᔭᓐᓇᒦᖅᑐᑦ ᑐᑭᓯᐊᑦᑎᐊᕋᑦᓯ.