ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑭᐅᔾᔪᑎᖓ ᐃᓄᖕᓄᑦ ᐅᖃᐅᓯᐅᕙᑦᑐᑦ ᐱᓪᓗᒋᑦ ᑐᓴᐅᒪᐅᑎᓕᕆᔨᒃᑯᑦ ᐱᔾᔪᑎᐅᓗᓂ ᐃᒥᖅᑕᐅᔪᓐᓇᖅᑐᖅ ᐃᒥᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᑭᐅᔾᔪᑎᖃᖅᑐᖅ ᐃᓱᒫᓘᑎᐅᔪᓂᑦ ᐃᓄᖕᓄᑦ ᑐᓴᐅᒪᐅᑎᓕᕆᔨᒃᑯᑦ ᐅᖃᐅᓯᐅᕙᑦᑐᓂᑦ ᐱᔾᔪᑎᖃᖅᑐᓂᑦ ᑎᐱᓗᓐᓂᕋᖅᑕᐅᓗᓂ ᐃᒥᖅᑕᐅᔪᓐᓇᖅᑐᖅ ᐃᒥᖅ. ᓄᓇᓕᐸᐅᔭᒃᑯᑦ ᖃᐅᔨᓴᖅᑎᑦᑎᕙᑦᑐᑦ ᐊᒻᒪ ᖃᐅᔨᓴᐃᓐᓇᐅᔭᖅᑐᑎᒃ ᐃᒥᖅᑕᐅᔪᓐᓇᖅᑐᒥᑦ ᐃᒥᕐᒥᑦ ᖃᐅᑕᒫᑦᑎᐊᖅ. ᐃᓘᓐᓇᑎᒃ ᖃᐅᔨᓴᐅᑎᐅᕙᑦᑐᑦ ᖃᐅᔨᔭᐅᒍᑎᖏᑦ ᓈᒻᒪᒋᔭᐅᕙᑦᑐᑦ ᖃᓄᐃᒍᑎᖃᖏᓐᓂᖏᓐᓂᑦ.
ᓄᓇᓕᐸᐅᔭᒃᑯᑦ ᑕᒪᑦᓱᒥᖓ ᐃᓱᒫᓘᑎᐅᓯᒪᔪᒥᑦ ᐱᒻᒪᕆᐅᑎᑦᑎᕗᑦ ᐊᒻᒪ ᖃᐅᔨᒋᐊᕐᓯᒪᓕᖅᑐᑎᒃ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᑦᑕᐃᓕᒪᔪᓕᕆᔨᒃᑯᓐᓂᑦ ᐱᓇᓱᐊᕈᓯᐊᑉ ᓄᖕᖑᐊᓂ. ᐃᒥᖅᑕᐅᔪᓐᓇᖅᑐᖅ ᐃᒥᖅ ᐱᐅᓴᖅᑕᐅᕙᑦᑐᖅ ᐊᒻᒪ ᑐᖁᓴᐃᑎᓂᑦ ᖁᐱᕐᕈᐊᕐᔪᕋᓛᓂᑦ ᐊᑐᖅᐸᑦᑐᑎᒃ (ᐊᒻᒪ ᖃᐅᒪᒃᑯᑦ ᖃᐅᔨᓴᐅᑎᓂᑦ) ᑕᐃᒪᐃᑉᐸᓐᓂᖏᓐᓂᑦ, ᓯᕐᓚᕈᓗᒃ ᐱᐅᓴᐃᑎᓱᓐᓂᓐᓂᐅᓴᑐᐃᓐᓇᖅᑐᑦ ᐃᒥᖅ ᓴᓗᒻᒪᓴᖅᑕᐅᓯᒪᔪᖅ.
ᓄᓇᓕᐸᐅᔭᒃᑯᑦ ᖃᐅᔨᓴᖅᐸᑦᑕᖏᑎᒍᑦ ᖄᒃᑲᓐᓂᐊᒍᑦ ᖃᐅᔨᓴᖅᑎᑦᑎᓂᐊᓕᖅᑐᑦ ᐃᓱᒫᓘᑎᐅᓯᒪᔪᑦ ᐱᓪᓗᒋᑦ ᐊᒻᒪ ᖃᐅᔨᓴᐃᓐᓇᐅᔭᑦᑎᐊᕐᓂᐊᖅᑐᑦ ᐃᒥᖅᑕᐅᔪᓐᓇᖅᑐᒥᑦ ᐃᒥᕐᒥᒃ ᐊᒻᒪ ᐃᒥᓕᕆᔾᔪᑎᖏᓐᓂᑦ.
ᑭᒃᑯᑐᐃᓐᓇᐃᑦ ᐅᖄᓚᖁᔭᐅᑦᑎᐊᖅᑐᑦ ᑭᐅᔨᓄᑦ ᐅᕗᖓ 979-5650 ᐅᖃᐅᓯᖃᕈᒪᒍᑎᒃ ᐃᓱᒫᓘᑎᒥᓂᒃ ᐱᓪᓗᒍ ᐃᒥᖅᑕᐅᔪᓐᓇᖅᑐᖅ ᐃᒥᖅ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630
ᔭᕗᕆ ᐴᕐᓐ
ᐊᐅᓚᑦᑎᔨᐅᑲᐃᓐᓇᖅᑐᖅ ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓂᑦ ᐊᐅᓚᑦᑎᔨᐅᓂᕐᒥᑦ
G.Byrne@iqaluit.ca | 867-979-5619
