ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑲᓇᑕᒥ ᐅᓪᓗᖅ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧᑦ
ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᐱᒍᓱᑦᑎᐊᖅᐳᑦ ᐅᔾᔨᕈᓱᒋᐊᑦᓴᖅ ᐊᒻᒪ ᐃᑲᔪᕐᓱᕐᓗᒍ ᑲᓇᑕᒥ ᐅᓪᓗᖅ ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧᑦ − ᐊᐅᓚᔾᔭᒋᐊᓕᓐᓂ ᓈᓴᐅᑎᓕᒃ #80 ᓱᓕᓂᖅᒧᑦ ᐊᒻᒪ ᐱᒋᐊᒃᑲᓐᓂᕈᒪᓂᖅᒧᑦ ᓱᓕᔪᕐᓂᐊᖅᑏᑦ ᐅᓂᒃᑳᓕᐊᕆᓯᒪᔭᖏᓐᓂ. ᓄᓇᓕᕐᒥᐅᑕᐃᑦ ᐊᒻᒪ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᐱᕕᖃᖁᔭᐅᓗᑎᒃ ᐃᓱᒪᑦᓴᕐᓯᐅᕈᑎᖃᕐᓂᕐᒥᑦ ᐊᑐᖅᑕᐅᓚᐅᖅᑐᓂᑦ, ᐊᒻᒪ ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᐃᖅᑲᓇᐃᔭᖏᑎᑕᐅᓛᖅᑐᑦ ᑕᕝᕙᓂ ᐅᓪᓗᕐᒥ ᐱᖃᑕᐅᖁᓪᓗᒋᑦ ᓄᓇᓕᓐᓂ ᖃᓄᐃᓕᐅᕈᑎᐅᓛᖅᑐᒥ.
ᐅᖃᐅᑎᑦᓴᖓ ᒪᐃᔭ ᐱᐅᓪ:
“ᖁᔭᓐᓇᒦᕈᒪᕙᒃᑲ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐃᓕᑕᕐᓯᓯᒪᓂᖏᓐᓂᑦ ᐱᒻᒪᕆᐅᓂᖓᓂᑦ ᑖᑦᓱᒪ ᐅᓪᓘᑉ ᐊᒻᒪ ᓄᓇᓕᕐᒥᐅᑕᓂᑦ ᐱᕕᖃᖅᑎᑦᑎᔪᓐᓇᕐᓂᖏᓐᓂᑦ ᐊᒻᒪ ᐃᖅᑲᓇᐃᔭᖅᑎᖁᑎᖏᓐᓂᑦ ᐃᓱᒪᑦᓴᕐᓯᐅᕈᑎᖃᕈᓐᓇᓂᒃᑯᑦ ᐊᒻᒪ ᐱᖃᑕᐅᔪᓐᓇᖁᓪᓗᒋᑦ ᓄᓇᓕᓐᓂ ᖃᓄᐃᓕᐅᕈᑎᐅᔪᓂᑦ. ᐅᓪᓘᓂᐊᕐᒪᑦ ᐃᓕᑕᕐᓯᔾᔪᑎᐅᓗᓂ ᐊᑐᖅᑕᐅᓯᒪᔪᓂᑦ ᐊᒻᒪ ᕿᒪᒃᑲᑯᒋᓯᒪᔭᖏᓐᓂᑦ ᓄᓇᖃᖅᑳᕐᓯᒪᔪᓄᑦ ᐃᓕᓐᓂᐊᕐᕕᐅᓚᐅᖅᑐᑦ ᐱᔾᔪᑎᖃᕐᒪᑦ ᐱᒋᐊᒃᑲᓐᓂᕈᒪᓂᐅᑉ ᓯᕗᒧᐊᓐᓂᖓᓂᑦ ᐃᓄᖕᓄᑦ ᐊᒻᒪ ᐊᓯᖏᓐᓄᑦ ᓄᓇᖃᖅᑳᕐᓯᒪᔪᓄᑦ ᓇᓗᓇᐃᕐᓯᒪᖁᓪᓗᒍ ᐃᓱᒪᒋᔭᐅᑦᑎᐊᕐᓂᖏᓐᓂᑦ ᐊᒻᒪ ᐃᑲᔪᕐᓱᖅᑕᐅᓂᖏᓐᓂᑦ. ᐃᓕᑕᕆᔭᕗᑦ ᐊᑦᓱᐊᓘᕈᑎᐅᓚᐅᖅᑐᑦ ᐊᒻᒪ ᐊᑯᓂᐊᓗᒃ ᖁᐊᕐᓵᓂᒃᑯᑦ ᐊᑦᑐᐃᔾᔪᑎᐅᓯᒪᔪᑦ ᓄᓇᖃᖅᑳᕐᓯᒪᔪᓄᑦ ᐃᓕᓐᓂᐊᕐᕕᐅᕙᓚᐅᖅᑐᑦ ᑭᒃᑯᑐᐃᓐᓇᕐᓂᑦ ᐊᒻᒪ ᐃᓚᒋᔭᖏᓐᓂᑦ, ᐊᒻᒪᑦᑕᐅᖅ ᐊᒥᓱᕐᔪᐊᕌᓘᓚᐅᖅᑐᑦ ᐱᑦᑎᐊᖅᑕᐅᕙᓚᐅᖏᑦᑐᑦ ᐊᒻᒪ ᐋᓂᐊᑎᑕᐅᕙᓚᐅᖅᑐᑦ ᓄᓇᓕᕐᒥᐅᓄᑦ ᐊᑐᖅᑕᐅᒋᐊᖃᖅᐸᓚᐅᖅᑐᑦ. ᐱᒋᐊᒃᑲᓐᓂᕈᒪᓂᖅ ᐃᓘᓐᓇᑦᑎᐊᖏᓐᓄᑦ ᑭᐅᔾᔪᑎᐅᔭᕆᐊᖃᕐᒪᑦ ᖃᐅᔨᒪᔭᐅᓗᓂ ᑲᓇᑕᒥᐅᑕᓄᑦ ᐊᒻᒪ ᐊᐅᓚᔾᔭᐃᒍᑎᐅᒋᐊᖃᖅᑐᓂ ᐅᓪᓗᒥᑐᐃᓐᓇᐅᖏᑦᑐᖅ, ᑭᓯᐊᓂᑦᑕᐅᖅ ᖃᐅᑕᒫᑦᑎᐊᖅ.”
ᖃᐅᔨᒪᓂᐊᖅᑯᓯ ᑲᓇᑕᒥ ᐊᓪᓚᐃᑦ ᓄᓇᖃᖅᑳᕐᓯᒪᔪᑦ ᐃᓕᓐᓂᐊᕆᐊᖅᐸᓚᐅᖅᑐᑦ ᐊᓐᓇᐅᒪᓯᒪᔪᑦ ᐃᑲᔪᕐᓱᐃᕕᖓᑦ ᐅᖄᓚᐅᑎᒃᑯᑦ ᐃᑲᔪᕐᓱᐃᔾᔪᑎᐅᕙᑦᑐᖅ ᐃᓕᓐᓂᐊᕆᐊᖅᐸᓚᐅᖅᑐᓂᑦ ᐊᒻᒪ ᑕᐃᒃᑯᓂᖓ ᐊᑦᑐᖅᑕᐅᓯᒪᔪᓂᑦ. ᐃᓱᒪᒃᑯᑦ ᐊᒻᒪ ᐊᑦᓱᕉᓴᓐᓂᒃᑯᑦ ᐃᑲᔪᕈᓐᓇᖅᑐᓂᑦ ᖃᐅᔨᒋᐊᕐᕕᑦᓴᖅ ᐅᖄᓚᓗᓂ ᐅᓪᓗᓕᒫᖅ ᐅᖄᓚᕕᐅᔪᓐᓇᖅᑐᑦ ᑲᓇᑕᒥ ᐊᑦᓱᕉᓴᑦᑐᓄᑦ ᐅᕗᖓ ᐅᖄᓚᓗᓂ
1-866-925-4419.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᐅᐸᓪᓗᒍ:
ᔭᕗᕆ ᐴᕐᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
ᓄᓇᓕᐸᐅᔭᐃᑦ ᐃᖃᓗᐃᑦ
G.Byrne@iqaluit.ca | 867-979-5619
