ᐃᒥᖅ ᖃᓄᐃᓕᖓᓕᕐᒪᖔᑦ ᑐᓴᕐᑎᑦᓯᒋᐊᕈᑦ

ᐃᒥᖅ ᖃᓄᐃᓕᖓᓕᕐᒪᖔᑦ ᑐᓴᕐᑎᑦᓯᒋᐊᕈᑦ

• ᐃᒥᖅᑕᕐᕕᒥᑦ ᐃᒪᖃᐅᑎᒃᑯᕕᒧᑦ ᓱᓪᓗᓖᑦ ᑲᓱᕐᕕᒋᑲᐃᓐᓇᕐᑕᖏᑦ ᓱᓕ ᐊᐅᓚᐃᓐᓇᕐᑐᑦ

• ᐃᒥᖅ ᔨᐅᕈᑏᓐ ᑕᓯᕐᒥᓐᖔᕐᑐᖅ ᓴᓗᒻᒪᖅᓴᖅᑕᐅᕙᑦᑐᖅ ᖃᐅᒻᒪᖅᑮᔮᕐᑐᓄᑦ ᖃᑯᖅᓯᓴᐅᑎᐅᔭᕐᓄᓪᓗ ᓴᓗᒻᒪᖅᓴᐃᑎᓄᑦ ᐃᕐᕈᖅᑕᐅᒃᑲᓂᕐᑐᓂᓗ ᑯᕕᑎᑕᐅᓚᐅᖏᓐᓂᖓᓂ ᓄᓇᓕᐸᐅᔭᒃᑯᑦ ᐃᒪᖃᐅᑎᒃᑯᕕᖓᓄᑦ ᐊᒻᒪ ᓱᓪᓗᓕᒃᑯᑦ ᓯᐊᒻᒪᖅᑎᑕᐅᓕᕆᓪᓗᓂ.

• ᓱᓪᓗᓖᑦ ᐃᒥᖅᑕᕐᕕᒥᑦ ᑲᓱᖅᕕᐅᑲᐃᓐᓇᕐᓯᒪᔪᑦ ᐊᐅᓚᐃᓐᓇᓂᐊᖅᑐᑦ ᐃᒪᖃᐅᑎᑦᓴᖅ ᐋᖅᑭᑦᑕᐅᓇᓱᐊᕐᓂᖓᓂ

• ᐊᐅᓚᔪᓐᓇᐅᑎᓂᑦ ᖃᐅᔨᒪᔪᒻᒪᕇᑦ ᑕᐃᑲᓃᕋᑖᓚᐅᕐᑐᑦ ᖃᐅᔨᓴᕆᐊᕐᑐᑎᖕ ᐃᒥᕐᒥᑦ ᓴᓗᒻᒪᖅᓴᐃᕕᐅᕙᑦᑐᒥᖕ ᖁᐊᖅᑎᑕᒐᖅ ᐃᒪᖃᐅᑎᒃᑯᕕᒃ ᖃᓄᐃᓕᖓᓕᕐᒪᖔᑦ

• ᖃᐅᔨᔭᐅᑉᐸᑦ ᖃᐅᔨᓴᕐᑎᓄᑦ ᓇᓗᓇᐃᕐᓂᐊᕐᑐᑦ ᖃᓄᖅ ᐋᖅᑭᐅᒪᐃᓐᓇᕈᓐᓇᕐᓯᓂᐊᕐᒪᖔᑦ

ᐃᖃᓗᐃᑦ ᓄᓇᓕᐸᐅᔭᖓᑦ ᐃᖅᑲᐃᑎᑦᓯᒋᐊᕈᒪᕗᑦ ᓄᓇᖅᑲᑎᑦᑎᓂᑦ ᑕᐃᒫᖕ ᐃᒥᖅᑕᕐᕕᒥᑦ ᓱᓪᓗᓖᑦ ᑲᓱᖅᕕᐅᑲᐃᓐᓇᕐᑐᑦ ᐊᐅᓚᐃᓐᓇᕐᖓᑕ ᐃᒥᕐᒥᑦ ᓴᓗᒻᒪᖅᓴᐃᕕᐅᕙᑦᑐᒥ. ᐃᒥᖅᑕᕐᕕᒥᑦ ᓱᓪᓗᓖᑦ ᑲᓱᖅᕕᐅᑲᐃᓐᓇᕐᑐᑦ ᐊᐅᓚᔾᔭᑦᑕᐅᓚᐅᕐᓯᒪᔪᖅ ᐅᓐᓄᓴᖓᒍᑦ ᔮᓐᓄᐊᕆ 19, 2022. ᐃᒥᖅᑕᕐᕕᒥᑦ ᓱᓪᓗᓖᑦ ᑲᓱᖅᕕᐅᑲᐃᓐᓇᕐᑐᑦ ᑕᓯᕐᒦᓐᖔᕐᑐᖅ, ᓴᓗᒻᒪᖅᓴᖅᑕᐅᕙᑦᑐᖅ ᖃᐅᒻᒪᖅᑭᔮᕐᑐᓄᑦ ᖁᕕᕐᕈᕈᔪᓐᓂᑦ ᑐᖁᓴᐃᑎᓄᑦ, ᐃᕐᖑᕐᑕᐅᕙᑦᑐᓂ, ᖃᑯᖅᓯᓴᐅᑎᐅᔭᓄᑦ ᓴᓗᒻᒪᕐᑕᐅᓪᓗᓂ, ᐊᒻᒪ ᓄᓇᓕᐸᐅᔭᒃᑯᑦ ᐃᒪᖃᐅᑎᒃᑯᕕᖓᓂ ᑐᖅᑯᖅᑕᐅᓯᒪᕙᑦᑐᓂ. ᐃᒥᖅᑕᕐᕕᒥᑦ, ᐃᒥᖅᓱᐃᓕᕐᐸᑦᑐᑦ ᓄᓇᓯᐅᑎᒃᑯᑦ ᐃᒥᖅᑕᐅᑎᒃᑯᑦ ᐅᕝᕙᓘᓐᓃᑦ ᓱᓪᓗᓕᑯᑖᒃᑯᑦ. ᐃᒥᖅᑕᕐᕕᒥᑦ ᓱᓪᓗᓖᑦ ᑲᓱᖅᕕᐅᑲᐃᓐᓇᕐᑐᑦ ᑕᓯᕐᒦᓐᖔᕐᑐᖅ ᔨᐅᕈᑏᓐᒥᑦ ᐃᒥᖅᑕᕐᕕᓄᑦ ᑯᕕᑎᑕᐅᕙᑦᑐᑦ ᑐᖅᑯᐃᕕᓄᑦ ᒪᑐᓯᒪᕙᑦᑐᑎᖕ ᓱᓪᓗᓕᖏᑦ, ᖁᐊᖅᑎᑕᒐᑦ ᐃᒪᖃᐅᑏᑦ ᓴᓂᕌᒎᕐᑎᑕᐅᓪᓗᑎᖕ ᐃᒥᕐᒥᑦ ᓴᓗᒻᒪᖅᓴᐃᕕᐅᕙᑦᑐᒥ, ᑕᐃᒪᓐᖓᓕᒫᖅ ᖃᐅᔨᓴᖅᑕᐅᔪᑦ ᖃᐅᔨᓴᕋᑦᓴᓂᕝᕕᐅᕙᑦᑐᑎᓪᓗ ᐅᖅᓱᕈᔪᑦᑕᖃᓐᖏᒃᑲᓗᐊᕐᒪᖔᑦ. ᓄᓇᓕᐸᐅᔭᒃᑯᑦ ᓂᕆᐅᑦᑐᑦ ᐃᒥᖅᑕᕐᕕᒥᑦ ᓱᓪᓗᓖᑦ ᑲᓱᖅᕕᐅᑲᐃᓐᓇᕐᑐᑦ ᐊᐅᓚᐃᓐᓇᕐᓂᐊᕆᐊᖏᑦ ᐋᖅᑮᔪᖃᕋᓱᓐᓂᖓᓂ ᐃᒪᖃᐅᒻᒥᑦ ᐊᑐᖅᑕᐅᖏᓐᓇᓂᐊᕐᑐᒥᑦ.

ᐱᓇᓱᐊᕈᓯᖓᓂ ᔮᓐᓄᐊᕆ 24, 2022, ᐊᐅᓚᔪᓐᓇᐅᑎᓂᑦ ᖃᐅᔨᓴᖅᑎᒐᓴᐃᑦ ᖃᐅᔨᓴᕆᐊᓚᐅᕐᑐᑦ ᐱᖃᑕᐅᓪᓗᑎᖕ ᐃᒪᖃᐅᑎᖓᓂᑦ ᖃᐅᔨᒪᔨᑦ, ᓴᓇᔾᔪᑎᒥᓂᕐᓂᑦ ᖃᐅᔨᒪᔨᓂᑦ, ᐃᒥᑦᑎᐊᕙᐅᒐᓗᐊᕐᒪᖓᑦ ᖃᐅᔨᓴᕐᑎᓂᑦ, ᐊᒻᒪ ᐊᕙᑎᐊᓃᑦᑐᓂᑦ ᓴᓗᒻᒪᖅᓴᐃᓂᖕᒧᑦ ᖃᐅᔨᒪᔪᒻᒪᕆᓐᓂᑦ ᑕᐃᑲᓃᑦᑐᖃᓚᐅᕐᑐᖅ. ᑕᑯᔭᕐᑐᖅᓯᒪᓚᕿᓚᐅᕐᑐᑦ ᐃᒥᖃᐅᑎᖏᑦ ᐃᒥᕐᒧᑦ ᓴᓗᒪᖅᓴᐃᕕᐅᕙᑦᑐᓕᒫᖅ ᖃᐅᔨᓴᕐᑕᐅᓪᓗᓂ ᖃᓄᐃᓕᖓᒻᒪᖔᑕ. ᐱᖃᓯᐅᔾᔭᐅᓪᓗᑎᖕ ᖁᐊᖅᑎᑕᒐᖓ ᖃᐅᔨᓴᕋᑦᓴᓂᕝᕕᐅᓪᓗᓂ, ᑐᓐᖓᕕᖏᑦ ᒪᑭᑕᓂᖓᓗ ᖃᐅᔨᓴᕐᑕᐅᓪᓗᓂ, ᓱᓇᒃᑯᑎᖏᑦ ᖃᐅᔨᓴᕐᑕᐅᓪᓗᑎᖕ ᐆᑦᑐᕋᕐᑕᐅᓪᓗᑎᓪᓗ, ᐊᒻᒪ ᐃᒥᕐᒥᑦ ᖃᐅᔨᓴᕋᑦᓴᓂᑦᑐᑎᖕ.

ᖃᐅᔨᔭᐅᑉᐸᑦ ᐊᑐᓕᖁᔨᑉᐸᑕᓗ ᖃᐅᔨᓴᓚᐅᕐᑎᓪᓗᒋᑦ ᓇᓗᓇᐃᕐᓂᐊᕐᑐᑦ ᖃᓄᖅ ᓄᓇᓕᐸᐅᔭᒃᑯᑦ ᐃᒥᖅᑕᕐᕕᒻᒥ ᓴᓗᒻᒪᖅᓴᐃᕕᖏᑦ ᐃᒪᖃᐅᑏᑦ ᐋᖅᑭᐅᒪᐃᓐᓇᕐᓂᐊᕐᒪᖔᑕ. ᓂᕆᐅᑦᑐᒍᑦ ᖃᐅᔨᓴᕐᑕᐅᓚᐅᕐᑎᓪᓗᒍ ᑐᑭᓯᓇᖅᓯᑲᓐᓂᕐᓂᐊᕆᐊᖓ ᖃᓄᖅ ᐅᖅᓱᐊᓗᕈᔪᒃ ᕿᕐᓛᓂᕐᒪᖔᑦ ᐃᒪᖃᐅᑎᑦᑎᓄᑦ. ᑕᐃᒪᓐᖓᓕᒫᖅ ᓱᓕ ᖃᐅᔨᓴᕋᑦᓴᓂᑦᑐᒍᑦ ᐊᒻᒪ ᐅᖅᓱᐊᓗᕈᔪᑦᑕᖃᓐᖏᑲᓗᐊᕐᒪᖔᑦ ᖃᐅᔨᓴᐃᓐᓇᕐᑐᑎᒍ.

ᑐᓴᕋᑦᓴᑦ ᖃᓄᐃᓕᕙᓪᓕᐊᒻᒪᖔᑦ, ᑕᐃᒪᓐᖓᓪᓗ ᐃᒪᓕᕆᓂᖕᒧᑦ ᑐᕌᖓᔪᑦ, ᑐᑭᓯᒋᐊᕈᑎᑦᓴᑦ ᐊᑐᐃᓐᓇᐅᔪᑦ ᐃᖃᓗᐃᑦ ᓄᓇᓕᐸᐅᔭᖓᑕ ᖃᕆᓴᐅᔭᒃᑯᑦ ᐱᑐᕝᕕᖓᓄᑦ ᕿᒥᕐᕈᒍᓐᓇᕐᑕᓯ ᐅᕙᓂ:
www.iqaluit.ca/water

##

ᑐᑭᓯᒋᐊᒃᑲᓂᕈᒪᒍᑦᓯ, ᐆᒧᖓ ᖃᐅᔨᒋᐊᕈᓐᓇᕐᑐᓯ:
ᔨᐊᑉ ᐴᓐ
ᐊᖏᔪᖅᑳᖑᑲᐃᓐᓇᕐᑐᖅ ᑐᓴᐅᒪᖃᑦᑕᐅᑎᓕᕆᔨᓄᑦ ᐊᓪᓚᕝᕕᒻᒥᓗ ᐱᔨᑦᓯᕐᑎᓄᑦ
ᐃᖃᓗᐃᑦ ᓄᓇᓕᐸᐅᔭᖓᑦ
g.byrne@iqaluit.ca