ᐳᓛᖅᑎᑦ

1
ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑐᓴᒐᒃᓴᑦ
ᓄᓇᓕᐸᐅᔭᒃᑯᑦ ᓇᓪᓕᐅᓂᖅᓯᐅᕈᑎᖃᖅᑐᑦ ᐊᑭᓕᖅᓱᖅᑕᐅᒐᑎᑦ ᐃᑲᔪᖅᑐᒻᒪᕆᐅᕙᑦᑐᓂᑦ

ᓯᑎᒃᑯᑦ ᐃᓄᓕᒫᖅᑎᑦᓯᓛᕐᓂᐊᖅᑐᑦ ᓅᕖᐱᕆ 23-ᖑᓕᖅᐸᑦ, 2017

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᓂᐊᖅᑐᑦ ᐱᖓᑦᓯᕐᒥ, ᓅᕖᐱᕆ 1
ᓅᕖᐱᕆ 1, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᕗᑦ ᓄᓇᓕᕐᓂᒥᐅᑕᓂᑦ ᕼᐋᓗᐄᓐᓂᐊᖅᑐᑦ ᓄᓇᓕᓐᓂ ᑲᔪᓯᓂᐊᕐᒪᑕ ᐳᓚᕋᕈᓐᓇᕐᓯᓪᓗᑎᒃ ᐊᒻᒪᑦᑕᐅᖅ ᒪᒃᑯᑦᑐᐃᑦ ᓯᐴ-ᑲ-ᕌᒪᒋᐊᕈᓐᓇᕐᓯᓂᐊᕐᒪᑕ ᐅᓐᓄᒃ, ᐱᖓᑦᓯᖅ, ᓅᕖᐱᕆ 1, 2017.
ᐃᔪᕈᕋᓛᕈᓗᐃᑦ ᐊᒻᒪ ᑐᖕᖓᕋᓛᕈᓗᐃᑦ ᐊᑦᑕᓇᖅᑐᒦᓐᓂᐊᖁᓇᒋᑦ ᐊᓃᕋᔭᓐᓂᖏᓐᓂᑦ ᐳᓚᕋᓐᓂᖏᓐᓂᓘᓐᓃᑦ, ᖃᐅᔨᒪᔭᐅᒋᐊᓖᑦ ᐅᑯᐊ ᕼᐋᓗᐄᖑᓂᖓᓂ ᐊᑐᕆᐊᒃᑯᑦ ᐊᖅᑯᑏᑦ ᐊᓯᔾᔨᕐᓯᒪᑲᐃᓐᓇᓂᐊᕐᒪᑕ 5:30-ᒥᑦ 8:30-ᒧᑦ ᐅᓐᓄᒃᑯᑦ:
- ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 2738 ᐃᓪᓗᒧᑦ 4123;
- ᑕᓯᓗᓕᐊᕆᐊᖅ ᐊᑐᕆᐊᖅ ᑕᐃᒫᑦᑕᐅᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 4112 ᐃᓪᓗᒧᑦ 2209;
- ᓄᓇᓕᓐᓂᒥᐅᑕᐃᑦ ᓴᖑᒍᓐᓇᔾᔮᖏᑲᐃᓐᓇᖅᑐᑦ ᑕᓯᓗᓕᐊᕆᐊᒧᑦ ᓂᐊᖁᖕᖒᓯᐊᕆᐊᒥᑦ ᐊᑐᕆᐊᕐᒥᑦ;

ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ ᑐᓴᕋᑦᓴᖅ 4
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.
ᐊᖅᑯᑎᓗᐊᑕᐅᔪᑦ ᐊᐳᑕᐃᔭᕐᓯᒪᔫᒥᓕᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᕐᓯᓪᓗᑎᓪᓗ. ᐊᑐᕆᐊᑦ ᒪᑯᐊ, ᐊᓯᖃᕈᓐᓇᕆᓪᓗᑎᒃ, ᐊᖅᑯᑎᓪᓗᐊᑕᖏᑦ ᐊᒻᒪ ᓄᐊᑦᓯᕕᐅᕙᓐᓂᖏᑦ ᐱᔨᑦᓯᕋᖅᑎᓄᑦ ᓄᓇᓕᐅᑉ ᕿᑎᐊᓃᓐᓂᖏᑦ (ᓲᕐᓗ ᓄᓇᓕᐅᑉ ᕿᑎᖓᒎᖓᔪᖅ, ᖃᖅᑲᓕᐊᕆᐊᖅ, ᓂᐊᖁᖕᖒᓯᐊᕆᐊᖅ ᐊᒻᒪ ᖃᖓᑕᓲᒃᑯᕕᓕᐊᕆᐊᖅ). ᐊᓯᖏᑦ ᐊᑐᕆᐊᑦ ᐊᑐᖅᑕᐅᓗᐊᖅᐸᖏᑦᑐᑦ ᓱᓕ ᐊᐳᑕᐃᔭᕐᓯᒪᖕᖏᑐᐃᓐᓇᕆᐊᓖᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓯᑎᒃᑯᑦ ᖃᐅᔨᓴᕐᓂᐊᖅᑐᑦ ᓯᓚᐅᑉ ᖃᓄᐃᓐᓂᖓᓂᑦ ᐋᑦᑑᐸ 31-ᖑᓕᖅᐸᑦ
ᐋᑦᑑᐸ 30, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᖃᐅᔨᓴᕐᒪᑕ ᓯᓚᐅᑉ ᖃᓄᐃᓐᓂᕆᓛᖅᑕᖓᓂᑦ ᓇᓚᐅᑦᑖᕈᑕᐅᓯᒪᔪᓂᑦ ᕼᐋᓗᐄᓐᓇᐅᓕᖅᐸᑦ ᐅᓐᓄᒃᑯᑦ ᓯᓚᑲᒻᒪᐅᓛᖅᑐᕆᔭᐅᒻᒪᑦ.
ᓯᑎᒃᑯᑦ ᖃᐅᔨᓴᐃᓐᓇᓂᐊᖅᑐᑦ ᓯᓚᒥᑦ ᐅᓪᓗᒃᑯᑦ ᐋᑦᑑᐸ 31-ᒥ, ᐊᒻᒪ ᑐᓴᐅᒪᑎᑦᓯᖃᑦᑕᓛᖅᑐᑎᒃ ᖃᓄᐃᓕᖓᓕᕐᓂᖏᓐᓂᑦ ᓯᑎᒃᑯᑦ ᐱᔨᑦᓯᕋᖅᑎᖏᑕ, ᑕᐃᒪᐃᒋᐊᖃᕈᑎᒃ.
ᓯᑎᒃᑯᑦ ᐱᔨᑦᓯᕋᖅᑎᓂᑦ ᓄᖅᑲᑎᑦᓯᑲᐃᓐᓇᓛᕈᑎᒃ ᓯᓚᕈᔫᓗᐊᓕᖅᐸᑦ, ᓯᑎᒃᑯᑦ ᐊᑐᖁᔨᔫᒐᓗᐊᑦ ᕼᐋᓗᐄ ᐱᓪᓗᒍ ᐳᓚᕋᖔᖁᔨᓛᖅᑐᑎᒃ ᓅᕖᐱᕆ 1-ᒥᖔᖅ, 2017. ᑕᐃᒪᐃᑦᓴᕆᐊᖃᕐᓂᖅᐸᑕ, ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐃᑲᔪᕋᔭᕐᒥᔪᑦ ᐊᑐᕆᐊᑦ ᒪᑐᓯᒪᒐᔭᖅᑐᑦ ᐋᑦᑑᐸ 31-ᒥ ᒪᑐᓯᒪᒐᔭᕐᒪᑕ ᓅᕖᐱᕆ 1-ᒥ ᐳᓚᕋᖔᖅᑎᑕᐅᓐᓂᖅᐸᑕ.

ᓱᕈᓯᕐᓂᑦ ᐊᑦᑕᓇᖅᑐᒦᖁᔨᖕᖏᓐᓂᖅ ᓯᕗᓪᓕᐅᔾᔭᐅᓯᒪᓂᐊᖅᑐᖅ ᕼᐋᓗᐄᖑᓂᐊᖅᑐᒥ
ᐋᑦᑑᐸ 30, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᔾᔨᕈᓱᒋᐊᕐᓯᒪᖃᑦᑕᖁᔭᐅᓪᓗᑎᒃ ᐊᓃᕋᔭᓕᕈᑎᒃ ᓇᒥᑐᐃᓐᓇᖅ ᕼᐋᓗᐄᖑᓂᖓᓂ ᐅᓐᓄᒃᑯᑦ, ᓇᒡᒋᔾᔭᐅᓕᖅᑭᕐᒥ, ᐋᑦᑑᐸ 31, 2017.
ᐃᔪᕈᕋᓛᕈᓗᐃᑦ ᐊᒻᒪ ᑐᖕᖓᕋᓛᕈᓗᐃᑦ ᐊᑦᑕᓇᖅᑐᒦᓐᓂᐊᖁᓇᒋᑦ ᐊᓃᕋᔭᓐᓂᖏᓐᓂᑦ ᐳᓚᕋᓐᓂᖏᓐᓂᓘᓐᓃᑦ, ᖃᐅᔨᒪᔭᐅᒋᐊᓖᑦ ᐅᑯᐊ ᕼᐋᓗᐄᖑᓂᖓᓂ ᐊᑐᕆᐊᒃᑯᑦ ᐊᖅᑯᑏᑦ ᐊᓯᔾᔨᕐᓯᒪᑲᐃᓐᓇᓂᐊᕐᒪᑕ 5:30-ᒥᑦ 8:30-ᒧᑦ ᐅᓐᓄᒃᑯᑦ:
- ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 2738 ᐃᓪᓗᒧᑦ 4123;
- ᑕᓯᓗᓕᐊᕆᐊᖅ ᐊᑐᕆᐊᖅ ᑕᐃᒫᑦᑕᐅᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 4112 ᐃᓪᓗᒧᑦ 2209;
- ᓄᓇᓕᓐᓂᒥᐅᑕᐃᑦ ᓴᖑᒍᓐᓇᔾᔮᖏᑲᐃᓐᓇᖅᑐᑦ ᑕᓯᓗᓕᐊᕆᐊᒧᑦ ᓂᐊᖁᖕᖒᓯᐊᕆᐊᒥᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑐᕆᐊᑦ ᖁᐊᓵᓘᒻᒪᑕ ᐅᔾᔨᕈᓱᑦᓯᐊᖁᔭᐅᔪᑦ ᓄᓇᒃᑰᔫᖅᐸᑦᑐᑦ

ᑐᓴᖅᑕᐅᑦᓴᐅᑎᒋᒋᐊᓕᒃ - (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐅᖃᐅᔾᔪᐃᕗᑦ ᓄᓇᓕᕐᓂᒥᐅᑕᓂᑦ ᐅᔾᔨᕈᓱᑦᓯᐊᖁᔨᓪᓗᑎᒃ ᓄᓇᒃᑰᔫᖅᐸᑦᑐᓂᑦ ᐊᑐᕆᐊᑦ ᖁᐊᓴᐅᓂᖏᓐᓂ, ᐱᓗᐊᖅᑐᒥ ᐊᑐᕆᐊᑦ ᓯᕕᖓᓂᖏᓐᓃᑦᑐᑦ.

ᓯᑎᒃᑯᑦ ᖃᐅᔨᓴᖅᑐᑦ ᖃᓄᐃᒍᑎᐅᔪᒥᑦ, ᐊᒻᒪ ᓯᐅᕋᓕᕐᓱᐃᔨᓂᑦ ᑭᖕᖒᒪᑦᓯᔪᖃᕐᓂᖅᐸᑦ ᐅᐸᑦᑎᑦᓯᖃᑦᑕᓂᐊᖅᑐᑦ ᓯᐅᕋᓕᕐᓱᐃᖁᔨᔪᓄᑦ.

ᓯᓚᕈᔫᓂᖓᓂ, ᐊᑦᑕᓇᖅᑐᒦᖁᔨᒐᑎᒃ, ᓄᓇᓕᕐᓂᒥᐅᑕᐃᑦ ᓄᓇᒃᑰᔫᖅᑎᓪᓗᒋᑦ ᓱᒃᑲᐃᔾᔫᒥᖁᔭᐃᔪᑦ ᐊᒻᒪᑦᑕᐅᖅ ᐃᒻᒪᖄ ᐊᔪᕐᓇᖏᑉᐸᑦ ᓯᕗᓂᐊᓃᑦᑐᒧᑦ ᓄᓇᒃᑰᔫᒧᑦ ᖃᓪᓕᓗᐊᖁᔭᐅᖏᑦᑑᒐᓗᐊᑦ. ᐅᑭᐅᕐᓯᐅᑎᓂᑦ ᐊᑦᓴᓗᐊᖃᕈᑎᒃ ᖁᐊᓴᐅᖏᓂᕐᓴᐅᔪᓐᓇᖅᑐᑦ.

ᐃᖅᑲᐅᒪᒋᐊᖃᑦᑕᕐᓗᓯ ᓄᓇᒃᑰᔫᓕᕋᐃᒍᑦᓯ ᓯᓚᕈᔫᑎᓪᓗᒍ ᐅᔾᔨᕈᓱᒋᐊᖃᕐᓂᓴᐅᒻᒪᑦ.

ᕼᐋᓗᐄᒥ ᓯᐴᒃ-ᐊ-ᕌᒪ ᒧᒥᕐᓂᖅ (ᑖᓂᓯᕐᓂᖅ) ᒪᒃᑯᑦᑐᓄᑦ ᑐᕌᖓᔪᖅ ᐊᑐᖅᑕᐅᓛᖅᑐᖅ ᐋᑦᑑᐸ 31

ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ. ᐅᖄᓚᒍᓐᓇᖅᑐᓯ 979-4422 ᖃᑦᑎᕆᔨᒃᑯᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.