ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᕼᐋᓗᐄᒥ ᓯᐴᒃ-ᐊ-ᕌᒪ ᒧᒥᕐᓂᖅ (ᑖᓂᓯᕐᓂᖅ) ᒪᒃᑯᑦᑐᓄᑦ ᑐᕌᖓᔪᖅ ᐊᑐᖅᑕᐅᓛᖅᑐᖅ ᐋᑦᑑᐸ 31
ᐋᑦᑑᐸ 26, 2017 (ᐃᖃᓗᐃᑦ, ᓄᓇᕗᑦ) - ᒪᒃᑯᑦᑐᓄᑦ ᐊᕐᕌᒍᓕᓐᓄᑦ 13-ᓂᑦ 18-ᓄᑦ, ᑲᑉᐱᓱᖃᖕᖏᒃᑯᑎᒃ ᑐᕐᖓᕐᓂᑦ, ᐊᓕᐊᓇᖅᑐᑦ ᓯᑎᒃᑯᑦ ᖃᐃᓛᖁᔨᒃᑲᓐᓂᓕᕐᒥᔪᑦ ᐃᓕᑦᓯᓐᓂᑦ ᐊᕐᕌᒍᑕᒫᕐᓯᐅᑎᒧᑦ ᓯᐴᒃ-ᐊ-ᕌᒪ ᒧᒥᕆᐊᖅᑐᓛᖁᔨᓪᓗᑎᒃ (ᑖᓂᓯᕆᐊᓛᖁᔨᓪᓗᑎᒃ):
ᖃᖓ: ᕼᐋᓗᐄᖑᓕᖅᐸᑦ, ᐋᑦᑑᐸ 31, 2017
ᓇᒥ: ᐃᔨᕋᖅᑐᐊᖅ ᓇᒦᓛᕐᒪᖔᑕ (ᑎᑎᕋᕐᓯᒪᔪᑦ ᐃᓯᕈᑎᐅᑉ ᑐᓄᐊᓂ)
ᓯᕿᖕᖑᔭᖓ: 5:30 ᐅᓐᓄᓕᒃᑯᑦ - ᐹᓯᒃᑯᑦ ᐊᐃᔭᐅᖃᑦᑕᓛᖅᑐᑦ ᐅᑯᓇᖕᖓᑦ ᒧᒥᕐᕕᒻᒨᕈᔾᔭᐅᕙᓪᓗᑎᒃ (ᑖᓂᓯᕐᕕᒻᒨᕈᔾᔭᐅᕙᓪᓗᑎᒃ)
7-ᒥᑦ ᐅᓐᓄᒃᑯᑦ 10:30-ᒧᓄᑦ ᐅᓐᓄᒃᑯᑦ - ᒧᒥᓛᖅᑐᑦ (ᑖᓂᓯᓛᖅᑐᑦ) (ᐋᖓᔮᕐᓇᖅᑐᒐᓚᓐᓂᑦ ᐱᑕᖃᓛᖕᖏᑦᑐᖅ ᐋᖓᔮᖅᑐᖃᕆᐊᖃᕋᓂᓗ ᑕᐃᑯᖕᖓᖅᑐᓂᑦ)
ᐊᓐᓄᕌᓪᓗᐃᑦ: ᐊᓐᓄᕌᓪᓗᕐᓯᒪᖁᔭᐅᔪᐃᑦ - ᐱᔾᔪᓯᐊᖃᑦᑕᓛᕐᒪᑕ ᓴᓇᓯᒪᑦᓯᐊᓚᒥᑦ ᐊᑐᖅᑐᑦ ᐊᒻᒪ ᑕᑯᒥᓇᓛᒥᑦ
ᐃᓚᒋᔭᐅᔾᔪᑎᖓ: $5 ᐃᓯᕈᑎᖓ (ᐹᓯᒃᑰᕈᑎᖓ, ᐃᓯᕈᑎᖓ ᒧᒥᕐᕕᒻᒧᑦ (ᑖᓂᓯᕐᕕᒻᒧᑦ)
ᐃᓯᕈᑎᑦᓴᑦ ᓂᐅᕕᐊᑦᓴᐅᓕᕐᓂᐊᖅᑐᑦ ᐃᓕᓐᓂᐊᕐᕕᐊᓗᒻᒥᑦ ᐱᓇᓱᐊᕈᓯᑦᑎᓐᓂ ᐊᑐᓕᖅᑐᒥ ᐊᒻᒪ ᑐᑭᓯᒋᐊᕐᕕᖃᖅᑐᑎᒃ ᐃᓯᕈᑎᓂ ᓇᒦᓛᕐᒪᖔᑕ ᐹᓰᑦ ᐃᓄᑦᑕᐅᑎᐅᓛᖅᑐᑦ, ᐊᒻᒪ ᒧᒥᕐᕕᒻᒨᕈᔾᔭᐅᓕᕐᓗᑎᒃ (ᑖᓂᓯᕐᕕᒻᒧᑦ), ᐊᒻᒪ ᑖᒃᑯᓄᖓᑦᓴᐃᓐᓇᖅ ᐊᐃᔭᐅᕕᐅᖅᑲᐅᔪᓄᑦ ᓂᐅᔭᐅᒋᐊᖅᑐᓛᕐᒥᔪᑦ ᒧᒥᕇᖅᐸᑕ (ᑖᓂᓯᕇᖅᐸᑕ). ᒪᒃᑯᑦᑐᒃᑯᕕᒻᒥᑦ ᓂᐅᕕᐊᑦᓴᐅᒻᒥᔪᑦ ᐃᓯᕈᑎᑦᓴᑦ.
ᓯᑎᒃᑯᑦ ᓇᑰᕐᒦᕈᒪᕗᑦ ᓄᓇᓕᕐᒥᐅᑕᓕᒫᑦᓯᐊᓂᑦ, ᓄᓇᓕᓐᓂ ᑲᑐᔾᔨᖃᑎᒌᓂᑦ ᐊᒻᒪ ᓇᒻᒥᓂᖃᖅᑎᓂᑦ ᒥᓐᓂᖏᑦᓯᐊᖅᑐᑎᒃ ᐃᑲᔫᑎᖃᖃᑦᑕᓚᐅᖅᑐᓂᑦ ᐱᔾᔪᓯᐊᑦᓴᓂᑦ ᑮᓇᐅᔭᒃᑯᓪᓘᓐᓃᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᑕᒪᓐᓇ ᐱᓪᓗᒍ ᖃᐅᔨᒋᐊᕐᓗᒋᑦ ᐱᖕᖑᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖓᑦ ᑳᓄᕐ ᒎᑖᕐᑦ 979-5620, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ C.Goddard@city.iqaluit.nu.ca.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca
