ᐳᓛᖅᑎᑦ

ᐅᐱᕐᖓᓵᒃᑯᑦ ᐊᑐᕆᐊᓕᕆᓂᖅ

ᐃᐳᕈ 7, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓴᓇᔪᓕᕆᔨᒃᑯᑦ ᐊᑐᕆᐊᓕᕆᓂᐊᕐᒪᑕ ᐅᐸᓗᖓᐃᔭᐃᕙᓪᓕᐊᓗᑎᒃ ᐊᐅᑉᐸᓪᓕᐊᓂᐊᓕᕐᒥᒻᒪᑦ ᐊᐳᑎ.
ᓄᓇᓕᐸᐅᔭᒃᑯᑦ ᓄᓇᓕᕐᓂᒥᐅᑕᓂᑦ ᐃᖏᕐᕋᔭᓕᕋᐃᒍᑎᒃ ᓄᓇᒃᑰᔫᒥᓄᑦ ᓱᒃᑲᐃᔾᔪᒥᖃᑦᑕᖁᔭᐅᓗᑎᒃ, ᐃᑉᐱᒋᕙᓪᓗᒋᑦ ᓇᓗᓇᐃᔭᐅᑏᑦ ᐊᑐᕆᐊᓂ ᐃᖏᕐᕋᔪᓄᑦ ᒪᓕᒐᐃᑦ ᐊᒻᒪ ᐊᑐᕆᐊᓕᕆᔪᑦ ᓴᓂᐊᒎᓕᕋᐃᒍᑎᒃ ᐅᔾᔨᕈᓱᒋᐊᖅᐸᓪᓗᑎᒃ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐃᓕᑦᓯᓐᓂᑦ ᖁᔭᓐᓇᒦᑦᓯᐊᖅᑐᑦ ᐃᑲᔪᕐᓯᑦᓯᐊᕐᓂᐊᕐᒥᒐᑦᓯ ᐊᑐᕆᐊᓕᕆᔪᓂᑦ.
-30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca

ᑐᓂᖅ ᑕᐃᒻᒥ ᐊᒻᒪ ᑐᖁᑕᐅᕕᐊᓂ ᐱᓇᓱᐊᕈᓯᐅᑉ ᓄᖑᐊᓂ − ᓄᓇᓕᐸᐅᔭᒃᑯᑦ ᐃᑲᕋᕆᓂᐊᖅᑕᖏᑦ/ᓄᓇᓯᐅᑎᓄᓪᓗ ᐱᔨᑦᑎᖅᑕᐅᔪᓄᑦ ᐊᑐᖅᑕᐅᓂᐊᖅᑐᑦ

 ᓄᓇᓕᐸᐅᔭᒃᑯᑦ ᖃᐅᔨᓴᕐᓂᐊᖅᑐᑦ ᐱᒋᐊᖅᑎᑦᓯᔾᔪᑎᐅᔪᓐᓇᖅᑐᒥᑦ ᑎᓯᔪᓂᑦ ᓴᓂᓕᕆᐅᑎᑦᓴᒥᑦ ᐸᕐᓇᐅᑎᒥᑦ

ᐃᐳᕈ 3, 2017 (ᐃᖃᓗᐃᑦ, ᓄᓇᕗᑦ) - ᒫᑕᓕᓐ ᕆᐊᑦᕘᕐᓐ, ᒪᐃᔭᐅᔪᖅ ᐃᖃᓗᓐᓂ, ᐊᒻᒪ ᕼᐋᓕ ᕕᓕᐅᕆᑎ, ᐊᖏᔪᖅᑳᖓᑦ ᕿᑭᖅᑖᓘᑉ ᑎᒥᖁᑎᖏᑕ, ᖁᕕᐊᒋᔭᖃᖅᑐᑎᒃ ᑐᓴᖅᑎᑦᓯᕘᒃ ᑐᑭᓯᐅᒪᖃᑦᑕᐅᑎᔾᔪᑎᒥᑦ ᑎᑎᖅᑲᒥᑦ ᐊᑎᓕᐅᓚᐅᕐᒪᑎᒃ ᖃᐅᔨᓴᐅᑎᑦᓴᒥᑦ ᐱᒋᐊᖅᑎᑦᓯᔾᔪᑎᐅᔪᓐᓇᖅᑐᒥᑦ ᑎᓯᔪᓂᑦ ᓴᓂᓕᕆᐅᑎᑦᓴᒥᑦ ᐸᕐᓇᐅᑎᒥᑦ ᑲᔪᓯᑎᑕᐅᓚᕐᓯᒪᔪᒥᑦ ᑲᑎᒪᔨᓄᑦ 2013-ᖑᑎᓪᓗᒍ.

ᑎᑎᖅᑲᑎᒍᑦ ᖃᐅᔨᓴᕈᓐᓇᓂᐊᖅᑐᑦ ᑲᑐᔾᔨᖃᑎᒌᓪᓗᑎᒃ ᐱᒋᐊᖅᑎᑦᓯᔾᔪᑎᑦᓴᒥᑦ ᓲᕐᓗ ᓄᑖᓂᑦ ᐊᑦᓯᕕᑦᓴᓕᐅᕐᓂᕐᒥᑦ; ᒪᑐᓯᔾᔪᑎᑦᓴᓂᑦ ᐊᒻᒪ ᓴᓇᒋᐊᕈᑎᑦᓴᓂᑦ ᐊᑐᖅᑕᐅᕙᑦᑐᒥᑦ ᐊᑦᓯᕕᒻᒥᑦ; ᐊᒻᒪ ᓴᓇᔾᔪᑎᑦᓴᐅᑐᐃᓐᓇᕆᐊᓕᓐᓂᑦ ᓄᑖᒥᑦ ᑎᓯᔪᓂᑦ ᓴᓂᓕᕆᕝᕕᑦᓴᒥᑦ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐱᖓᑦᓯᕐᒥ

ᒫᕐᓯ 28, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᒪᖃᖕᖏᑲᐃᓐᓇᓛᕐᒪᑕ ᐱᖓᑦᓯᕐᒥ, ᒫᕐᓯ 29, 2017 ᐅᓪᓛᖑᓂᖓᓂ 9-ᒥᑦ 12-ᒧᓄᑦ ᐅᓪᓗᒃᑯᑦ ᐊᖏᕐᕋᖃᖅᑐᓂᑦ ᓈᓴᐅᑎᓕᓐᓂᑦ 100-ᓂᑦ, 200-ᓂᑦ, ᐊᒻᒪ 300-ᓂᑦ ᐱᒋᐊᕐᕕᓕᓐᓂᑦ. ᖃᑦᑎᕆᔨᓄᑦ ᐃᒪᖃᐅᑎᒥᑦ ᑭᖑᕝᕖᒋᐊᖃᕐᒪᑕ ᓱᕋᑦᓯᒪᔪᒥᑦ. ᓇᒡᒋᔾᔭᐅᒥ ᑭᖑᕝᕕᖅᑕᐅᓚᖓᓚᐅᖅᑑᒐᓗᐊᖅ ᐊᓯᖏᓐᓂᑦ ᐱᔭᑦᓴᖃᖔᓕᓚᐅᕐᒪᑕ ᑭᖑᕙᕆᐊᖅᑕᐅᒋᐊᖃᓕᓚᐅᖅᑐᖅ.
ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᑐᑦ ᑐᑭᓯᐊᑦᓯᐊᕋᑦᓯ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᓯᓐᓂᑦ.
-30-
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐊᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca

ᐊᑐᕆᐊᑦ ᒪᑐᓯᒪᑲᐃᓐᓇᓂᐊᖅᑐᑦ ᒪᑦᑖᖅ ᐊᑐᕆᐊᖅ ᐊᒻᒪ ᑯᐃᓐ ᐃᓕᓴᐸᑦ ᐊᑐᕆᐊᖅ
ᒫᕐᓯ 24, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᒪᑦᑖᖅ ᐊᑐᕆᐊᖅ ᒪᑐᓯᒪᑲᐃᓐᓇᓂᐊᕐᒪᑦ ᑯᐃᓐ ᐃᓕᓴᐸᑦ ᐊᑐᕆᐊᑉ ᓴᓂᐊᓃᓐᓂᖓ ᓈᑦᓯᐅᖑᔭᓛᕐᓂᐊᒥᑦ ᒫᕐᓯ 25 ᓇᒡᒋᔾᔭᐅᓕᖅᑭᕐᒧᑦ ᐃᐳᕈ 4, 2017. ᒪᑐᓯᒪᑲᐃᓐᓇᓂᐊᖅᑐᖅ ᓴᓂᐊᓃᑦᑐᑦ ᐱᓕᕆᔾᔪᑏᑦ ᓴᓇᔭᐅᓂᐊᕐᒪᑕ, ᐊᑦᑐᐃᔾᔪᑎᖃᑐᐃᓐᓇᕆᐊᖃᕆᓪᓗᑎᒃ ᓄᓇᒃᑰᔫᓄᑦ ᓄᖅᑲᖓᕕᓐᓂᑦ ᐊᕙᑎᐊᓃᑦᑐᓂᑦ.
ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᑐᑦ ᑐᑭᓯᐊᑦᓯᐊᕋᑦᓯ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᓯᓐᓂᑦ.
-30-
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐊᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca

ᐃᓄᓕᒫᓂᑦ ᑐᑭᓯᑎᑦᑎᒋᐊᕐᓂᖅ ᐱᕙᓪᓕᐊᑎᑦᑎᓂᕐᒥᒃ ᓄᓇᒥ ᒐᕙᒪᑐᖃᒃᑯᑦ ᐊᑐᕆᐊᖓᓃᑦᑐᒥᒃ

ᒫᑦᓯ 20, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᓕᕆᔨᒃᑯᑦ ᐃᖃᓗᓐᓂ ᐊᒻᒪᓗ ᕿᑭᖅᑖᓗᒻᒥ ᓇᒻᒥᓂᓕᓐᓂᑦ
ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᑲᑐᔾᔨᖃᑎᒌᒻᒪᑕ ᓄᓇᖅᑲᑎᒌᒃᑲᔭᖅᑐᓂᑦ ᐸᕐᓇᐅᒻᒥᑦ ᒐᕙᒪᑐᖃᒃᑯᑦ ᐊᑐᕆᐊᖓᑕ
ᓇᓛᓃᑦᑐᓂᑦ. ᖃᐅᔨᓴᕈᑕᐅᔪᖅ ᐱᔾᔪᑎᓕᒃ ᓄᑖᓂᑦ ᐱᕙᓪᓕᐊᑎᑕᐅᒐᔭᖅᑐᓂᑦ ᓄᓇᖓᓂ ᒐᕙᒪᑐᖃᒃᑯᑦ ᐊᑐᕆᐊᖓᑕ
ᐊᑯᓐᓂᖓᓃᑦᑐᓂᑦ ᐊᒻᒪᓗ ᖃᖅᑲᒥᐅᑦ. ᓯᕗᓪᓕᕐᒥ ᐸᕐᓇᐅᓯᐅᕐᓂᕐᒥ ᕿᒥᕐᕈᒐᔭᖅᑐᑦ ᕿᒥᕐᕈᓗᑎᒃ ᐱᓇᓱᐊᕈᑕᐅᔪᓐᓇᕋᔭᖅᑐᓂᑦ
ᐊᒻᒪᓗ ᐱᓇᐃᓗᑕᐅᒐᔭᖅᑐᓂᑦ ᐊᒻᒪᓗ ᐃᓱᒪᔅᓴᕐᓯᐅᕈᑎᒋᓗᒋᑦ ᐊᑐᖅᑕᐅᔪᓐᓇᕋᔭᖅᑐᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᕐᓇᐃᑦᑐᖅ ᓯᐊᕐᕆᔮᕐᕕᐅᑉ ᐅᖅᑰᓴᐅᑎᖓ ᓴᓇᔭᖅ
ᒫᕐᓯ 13, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓄᑖᒥᑦ ᐱᐅᓂᕐᓴᒥᑦ ᐊᒻᒪ ᓴᓇᓯᒪᑦᓯᐊᓂᕐᓴᒥᑦ ᐅᖅᑰᓴᐅᑎᓕᖅᑕᐅᓛᕐᒪᑦ ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᒫᑦᓯ 13-ᒥᑦ ᒫᑦᓯ 27-ᒧᑦ, 2017. ᑖᒃᑯᓇᓂ ᐅᓪᓗᕐᓂ ᓯᐊᕐᕆᔮᕐᕕᒃ ᐅᖅᑰᓴᖃᑦᑕᔾᔮᓛᖕᖏᒻᒪᑦ ᑕᕝᕗᖓᖃᑦᑕᓂᐊᖅᑐᑦ ᐅᖅᑰᓴᕐᓯᒪᑦᓯᐊᖃᑦᑕᖁᔭᐅᓂᐊᖅᑐᑦ.
ᓄᓇᓕᐸᐅᔭᒃᑯᑦ ᖁᔭᓐᓇᒦᕈᒪᔪᑦ ᐃᓕᑦᓯᓐᓂᑦ ᑐᑭᓯᐊᑦᓯᐊᓂᕐᓯᓐᓂᑦ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᖃᑦᑕᐅᑎᓂᕐᓯᓐᓂᑦ.
-30-
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca

ᓇᓗᓇᐃᕐᓯᔾᔪᑎᒻᒪᕆᒃ ᐊᑎᕐᓂᑦ ᓂᕈᐊᒐᑦᓴᓂᑦ
ᒫᕐᓯ 8, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓇᓗᓇᐃᕐᓯᔾᔪᑎᒻᒪᕆᐅᔪᒥᒃ ᐊᑎᕐᓂᑦ ᓂᕈᐊᒐᑦᓴᓕᐊᖑᓯᒪᔪᓂᑦ ᐃᐳᕈ 10-ᒥᑦ ᑭᖑᕝᕖᔨᑦᓴᓂᑦ ᒪᕐᕉᓐᓄᑦ ᑲᑎᒪᔨᓄᑦ ᐃᓚᒋᔭᐅᒐᔭᖅᑑᓐᓂᒃ. ᓇᓗᓇᐃᕐᓯᔾᔪᑎᒻᒪᕆᒃ ᐊᑎᕐᓂᑦ ᓂᕈᐊᒐᑦᓴᓂᑦ ᐅᑯᓂᖓ:
ᒑᓂᓴᓐ, ᑐᓯᐃᐊᓐᑦ
ᓚᐃᑕᓐ, ᓯᑏᕙᓐ ᐋᔅᑎᓐ
ᓇᕕᓐ, ᔮᓐ-ᓘᒃ
ᐸᐸᑦᓯ, ᓄᐊ ᐅᓘᓂ
ᓴᐳᕐᑦ, ᑲᐃᐅᓪ
ᑎᒻ, ᓲᑎᑦ
ᓂᕈᐊᓛᖅᑐᑦ ᐅᑯᓇᓂ ᐅᓪᓗᕐᓂ:
ᓯᕗᓂᐊᒍᑦ ᓂᕈᐊᓛᖅᑐᑦ ᓄᓇᓕᓐᓃᓛᖕᖏᑦᑐᓄᑦ ᐅᓪᓗᖓᓂ ᓂᕈᐊᕐᓇᐅᑉ - ᐃᐳᕈ 3, 10-ᒥᓂᑦ ᐅᓪᓛᒃᑯᑦ - 7-ᒧᓄᑦ ᐅᓐᓄᒃᑯᑦ ᐅᓇᓕᑦᓴᔭᕋᓛᒃᑯᑦ ᐃᓪᓗᖁᑎᖓᓂ
ᓂᕈᐊᕐᓇᐅᑉ ᐅᓪᓗᖓᓂ - ᐃᐳᕈ 10, 10-ᒥᓂᑦ ᐅᓪᓛᒃᑯᑦ - 7-ᒧᓄᑦ ᐅᓐᓄᒃᑯᑦ ᐅᓇᓕᑦᓴᔭᕋᓛᒃᑯᑦ ᐊᒻᒪ ᓂᐊᖁᖕᖒᑎᓂ ᐊᐃᑉ ᐅᐱᒃ ᐱᖕᖑᐊᕐᕕᕋᓛᕐᒥ

ᓇᓗᓇᐃᖅᑕᐅᓯᒪᓪᓚᕆᖏᑦᑐᑦ ᑎᑎᕋᖅᓯᒪᔪᑦ ᓂᕈᐊᕋᔅᓴᐃᑦ
ᒪᑦᓯ 6, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᕗᑦ ᓄᓇᖃᑦᑎᐅᔪᓂᒃ ᒥᒃᓵᓄᑦ ᓇᓗᓇᐃᖅᑕᐅᓯᒪᓪᓚᕆᖏᑦᑐᑦ ᑎᑎᕋᖅᓯᒪᔪᑦ ᓂᕈᐊᕋᔅᓴᓂᒃ ᐃᐳᕈᖑᓕᖅᑲᑦ 10 ᑕᒪᐅᓇᑐᐃᓐᓇᖅ ᓂᕈᐊᕐᓂᐅᓂᐊᖅᑐᒧᑦ ᒪᕐᕈᓐᓂᒃ ᑲᑎᒪᔨᒃᓵᓐᓂᒃ. ᑖᓐᓇ ᓇᓗᓇᐃᖅᑕᐅᓯᒪᓪᓚᕆᖏᑦᑐᑦ ᑎᑎᕋᖅᓯᒪᔪᑦ ᓂᕈᐊᕋᔅᓴᓂᒃ ᐅᑯᐊᖑᕗᑦ:
ᑐᓯᐃᐊᓐᑦ ᒑᓂᓴᓐ
ᓯᑏᕙ ᐋᔅᑎᓐ ᓚᐃᑎᓐ
ᔩᓐ−ᓚᒃ ᓂᐊᕕᓐ
ᓄᐊ ᐅᓘᓂ ᐸᐸᑦᓯ
ᑲᐃᐅᓪ ᓴᐳᕐᑦ
ᓱᑏᑦ ᑎᒻ
ᓇᓗᓇᐃᖅᑕᐅᓯᒪᔪᓂᒃ ᑎᑎᕋᖅᓯᒪᔪᖅ ᓇᓗᓇᐃᖅᑕᐅᓂᐊᖅᑐᖅ ᒫᑦᓯ 8−ᖑᓕᖅᑲᑦ, 2017.
ᓄᓇᖃᑦᑎᐅᔪᑦ ᖃᐅᔨᒪᔭᕆᐊᖃᒻᒥᔪᑦ ᖃᖓᒃᑯᑦ ᓂᕈᐊᖅᕕᐅᓂᐊᖅᑐᑦ ᒪᑐᐃᕋᔭᕐᒪᖔᑕ:
ᓯᕗᓂᐊᒍᑦ ᓂᕈᐊᕐᓂᕐᒧᑦ - ᐃᐳᕈ 3, 10 ᐅᓪᓛᒃᑯᑦ – 7 ᐅᓐᓄᒃᑯᑦ ᐅᓇᓕᒃᓴᐃᑦ ᐃᓪᓗᖁᑎᖓᓂ.