ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕼᐋᓗᐄᓐᖑᓕᖅᐸᑦ ᐊᑦᑕᓇᑦᑕᐃᓕᒪᓂᕐᒥᒃ ᐃᖅᑲᐃᑎᑦᓯᔾᔪᑎ
ᐋᒃᑑᐸ 31, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓱᒋᐊᑲᓐᓂᖁᔨᓪᓗᑎᒃ ᐊᑐᕆᐊᒃᑯᑦ ᓇᓕᐊᓐᓄᕋᖅᑎᓪᓗᒋᑦ ᕼᐋᓗᐄᖑᓂᐊᖅᑐᒥ ᐅᓐᓄᒃᑯᑦ, ᑎᓴᒻᒥᕐᒥ, ᐋᒃᑑᐸ 31, 2024.

ᐅᓐᓄᖃᖁᓪᓗᒋᑦ ᐊᑦᑕᓇᔾᔭᐃᕐᓯᒪᑦᓯᐊᖅᑐᒥᒃ ᓱᕈᓰᑦ ᐳᓚᕋᓛᕐᒥᔪᑦ ᐃᖃᓗᓐᓂ ᒪᓕᒐᕋᓛᓕᕆᔨᒃᑯᑦ ᐊᒻᒪ ᐃᖃᓗᓐᓂ ᖃᑦᑎᕆᔨᒃᑯᑦ ᓇᒥᑐᐃᓐᓈᓛᖅᑐᑦ ᑕᐃᑲᓂ ᐅᓐᓅᓕᖅᐸᑦ ᐃᖃᓗᐃᑦ ᐃᓗᐊᓂ. ᐃᑲᔪᕈᓐᓇᓛᖅᑐᑦ ᐃᓚᒌᓂᒃ ᐃᑲᔪᖅᑕᐅᒋᐊᖃᑐᐃᓐᓇᕆᐊᓕᓐᓂᒃ, ᖃᐅᔨᓴᕐᓗᑎᒃ ᐃᓗᐊᓂ ᓄᓇᓕᐅᑉ ᓇᓕᐊᓐᓄᕋᕐᓗᑎᒃ, ᐊᒻᒪ ᓴᖅᑭᔮᕐᓗᑎᒃ ᖃᓄᐃᑦᑐᖃᖁᓇᒍ ᐃᓱᒫᓗᖁᓇᒋᓪᓗ ᐊᓂᐊᕋᓛᖅᑐᑦ.

ᓱᕈᓯᕐᒥᒃ ᖃᓄᐃᑦᑐᖃᓕᕈᓂ ᐳᓚᕋᑦᑐᓂᒃ, ᑕᒪᒃᑯᓄᖓ ᐱᓕᕆᔨᓄᑦ ᐅᐸᒍᓐᓇᑦᓯᐊᓛᖅᑐᑦ ᐃᑲᔪᖅᑕᐅᒋᐊᖃᕈᑎᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐳᒻᒧᑦ ᐊᒻᒪ ᓂᓚᒻᒧᑦ ᓄᐊᕝᕕᐅᕙᓐᓂᖏᑦ ᓄᓇᒃᑰᔫᑦ
ᐋᒃᑑᐸ 28, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒋᑦ ᒪᓕᒐᐃᑦ ᑎᑎᕋᕐᓯᒪᔪᑦ ᐅᕙᓂ ᓄᓇᓕᓐᓂ ᐊᑐᕆᐊᓂ ᐃᖏᕐᕋᔾᔪᑎᓄᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ ᒪᓕᒐᕋᓛᖅ 943, ᐊᒻᒪᑦᑕᐅᖅ ᓄᓇᕘᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᖅᑐᒦᖁᔨᒐᑎᒃ ᒪᓕᒐᖅ ᐱᔾᔪᑎᒋᓪᓗᒋᑦ ᐲᔭᐃᕙᓐᓂᐅᔪᖅ ᓄᓇᒃᑰᔫᓄᑦ ᓄᐊᕝᕕᐅᓯᒪᔪᓂᑦ ᐊᐳᒻᒧᑦ, ᓂᓚᒻᒧᑦ ᐅᕝᕙᓘᓐᓃᑦ ᓱᓇᑐᐃᓐᓇᕐᓄᑦ ᐊᕝᕕᐊᕈᑎᐅᓂᐅᓴᔪᓄᑦ ᐊᖁᑎᐅᑉ ᑕᑯᔪᓐᓇᖅᑕᖏᓐᓂᑦ ᓄᓇᒃᑰᔫᑉ ᐃᒐᓛᖏᒍᑦ ᐅᕝᕙᓘᓐᓃᑦ ᓄᓇᒃᑰᔫᒥᑦ ᐲᑐᐃᓐᓇᕆᐊᓕᓐᓄᑦ ᓄᓇᒃᑰᔫᖅ ᐃᖏᕐᕋᔾᔪᑎᐅᑎᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ-
ᕼᐋᐱ ᕚᓕ - 400ᓕᒫᑦ, 500ᓕᒫᑦ ᐊᒻᒪ 1600ᓕᒫᑦ
ᐋᒃᑑᐸ 28, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖅᑐᒦᖁᔨᓐᖏᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: ᕼᐋᐱ ᕚᓕ - 400ᓕᒫᑦ, 500ᓕᒫᑦ ᐊᒻᒪ 1600ᓕᒫᑦ

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᓇᐃᔮᔅᓴᖅ – ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨ
ᐅᑦᑑᐱᕆ 24, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓ ᐃᖃᓗᐃᑦ ᑐᓴᑦᑕᐅᑎᑦᑎᒍᒪᒻᒪᑕ ᐃᓕᔅᓯᓄᑦ ᖁᕕᐊᓇᑦᑐᖃᓂᖓᓂᒃ ᐱᒋᐊᕕᔅᓴᐅᑎᑕᐅᔪᖃᓂᖓᓂᒃ ᐱᓕᕆᒍᓇᐅᑎᓕᒻᒧᑦ ᐃᖅᑲᓇᐃᔭᑦᑕᕋᓱᐊᑐᒧᑦ. ᒫᓐᓇᐅᔪᒥᑦ ᕿᓂᖅᑐᒍᑦ ᐃᖅᑲᓇᐃᔭᖅᑎᑦᑎᓂᕐᒥᑦ ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨᒥᑦ!

ᑖᓐᓇ ᐱᑕᖃᕆᐊᖃᖅᑐᖅ ᐱᓕᕆᒋᐊᓕᖏᑦ ᑲᑎᑦᑎᓂᖃᖅᑐᓂ ᓄᓇᓕᒻᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᑎᖅᑕᖏᓐᓄᑦ, ᐃᑲᔪᕐᓂᖅ ᐊᒻᒪ ᐊᐅᓚᑦᑎᓂᕐᒧᑦ ᓄᓇᓕᐸᐅᔭᒃᑯᑦ ᑐᓴᒪᔾᔪᑎᓕᕆᔾᔪᑎᖏᑦ, ᐊᒻᒪ ᓇᓗᓇᐃᕐᓗᒍ ᐊᐅᓚᓂᖃᑦᑎᐊᖅᑐᒥᑦ ᓂᐅᕕᖃᑦᑕᖅᑐᓂᑦ ᐱᔨᑦᑎᖅᑕᐅᔪᑦᑭ ᑐᓂᔭᐅᓂᖏᑦ. ᐃᑲᔪᖅᑐᐃᔨ ᓄᓇᕗᒻᒥ ᐃᓄᓐᓂᑦ ᐊᒻᒪ ᓄᓇᓕᒻᒥᐅᑕᓂᑦ, ᓄᓇᓕᒻᒧᑦ ᑐᓴᐅᒪᑎᑦᑎᓕᕆᔨ ᐃᖅᑲᓇᐃᔭᖃᑎᖃᓂᐊᖅᑐᑦ ᓄᓇᓕᐸᐅᔭᒃᑯᑦ ᐱᓕᕆᕕᖏᓐᓂ ᑖᒃᑯᐊ ᓄᓇᓕᒻᒥᐅᑕᐃᑦ ᐱᐅᔪᒥᑦ ᐊᑐᕐᓂᖃᕐᓗᑎ ᓄᓇᓕᐸᐅᔭᒃᑯᓐᓄᑦᕝ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - ᕼᐋᐱ ᕚᓕ - 400ᓕᒫᑦ, 500ᓕᒫᑦ ᐊᒻᒪ 1600ᓕᒫᑦ
ᐋᒃᑑᐸ 23, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑕᓪᓕᒥᕐᒥ, ᐋᒃᑑᐸ 25, ᐱᒋᐊᕐᓗᑎᒃ ᐅᓪᓗᒃᑯᑦ 9-ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: ᕼᐋᐱ ᕚᓕ - 400ᓕᒫᑦ, 500ᓕᒫᑦ ᐊᒻᒪ 1600ᓕᒫᑦ

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 410, 411, 412, 414, 416
ᐋᒃᑑᐸ 23, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᐱᖓᑦᓯᖅ, ᐋᒃᑑᐸ 23, ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒥᑦ 5-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 410, 411, 412, 414, 416

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᐊᐃᑉ ᐅᒃᐱᒃ ᐱᖖᒍᐊᕐᕕᒃ ᓂᐊᖁᖖᒎᒥ – ᐊᒃᑑᕙ 26, 2024-ᒥ
ᐊᒃᑑᕙ 23, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᐊᒃᑑᕙ 26, 2024, 9 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᐊᐃᑉ ᐅᒃᐱᒃ ᐱᖖᒍᐊᕐᕕᖕᒥ ᓂᐊᖁᖖᒎᒥ. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᖁᑎᕐᔪᐊᑦ ᐱᐅᓯᑎᒋᐊᖅᑕᐅᓂᖏᑦ ᐊᒻᒪ ᐊᑐᕆᐊᑦ ᒪᑐᔭᐅᓯᒪᑲᐃᓐᓇᖅᑐᑦ ᐅᑭᕕᓕᐊᕆᐊᒧᑦ ᐊᑐᕆᐊᖓ
ᐅᑦᑑᐱᕆ 22, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖃᐅᔨᑎᑦᑎᔪᒪᔪᑦ ᓄᓇᓕᒻᒥᐅᑕᓂᑦ ᐱᖁᑎᕐᔪᐊᓂᑦ ᐱᐅᓯᑎᒋᐊᖅᑕᐅᓂᐊᖅᑐᓂᑦ ᐱᖃᓯᐅᔾᔨᔪᑦ ᑰᕝᕕᖏᑦ ᐱᐅᓯᑎᒋᐊᖅᑕᐅᓂᖏᑦ ᐅᐊᓐᓇᖓᓂ ᐅᑭᕕᓕᐊᕆᐊᒧᑦ ᐊᑐᕆᐊᖅ. ᑖᓐᓇ ᐃᖅᑲᓇᐃᔮᖑᒋᐊᖃᖅᑐᖅ ᐃᑲᔪᕐᓂᐊᖅᑐᖅ ᐱᐅᓯᑎᒋᐊᑦᑕᐅᓗᑎ ᑰᕝᕕᖏᑦ ᐊᒻᒪ ᒪᑭᑕᑦᑎᐊᓕᖅᑎᓪᓗᒋᑦ ᖃᓂᒋᔭᖓᓃᑦᑐᑦ ᐊᕙᑎᖓ.

ᐊᑐᕆᐊᑦ ᒪᑐᔭᐃᓯᒪᑲᐃᓐᓇᕐᓂᖏᑦ ᐱᒋᐊᕐᓂᐊᖅᑐᑦ ᐅᑦᑑᐱᕆ 26, 2024, ᐊᒻᒪ ᐱᓕᕆᐊᖅ ᓂᕆᐅᒋᔭᐅᔪᖅ ᐱᔭᕇᖅᑕᐅᓗᓂ ᐅᑦᑑᐱᕆ 30, 2024.

ᐊᑐᕆᐊᑦ ᒪᑐᔭᐅᓯᒪᑲᐃᓐᓇᑎᓪᓗᒋᑦ, ᑲᑎᕝᕕᖓ ᓯᕗᒧᒋᐊᖅ ᐊᑐᕆᐊᖅ ᐊᒻᒪ ᖃᒻᖅᑲᒧᑦ ᐊᑐᕆᐊᖅ ᒪᓯᒪᓂᐊᖅᑐᖅ ᐃᖏᕋᖃᑦᑕᖅᑐᓕᒫᓄᑦ. ᐃᖏᕋᖃᑦᑕᖅᑐᓄᑦ ᓄᓇᓐᖑᐊᖅ ᐱᖃᓯᐅᑎᓯᒪᔪᖅ ᐊᑖᓂ.

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᒪᑐᓯᒪᑲᐃᓐᓇᕐᓂᐊᕐᓂᖏᑦ ᑭᒃᑯᑐᐃᓐᓇᕐᓄᑦ ᐊᓯᔾᔨᕐᕕᒃ ᐊᒻᒪ ᐳᐃᕐᔪᕋᕐᕕᒃ ᓄᑖᓐᖑᕆᐊᖅᑎᑕᐅᓂᖏᓄᑦ
ᐋᒃᑑᕝᕙ 18, 2024 – ᐃᖃᓗᐃ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᓐᓂ ᖃᐅᔨᒃᑲᐃᒍᒪᕗᑦ ᓄᓇᓕᒻᒥᐅᑕᓂᒃ ᑭᒃᑯᑐᐃᓐᓇᕐᓄᑦ ᐊᓯᔾᔨᕐᕕᒃ ᐃᖃᓗᐃᑦ ᐱᐅᔾᔪᕋᒃᕕᖓᓂ ᒪᑐᓯᒪᑲᐃᓐᓇᓛᕐᒪᑦ ᓴᓇᔭᐅᒋᐊᕐᑎᓪᓗᒋᒃ. ᒪᒥᐊᑉᐳᒍᑦ ᐊᑲᕐᕋᔮᖅᑎᑦᑎᒍᑦᑕ ᐊᒻᒪ ᑐᑭᓯᑦᑎᐊᖁᕙᓯ ᒫᓐᓇ ᑕᐃᒪᐃᓕᐅᖅᑎᓪᓗᑕ. ᖃᐅᔨᒃᑲᐃᑦᑕᐅᑎᒋᓛᖅᑐᒍᑦ ᖃᖓ ᒪᑐᐃᒃᑲᓐᓂᓛᕐᒪᖔᖅ.

ᐃᓚᒋᐊᕐᓗᒍ, ᐱᒋᐊᕐᓗᒍ ᓯᕙᑖᕐᕕᒃ, ᐋᒃᑑᕝᕙ 19ᒥ, ᐳᐃᔾᔪᕋᕐᕕᐅᑉ ᐳᐃᔾᔪᕋᕆᐅᕐᓴᑎᑦᑎᓂᖓ ᒪᑐᐃᓕᖅᑭᓛᕐᒥᔪᖅ. ᐱᓇᓱᐊᕈᓯᐅᓛᖅᑑᑉ ᐱᒋᐊᓐᖓᕐᓂᖓᓂ, ᐱᐅᔾᔪᕋᕐᕕᒃ ᐊᑐᐃᓐᓇᐅᓛᕐᒥᔪᖅ ᓯᕿᖑᔭᒃᑯᑦ ᐋᖅᑭᑦᑕᐅᓯᒪᔪᑎᒍᑦ.

ᖁᔭᓐᓇᒦᒃ ᐅᑕᖅᑭᑦᑎᐊᕈᓐᓇᕋᕕᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ: