ᐳᓛᖅᑎᑦ

ᓄᓇᓕᐸᐅᔭᒃᑯᑦ ᖁᔭᓕᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑐᓂᓯᓂᖏᓐᓄᑦ ᖁᕕᐊᓱᒍᑕᐅᓗᓂ ᑲᓇᑕ 150 ᓇᓪᓕᐅᑎᓂᖓᓄᑦ
ᔫᓂ 19, 2017 (ᐃᖃᓗᕐ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᑮᓇᐅᔭᖃᖅᑎᑕᐅᓂᕐᒧᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᖃᓗᐃᑦ ᖁᕕᐊᓱᖃᑕᐅᓗᓂ ᑲᓇᑕ 150−ᓂ ᐊᕐᕌᒍᖃᓕᕐᓂᖓᓄᑦ.
$150,000 ᑐᓂᔭᐅᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᑕᒪᑐᒪᓂ ᐊᕐᕌᒍᒥ ᖁᕕᐊᓱᒍᑎᖃᕐᓂᐅᔪᖅ ᓄᓇᕗᒻᒥ ᐊᖏᔪᖅᑳᖃᕐᕕᖓᓂᑦ ᐃᑲᔪᕐᓂᐊᖅᑐᑦ ᑕᑯᔅᓴᐅᑎᑦᑎᓗᑎ ᐃᖃᓗᓂ ᐱᖅᑯᓯᕐᓂᑦ ᐊᒻᒪ ᐊᔪᖏᓐᓂᓕᓐᓄᑦ ᑕᑯᕋᓐᓈᑎᑦᑎᔨᓂᑦ ᓄᓇᕗᒻᒥᐅᑕᓄᑦ ᐊᒻᒪ ᑲᓇᑕᓕᒫᒧᑦ. ᖁᕕᐊᓱᒍᑎᖃᕐᓂᐊᔪᖅ ᐱᒋᐊᓂᐊᖅᑐᖅ ᔫᓂ 21, ᓄᓇᖃᖅᑳᖅᓯᒪ ᔪᓄᑦ ᐅᓪᓗᖓᓂ, ᐱᖃᓯᐅᑎᓪᓗᑎ ᐊᐅᓚᓂᖏᑦ Saint-Jean-Baptiste ᐅᓪᓗᖓ ᔫᓂ 24, ᐊᒻᒪ ᐱᔭᕇᕐᓂᖃᕐᓗᓂ ᔪᓚᐃ 1 ᐊᒥᓱᒐᓚᐃᑦ ᖃᓄᐃᓘᖅᑕᐅᓂᐊᖅᑐᑦ ᐃᑲᒧᕐᓗᑎ ᐃᖃᓗᐃᑦ ᖁᕕᐊᓱᒍᑎᖃᕐᓂᖓᓄᑦ ᑲᓇᑕᐅᑉ ᓇᓪᓕᐅᑎᕕᖓᓂ.

ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᕐᓂᐊᖅᑐᑦ ᔪᓂ 19-ᒥᑦ 23-ᒧᑦ
ᔪᓂ 9, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕐᒥᔪᑦ ᐊᕐᕌᒍᑦᑎᓐᓂ ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᓕᕐᒥᒻᒪᑕ ᐱᓇᓱᐊᕈᓯᕐᒥᑦ ᐊᑕᐅᓯᕐᒥᑦ, ᓇᒡᒋᔾᔭᐅᒥᑦ ᔪᓂ 19 ᑕᓪᓕᒥᕐᒧᑦ ᔪᓂ 23, 2017. ᐱᓇᓱᐊᕈᓯᕐᒥ ᓄᐊᑦᓯᓐᓇᐅᓕᖅᐸᑦ ᓄᓇᓕᕐᓂᒥᐅᑕᐃᑦ ᒪᕐᕉᓐᓂᒃ ᓱᓇᒃᑯᑖᒥᓃᓐᓂᒃ ᐃᒋᑦᑎᒍᓐᓇᓛᓕᕐᒥᔪᑦ ᐊᒻᒪᑦᑕᐅᖅ ᐱᖓᓱᓂᑦ ᐊᖏᔫᑎᓂᑦ ᐃᓪᓗᒥ ᓱᓇᒃᑯᑖᒥᓂᕐᓂᒃ ᐅᖁᒪᐃᓐᓂᖃᑐᐊᖅᐸᑕ 50 ᐸᐅᓐᓯᓂᑦ ᐅᖁᒪᐃᓐᓂᕐᓴᓂᓘᓐᓃᑦ, ᐊᒻᒪ ᐴᕈᓐᓇᖏᑉᐸᑕ ᕿᓂᖅᑕᓄᑦ ᕿᓪᓚᔪᑭᐊᓄᑦ ᐃᒋᑦᓯᕕᓐᓄᑦ.

ᓄᓇᓕᓐᓂᑦ ᓴᓗᕐᒪᑦᓴᐃᓛᓕᕐᒥᔪᑦ ᔪᓂ 16

ᔪᓂ 2, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᓕᕆᕗᑦ ᐊᕐᕌᒍᑦᑎᓐᓂ ᓄᓇᓕᓐᓂᑦ ᓴᓗᕐᒪᑦᓴᐃᓛᓕᕐᒥᒐᑦᑕ ᑕᓪᓕᕐᒥᐅᓕᖅᐸᑦ, ᔪᓂ 16, 2017, ᐅᓪᓛᒃᑯᑦ ᐱᒋᐊᕐᓗᑎᒃ 9-ᒥ ᐱᔭᕇᕐᓗᑎᒃ ᐅᓪᓗᒃᑯᑦ 12-ᒨᖅᐸᑦ.

ᐃᖃᓗᒻᒥᐅᑕᐃᑦ ᓴᓗᒻᒪᕐᓴᐃᖃᑕᐅᓛᕈᒪᔪᑦ, ᐴᑦᓴᓂᑦ ᓴᓂᒃᑯᕕᑦᓴᓂᑦ ᐊᒻᒪ ᐊᒡᒑᓂᑦ ᐊᓯᖏᓐᓂᓪᓗ ᓱᓇᒃᑯᑖᑦᓴᓂᑦ ᐊᑐᐃᓐᓇᐅᑎᑦᓯᓛᖅᑐᑦ ᐅᓪᓛᒃᑯᑦ 9-ᒥᑦ 11-ᒧᑦ ᐅᓪᓗᒧᒃ ᓄᓇᓯᐅᑎᓄᑦ ᓄᖅᑲᖓᕕᖓᓂ ᐅᓂᒃᑳᕐᕕᒃ ᐳᓚᕋᑦᑎᓄᑦ ᑐᑭᓯᒋᐊᕐᕕᐅᑉ.  ᐱᖓᑦᓯᕐᒥ ᑎᓴᒻᒥᕐᒥᓘᓐᓃᑦ ᐊᐃᔭᐅᔪᓐᓇᓛᕐᒥᔪᑦ ᐴᑦᓴᐃᑦ ᐊᒻᒪ ᐊᒡᒑᑦ ᓴᓗᒻᒪᕐᓴᕐᓇᓚᐅᖏᓐᓂᖓᓂ.

ᐃᒪᖃᖕᖏᑲᐃᓐᓇᖅᑎᑕᐅᓛᖅᑐᑦ ᓇᒡᒋᔾᔭᐅᒥ

ᒫᕐᓯ 24, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᒪᖃᖕᖏᑲᐃᓐᓇᓛᕐᒪᑕ ᓇᒡᒋᔾᔭᐅᒥ, ᒫᕐᓯ 27, 2017 ᐅᓪᓛᖑᓂᖓᓂ 9-ᒥᑦ 12-ᒧᓄᑦ ᐅᓪᓗᒃᑯᑦ ᐊᖏᕐᕋᖃᖅᑐᓂᑦ ᓈᓴᐅᑎᓕᓐᓂᑦ 100-ᓂᑦ, 200-ᓂᑦ, ᐊᒻᒪ 300-ᓂᑦ ᐱᒋᐊᕐᕕᓕᓐᓂᑦ. ᖃᑦᑎᕆᔨᓄᑦ ᐃᒪᖃᐅᑎᒥᑦ ᑭᖑᕝᕖᒋᐊᖃᕐᒪᑕ ᓱᕋᑦᓯᒪᔪᒥᑦ.
ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᑐᑦ ᑐᑭᓯᐊᑦᓯᐊᕋᑦᓯ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᓯᓐᓂᑦ.
-30-
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐊᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca

ᐊᐳᑕᐃᔭᐃᓛᖅᑐᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ
ᒫᕐᓯ 24, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐊᐳᑕᐃᔭᐃᓛᕐᒪᑕ ᓈᑦᓯᐅᖑᔭᓛᕐᓂᐊᒥ, ᒫᕐᓯ 25, 2017, ᑰᓕᐊᕆᐊᒧᑦ ᐊᑐᕆᐊᕐᒥᑦ, ᒥᕝᕕᐅᑉ ᑭᓪᓕᖓᓃᑦᑐᓂᑦ ᐊᐳᑕᐃᔭᐃᓗᑎᒃ.
ᐊᒻᒪᑦᑕᐅᖅ, ᐊᑐᕆᐊᓕᕆᔩᑦ ᐊᐳᑕᐃᔭᐃᓛᕐᒥᔪᑦ ᐊᑐᕆᐊᕐᒥᑦ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥᑦ ᓂᐊᖁᖕᖒᑎᓄᑦ.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᓄᓇᒃᑰᔫᖅᐸᓂᐊᖅᑐᓂᑦ ᓱᒃᑲᓕᓗᐊᑦᑕᐃᓕᓛᖁᓪᓗᒋᑦ, ᐊᑐᕆᐊᓕᕆᔨᓄᑦ ᓇᓗᓇᐃᒃᑯᑎᓂᑦ ᑎᑎᕋᕐᓯᒪᔪᓂᑦ ᓈᓚᑦᓯᐊᓛᖁᓪᓗᒋᑦ ᐊᒻᒪ ᐅᔾᔨᕈᓱᒋᐊᓛᖁᔭᐅᓗᑎᒃ ᖃᓪᓕᒐᐃᒍᑎᒃ ᓴᓇᔪᓕᕆᔨᒃᑯᓐᓄᑦ ᐊᐅᓚᑦᓯᕕᐅᔪᒥᑦ.
ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᑐᑦ ᑐᑭᓯᐊᑦᓯᐊᕋᑦᓯ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᓯᓐᓂᑦ.
-30-
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐊᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᓂᕈᐊᕋᔅᓴᓕᐅᕐᓂᖅ
ᕖᕝᕗᐊᓕ 17, 2017 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᕗᑦ ᓄᓇᖃᑦᑎᐅᔪᓂᒃ ᓂᕈᐊᕋᔅᓴᓕᐅᕐᓂᖅ ᓂᕈᐊᕋᔅᓴᐅᔪᒪᔪᓄᑦ ᐃᐳᕈ 10 -ᒥ ᓄᓇᓕᐸᐅᔭᒃᑯᑦ ᒪᐅᓇᑐᐃᓐᓇᖅ ᓂᕈᐊᕐᓂᖃᓕᖅᐸᑕ, ᒪᕐᕉᓐᓂᒃ ᑲᑎᒪᔨᒃᓵᓐᓂᒃ, ᒪᑐᐃᕐᓂᐊᖅᑐᖅ ᕖᕝᕗᐊᓕ 20-ᒥ ᐊᒻᒪᓗ ᒪᑐᓗᓂ ᒫᑦᓯ 6, 2017 ᐅᓐᓄᓴᒃᑯᑦ 3-ᒨᖅᑲᑦ.
ᓂᕈᐊᕋᔅᓴᓕᐊᖑᔪᓐᓇᖅᑐᑦ ᐃᒪᐃᑦᑕᕆᐊᓖᑦ:
ᑲᓇᑕᒥᐅᑕᐅᓗᑎᒃ
18-ᓂᒃ ᐅᑭᐅᖃᓪᓗᑎᒃ ᐅᖓᑖᓄᓪᓘᓐᓃᑦ
ᓄᓇᖃᑦᑎᐅᓗᓂ ᐃᖃᓗᓐᓂ ᑕᖅᑭᓄᑦ 12-ᔭᓄᑦ
ᓂᕈᐊᕋᔅᓴᓕᐅᕈᑎᑦ ᐊᑐᐃᓐᓇᐅᔪᑦ ᐅᕙᓂ:

ᑐᓴᕋᔅᓴᖅ
ᐃᑲᔫᑎᐅᔪᓐᓇᖅᑐᑦ ᐅᑭᐅᒃᑯᑦ ᓯᓚᑲᒻᒪᐅᓂᐊᖅᑎᓪᓗᒍ
ᑎᓯᐱᕆ15, 2016 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐅᖃᐅᔾᔨᕗᑦ ᐃᖃᓗᒻᒥᐅᑕᓂᑦ ᑖᒃᑯᐊ
ᑲᓇᑕᒥ ᐊᕙᑎᓕᕆᔨᒃᑯᑦ ᓂᕆᐅᓐᓂᖃᕐᒪᖓᑕ ᓯᓚᑲᒻᒪᐅᓂᐊᕐᓂᖓᓄᑦ, ᐱᖅᓯᑐᐊᓐᓇᕆᐊᖃᖅᑐᓂ,
ᓄᓇᓕᐸᐅᔭᒻᒨᐸᓪᓕᐊᔪᖅ ᐅᓪᓗᒥᒃᑲᓐᓂᖅ.
ᐃᑲᔪᕐᓂᐊᕐᓗᑕ ᐃᓕᓐᓂᑦ ᐸᕐᓇᓯᒪᑦᑎᐊᕐᓗᑎ, ᐊᒻᒪ ᐱᖁᑎᒋᔭᐃᑦ, ᑖᔅᓱᒧᖓ ᓯᓚᑲᒻᒪᐅᓂᖓᓄᑦ,
ᓄᓇᓕᐸᐅᔭᒃᑯᑦ ᐊᑐᓕᖁᔨᔪᑦ ᐃᖃᓗᒻᒥᐅᑕᓂᑦ ᕿᒥᕐᕈᓗᑎ ᐱᖃᓯᐅᑎᓯᒪᔪᒥᑦ ᑐᑭᓯᒋᐊᕈᑎᓂᑦ
ᓴᓇᔭᐅᔪᖅ ᑐᐊᕕᕐᓇᖅᑐᓄᑦ ᐸᕐᓇᓯᒪᓂᖅ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
“ᐃᓗᓪᓕᕐᓱᕈᒃ ᐅᓯᕕᖓ” ᑐᐊᕕᕐᓇᖅᑐᓕᕆᔾᔪᑎᐅᑉ ᓄᓇᒃᑰᔫᑉ ᐃᑲᔫᑎᑦᓴᓂᑦ ᐃᖃᓗᓐᓂ ᐊᐃᒋᓕ ᓇᐹᖅᑑᑉ ᐊᑖᓃᑦᑐᑦᓴᓂᑦ ᓄᐊᑦᓯᓂᐊᖅᑐᑦ ᓱᕈᓯᕐᓄᑦ ᐱᑖᑦᓴᓂᑦ
ᑏᓰᐱᕆ 6, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖃᑦᑎᕆᔨᖏᑦ ᐊᒻᒪ ᐃᖃᓗᓐᓂ ᖃᑦᑎᕆᔨᖏᑕ ᑲᑐᔾᔨᖃᑎᒌᖏᑦ ᐃᖃᓗᒻᒥᐅᑕᓄᑦ ᐃᑲᔪᖅᑕᐅᔪᒪᓕᕐᒥᔪᑦ ᑐᓂᕐᕈᑎᖃᕈᒪᔪᓂᑦ ᓄᑖᓂᑦ ᓱᕈᓯᕐᓄᑦ ᖁᕝᕕᐊᓱᕝᕕᒻᒥ ᐱᑖᑦᓴᓂᑦ ᐱᖕᖑᐊᓂᑦ, ᓱᕈᑦᓴᐅᑎᒋᔭᖕᖏᑦᑐᓂᑦ ᓂᕿᓂᑦ ᐊᒻᒪ ᐊᓐᓄᕌᓂᑦ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 10, ᐃᑲᔫᑎᑦᓴᓂᑦ ᐃᖃᓗᓐᓂ ᐊᐃᒋᓕ ᓇᐹᖅᑑᑉ ᐊᑖᓃᑦᑐᓂᑦ ᓱᕈᓯᕐᓄᑦ ᐱᔭᑦᓴᓂᑦ ᖁᕕᐊᓱᕝᕕᒻᒥ. ᑐᓂᕐᕈᓯᐊᑦᓴᑦ ᓄᐊᑕᐅᔪᑦ, ᑐᐊᕕᕐᓇᖅᑐᓕᕆᔾᔪᑎᐅᑉ ᓄᓇᒃᑰᔫᑉ ᐅᓯᕕᖓᓅᖅᑕᐅᖃᑦᑕᓛᖅᑐᑦ ᐱᓕᕆᐊᑦᓴᒃᑯᑦ ᑕᐃᔭᐅᔪᒥᑦ “ᐃᓗᓪᓕᕐᓱᕈᒃ ᐅᓯᕕᖓ”, ᑐᓂᐅᖅᑲᖅᑕᐅᓛᖅᑐᑦ ᐊᔪᕐᓴᖅᑐᓕᕆᓂᕐᒥᑦ ᑲᑐᔾᔨᖃᑎᒌᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖃᓗᓐᓂᒥᐅᑕᖅ ᓵᓚᑦᓴᖃᑕᐅᓂᐅᓴᔪᖅ ᐱᖕᖑᐊᕈᓯᕐᒥ “ᑲᓇᑕᒥ
ᖃᐅᔨᒪᓂᖅᐹᖅ ᓱᓇᑐᐃᓐᓇᕐᓂᒃ”
ᑏᓰᐱᕆ 2, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ
ᑎᒥᖁᑎᖏᑦ ᖁᕕᐊᒋᓪᓗᒍ ᑐᓴᖅᑎᑦᓯᒍᒪᓕᕐᒥᔪᑦ ᐃᖃᓗᓐᓂᒥᐅᑕᐅᔪᖅ ᒥᓯᐅᓪ
ᔮᑯᕆᓴᓐ ᓂᕈᐊᖅᑕᐅᓚᐅᕐᒪᑦ ᐃᓚᒋᔭᐅᓛᕈᓐᓇᖅᑐᓂ ᓵᓚᑦᓴᕋᓱᑦᑐᓄᑦ
ᓰᕖᓰᒃᑯᑦ ᑏᕖᒃᑰᖅᑎᑉᐸᑦᑕᖏᓐᓄᑦ, ‘ᑲᓇᑕᒥ ᖃᐅᔨᒪᓂᖅᐹᖅ ᓱᓇᑐᐃᓐᓇᕐᓂᒃ’,
ᑏᕖᒃᑰᓛᖅᑐᓂᑦ ᓈᑦᓯᐅᖑᔭᐅᓂᐊᖅᑐᖅ, ᑏᓰᐱᕆ 4, ᐅᓐᓄᒃᑯᑦ 8-ᒨᖅᐸᑦ.
ᐊᑏ ᒥᓯᐅᓪ ᐅᖃᐅᑎᓚᐅᕐᓚᕗᑦ ᐱᑦᓯᐊᓛᖁᑑᕐᓗᒍ ᐱᖕᖑᐊᖃᑕᐅᓕᖅᐸᑦ
ᓵᓚᑦᓴᓛᖁᓗᒍ. 

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑲᕐᕋᒥᑦ ᐊᑕᐅᓯᕐᒥᑦ (1) ᐃᒪᖃᖕᖏᑲᐃᓐᓇᓂᐊᖅᑐᑦ ᑕᓪᓕᒥᕐᒥ

ᑏᓰᐱᕆ 1, 2016 (ᐃᖃᓗᐃᑦ, ᓄᓇᕗᑦ)  - ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᐃᓪᓗᖃᖅᑐᓂᑦ ᓈᓴᐅᑎᓕᓐᓂ 550-584 ᐃᒪᖃᖕᖏᑲᐃᓐᓇᖅᑎᑕᐅᓛᕐᒪᑕ ᑕᓪᓕᕐᒥᐅᓕᖅᐸᑦ, ᑏᓰᐱᕆ 2, ᐃᑲᕐᕋᓪᓗᐊᒥᑦ, 9−ᒥᑦ 10-ᒧᑦ ᐅᓪᓛᒃᑯᑦ, ᐱᓕᕆᔾᔪᑎᓂᑦ ᓴᓇᒋᐊᖃᓛᕐᒪᑕ  ᑖᒃᑯᐊ ᓴᓂᐊᓂ.

ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᓇᑯᕐᒦᑐᒻᒪᕆᐅᔪᑦ ᐅᑕᖅᑭᑦᓯᐊᓛᕐᒥᒐᑦᓯ ᐊᒻᒪ ᑲᑐᔾᔨᖃᑎᒌᒃᑯᑦ ᐃᑲᔪᑦᓯᐊᕐᒥᓗᓯ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: