ᐳᓛᖅᑎᑦ

ᐊᓯᔾᔨᖅᑕᑦ: ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᖅᑐᑦ ᐃᓪᓗᐸᐅᔭᒥᐅᑕᐃᑦ 24-ᓂᑦ ᓇᔪᒐᓕᒻᒥ
ᓇᒡᒋᔾᔭᐅᓕᖅᑭ, ᒪᐃ 22, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓇᔪᒐᓕᓐᓂᑦ 24-ᓂᑦ ᐃᓪᓗᐸᐅᔭᒥ ᓈᓴᐅᑎᓕᓐᓃᑦᑐᓂᑦ #185, #187 ᐊᒻᒪ #191 ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᕆᖅᑲᐅᔭᖏᑦ ᐅᓪᓗᒥ ᖁᔭᓈᖅᑕᐅᒻᒪᑦ.
ᑭᓯᐊᓂᓕ, ᐱᔭᕇᖅᑕᐅᖁᓪᓗᒍ ᐃᒥᕐᒧᑦ ᓱᓪᓗᓕᒃ, ᐃᒪᖃᖕᖏᑲᐃᓐᓇᓂᐊᕐᒪᑕ ᐱᖓᑦᓯᕐᒥ, ᒪᐃ 23, 2018, ᐅᓪᓛᓂᑦ 9-ᒥᓂᑦ ᐅᓐᓄᓴᒧᑦ 4-ᒧᓄᑦ, ᐊᒻᒪ ᑎᓴᒻᒥᕐᒥ, ᒪᐃ 24, ᐅᓪᓛᓂᑦ 9-ᒥᓂᑦ ᐅᓐᓄᓴᒧᑦ 4-ᒧᓄᑦ.
ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓛᕐᒥᔪᑦᒥ ᑕᕝᕙᓂ ᓇᔪᒐᓕᓐᓂᑦ, ᒪᓕᑦᑕᐅᓗᑎᒃ ᐊᑐᖅᑕᐅᖁᔭᖏᑦ ᐃᖅᑲᓇᐃᔭᖅᑏᑦ ᐃᓗᓯᓕᕆᓂᕐᒥᑦ, ᐱᒋᐊᕐᓗᑎᒃ ᐅᓐᓄᓴᒃᑯᑦ 4-ᒥ ᐱᖓᑦᓯᕐᒥ, ᒪᐃ 23, 4-ᒧᓄᑦ ᐅᓐᓄᓴᒃᑯᑦ ᓈᑦᓯᐅᖑᔭᓛᕐᓂᐊᒥ, ᒪᐃ 26, 2018.

ᓇᒡᒋᔾᔭᐅᓕᖅᑭᕐᒥ ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᑲᐃᓐᓇᖅᑐᑦ ᓇᔪᒐᓖᑦ ᐃᓪᓗᐸᐅᔭᒥ 24-ᓂᑦ ᓇᔪᒐᖃᕐᕕᒻᒥ
ᐱᖓᑦᓯᖅ, ᒪᐃ 18, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᕗᑦ ᓄᓇᓕᓐᓂᒥᐅᑕᓂᑦ ᓇᔪᒐᓕᓐᓂᑦ ᐃᓪᓗᐸᐅᔭᒥ 24-ᓂᑦ ᓇᔪᒐᓕᒻᒥ, ᐃᓪᓗᓖᑦ #185, #187 ᐊᒻᒪ #191 ᐃᒪᖃᖕᖏᑲᐃᓐᓇᓛᕐᒪᑕ ᓇᒡᒋᔾᔭᐅᓕᖅᑭᕐᒥ, ᒪᐃ 22, 2018, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥᓂᑦ 4-ᒧᓄᑦ ᐅᓐᓄᓴᒧᑦ, ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᓴᓇᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᒥᑦ ᐱᓕᕆᔾᔪᑎᒍᑦ ᐃᒥᕐᒧᑦ ᓱᓪᓗᓕᒻᒪᕆᒻᒥᑦ.
ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᑲᐃᓐᓇᓂᐊᖅᑐᑦᒥ ᑖᒃᑯᓇᓂ ᓇᔪᒐᓖᑦ, ᒪᓕᑦᑐᒋᑦ ᒪᓕᖁᔭᐅᔪᑦ ᐃᓗᓯᓕᕆᔨᒃᑯᓐᓂᑦ ᐃᖅᑲᓇᐃᔭᖅᑎᓂᑦ, 4 ᐅᓐᓄᓴᒃᑯᑦ, ᓇᒡᒋᔾᔭᐅᓕᖅᑭᕐᒥᑦ, ᒪᐃ 22, 4-ᒨᕋᓱᓐᓂᖓᓂ ᐅᓐᓄᓴᒃᑯᑦ ᑎᓴᒻᒥᕐᒥ, ᒪᐃ 24, 2018.
ᓯᑎᒃᑯᑦ ᖁᔭᓐᓇᒦᕈᒪᔪᑦ ᓄᓇᓕᕐᓂᒥᐅᑕᓂᑦ ᑐᑭᓯᑦᓯᐊᕐᓂᖏᓐᓂᑦ ᐱᓕᕆᐊᖑᒋᐊᓕᓐᓂᑦ.
 

ᐋᖅᑭᒋᐊᖅᑕᖅ: ᐃᒪᖃᖏᑲᐃᓐᓇᑎᑦᓯᓂᖅ/ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔨᓂᖅ ᐊᑦᑐᖅᑕᐅᔪᓄᑦ ᐊᖏᕐᕋᓄᑦ/ᐃᓪᓗᓄᑦ
ᐱᖓᑦᓯᖅ, ᒪᐃ 16, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᑯᓇᓂ ᐊᖏᕐᕋᖃᖅᑐᓂᑦ ᐃᖃᓗᐃᑦ ᓄᓇᓕᖓᑕ ᐊᑦᓯᓂᕐᓴᖓᓂ ᐊᖏᕐᕋᓕᓐᓂᑦ ᐃᒪᖃᖕᖏᑲᐃᓐᓇᖅᑎᑕᐅᓛᕐᒪᑕ ᑎᓴᒻᒥᐅᓕᖅᐸᑦ, ᒪᐃ 17, 2018, ᐱᒋᐊᕐᓗᑎᒃ ᐅᓪᓛᒃᑯᑦ 8:30-ᐸᖅ ᖁᓛᓅᕋᓱᓐᓂᖓᓂ 12-ᒧᑦ ᐅᓪᓗᒃᑯᑦ, ᓯᑎᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᓴᓇᔭᐅᑲᐃᓐᓇᖅᑎᓪᓗᒍ ᓱᓪᓗᓕᐅᑉ ᐃᒥᕐᒧᑦ ᐃᓚᖓ.
ᐊᖏᕐᕋᐃᑦ/ᐃᓪᓗᐃᑦ ᐊᑦᑐᖅᑕᐅᔪᑦ 184, 205 – 215, 230, 234, 240 ᐊᒻᒪ 247, ᐊᒻᒪᑦᑕᐅᖅ ᐅᖃᓕᒫᒐᖃᕐᕕᒃ ᐊᒻᒪ ᐃᓐᓇᑐᖃᒃᑯᕕᒃ, ᐃᓪᓗ 227.