ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑲᕐᕋᒥᑦ ᐊᑕᐅᓯᕐᒥᑦ (1) ᐃᒪᖃᖕᖏᑲᐃᓐᓇᓂᐊᖅᑐᑦ ᑕᓪᓕᒥᕐᒥ

ᑏᓰᐱᕆ 1, 2016 (ᐃᖃᓗᐃᑦ, ᓄᓇᕗᑦ)  - ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᓐᓂᒥᐅᑕᓂᑦ ᐃᓪᓗᖃᖅᑐᓂᑦ ᓈᓴᐅᑎᓕᓐᓂ 550-584 ᐃᒪᖃᖕᖏᑲᐃᓐᓇᖅᑎᑕᐅᓛᕐᒪᑕ ᑕᓪᓕᕐᒥᐅᓕᖅᐸᑦ, ᑏᓰᐱᕆ 2, ᐃᑲᕐᕋᓪᓗᐊᒥᑦ, 9−ᒥᑦ 10-ᒧᑦ ᐅᓪᓛᒃᑯᑦ, ᐱᓕᕆᔾᔪᑎᓂᑦ ᓴᓇᒋᐊᖃᓛᕐᒪᑕ  ᑖᒃᑯᐊ ᓴᓂᐊᓂ.

ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᓇᑯᕐᒦᑐᒻᒪᕆᐅᔪᑦ ᐅᑕᖅᑭᑦᓯᐊᓛᕐᒥᒐᑦᓯ ᐊᒻᒪ ᑲᑐᔾᔨᖃᑎᒌᒃᑯᑦ ᐃᑲᔪᑦᓯᐊᕐᒥᓗᓯ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑎᑕᐅᔪᑦ ᑐᓴᕋᑦᓴᖅ 2
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ. ᐅᖄᓚᒍᓐᓇᖅᑐᓯ 979-4422 ᖃᑦᑎᕆᔨᒃᑯᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᓯᒪᓛᖅᑐᑦ / ᓄᓇᒃᑰᔫᒃᑯᑦ ᐱᔨᑦᓯᕋᓛᖕᖏᑦᑐᑦ ᐃᖅᑲᐅᒪᓇᐅᑉ ᐅᓪᓗᖓᓂ, ᓅᕖᐱᕆ 11, 2016
ᓅᕖᐱᕆ 8, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐊᓪᓚᕝᕕᖏᑦ ᒪᑐᓯᒪᑲᐃᓐᓇᓛᓕᕐᒥᒻᒪᑕ ᐃᖅᑲᐅᒪᓐᓇᐅᑉ ᐅᓪᓗᖓᓂ, ᑕᓪᓕᕐᒥᐅᓕᖅᐸᑦ, ᓅᕖᐱᕆ 11, 2016.
ᓄᓇᓕᕐᓂᒥᐅᑕᓄᑦ ᖃᐅᔨᒪᓂᐊᖅᑯᓯ ᐃᒥᖅᑕᖅᑏᑦ ᐊᒻᒪ ᓴᓂᕐᓂᒃ ᓄᐊᑦᓯᔩᑦ ᐊᑐᐃᓐᓇᐅᓛᖏᒻᒪᑕ ᑕᕝᕙᓂ ᐅᓪᓗᕐᒥ. ᐊᒥᓱᐊᓗᐃᑦ ᐊᑦᑐᖅᑕᐅᓛᖏᒃᑲᓗᐊᖅᑎᓪᓗᒋᑦ, ᑕᐃᒃᑯᐊ ᐃᓄᓖᑦ ᐃᓪᓗᐃᑦ ᑕᓪᓕᒪᐅᓗᐊᓂᑦ ᐃᓱᒪᕐᓴᕐᓯᐅᖁᔭᐅᒐᓗᐊᑦ ᐱᐅᕐᓱᐊᕆᐊᑦᓴᖅ ᐃᒥᕐᒥᒃ ᐊᓐᓄᕌᓂᑦ ᐅᐊᓴᖕᖏᑲᐃᓐᓇᕐᓗᑎᒃ ᐅᕝᕙᓘᓐᓃᑦ ᐊᖏᓗᐊᖏᑦᑐᓂᑦ ᐅᐊᓴᖅᐸᓪᓗᑎᒃ ᐊᒻᒪ ᓂᕐᕆᑎᓄᑦ ᐅᐊᓴᕐᕕᓐᓂᑦ ᐊᑐᖕᖏᑲᐃᓐᓇᕐᓗᑎᓪᓗ, ᐊᒻᒪ ᐅᕕᓂᓐᓂᐊᐸᓪᓗᑎᒃ ᑎᒻᒥᑳᖅᑐᒧᑦ ᐅᕕᓂᓐᓂᐊᕐᕕᒃ ᐃᒻᒪᖕᖏᑲᐃᓐᓇᕐᓗᒍ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐋᑦᑑᐸ 28, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᐅᔾᔨᕈᓱᒋᐊᕐᓯᒪᖃᑦᑕᖁᔭᐅᓪᓗᑎᒃ ᐊᓃᕋᔭᓕᕈᑎᒃ ᓇᒥᑐᐃᓐᓇᖅ ᕼᐋᓗᐄᖑᓂᐊᓂ ᐅᓐᓄᒃᑯᑦ, ᓇᒡᒋᔾᔭᐅᒥ, ᐋᑦᑑᐸ 31, 2016.
ᐃᔪᕈᕋᓛᕈᓗᐃᑦ ᐊᒻᒪ ᑐᖕᖓᕋᓛᕈᓗᐃᑦ ᐊᑦᑕᓇᖅᑐᒦᓐᓂᐊᖁᓇᒋᑦ ᐊᓃᕋᔭᓐᓂᖏᓐᓂᑦ ᐳᓚᕋᓐᓂᖏᓐᓂᓘᓐᓃᑦ, ᖃᐅᔨᒪᔭᐅᒋᐊᓖᑦ ᐅᑯᐊ ᕼᐋᓗᐄᖑᓂᖓᓂ ᐊᑐᕆᐊᒃᑯᑦ ᐊᖅᑯᑏᑦ ᐊᓯᔾᔨᕐᓯᒪᑲᐃᓐᓇᓂᐊᕐᒪᑕ 5:30-ᒥᑦ 8:30-ᒧᑦ ᐅᓐᓄᒃᑯᑦ:
- ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 2738 ᐃᓪᓗᒧᑦ 4123
- ᑕᓯᓗᓕᐊᕆᐊᖅ ᐊᑐᕆᐊᖅ ᑕᐃᒫᑦᑕᐅᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 4112 ᐃᓪᓗᒧᑦ 2209
- ᓄᓇᓕᓐᓂᒥᐅᑕᐃᑦ ᓴᖑᒍᓐᓇᔾᔮᖏᑲᐃᓐᓇᖅᑐᑦ ᑕᓯᓗᓕᐊᕆᐊᒧᑦ ᓂᐊᖁᖕᖒᓯᐊᕆᐊᒥᑦ
- ᐊᓄᕆ ᐊᑐᕆᐊᕐᒨᕕᑦᓴᐅᓂᐊᖅᑐᖅ ᑕᓯᓕᒃ ᐊᑐᕆᐊᒃᑰᕐᓗᑎᒃ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᓇᒦᓛᕐᒪᖔᑕ ᖃᐅᔨᒪᔭᐅᖏᓪᓗᑎᒃ ᒪᒃᑯᑦᑐᓂᑦ ᕼᐋᓗᐄᖑᓕᖅᐸᑦ ᒧᒥᖅᑎᑦᓯᓛᖅᑐᑦ
ᐋᑦᑑᐸ 24, 2016 (ᐃᖃᓗᐃᑦ, ᓄᓇᕗᑦ) - ᒪᒃᑯᑦᑐᓕᒫᓄᑦ ᐊᕐᕌᒍᓕᓐᓄᑦ 13-ᓂᑦ 18-ᓄᑦ, ᐊᓕᐊᓱᖏᑦᑐᓄᑦ ᑐᕐᖓᓂᑦ, ᑲᑉᐱᐊᓇᖅᑐᖅ ᓄᓇᓕᐸᐅᔭᐃᑦ ᐃᖃᓗᓐᓂ ᐃᓕᑦᓯᓐᓂᑦ ᖃᐃᓛᖁᔨᔫᒐᓗᐊᑦ ᐊᕐᕌᒍᑕᒫᕐᓯᐅᑎᒧᑦ ᕼᐋᓗᐄᖑᑎᓪᓗᒍ ᒧᒥᖅᑎᑦᓯᕙᑦᑐᓄᑦ:
ᖃᖓ: ᕼᐋᓗᐄᒥ, ᐋᑦᑑᐸ 31, 2016
ᓇᒥ: ᖃᐅᔨᒪᔭᐅᒋᐊᖃᖕᖏᑦᑐᖅ (ᐃᓯᕈᑎᐅᑉ ᐅᖓᑖᓂ ᑎᑎᕋᕐᓯᒪᔪᖅ)
ᖃᖓᒃᑯᑦ: 5:30 ᐅᓐᓄᓴᒃᑯᑦ - ᐹᓯᓛᖅᑐᑦ ᒧᒥᕐᕕᐅᓛᖅᑐᒧᑦ ᓇᒦᑦᑐᒧᒃᑭᐊᖅ
7-ᒥᑦ 10:30-ᒧᑦ ᐅᓐᓄᒃᑯᑦ - ᒧᒥᓛᖅᑐᑦ (ᓱᓇᑐᐃᓐᓇᕐᓄᑦ ᐋᖓᔮᕆᐊᖃᖕᖏᑦᑐᖅ)
ᐊᓐᓄᕌᓪᓗᖏᑦ: ᐊᓐᓄᕌᓪᓗᑦᓯᒪᖁᔭᐅᔫᒐᓗᐊᑦ - ᐱᔾᔪᓯᐊᖅᑎᑕᐅᖃᑦᑕᓛᖅᑐᑦ ᐊᓐᓄᕌᕐᓗᖏᒍᑦ ᓴᓇᓯᒪᑦᓯᐊᓛᑦ ᐊᒻᒪ ᐱᐅᓛᑦ
ᐊᑭᖓ: $5 ᐃᓯᕈᑎᖓ (ᐹᓯᐅᑎᖓ, ᐃᓯᕈᑎᖓ ᒧᒥᕐᕕᒻᒧᑦ/ᓇᓗᓇᐃᒃᑯᑎ ᓇᒦᓛᕐᒪᖔᑕ)

ᐃᓄᖕᓄᑦ ᑐᓴᕋᑦᓴᖅ
ᓄᓇᓕᓐᓂᒥᐅᑕᐃᑦ ᖃᐃᓛᖁᔭᐅᔪᑦ ᓄᓇᓕᐸᐅᔭᒃᑯᑦ ᑲᑎᒪᓂᒃᑯᑦ ᐃᓄᓕᒫᖅᑎᑦᓯᓕᖅᐸᑕ ᓅᕖᐱᕆ 3, 2016
ᐋᑦᑑᐸ 21, 2016 (ᐃᖃᓗᐃᑦ, ᓄᓇᕗᑦ) - ᐊᑕᐅᓯᕐᒥᑦ ᐊᕐᕌᒍᒥᑦ ᐊᓂᒍᐃᓯᒪᓕᖅᑎᓪᓗᒋᑦ ᑲᑎᒪᔨᐅᓂᕐᒧᑦ ᓂᕈᐊᖅᑕᐅᓚᐅᖅᑎᓪᓗᒋᑦ ᐃᖃᓗᓐᓂ, ᒪᐃᔭ ᕆᐊᑦᕘᕐᓐ ᐊᒻᒪ ᑲᑎᒪᔩᑦ ᖃᐃᓛᖁᔨᔪᑦ ᐃᓄᓕᒫᖅᑎᑦᓯᓂᐅᓛᖅᑐᒧᑦ ᑲᑎᒪᓂᒃᑯᑦ, ᑲᑎᒪᔩᑦ ᐅᓂᒃᑳᖃᓛᕐᓗᑎᒃ ᐱᒻᒪᕆᐅᓂᖏᑦ ᐱᓕᕆᐊᑦᓴᐃᑦ ᖃᓄᐃᓕᖓᓕᕐᒪᖔᑕ, ᐊᒻᒪ ᓄᓇᓕᓐᓂᒥᐅᑕᐃᑦ ᐅᖃᐅᓯᖃᕈᓐᓇᖅᑎᑕᐅᓛᖅᑐᑎᒃ ᐃᓱᒪᒋᔭᖏᓐᓂᑦ ᓱᓇᑐᐃᓐᓇᕐᓂᒃ ᐱᔾᔪᑎᒋᔭᒥᓂᒃ ᐊᒻᒪ ᐃᓱᒫᓘᑎᒋᕙᑦᑕᒥᓂᒃ ᐱᔾᔪᑎᒋᓪᓗᒋᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᕈᑎᖏᑦ, ᐱᓕᕆᐊᑦᓴᖏᑦ ᐊᒻᒪ ᐊᑐᐊᒐᖏᑦ.
ᓇᒥ: ᐃᓪᓗᐊᓘᑉ ᑐᔪᕐᒥᕕᐅᑉ ᐃᓚᖓᓂ ᐃᓪᓗᕈᓯᕐᒥ ᑰᔭᓯᐅᓂᕋᖅᑕᒥ
ᖃᖓ: ᑎᓴᒻᒥᖅ, ᓅᕖᐱᕆ 3, 2016
ᖃᖓᒃᑯᑦ: 6-ᒥᑦ 8-ᒧᑦ ᐅᓐᓄᒃᑯᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᒪᑐᓯᒪᑲᐃᓐᓇᓛᖅᑐᑦ ᑕᓪᓕᕐᒥᐅᑉ ᐅᓐᓄᓴᖓᓂ

ᓰᑏᐱᕆ 8, 2016 (ᐃᖃᓗᐃᑦ, ᓄᓇᕗᑦ)  ᖃᐅᔨᒪᖁᔭᐅᕗᓯ ᐊᓪᓚᕝᕕᖏᑦ ᓄᓇᓕᐸᐅᔭᒃᑯᑦ ᒪᑐᓯᒪᓛᕐᒪᑕ ᑕᓪᓕᕐᒥᐅᑉ ᐅᓐᓄᓴᖓᓂ, ᐃᖅᑲᓇᐃᔭᖅᑎᖏᑦ ᑲᑎᒪᑎᑕᐅᓛᕐᓂᖏᓐᓄᑦ.

ᐱᔨᑦᓯᕋᕈᑎᐅᕙᑦᑐᑦ ᖃᐅᑕᒫᑦ, ᓲᕐᓗ ᐃᒥᕐᒧᑦ ᐊᒻᒪ ᓴᓂᑦᑕᖅᑏᑦ, ᐊᑦᑐᖅᑕᐅᓛᖏᑦᑐᑦ.

-30-

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᒥᒃᑯᑦ ᐱᔨᑦᓯᕋᕈᑎ ᒪᑐᔭᐅᑲᐃᓐᓇᖅᑐᖅ ᑯᑦᓕᒃ ᓴᓇᔨᓄᑦ ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᓄᑦ

ᐋᒐᓯ 16, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᑭᒃᑯᑐᐃᓐᓇᕐᓂᒃ ᐃᒥᒃᑯᑦ ᐱᔨᑦᓯᕋᕈᑎ ᐊᑐᐃᓐᓇᐅᓛᖏᒻᒪᑦ ᑯᑦᓕᒃ ᓴᓇᕕᒻᒥ, ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᓄᑦ, ᐃᖃᓗᓐᓂ, ᓄᓇᕗᑦ ᐱᖓᑦᓯᐅᓕᖅᐸᑦ, ᐋᒐᓯ 17, 2016 ᐅᓐᓄᓴᒃᑯᑦ 2-ᒥᑦ 5-ᓱᓄᑦ, ᓴᓇᔩᑦ ᓴᓇᒻᒪᑕ ᑕᐅᕙᑦᓱᒪ ᐊᕙᑎᐊᓂᑦ ᐊᑦᑐᐃᔪᒥᑦ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐅᑕᖅᑭᑦᓯᐊᕋᑦᓯᐊᓯᑦ ᐊᒻᒪ ᐃᑲᔪᕋᑦᓯ ᑲᑐᔾᔨᖃᑎᒌᓐᓂᒃᑯᑦ ᒫᓐᓇᐅᓂᖓᓂ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐋᓐᑐᕆᐊ ᓯᐱᑦᔪᕐ
ᑐᓴᐅᒪᔭᐅᒋᐊᓕᓐᓂᑦ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867.975.8525

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᒥᒃᑯᑦ ᐱᔨᑦᓯᕋᕈᑎ ᒪᑐᔭᐅᑲᐃᓐᓇᖅᑐᖅ ᑯᑦᓕᒃ ᓴᓇᔨᓄᑦ ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᓄᑦ

ᐋᒐᓯ 16, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᑭᒃᑯᑐᐃᓐᓇᕐᓂᒃ ᐃᒥᒃᑯᑦ ᐱᔨᑦᓯᕋᕈᑎ ᐊᑐᐃᓐᓇᐅᓛᖏᒻᒪᑦ ᑯᑦᓕᒃ ᓴᓇᕕᒻᒥ, ᖃᖅᑲᓕᐊᕆᐊᖅ ᐊᑐᕆᐊᕐᒦᑦᑐᓄᑦ, ᐃᖃᓗᓐᓂ, ᓄᓇᕗᑦ ᐱᖓᑦᓯᐅᓕᖅᐸᑦ, ᐋᒐᓯ 17, 2016 ᐅᓐᓄᓴᒃᑯᑦ 2-ᒥᑦ 5-ᓱᓄᑦ, ᓴᓇᔩᑦ ᓴᓇᒻᒪᑕ ᑕᐅᕙᑦᓱᒪ ᐊᕙᑎᐊᓂᑦ ᐊᑦᑐᐃᔪᒥᑦ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐅᑕᖅᑭᑦᓯᐊᕋᑦᓯᐊᓯᑦ ᐊᒻᒪ ᐃᑲᔪᕋᑦᓯ ᑲᑐᔾᔨᖃᑎᒌᓐᓂᒃᑯᑦ ᒫᓐᓇᐅᓂᖓᓂ.

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᐋᓐᑐᕆᐊ ᓯᐱᑦᔪᕐ
ᑐᓴᐅᒪᔭᐅᒋᐊᓕᓐᓂᑦ ᑲᒪᔨ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867.975.8525