ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐳᐃᔾᔪᕋᕐᕕᖃᕐᕕᒻᒥ ᐱᓕᕆᕝᕕᐅᔪᑦ ᒪᑐᐃᒃᑲᓐᓂᓕᖅᑐᑦ
ᐋᒐᓯ 5, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᕐᕌᒍᑕᒫᕐᓯᐅᑎᒥᑦ ᐳᐃᔾᔪᕋᕐᕕᖃᕐᕕᐅᑉ ᐃᓗᐊᓂᑦ ᖃᐅᔨᓴᕐᓂᕐᒥᑦ ᐃᓗᐊᓃᑦᑐᓂᑦ ᐊᒻᒪ ᐳᐃᔾᔪᕋᕐᕕᐅᑉ ᒪᑐᔭᐅᕙᓐᓂᖓᓂᑦ.

ᖁᕕᐊᒋᑦᑎᐊᖅᑐᒍ ᐅᖃᕈᒪᓕᕆᕗᒍᑦ ᐃᓗᐊ ᖃᐅᔨᓴᖅᑕᐅᔭᕇᕐᒪᑦ ᐃᖃᐃᓕᓴᕐᕕᐅᑉ ᐊᒻᒪ ᒪᑐᐃᓛᓕᕐᒪᑦ ᐋᒐᓯ 6-ᒥ.

ᐱᔾᔪᑎᒋᓪᓗᒋᑦ ᓂᕆᐅᓇᖕᖏᑦᑐᑦ ᐊᑐᖅᑕᐅᔪᑦ, ᑕᑭᔪᖅ ᐳᐃᔾᔪᕋᕐᕕᒃ ᐊᒻᒪ ᐱᓐᓇᔭᕝᕕᒃ ᐳᐃᔾᔪᕋᕐᕕᒃ ᒪᑐᓯᒪᐃᓐᓇᓂᐊᕐᒪᑎᒃ ᐊᒻᒪ ᒪᑐᐃᓛᖅᑐᑎᒃ ᐋᒐᓯ 8 ᐅᓪᓛᒃᑯᑦ 6:30-ᐸᑦ.

ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐃᓕᑦᓯᓐᓂᑦ ᑐᑭᓯᐊᑦᓯᐊᓂᕐᓯᓐᓂᒃ.

###

ᐃᓄᓐᓄᑦ ᑐᓴᕋᔅᓴᖅ
ᐃᒪᐅᑉ ᖃᓂᒋᔭᖏᓐᓂ ᓴᙱᕐᓂᒻᒧᑦ ᐱᓕᕆᓂᐅᔪᑦ
ᐅᒡᒍᓯ 3, 2022 − ᐃᖃᓗᐃᑦ, ᓄᓇᕗᑦ

ᐊᕐᕌᒍᑕᒪᑦ ᐃᒪᐅᑉ ᖃᓂᒋᔭᖏᓐᓂ ᓴᙱᕐᓂᒻᒧᑦ ᐱᓕᕆᓂᐅᔪᑦ ᐱᒋᐊᓂᐊᕐᒪᑕ ᑕᓪᓕᒥᐅᓕᑉᐸᑦ, ᐊᐅᒍᓯ 26, 2022 ᐱᒋᐊᓪᓗᓂ 9−ᒥ ᐅᓪᓛᒃᑯᑦ ᑎᑭᓪᓗᒍ 4−ᒧᑦ ᐅᓐᓄᓴᒧᑦ.

ᐃᖃᓗᐃᑦ ᑰᕕᐅᔪᓂ, ᑰᒐᓛᓂᒃ, ᑰᓐᓂᒃ, ᐃᒪᕕᒻᒥᒃ, ᐊᒻᒪᓗ ᓯᒡᔭᖅᐸᓯᒻᒦᑦᑐᑦ ᐱᒻᒪᕆᐅᒋᔭᐅᕗᑦ ᐃᓘᓇᓕᒫᖓᓄᑦ ᐋᓐᓂᐊᖃᑕᐅᓕᒪᓂᒻᒧᑦ, ᐊᑦᑕᓇᖅᑕᐅᓕᒪᓂᒻᒧᑦ, ᐊᒻᒪᓗ ᖃᓄᐃᖏᑦᑎᐊᓂᒻᒧᑦ ᓄᓇᓕᑦᑎᓐᓂ.

ᓄᓇᓕᒻᒥᐅᑕᐃᑦ ᐱᒍᒪᑐᐊᖃᑕ ᐱᓕᕆᖃᑕᐅᒍᒪᓗᒃ ᓴᙱᖅᑐᓂᒃ ᐊᐃᔅᓯᕈᓐᓇᑦᑐᑦ ᐊᒡᒑᓂᒃ, ᓴᓂᒃᑯᕕᒃᓴᓂᒃ ᕿᓪᓚᔪᑭᐊᓂᒃ ᐊᒻᒪᓗ ᐊᒧᒋᐊᖅᑕᐅᒍᑎᓴᓂᒃ ᑎᑭᑦᓯᓂᒃ ᑐᓄᐊᓂ ᐃᓐᓇᑐᖃᒃᑯᕕᐅᑉ ᖃᒻᒪᐅᑉ.

ᐅᓪᓗᕈᒻᒥᑕᓇᒥ ᕚᕕᑭᐅ ᐊᒻᒪᓗ ᐃᒥᒐᓴᐃᑦ ᐊᐃᔭᐅᒍᓐᓇᓂᐋᑐᑦ ᐃᓱᒪᖅᓱᓪᓗᑎᒃ ᓴᙱᖃᑕᐅᔪᓂᒃ, ᐱᒋᐊᓪᓗᓂ 12−ᒥᒃ ᐅᓐᓄᓴᒃᑯᑦ ᑎᑭᓪᓗᒍ 1−ᒧᑦ ᐅᓐᓄᓴᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᐱᓕᕆᕝᕕᖏᑦ ᒪᑐᓯᒪᐅᖅᑐᑦ
ᔪᓚᐃ 28, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᓕᕆᕝᕕᖏᑦ ᒪᑐᔭᐅᓛᕐᒪᑕ ᐅᓐᓄᓴᒃᑯᑦ 3-ᒨᖅᐸᑦ 6-ᒨᕋᓱᓐᓂᖓᓂ ᑕᓪᓕᒥᕐᒥ, ᔪᓚᐃ 29, 2022.

ᐃᖃᐃᓕᓴᕐᕕᒃ ᒪᑐᐃᒃᑲᓐᓂᓛᖅᑐᖅ 6-ᒨᖅᐸᑦ ᐅᓐᓄᒃᑯᑦ ᒪᑐᐃᖓᐃᓐᓇᓕᕐᓗᓂ 10-ᒧᓄᑦ ᐅᓐᓄᒃᑯᑦ.

ᓄᓇᓕᕐᒥᐅᑕᐃᑦ ᓱᓕ ᐅᐸᒍᓐᓇᓛᖅᑐᑦ ᐲᑕ ᓂᕿᓂᑦ ᑕᒧᓗᒐᖅᑖᕕᒻᒧᑦ, ᐳᐃᔾᔪᕋᕐᕕᒻᒦᑦᑐᒧᑦ, ᒪᑐᓯᒪᓂᖓ.

###

ᑐᑭᓯᒋᐊᕈᒪᔪᑦ ᐆᕕᖓ ᐃᖅᑲᓇᐃᔭᕐᓇᐅᓂᖓᓂ ᖃᐅᔨᒋᐊᖁᔪᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ ᐃᒥᖃᓕᖅᑐᑦ - ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ ᐅᖃᐅᔾᔪᐃᔾᔪᑎ - ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕕᐅᑉ ᐊᕙᑎᐊᓃᑦᑐᑦ (519, 624, 626, 630, 913, 922, 923, 924, 927, 933, 935)
ᔪᓚᐃ 28, 2022 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᓕᖅᑐᑦ ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕕᐅᑉ ᐊᕙᑎᐊᓃᑦᑐᑦ.

ᓇᒥ ᐃᒥᖃᖏᑲᐃᓐᓇᖅᑲᐅᒻᒪᑕ: ᑎᓴᒪᓄᑦ ᐊᑐᕆᐊᓄᑦ ᓴᖑᒋᐊᕐᕕᐅᑉ ᐊᕙᑎᐊᓃᑦᑐᑦ (519, 624, 626, 630, 913, 922, 923, 924, 927, 933, 935).

ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᖏᓐᓇᓂᐊᖅᑐᑦ, ᐅᖃᐅᓯᐅᔪᓂ ᐊᕙᑎᓂ, ᓱᓕ ᐊᑐᖅᑕᐅᒋᐊᓕᒃ.

ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᖏᓐᓂ, ᓄᓇᓕᐸᐅᔭᒃᑯᑦ ᐃᒥᖅᑕᐅᓂᐊᖅᑐᓂᑦ ᑎᖅᑎᑎᑦᑎᖃᑦᑕᖁᓪᓗᒋ ᐅᐊ ᒪᓇᒥᑦ ᐊᑯᓂᐅᓂᕐᓴᓘᓐᓃᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
2022 ᐊᐅᔭᖓᓂ ᐊᓃᕐᕕᒻᒥ ᓂᐅᕕᐊᑦᓴᖃᖅᐸᑦᑐᑦ ᐊᑎᓕᐅᕐᕕᖓᑦ
ᔪᓚᐃ 25, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᔨᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᑐᓴᕋᑦᓴᓂᑦ ᖃᖓᒃᑯᑦ ᑭᖑᓪᓕᕐᒥ ᐊᐅᔭᒃᑯᑦ ᐊᓃᕐᕕᒻᒥ, ᐊᑐᖅᑕᐅᓛᖅᑐᖅ ᐃᖃᓗᐃᑦ ᐊᓃᕐᕕᖓᓂ ᓈᑦᓯᐅᖑᔭᓛᕐᓂᐊᒥ, ᔪᓚᐃ 30, 2022. ᐊᑐᖅᑕᐅᖔᓛᓕᖅᑐᖅ 1-ᒥᑦ 4-ᒧᓄᑦ ᐅᓐᓄᓴᒃᑯᑦ (ᐊᑐᖅᑕᐅᓂᐊᓚᐅᖅᑑᒐᓗᐊᖅ ᐅᓪᓗᓕᒫᖅ 10-ᒥᓂᑦ 4-ᒧᓄᑦ ᐅᓐᓄᓴᒧᑦ).

ᐊᐅᔭᒃᑯᑦ ᐊᓃᕐᕕᒻᒥ ᖃᓄᐃᓕᐅᕈᑎᐅᔪᖅ ᑲᑎᑎᑦᓯᕕᐅᓗᓂ ᓄᓇᓕᕐᒥᐅᑕᓂᑦ ᓂᐅᕕᐊᑦᓴᖁᒪᒐᔭᖅᑐᓄᑦ ᓴᓇᐅᒐᕐᒥᓂᒃ ᓱᓇᑐᐃᓐᓇᕐᓂᑦ ᐊᒻᒪ/ᐅᕝᕙᓘᓐᓃᑦ ᓂᕿᓕᐊᒥᓂᕐᒥᓂᒃ. ᓄᓇᓕᐸᐅᔭᒃᑯᑦ ᓵᑦᓴᓂᑦ ᐊᑐᐃᓐᓇᐅᑎᑦᑎᓛᖅᑐᑦ ᐊᑎᓕᐅᕐᓯᒪᔪᓄᑦ ᐊᑐᖅᑕᐅᔪᓐᓇᓛᖅᑐᓂᑦ ᑕᑯᑦᓴᐅᑎᑦᑎᓗᑎᒃ ᐊᒻᒪ ᓂᐅᕕᐊᑦᓴᖃᕐᓗᑎᒃ ᐱᖁᑎᒥᓂᒃ.

ᐃᓄᓐᓄᑦ ᑐᓴᕋᔅᓴᖅ
ᕿᑲᕐᓇᐅᑎᓪᓗᒍ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ ᐊᒻᒪ ᓄᓇᓕᐸᐅᔭᒃᑯᑦ ᐊᓪᓚᖏᑦ ᒪᑎᓯᒪᓂᖏᑦ
ᔪᓚᐃ 25, 2022 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᕈᒪᔪᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐊᐅᓚᓂᖃᔾᔮᖏᑦᑐᑦ:

• ᓇᒡᒐᔾᐅ, ᐋᒐᓯ 1, 2022

ᖃᐅᔨᒪᓂᐊᖅᑯᓯ ᐅᑯᐊ ᐊᓯᒎᕈᑎᔅᓴᐃᑦ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ:

ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᓯᐅᑎᓄᑦ ᐱᔨᑦᑎᖅᑕᑦ
• ᓇᒡᒐᔾᐅ, ᐋᒐᓯ 1, 2022 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ

• ᐊᐃᑉᐱᖅ, ᐋᒐᓯ 2, 2022 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ

ᐊᖏᕋᕆᔭᐅᔪᓄᑦ ᐊᑦᑕᑯᓄᑦ ᐱᔨᑦᑎᖅᑕᑦ
• ᓇᒡᒐᔾᐅ, ᐋᒐᓯ 1, 2022 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ

• ᐊᐃᑉᐱᖅ, ᐋᒐᓯ 2, 2022 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᑦ ᒪᑐᓯᒪᔪᑦ ᐊᒻᒪ ᓇᒧᑦ ᐃᖏᕐᕋᕙᑦᑐᑦ ᐊᓯᐊᒎᖅᐸᓐᓂᖏᑦ - ᐃᕐᓯᕋᕐᔪᐊᑯᓗᒃ ᐃᖃᓗᓐᓅᖅᐸᑦ - ᔪᓚᐃ 29, 2022
ᔪᓚᐃ 25, 2022 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᓂᑦ ᒪᑐᔭᐅᓯᒪᓛᖅᑐᓂᑦ ᐊᒻᒪ ᐃᖏᕐᕋᔪᓂᑦ ᐊᐅᓚᑦᑎᔾᔪᑎᓂᑦ ᐱᓕᕆᔾᔪᑎᖃᓛᕐᓂᖏᓐᓂᑦ ᐊᑐᖅᑕᐅᓛᖅᑐᓂᑦ ᔪᓚᐃ 29-ᒥ, 2022, ᐊᑦᑐᐊᔪᓂᑦ ᐃᕐᓯᕋᕐᔪᐊᑯᓘᑉ ᓂᐅᕐᕈᓛᕐᓂᖓᓄᑦ ᐃᖃᓗᓐᓄᑦ.

ᑯᐃᓐ ᐃᓕᓴᐸᖦ (ᐊᑯᓐᓂᖏᒍᑦ ᓯᓈ ᐊᒻᒪ ᒪᑦᑖᖅ ᐊᑐᕆᐊᑦ) ᒪᑐᔭᐅᓯᒪᓛᖅᑐᑦ ᐃᓘᓐᓇᖏᓐᓄᑦ ᓄᓇᒃᑰᔫᓄᑦ ᐅᕙᖕᖓᑦ 2:00 ᐅᓐᓄᓴᒃᑯᑦ ᐅᕗᖓ 7:00 ᐅᓐᓄᓴᒃᑯᑦ, ᐱᓱᕋᔭᓛᖅᑐᑦ ᐊᑦᑕᓇᖅᑐᒦᖁᓇᒋᑦ ᖃᓄᐃᓕᐅᕈᑎᓂᑦ ᐃᕐᓯᕋᕐᔪᐊᑯᓗᒃ ᓂᐅᕐᕈᓯᒪᓂᖓᓂ ᐃᖃᓗᓐᓄᑦ.