ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑲᓇᑕᒥ ᐅᓪᓗᖓᓂ ᓱᓕᔪᕐᓂᐊᓂᕐᒥᑦ ᐊᒻᒪ ᓴᐃᒪᖃᑎᒌᓐᓂᕐᒥᑦ - ᒪᑐᓯᒪᓂᐊᖅᑐᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐊᒻᒪ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ
ᓰᑏᐱᕆ 27, 2022 − ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᑦᑎᐊᖅᑐᑦ ᐊᑦᑐᐃᔾᔪᑎᒻᒪᕆᐅᓯᒪᔪᓂᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᑐᔪᕐᒥᓪᓗᑎᒃ ᐃᖃᓗᒻᒥᐅᑕᓂᑦ ᐊᒻᒪ ᐃᑲᔪᕐᓱᐃᑦᑎᐊᖅᑐᑎᑦ ᑲᓇᑕᒥ ᐅᓪᓗᖓᓂᑦ ᓱᓕᔪᕐᓂᐊᓂᕐᒥᑦ ᐊᒻᒪ ᓴᐃᒪᖃᑎᒌᓐᓂᕐᒥᑦ - ᖃᓄᐃᓕᐅᕈᑎ #80 ᑎᑎᕋᕐᓯᒪᔪᖅ ᓱᓕᔪᕐᓂᐊᓂᕐᒥᑦ ᐊᒻᒪ ᓴᐃᒪᖃᑎᒌᓐᓂᕐᒥᑦ ᖃᐅᔨᓴᖅᑏᑦ ᐅᓂᒃᑳᓕᐊᒥᓂᖏᓐᓂ. ᓄᓇᓕᕐᒥᐅᑕᐃᑦ ᐊᒻᒪ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᑕᐃᑲᓂ ᐅᓪᓗᖓᓂ ᐃᓱᒪᑦᓴᕐᓯᐅᖁᔭᐅᕗᑦ ᐊᒻᒪ ᐱᖃᑕᐅᖁᓪᓗᒋᑦ ᓄᓇᓕᓐᓂ ᖃᓄᐃᓕᐅᕈᑎᐅᓛᖅᑐᓄᑦ ᑕᐃᑲᓂ ᐅᓪᓘᑎᓪᓗᒍ.
ᐅᖃᐅᑎᑦᓴᖏᑦ ᒪᐃᔭ ᐱᐅᓪ
“ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᑐᔪᕐᒥᓪᓗᑎᒃ ᕿᒪᐃᓯᒪᕗᑦ ᐊᑦᓱᐊᓘᖅᑐᒥᑦ ᐊᒻᒪ ᐊᑯᓂᐊᓗᒃ ᐊᑦᑐᐃᓯᒪᔪᓂᑦ ᐊᒥᓱᓄᑦ ᐃᖃᓗᒻᒥᐅᑕᓄᑦ. ᓄᓇᓕᓐᓂ ᓱᓕ ᑕᑯᕙᑦᑐᑦ ᐊᒻᒪ ᐃᑉᐱᓐᓂᐊᕙᑦᑐᑦ ᐋᓐᓂᖅᑕᐅᔾᔪᑎᐅᓯᒪᔪᓂᑦ ᐊᒻᒪ ᐱᑦᑎᐊᖏᔾᔪᑎᐅᓯᒪᔪᓂᑦ ᐊᑐᖅᑕᐅᕙᓚᐅᖅᑐᓂᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᑦ ᑐᔪᕐᒥᓪᓗᑎᒃ, ᑭᒃᑯᑐᐃᓐᓇᐃᑦ ᐊᒻᒪ ᐃᓚᒌᑦ ᓵᖕᖓᐸᑦᑎᓪᓗᒋᑦ ᐊᑯᓂᐅᓗᒃ ᐃᑉᐱᒋᔭᐅᔪᓂᑦ ᐊᑦᑐᐃᔾᔪᑎᐅᓯᒪᔪᓂᑦ ᑭᖑᕚᕇᓄᑦ ᖁᐊᕐᓵᕈᑎᐅᓯᒪᔪᓂᑦ. ᑲᓇᑕᒥ ᐅᓪᓗᖓᓂᑦ ᓱᓕᔪᕐᓂᐊᓂᕐᒥᑦ ᐊᒻᒪ ᓴᐃᒪᖃᑎᒌᓐᓂᕐᒥᑦ ᐅᓪᓘᕗᖅ ᐅᕙᑦᑎᓐᓄᑦ ᐃᓕᑕᕆᔾᔪᑎᒋᓪᓗᒍ ᐊᑐᖅᑕᐅᕙᓚᐅᖅᑐᑦ ᐊᒻᒪ ᕿᒪᑦᑕᐅᓯᒪᔪᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓂᑦ ᑐᔪᕐᒥᓪᓗᑎᒃ ᒪᓕᑦᑐᒋᑦ ᐊᑦᑐᐊᓂᖏᑦ ᓯᕗᒧᐊᑉᐸᓪᓕᐊᒍᑎᐅᓂᖏᑦ ᓴᐃᒪᖃᑎᒌᓐᓂᖏᓐᓄᑦ ᐃᓄᐃᑦ ᐊᒻᒪ ᐊᓯᖏᑦ ᓄᓇᖃᖅᑳᕐᓯᒪᔪᓄᑦ ᓄᓇᓕᐅᔪᑦ, ᓇᓗᓇᐃᒃᑯᑎᒋᓪᓗᒋᑦ ᐃᓱᒪᒋᔭᐅᓂᖏᓐᓂᑦ ᐊᒻᒪ ᐃᑲᔪᕐᓱᖅᑕᐅᓂᖏᓐᓂᑦ ᓯᕗᒧᐊᑉᐸᓪᓕᐊᑎᓪᓗᒋᑦ ᐃᓅᓯᕐᒥᒍᑦ.”
ᐃᓕᑕᕐᓯᔾᔪᑎᐅᖁᓪᓗᒍ ᑲᓇᑕᒥ ᐅᓪᓗᖓᓂᑦ ᓱᓕᔪᕐᓂᐊᓂᕐᒥᑦ ᐊᒻᒪ ᓴᐃᒪᖃᑎᒌᓐᓂᕐᒥᑦ, ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᖅᑐᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᐊᒻᒪ ᐊᓐᓂᑭᑦᑐᕐᕕᖏᑦ ᒪᑐᓯᒪᓛᕐᒪᑕ ᑭᒃᑯᑐᐃᓐᓇᕐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᐅᑎᐅᔪᑦ ᐊᐅᓚᓛᖏᑦᑐᑦ ᐅᕙᓂ:
• ᑕᓪᓕᕐᒥᖅ, ᓰᑏᐱᕆ 30, 2022
ᐳᐃᔾᔪᕋᕐᕕᖃᕐᕕᒃ ᒪᑐᐃᖓᑎᑕᐅᓛᖅᑐᖅ ᑭᒃᑯᑐᐃᓐᓇᕐᓄᑦ 12-ᒥᓂᑦ ᐅᓪᓗᒃᑯᑦ 4-ᒧᓄᑦ ᐅᓪᓗᓴᒧᑦ.
ᖃᐅᔨᒪᓂᐊᖅᑯᓯ ᐅᓪᓗᕐᓯᐅᑎᒋᓂᐊᖅᑕᖏᓐᓂᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᐅᔪᑦ:
ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ
• ᑎᓴᒻᒥᖅ, ᓰᑏᐱᕆ 29, 2022 – 6-ᒥᓂᒃ ᐅᓪᓛᒃᑯᑦ ᐱᔭᕇᕋᓱᓐᓂᖏᓐᓂᑦ ᐱᔭᑦᓴᒥᓂᒃ
• ᑕᓪᓕᕐᒥᖅ, ᓰᑏᐱᕆ 30, 2022 – ᓄᓇᒃᑰᔫᒃᑯᑦ ᐱᔨᑦᓯᕋᖏᑦᑐᑦ
ᐊᖏᕋᕆᔭᐅᔪᓂᑦ ᓴᓂᕐᓂᒃ ᓄᐊᑦᑎᔩᑦ
• ᑎᓴᒻᒥᖅ, ᓰᑏᐱᕆ 29, 2022 – 6-ᒥᓂᒃ ᐅᓪᓛᒃᑯᑦ ᐱᔭᕇᕋᓱᓐᓂᖏᓐᓂᑦ ᐱᔭᑦᓴᒥᓂᒃ
• ᑕᓪᓕᕐᒥᖅ, ᓰᑏᐱᕆ 30, 2022 – ᓄᓇᒃᑰᔫᒃᑯᑦ ᐱᔨᑦᓯᕋᖏᑦᑐᑦ
ᓄᓇᓕᕐᒥᐅᑕᐃᑦ ᐃᒻᒪᑦᑕᐅᔪᒪᓂᐊᖅᑐᑦ ᐅᖄᓚᒍᓐᓇᓛᖅᑐᑦ ᓄᓇᓕᐸᐅᔭᒃᑯᑦ ᑭᐅᔨᖏᓐᓄᑦ ᐅᕗᖓ 867-979-5650, ᐅᓪᓛᓂᑦ 8-ᒥᓂᒃ 4-ᒧᓄᑦ ᐅᓐᓄᓴᒃᑯᑦ. ᐱᔨᑦᓯᕋᐅᑎᓄᑦ ᐊᑭᓖᒋᐊᖃᕋᔭᖅᑐᑦ $350-ᓂᑦ ᑐᐊᕕᕐᓇᑐᒃᑯᑦ ᓇᔪᒐᕐᓂᑦ ᐃᒻᒪᐃᒍᑎᒃ ᐊᒻᒪ $500-ᓂᑦ ᐊᑭᓖᒋᐊᖃᕋᔭᖅᑐᑦ ᑐᐊᕕᕐᓇᑐᒃᑯᑦ ᑮᓇᐅᔭᓕᐅᖅᑎᓂᑦ ᐃᒻᒪᐃᒍᑎᒃ.
ᖃᐅᔨᒪᒋᑦᓯ ᑲᓇᑕᒥ ᐅᓪᓗᖓᓂᑦ ᓱᓕᔪᕐᓂᐊᓂᕐᒥᑦ ᐊᒻᒪ ᓴᐃᒪᖃᑎᒌᓐᓂᕐᒥᑦ ᐊᓐᓇᐅᒪᓯᒪᔪᑦ ᐃᑲᔪᖅᑕᐅᔪᓐᓇᕐᒪᑕ ᐅᖄᓚᐅᑎᒃᑯᑦ ᐃᓕᓐᓂᐊᕆᐊᖅᐸᓚᐅᖅᑐᑦ ᐊᒻᒪ ᑕᐃᒃᑯᐊ ᐊᑦᑐᖅᑕᐅᓯᒪᔪᑦ. ᐃᓱᒪᒃᑯᑦ ᐊᑦᑐᖅᑕᐅᓯᒪᓪᓗᐊᖅᑐᑦ ᐊᒻᒪ ᐱᔭᖅᑯᖅᑐᓵᖅᐸᑦᑐᑦ ᓇᒧᑦ ᐃᑲᔪᖅᑕᐅᔪᒪᒍᓐᓇᕐᒪᖔᑕ ᐅᖃᐅᔾᔭᐅᔪᓐᓇᖅᑐᑦ ᐅᖄᓚᒍᑎᒃ ᖃᐅᑕᒫᑦ ᒪᑐᐃᖓᐃᓐᓇᖅᑐᒧᑦ ᑲᓇᑕᒥ ᐱᔭᖅᑯᖅᑐᓵᖅᑐᓄᑦ ᐅᕗᖓ 1-866-925-4419.
ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐃᑦ ᐃᑲᕋᖏᓐᓂ, ᖃᐅᔨᒋᐊᕐᕕᒋᒍᒃ:
ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ, ᓄᓇᓕᐸᐅᔭᐃᑦ ᐃᖃᓗᐃᑦ
S.Avery@iqaluit.ca | 867-979-5630
