ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖅᑲᐃᑎᑦᓯᔾᔪᑎ: ᑎᒥᒃᑯᑦ ᐊᔪᕈᑎᓕᓐᓄᑦ ᓄᓇᒃᑰᔫᓄᑦ ᓄᖅᑲᑕᕐᕕᖏᑦ ᐊᑐᐃᓐᓇᐅᑎᑕᐅᔪᑦ ᑕᐃᒃᑯᓄᖓ ᑎᒥᒃᑯᑦ ᐊᔪᕈᑎᓕᓐᓄᑦ
ᑏᓰᐱᕆ 8, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖃᓗᒻᒥᐅᑕᓂᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᖅᑲᖓᖃᑦᑕᖁᔭᐅᖕᖏᒻᒪᑕ ᑎᒥᒃᑯᑦ ᐊᔪᕈᑎᓕᓐᓄᑦ ᓄᓇᒃᑰᔫᖏᑕ ᓄᖅᑲᖓᕕᖏᓐᓂ. ᑕᒪᒃᑯᐊ ᓴᓂᕐᕙᑦᑕᐅᓯᒪᒻᒪᑕ ᐃᑲᔫᑎᐅᔪᒪᓪᓗᑎᒃ ᑕᐃᒃᑯᓂᖓ ᑎᒥᒃᑯᑦ ᐊᔪᕈᑎᓕᓐᓂᑦ, ᑎᑎᕋᕐᓯᒪᔪᖅᑕᖃᕐᒥᔪᑦ ᐊᒻᒪ ᒪᓕᒐᑎᒍᑦ ᓴᖅᑭᕐᓯᒪᔪᒥᑦ ᐱᑕᖃᖅᑎᑕᐅᓗᑎᒃ “ᑎᒥᒃᑯᑦ ᐊᔪᕈᑎᓖᑦ ᓇᓗᓇᐃᒃᑯᑕᖃᕆᐊᓖᑦ ᐴᕐᒥᑦᒥᑦ”, ᑕᒪᒃᑯᓇᓂ ᓄᖅᑲᖓᕕᓐᓂ ᓄᖅᑲᖓᒍᓐᓇᕈᑎᒋᕙᑦᑕᖏᑦ.
ᐱᑖᕈᒪᔪᑦ ᒪᓕᒐᑎᒍᑦ ᐱᔭᐅᓯᒪᔪᒥᑦ “ᑎᒥᒃᑯᑦ ᐊᔪᕈᑎᓖᑦ ᓇᓗᓇᐃᒃᑯᑕᖃᕆᐊᓖᑦ ᐴᕐᒥᑦᒥᑦ”, ᐃᖃᓗᒻᒥᐅᑕᐃᑦ ᖃᐅᔨᒋᐊᕆᐊᓖᑦ ᓄᓇᕘᑦ ᒐᕙᒪᒃᑯᖏᑕ ᐃᖏᕐᕋᔪᓕᕆᔨᒃᑯᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᒃᑯᑦ ᐃᖏᕐᕋᔪᑦ ᐅᑕᖅᑭᑎᑕᐅᖃᑦᑕᓛᑐᐃᓐᓇᕆᐊᓖᑦ ᐱᔾᔪᑎᐅᓗᓂ ᓵᓂᑲᓛᓯ ᐊᑐᕆᐊᑰᖃᑕᐅᓂᖓ ᒪᓕᑦᑐᒌᑦᑐᓄᑦ ᓈᑦᓯᐅᖑᔭᓛᕐᓂᐊᒥ ᑏᓰᐱᕆ 10
ᑏᓰᐱᕆ 9, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᐃᖃᓗᒻᒥᐅᑕᓂᑦ ᐊᑐᕆᐊᒃᑯᑦ ᐃᖏᕐᕋᔭᓛᖅᑐᑦ ᐅᑕᖅᑭᑎᑕᐅᖃᑦᑕᓛᖅᐸᓪᓚᐃᒻᒪᑕ ᐃᓚᖏᑦ ᐊᑐᕆᐊᑦ ᒪᑐᓯᒪᔭᐅᑲᐃᓐᓇᖃᑦᑕᓛᕐᒪᑕ ᓵᓂᑲᓛᓯ ᐊᑐᕆᐊᒃᑰᖃᑕᐅᓕᖅᐸᑦ ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 10, 2016.
ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᖃᖅᑲᓕᐊᕆᐊᑉ ᒥᑦᓵᓄᑦ ᐃᖏᕐᕋᓗᑎᒃ, ᓴᖑᓕᕐᓗᑎᒃ ᑕᓕᖅᐱᒻᒧᑦ, ᐊᒻᒪ ᓄᖅᑲᕐᓗᑎᒃ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓄᑦ, ᑕᐃᑲᓃᓛᖅᑐᖅ ᓵᓂᑲᓛᓯ ᒪᒃᑯᑦᑐᒃᑯᕕᒻᒥ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᕼᐋᑦ ᓴᑲᓚᑦᑐᖅᑎᑕᐅᓛᕐᒥᔪᑦ ᐱᔪᒪᓂᖏᑦ.

ᐃᓄᖕᓄᑦ ᑐᓴᕋᑦᓴᖅ
ᓵᓂᑲᓛᓯ ᐱᑖᖅᑎᑦᓯᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖅᑐᖅ ᒪᓕᑦᑎᒌᓪᓗᑎᒃ, ᓈᑦᓯᐅᖑᔭᓛᕐᓂᐊᖑᓕᖅᐸᑦ ᑏᓰᐱᕆ 10
ᑏᓰᐱᕆ 1, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᓱᓕᕆᕗᑦ ᑐᖕᖓᓱᑦᑎᑦᓯᓛᕐᓂᕐᒥᓂᒃ ᐃᖃᓗᓐᓂᒥᐅᑕᓂᑦ ᐊᕐᕌᒍᑦᑎᓐᓂ ᐱᑖᖅᑎᑦᓯᔨ ᓵᓂᑲᓛᓯ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᓛᖁᓪᓗᒍ, ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 10. ᐃᖏᕐᕋᓯᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂᑦ ᖁᓛᓅᖅᐸᑦ 12-ᒥ ᐅᓪᓗᒃᑯᑦ, ᐊᒻᒪ ᓄᖅᑲᕐᓗᑎᒃ ᓴᓂᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ, ᑕᐃᑲᓃᓛᖅᑐᖅ ᐱᑖᖅᑎᑦᓯᔨ ᒪᒃᑯᑦᑐᒃᑯᕕᐅᓂᖓᓂ ᐊᔾᔨᓕᐅᖅᑕᐅᔪᒪᓐᓂᕈᓂ ᐊᒻᒪ ᐆᓇᖅᑐᒥᑦ ᑯᑯᒥᑦ ᓂᐅᖅᑲᖃᓛᖅᑐᖅ.

ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ ᑐᓴᕋᑦᓴᖅ 
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.
ᐊᖅᑯᑎᓗᐊᑕᐅᔪᑦ ᐊᐳᑕᐃᔭᕐᓯᒪᔫᒥᓕᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᕐᓯᓪᓗᑎᓪᓗ. ᐊᑐᕆᐊᑦ ᒪᑯᐊ, ᐊᓯᖃᕈᓐᓇᕆᓪᓗᑎᒃ, ᐊᖅᑯᑎᓪᓗᐊᑕᖏᑦ ᐊᒻᒪ ᓄᐊᑦᓯᕕᐅᕙᓐᓂᖏᑦ ᐱᔨᑦᓯᕋᖅᑎᓄᑦ ᓄᓇᓕᐅᑉ ᕿᑎᐊᓃᓐᓂᖏᑦ (ᓲᕐᓗ ᓄᓇᓕᐅᑉ ᕿᑎᖓᒎᖓᔪᖅ, ᖃᖅᑲᓕᐊᕆᐊᖅ, ᓂᐊᖁᖕᖒᓯᐊᕆᐊᖅ ᐊᒻᒪ ᖃᖓᑕᓲᒃᑯᕕᓕᐊᕆᐊᖅ). ᐊᓯᖏᑦ ᐊᑐᕆᐊᑦ ᐊᑐᖅᑕᐅᓗᐊᖅᐸᖏᑦᑐᑦ ᓱᓕ ᐊᐳᑕᐃᔭᕐᓯᒪᖕᖏᑐᐃᓐᓇᕆᐊᓖᑦ.

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖓᑎᑕᐅᑲᐃᓐᓇᖅᑐᑦ ᑐᓴᕋᑦᓴᖅ 1
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓄᖅᑲᖓᑎᑕᐅᑲᐃᓐᓇᕐᓂᐅᓴᒻᒪᑕ ᓲᕐᓗ ᐃᒥᖅᑕᖅᑏᑦ, ᑭᓈᓗᓐᓂᑦ ᒥᓪᓗᐊᖅᑏᑦ, ᓴᓂᑦᑕᖅᑏᑦ ᐊᒻᒪ ᐊᐳᑕᐃᔭᐃᔩᑦ ᐊᓯᐊᒍᑦ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᓪᓗᒍ ᓯᓚᕈᔫᓗᐊᕐᓂᖓ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᓄᓇᓕᓐᓄᑦ ᑐᓴᕋᑦᓴᖅ
ᓄᑖᒥᑦ ᐅᖄᓚᐅᑎᖃᓕᖅᑐᑦ ᐱᖕᖑᐊᖅᑐᓕᕆᔨᒃᑯᑦ ᑐᑭᓯᒋᐊᕐᕕᖏᑦ
ᓅᕖᐱᕆ 1, 2016 (ᐃᖃᓗᐃᑦ, ᓄᓇᕗᑦ) ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᐱᖕᖑᐊᖅᑐᓕᕆᔨᒃᑯᑦ ᑐᑭᓯᒋᐊᕐᕕᖏᑕ ᐊᒻᒪ ᐊᑐᖅᑐᐊᕈᒪᔪᓄᑦ ᐱᖕᖑᐊᕐᕕᓐᓂᑦ ᐅᖄᓚᐅᑎᖓᑦ ᐊᓯᔾᔨᖅᑕᐅᓚᐅᕐᒪᑦ 867-979-5611-ᖑᓕᖅᑐᖅ, ᐊᓯᔾᔨᑦᓴᐅᑎᒋᔪᖅ ᒫᓐᓇ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐅᖄᓚᐅᑎᖓ: 867-979-5607

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᑖᖕᖑᖅᑎᑦᓯᑦᓴᐅᑎᒋᒋᐊᓖᑦ ᓇᒻᒥᓂᖁᑎᒥᓄᑦ ᑐᖕᖓᕕᓐᓂᑦ ᑖᑦᓯᑦᑎᖁᑎᓕᓐᓄᑦ ᓄᓇᒃᑰᔫᓂᑦ ᐃᓄᑦᑕᐅᑎᓂᑦ
ᐋᑦᑑᐸ 24, 2016 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᓇᒻᒥᓂᖁᑎᒥᓄᑦ ᑐᖕᖓᕕᓐᓂᑦ ᑖᑦᓯᑦᑎᖁᑎᓕᓐᓄᑦ ᑭᐅᕕᖃᕐᕕᓕᓐᓂᑦ ᐊᒻᒪ ᐊᖁᑎᓂᑦ ᑐᑦᓯᕋᐅᑎᓕᐅᕐᓂᖅ ᓄᑖᓂᑦ ᓚᐃᓴᓂᑦ ᐊᑐᖅᑕᐅᒐᔭᖅᑐᓂᑦ 2017-ᒥ ᐊᑐᐃᓐᓇᐅᓕᓛᕐᒪᑕ ᓅᕖᐱᕆ 1, 2016.
ᕿᓚᒥᐅᓂᕐᓴᒃᑯᑦ ᐅᐸᓗᖓᐃᔭᐃᓂᖅ ᐊᑐᖅᑕᐅᓂᐊᖅᑐᖅ ᑭᓯᐊᓂ ᑖᑦᓯᓕᕆᔨᓄᑦ ᐃᓄᑦᑕᐅᑎᓂᑦ ᑭᐅᕕᖃᕐᕕᓐᓄᑦ ᐊᒻᒪ ᐊᖁᑎᖏᓐᓄᑦ. ᐊᓯᖏᑦ ᓇᒻᒥᓂᖁᑎᓖᑦ ᓚᐃᓴᒥᓂᒃ ᓄᑖᕈᖅᑎᑦᓯᔾᔪᑎᑦᓴᓂᑦ ᐊᐃᑦᓯᕈᓐᓇᕐᓯᓛᖅᑐᑦ ᑏᓰᐱᕆ 1, 2016.
ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᔪᒪᔪᑦ ᓇᒻᒥᓂᖁᑎᓕᓕᒫᑦᓯᐊᓂᑦ ᐊᒻᒪ ᑮᓇᐅᔭᓕᐅᖅᑎᐅᖏᑦᑐᓂᑦ ᑲᑐᔾᔨᖃᑎᒌᖑᔪᓂᑦ ᐃᖃᓗᓐᓂ ᓚᐃᓴᖏᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᐸᐅᔭᐃᑦ ᐊᑦᓯᕕᖓᑦ ᐃᒋᑦᓯᕕᑦᓴᐅᓕᕐᒥᔪᖅ ᕿᔪᓐᓂᑦ ᐊᒻᒪ ᑎᒋᖓᔪᓂᑦ ᐸᐃᑉᐹᓂᑦ ᐴᒥᓂᕐᓂᒃ ᓴᓂᕐᓂᒃ

ᐋᑦᑑᐸ 14, 2016 (ᐃᖃᓗᐃᑦ, ᓄᓇᕗᑦ)  - ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᔪᒪᔪᑦ ᓄᓇᓕᓐᓂᒥᐅᑕᓂᑦ ᐊᑦᓯᕕᒻᒧᑦ ᐃᒋᑦᓯᔪᓐᓇᕋᑦᓯ ᓴᓂᕐᓂᒃ ᕿᔪᓐᓂᒃ ᐊᒻᒪ ᑎᒋᖓᔪᓂᑦ ᐸᐃᑉᐹᓂᑦ ᐴᒥᓂᕐᓂᒃ.  ᐊᑦᓯᕕᒃ ᒪᑐᐃᖓᕙᑦᑐᖅ ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᒪᑐᐃᖅᑐᓂ 8-ᒥ ᐅᓪᓛᒃᑯᑦ 2-ᒧᕋᓱᓐᓂᖓᓂ ᐅᓐᓄᓴᒃᑯᑦ (ᖁᓛᓂ ᒪᑐᐃᖓᕙᒻᒥᔪᖅ), ᐊᒻᒪ ᓈᑦᓯᐅᖑᔭᓛᕐᓂᐊᒥ, ᒪᑐᐃᖅᑐᓂ 8-ᒥ ᐅᓪᓛᒃᑯᑦ ᖁᓛᓄᓄᑦ 12-ᒧᑦ, ᒪᑐᑲᐃᓐᓇᖅᑐᓂ 1-ᒨᕋᓱᓐᓂᖓᓂ ᐅᓐᓄᓴᒃᑯᑦ 1-ᒥ ᒪᑐᐃᕐᓗᓂ 5-ᒥ ᒪᑐᓗᓂ ᐅᓐᓄᓴᒃᑯᑦ.

ᐅᖃᐅᑎᑦᓴᐃᑦ ᐃᓅᔪᓐᓃᕐᓂᖓᓂᑦ ᐳᕋᐃᐊᓐ ᐱᐅᕐᓴᓐ
ᑭᒡᒐᑐᕐᓗᒋᑦ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐊᒻᒪ ᐃᖅᑲᓇᐃᔭᖅᑎᖏᑦ, ᐅᖃᖅᐳᒍᑦ ᓇᓪᓕᒍᓱᑦᑐᒻᒪᕆᐅᓂᖅᑎᓐᓂᑦ ᐃᓚᓐᓈᕆᓚᐅᖅᑕᖏᓐᓂᑦ ᐊᒻᒪ ᐱᖃᓐᓂᕆᓚᐅᖅᑕᖏᓐᓂᑦ ᐳᕋᐃᐊᓐ ᐱᐅᕐᓴᓐ.
ᓄᓇᓕᐸᐅᔭᐃᑦ ᐃᖃᓗᐃᑦ ᒪᐃᔭᒋᒋᐊᖓᓚᐅᕐᓯᒪᔭᖓᑦ, ᐳᕋᐃᐊᓐ ᑕᑯᓐᓇᖕᖑᐊᒐᖃᒻᒪᕆᑉᐸᓚᐅᖅᑐᖅ ᐊᖏᔪᖅᑳᖃᕐᕕᒻᒥ ᐱᔾᔪᑎᖃᖅᑐᓂ, ᐃᓚᒋᔭᐅᓗᓂ ᐊᕐᕌᒍᒐᓴᓂ ᖃᑭᒪᑦᓯᐊᖁᔨᓪᓗᓂ ᐱᕈᖅᐸᓪᓕᐊᑎᓪᓗᒋᑦ ᓇᒻᒥᓂᕆᔭᐅᔪᑦ ᐊᒻᒪ ᐃᖃᓗᓐᓂ ᓄᓇᓕᖃᖅᑎᐅᔪᑦ. ᖃᓄᑐᐃᓐᓇᑦᓯᐊᖅ ᑕᐅᑦᑐᖃᑐᐃᓐᓇᖅᐸᓚᐅᖏᑦᑐᖅ, ᓇᓪᓕᓐᓂᖃᒻᒪᕆᓚᐅᖅᑐᖅ, ᑕᐃᒫᓪᓗᐊᖅ ᓇᓪᓕᒍᓱᓚᐅᕋᒥ ᐃᓚᓐᓈᒥᓂᒃ ᑕᐃᒫᒃ ᓇᓪᓕᓐᓂᖃᓚᐅᖅᑐᖅ ᓄᓇᓕᐸᐅᔭᒥᑦ ᓄᓇᒋᓚᐅᖅᑕᒥᓂᒃ ᐃᓅᓯᓕᒫᐸᓗᐊᓂ.
ᓇᑯᕇᓐᓇᓂᐊᖅᑕᕗᑦ ᓯᕗᒧᑦ ᑕᑯᓐᓇᖅᐸᓚᐅᕐᓂᖓ, ᓴᖕᖏᓂᕆᓚᐅᖅᑕᖓ ᐊᒻᒪ ᓯᓚᑦᑑᓂᕆᓚᐅᖅᑕᖓ.
ᒫᑕᓕᓐ ᕆᐊᑦᕘᕐᓐ
ᒪᐃᔭᖓᑦ ᐃᖃᓗᐃᑦ

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ