ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᑐᓴᐅᒪᔪᓕᕆᔨᒃᑯᑦ
ᖃᐅᔨᒃᑲᐃᔾᔪᑎ ᓄᓇᓕᕆᓂᕐᒥ ᐊᒻᒪ ᐊᕙᑎᑦᑎᓐᓂ ᖃᐅᔨᓴᖅᑕᐅᖃᑦᑕᖅᑐᓂᒃ – ᐃᖃᓗᖕᓂ ᐃᒫᓂ ᐊᐅᓚᔪᓐᓇᐅᑎᑦ ᐱᓕᕆᐊᖑᑎᓪᓗᒋᑦ
ᐱᒋᐊᕐᕕᖓ: ᐅᑐᐱᕆ 11, 2016
ᐃᓱᓕᕝᕕᖓ: ᐅᑐᐱᕆ 18, 2016
ᓄᓇᕘᓕᒫᒥ 45 ᑎᑦᑕᖅ
ᓄᓇᓕᕆᓂᕐᒥ ᖃᐅᔨᓴᖅᑕᐅᓂᐊᖅᑐᑦ ᐃᖃᓗᖕᓂ ᐃᒫᓂ ᐊᐅᓚᔪᓐᓇᐅᑎᓕᕆᓗᑎᒃ ᐱᓕᕆᓂᐊᕐᒪᑕ ᐅᑐᐱᕆ 15−ᒥ 18−ᒧᑦ, 2016, ᐊᒻᒪ ᐃᑲᔪᖅᓱᖅᑕᐅᔭᕆᐊᖃᖅᖢᑎᒃ ᐋᖅᑭᒃᓯᒪᓂᒃᓴᖓᓂᒃ ᐱᓕᕆᑎᓪᓗᒋᑦ ᐱᕙᒌᔭᖅᑕᐅᔪᑦ ᓄᑖᙳᕆᐊᖅᑕᐅᑎᓪᓗᒋᑦ ᓄᓇᓕᖕᓂ ᑐᓚᒃᑕᕐᕕᖕᒥ ᐊᒻᒪ ᓴᓇᔭᐅᕙᓪᓕᐊᔪᒪᔪᖅ ᐃᑎᔪᒥᒃ ᑐᓚᒃᑕᕐᕕᒃᓴᒥ.
ᑖᒃᑯᐊ ᖃᐅᔨᓴᖅᑕᐅᓂᐊᖅᑑᒃ ᒪᕐᕉᖕᓂ ᐃᓂᐅᔫᖕᓂᒃ ᐱᓕᕆᐊᖑᓂᐊᖅᑐᑦ ᐃᖃᓗᖕᓂ: ᓄᓇᓕᖕᓂ ᑐᓚᒃᑕᕐᕕᖕᒥ ᐊᒻᒪ ᑐᒃᓯᕋᐅᑕᐅᓯᒪᔪᖅ ᐃᑎᔪᒥᒃ ᑐᓚᒃᑕᕐᕕᒃᓴᖅ ᑰᔾᔨᓯ ᑲᖏᖅᖣᑉ ᐊᑭᓐᓇᖔᖓᓂ, ᐊᓇᖁᖅᓴᖅ ᕿᑭᖅᑕᖅ ᐊᒻᒪ, ᐅᑲᓕᑐᓕᒃ ᕿᑭᖅᑕᐅᑉ ᖃᓂᒋᔮᓂ ᐊᒻᒪ ᐱᓱᒡᕕᖕᒥ.
ᓴᓇᔩᑦ ᐊᑐᖃᑦᑕᓛᖅᑐᑦ ᐳᓪᓚᒨᖅᑐᒥᒃ ᐃᑰᑕᕐᒥᒃ ᓄᓇᓕᖕᓂ ᑐᓚᒃᑕᕐᕕᖕᒥ ᐅᓪᓗᒃᑯᑦ 9 ᐊᒻᒪ 5 ᐊᑯᓐᓂᐊᓂᒃ. ᐃᑰᑕᖅᑐᖃᖃᑦᑕᓛᙱᑦᑐᖅ ᑐᒃᓯᕋᐅᑕᐅᓯᒪᔪᒥᒃ ᐃᑎᔪᒥᒃ ᑐᓚᒃᑕᕐᕕᒃᓴᐅᑉ ᖃᓂᒋᔮᓂ.
ᖃᓄᓗᒃᑖᖅ ᐱᓇᔪᖃᑦᑕᓛᖅᑐᒍᑦ ᐸᒡᕕᓇᖅᑕᐃᓕᒪᓗᑕ ᐅᒥᐊᓂᒃ ᑐᓚᒃᑐᖃᖅᑎᓪᓗᒍ ᐊᒻᒪ ᐅᒥᐊᖏᓱᖅᑐᖃᖅᑎᓪᓗᒍ ᓄᓇᓕᖕᓂ ᑐᓚᒃᑕᕐᕕᐊᑕ ᖃᓂᒋᔮᓂ. ᐃᓅᑦᑎᐊᕐᓂᖅ, ᐊᑦᑕᕐᓇᖅᑕᐃᓕᒪᓂᖅ ᐊᒻᒪ ᐊᕙᑎᒥᒃ ᐊᐅᓚᑦᑎᓂᕐᒧᑦ ᐱᕙᒌᔭᕈᑎᑦ ᐊᑐᖅᑕᐅᖃᑦᑕᕐᓂᐊᖅᐳᑦ ᐲᖅᑕᐅᕙᒡᓗᑎᒃ ᐅᕝᕙᓘᓐᓃᑦ ᒥᒃᖠᒋᐊᖅᑕᐅᓗᑎᒃ ᐊᒃᑐᐃᔾᔪᑕᐅᑐᐃᓐᓇᕆᐊᓖᑦ ᐊᕙᑎᒧᑦ ᐊᒻᒪ ᓄᓇᓕᖕᓄᑦ.
ᐊᖏᖅᑕᐅᔭᕆᐊᖃᖅᑐᓕᒫᑦ ᐱᔭᐅᓯᒪᔪᐃᓐᓇᐅᓕᖅᑐᑦ ᑖᒃᑯᓄᖓ ᓴᓇᕝᕕᐅᓂᐊᖅᑑᖕᓄᑦ.
###
ᑐᓴᐅᒪᔪᓕᕆᔨᒃᑯᓐᓂ ᖃᐅᔨᒋᐊᕐᕕᒃᓴᖅ:
ᑯᕆᔅ ᒧᓛᓕ
ᑐᓴᒐᒃᓴᓕᕆᔨ/ᐊᑐᐊᒐᓕᕆᔨ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ 867-975-5342 kmullaly@gov.nu.ca
