ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᖅᑐᒦᑦᑕᐃᓕᒋᑦ: ᐊᖁᑦᑕᐃᓕᑎᑦᑎᒐᓱᐊᕆᑦ ᐋᖓᔮᖅᑐᓂᒃ ᑕᒫᓂ ᕿᑲᕐᓇᐅᑎᓪᓗᒍ
ᑎᓯᐱᕆ 03, 2024 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᒃᑯᑦ ᐃᖃᓗᓐᓂ ᐊᒻᒪᓗ ᐸᓖᓯᒃᑯᑦ (RCMP) ᐃᖅᑲᐃᑎᑦᑎᒋᐊᕈᒪᕗᑦ ᐃᖃᓗᒻᒥᐅᑕᓂᒃ ᐋᖓᔮᕐᓗᓂ ᓄᓇᓯᐅᑎᒃᑯᑦ ᐊᐳᖃᑦᑕᕐᓂᖅ ᐱᑦᑕᐃᓕᑎᑦᑎᒐᔅᓴᐅᒻᒪᑦ. ᑕᒫᓂ ᕿᑲᕐᓇᐅᔪᒥᒃ, ᐱᓕᕆᖃᑎᒌᓚᐅᖅᑕ ᐊᖅᑯᑎᕗᑦ ᐊᑦᑕᓇᖅᑐᒦᖁᓇᒋᑦ ᓂᕈᐊᕐᓂᐊᖅᑯᑎᑦ ᐊᑦᑕᓇᖏᑦᑐᒃᑯᑦ ᐊᖏᕐᕋᐅᑎᔅᓴᒥᒃ. ᐃᒻᒥᓂᒃ ᓴᐳᒻᒥᒋᑦ, ᐃᑭᒪᑎᑦᑕᑎᑦ, ᐊᒻᒪᓗ ᐊᓯᖏᓪᓗ ᐊᑐᕆᐊᕐᒦᑦᑐᑦ.
ᐊᖁᑦᑕᐃᓕᑎᑦᑎᒐᓱᐊᕐᓂᖅ ᐋᖓᔮᖅᑐᓂᒃ, ᐸᓖᓯᒃᑯᑦ (RCMP) ᐊᒻᒪᓗ ᐃᖃᓗᐃᑦ ᒪᓕᒐᕋᓛᓂᑦ ᐊᑐᓕᖅᑎᑦᑎᓇᓱᐊᖅᑎᒃᑯᑦ ᐱᒋᐊᖅᑎᑦᑎᓂᐅᓴᔪᑦ ᑕᖅᑭᓕᒫᒥᑦ ᐃᓕᓐᓂᐊᑎᑦᑎᓂᕐᒥᒃ ᐊᒻᒪᓗ ᒪᓕᑦᑎᑦᑎᒐᓱᐊᕐᓂᕐᒥᒃ. ᐊᑐᖅᑕᐅᓇᓱᐊᕐᑐᑦ ᐃᓚᖃᕐᓂᐊᖅᑐᑦ ᐊᖅᑯᑎᓃᑦᑐᓂᒃ ᓄᖅᑲᑎᑦᑎᖃᑦᑕᕐᓂᕐᒥᒃ ᐊᒻᒪᓗ ᐱᓕᕆᖄᑎᒋᓐᓂᒃᑯᑦ ᐃᖏᕐᕋᖃᑦᑕᓂᐊᕐᑐᑦ, ᐸᓖᓰᑦ ᕿᓂᖃᑦᑕᕐᓂᐊᕐᑐᑦ ᐃᖏᕐᕋᔪᓂᒃ ᐋᖓᔮᖅᑐᓂᒃ ᐊᒻᒪᓗ ᐊᓂᖅᑎᕆᓂᕐᒧᑦ ᖃᐅᔨᓴᖃᑦᑕᕐᓗᑎᓗ.
55% ᐅᖓᑖᓃᑦᑐᑦ ᓄᓇᓯᐅᑎᒃᑯᑦ ᐱᓂᕐᓗᖃᑦᑕᕐᓂᐅᔪᑦ ᑲᓇᑕᒥ ᐱᔾᔪᑎᖃᖃᑦᑕᕐᒪᑕ ᐊᖁᑏᑦ ᐋᖓᔮᕐᓂᖏᓐᓄᑦ. ᐸᓐᓇᔅᓯᒪᑦᑎᐊᕐᓂᐊᖅᑯᑎᑦ ᖁᕕᐊᓱᖃᑎᒌᓐᓂᐅᔪᒧᑦ ᐱᑕᐅᓂᐊᕈᕕᑦ ᐃᒥᐊᓗᑕᓕᒻᒥ ᐅᕝᕙᓘᓐᓃᑦ ᐊᓯᖏᓐᓂ ᐋᖓᔮᕐᓇᖅᑐᓂᒃ. ᐊᖁᑎᖃᕋᓱᐊᕐᓗᑎᑦ ᐃᒥᐊᓗᔾᔮᖏᑦᑐᒥᒃ, ᐅᕝᕙᓘᓐᓃᑦ ᑖᒃᓯᒥ ᐅᖄᓚᓗᑎᑦ ᐊᖏᕐᕋᑦᑎᐊᖁᓪᓗᑎᑦ ᐊᑦᑕᓇᖏᑦᑐᒥ.
ᐊᖁᑦᑐᒋᑦᑎᒍᕕᑦ ᐋᖓᔮᖅᑐᒥᒃ, ᐅᖃᐅᓯᕆᑦᑕᐅᑎᒋᓂᐊᕐᐸ ᐸᓖᓯᒃᑯᓐᓄᑦ ᐅᖄᓚᓗᑎᑦ 867-979-1111−ᒧᑦ. ᖃᐅᔨᒃᑲᐃᔾᔪᑎᒋᔭᑎᑦ ᐃᓅᓯᕐᒥᒃ ᐃᓅᑎᑦᑎᑲᓐᓂᕈᓐᓇᕐᒪᑕ.
ᖁᔭᓐᓇᒦᒃ ᐱᖃᑕᐅᒐᕕᑦ ᖃᓄᐃᖏᑦᑎᐊᖁᔨᓂᕐᒥᒃ ᑭᒃᑯᓕᒫᓂᒃ ᕿᑲᕐᓇᐅᑎᓪᓗᒍ.
##
ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:
ᔩᐅᑉ ᕙᕐᓂ
ᑐᓴᐅᒪᖃᑎᒋᓐᓂᕐᒧᑦ ᐊᒻᒪᓗ ᐱᔨᔅᓯᖅᑕᐅᕙᒃᑐᓄᑦ ᐱᔨᔅᓯᕈᑎᒥ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5619 G.Byrne@iqaluit.ca
