ᓄᓇᓕᓐᓂᒥᐅᑕᐃᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᑦ - ᖁᔭᓕᓐᓇᐅᓕᖅᐸᑦ
ᐋᒃᑑᐸ 10, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᐋᒃᑑᐸ 13, 2025, ᖁᔭᓕᓐᓇᐅᓕᖅᐸᑦ ᕿᑲᕐᓇᐅᓛᖅᑐᒥ.

ᖃᐅᔨᒪᓂᐊᖅᑯᓯ ᓇᔪᒐᕐᓂᒃ ᐃᒻᒪᐃᕙᑦᑐᑦ ᐊᒻᒪ ᑭᓈᓗᓕᕆᔾᔪᑎᖏᓐᓂᒃ ᒥᓪᓗᐊᕐᓯᕙᑦᑐᑦ ᐱᔨᑦᓯᕋᖅᑎᖏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐊᐅᓚᐃᓐᓇᓛᕐᒪᑕ ᐱᐅᓯᕐᒥᓂᒃ ᐊᑐᕐᓗᑎᒃ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᓛᕐᒥᔪᖅ ᐅᓪᓗᒃᑯᑦ 12-ᒥᓂᒃ 4-ᒧᓄᑦ ᐅᓐᓄᓴᒧᑦ.

ᒫᓐᓇᐅᔪᖅ ᐃᓱᒪᒋᔭᖅᑎᓪᓗᑕ ᓱᓇᓂᒃ ᐊᓐᓂᕈᓱᓐᓂᑎᓐᓂᒃ - ᓄᓇᓕᕗᑦ, ᓄᓇᕗᑦ, ᐊᒻᒪ ᐃᓚᒌᓐᓂᕆᕙᑦᑕᕗᑦ ᐃᓘᓐᓇᑕ - ᓄᓇᓕᕐᒥᐅᑕᓕᒫᑦᓯᐊᑦ ᑕᐃᑲᓂ ᐅᓪᓗᕐᒥ ᓴᐃᓕᖓᑦᓯᐊᓛᖁᔭᕗᑦ ᐊᒻᒪ ᑕᖃᐃᕐᓯᑦᓯᐊᓛᕐᓗᑎᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐳᐃᔾᔪᕋᕆᐅᕐᓴᐅᑎᓂᒃ ᐃᓕᓐᓂᐊᕈᒪᔪᑦ ᐱᓇᓱᐊᕈᑎᖓ - ᐊᑎᖏᑦ ᐊᒧᔭᐅᓯᒪᓕᖅᑐᑦ ᐃᓕᓐᓂᐊᑐᑦᓴᐃᑦ

ᐋᒃᑑᐸ 9, 2025 – ᐃᖃᓗᐃᑦ, ᓄᓇᕗᑦ

ᐅᐸᓗᖓᐃᔭᐃᑎ ᐅᑭᐊᖅ ᐳᐃᔾᔪᕋᕆᐅᕐᓴᖅᑎᑕᐅᓂᐊᖅᑐᓄᑦ ᒪᑐᓯᒪᓕᖅᑐᖅ.

ᐳᐃᔾᔪᕋᕆᐅᕐᓴᕈᒪᔪᓄᑦ ᐱᑎᑕᐅᓚᐅᖅᑐᒍᑦ ᐅᖓᑖᓃᑦᑐᓂᒃ 300 ᐊᑎᕐᓂᒃ. ᓂᕈᐊᕈᑎᐅᔪᖅ ᐊᑐᖅᑕᐅᓚᐅᖅᑐᖅ ᐃᓘᓐᓇᖏᓐᓂᒃ ᐊᔾᔨᒌᑎᑦᓯᒍᒪᓪᓗᑎᒃ ᐊᒻᒪ ᐊᔾᔨᒌᒃᑯᑦ ᐱᓇᓱᐊᖁᔨᓪᓗᑎᒃ ᐱᓕᕆᐊᑦᓴᓄᑦ ᐃᓚᒋᔭᐅᒍᒪᓂᐊᖅᑐᑦ ᐃᓚᒌᖑᔪᑦ, ᖃᖓᒃᑯᑦ ᐅᕝᕙᓘᓐᓃᑦ ᖃᓄᖅ ᐊᑎᓕᐅᕈᓐᓇᕐᓂᕋᓗᐊᕈᑎᒃ.

ᐱᖃᑕᐅᓂᐊᖅᑐᑦ ᓂᕈᐊᖅᑕᐅᓚᐅᖅᑐᑦ ᐊᒧᔭᐅᖃᑦᑕᖅᑐᑎᒃ ᐊᑎᖏᑦ ᐅᖃᐅᔾᔭᐅᓯᒪᓕᖅᑐᑦ ᐃᕐᖐᓇᖅᑕᐅᑎᖏᒍᑦ, ᑐᕌᕈᑎᓄᑦ ᐊᐅᓪᓚᖅᑎᑕᐅᓯᒪᓕᖅᑐᑦ ᐊᑐᖅᑕᐅᓚᐅᖅᑐᓄᑦ ᐊᑎᓕᐅᖅᐸᓪᓕᐊᑎᓪᓗᒋᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ: ᐊᑐᕈᓐᓃᖅᑐᑦ ᕚᑕᓖᑦ ᑐᖅᑯᖅᓯᐊᕐᓗᒋᑦ ᓄᐊᑦᓯᕕᒻᒧᑦ

ᐅᑦᑑᐱᕆ 9, 2025 – ᐃᖃᓗᐃᑦ, ᓄᓇᕗᑦ

ᐃᑭᑦᑕᐃᓕᓂᐅᑉ ᐱᓇᓱᐊᕈᓯᖓ ᑲᔪᓯᓂᖓᓂ, ᐃᖃᓗᐃᑦ ᓄᓇᓕᐸᐅᔭᖓᑦ ᐃᖅᑲᐃᑎᑦᓯᔪᒪᕗᑦ ᐃᓪᓗᓕᓐᓂᑦ ᐃᑭᑦᑕᐃᓕᓂᖅ ᐊᖏᕐᕋᒥᑐᐃᓐᓇᐅᙱᒻᒪᑦ.

ᐃᒋᐅᖅᑲᖅᑕᐅᑐᐃᓐᓇᖅᑐᑦ ᐊᑦᑕᐅᑎᓄᑦ ᕚᑕᓖᑦ ᐊᑐᕈᓐᓃᖅᑐᑦ ᓱᓕ ᐊᑦᑕᓇᕐᓂᖅᐹᖑᒻᒪᑕ. ᐃᑭᑦᑐᓐᓇᕐᖓᑕ ᒪᕿᔪᑦ ᐊᑕᑦᓯᐊᕈᓐᓃᖅᑐᓪᓗ ᕚᑕᓖᑦ ᐊᑦᑕᖅᑏᑦ ᓄᓇᓯᐅᑎᖏᓐᓂ, ᐊᑦᑕᐅᑎᓂ, ᓴᓂᑦᑕᕐᕕᐅᑉ ᑐᖅᑯᐃᕕᖏᓐᓂ, ᐊᑦᓯᕕᒻᒥᓗ. ᑕᒪᒃᑯᐊ ᐃᑭᒐᐃᒻᒪᑕ ᐃᓄᐃᑦ, ᓱᓇᒃᑯᑏᑦ ᐊᒻᒪ ᐊᕙᑎᕗᑦ ᐊᑕᓇᖅᑐᒦᓕᖅᐸᒻᒪᑕ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᑕᓐᑐᕋᒥ ᓴᓂᕐᓂᖅ – ᖁᔭᓐᓇᒦᒃ ᓵᓚᒃᓴᖅᑐᓪᓗ ᐅᖃᐅᓯᐅᔪᑦ

ᐊᒃᑑᕙ 08, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᔭᓕᔪᒪᕗᑦ ᓄᓇᖅᑲᑎᒌᓂᒃ ᐊᒻᒪᓗ ᓇᖕᒥᓂᓕᖕᓂᒃ ᓴᓂᖃᑕᐅᔪᓂᒃ ᑕᓐᑐᕋᒥ ᓴᓂᖅᑎᓪᓗᒋᑦ. ᐃᑲᔪᐃᓐᓇᖃᑦᑕᕋᔅᓯ ᓄᓇᓕᕗᑦ ᓴᓗᒪᑏᓐᓇᖅᑎᒐᓱᐊᖅᑎᓪᓗᒍ ᑲᔾᔮᕐᓇᕐᓂᖅᓴᐅᕙᒃᐳᖅ.

ᖁᕕᐊᓱᒃᑐᑕ ᑐᓴᖅᑎᑦᑎᔪᒪᕗᒍᑦ ᓵᓚᒃᓴᖅᑐᓂᒃ ᑕᒪᑐᒪᓂ ᐊᕐᕌᒍᒥ:

  • ᓄᓇᓕᖕᓃᖖᒑᖅᑐᖅ ᓵᓚᒃᓴᖅᑐᖅ: ᒪᐃᔭ ᐅᕕᑎᐊ
  • ᓇᖕᒥᓂᖃᕐᕕᐅᔪᓄᑦ ᓵᓚᒃᓴᖅᑐᖅ: ᑐᓗᒐᖅ ᒪᓕᒐᓕᕆᔩᑦ

ᓵᓚᒃᓴᖅᑐᖅ ᑲᑎᖃᑎᖃᕈᓐᓇᖅᑐᖅ ᑖᒥᓂᒃ ᒐᒡᓂᒥᑦ, ᐱᕙᓪᓕᐊᔪᓕᕆᔨ, ᓵᓚᒃᓴᐅᓯᐊᒥᓂᒃ ᐊᐃᒃᓯᕈᓐᓇᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖅ: ᐅᐸᓗᖓᐃᖅᓯᒪᒋᑦ ᐊᓂᑐᐃᓐᓇᕆᐊᖑᓂᐊᕋᕕᑦ
ᐅᑦᑑᐱᕆ 8, 2025 – ᐃᖃᓗᐃᑦ, ᓄᓇᕗᑦ

ᐃᑭᑦᑕᐃᓕᒪᑎᑦᑎᓂᕐᒧᑦ ᐱᓇᓱᐊᕈᓯᖓ ᑲᔪᓯᓂᖃᖅᑎᖅᑎᓪᓗᒍ, ᐃᖃᓗᐃᑦ ᓄᓇᓕᐸᐅᔭᖓ ᑲᔪᖏᖅᓴᐃᕗᑦ ᑕᒪᐃᓐᓂ ᐃᖃᓗᒻᒥᐅᑕᕐᓂᒃ ᐅᐸᓗᖓᐃᖅᓯᒪᖁᓪᓗᒋᑦ ᐊᒻᒪᓗ ᐆᑦᑐᕋᖃᑦᑕᕐᓗᑎᑦ ᐊᖏᕐᕋᒥ ᐃᑭᑦᑐᖃᓕᖅᑎᓪᓗᒍ ᐊᓂᓵᕆᐊᖃᕐᓂᕐᒧᑦ ᐸᕐᓇᐅᑎᒥᒃ.

ᑐᐊᕕᕐᓇᖅᑐᖅᑕᖃᖅᑎᓪᓗᒍ, ᓯᕗᓪᓕᖅᐹᖅ ᐊᓂᕕᓯ ᐊᕝᕕᐊᖅᑕᐅᑐᐃᓐᓇᕆᐊᖃᕐᒪᑦ ᐃᑭᑦᑐᒧᑦ ᐅᕝᕙᓘᓐᓃᑦ ᐳᔫᓗᐊᖅᑐᒧᑦ. ᑕᐃᒪᐃᒻᒪᑦ ᐱᒻᒪᕆᐅᕗᖅ ᐸᕐᓇᓪᓗᓯ ᒪᕐᕉᓐᓂᒃ ᐊᓂᕕᖃᕐᓗᓯ ᑕᒪᐃᓐᓂ ᐃᓪᓗᕈᓯᐅᔪᓂ ᐊᖏᕐᕋᔅᓯᖕᓂ ᐊᒻᒪᓗ ᖃᐅᔨᒪᑦᑎᐊᕐᓗᓯ ᐃᓪᓗᒥᐅᑕᐅᖃᑎᑎᑦ ᖃᐅᔨᒪᒐᓗᐊᕐᒪᖔᕐᒥᒃ ᐊᓂᓵᕆᐊᖃᕐᓂᕐᒧᑦ ᐊᖅᑯᑎᖏᓐᓂ ᓱᑯᑦᑎᐊᒎᕆᐊᖃᕐᓂᕐᒥᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓴᓐᖓᑦᑎᓴᕆᐊᓖᑦ ᓴᓐᖓᓴᑦᑎᐊᕐᓗᒋᑦ

ᐅᑦᑑᐱᕆ 7, 2025 – ᐃᖃᓗᐃᑦ, ᓄᓇᕗᑦ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ ᑲᔪᓯᑎᓗᒍ ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑦᑎᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖏᑦᑐᒥᑦ ᓴᓐᖓᓯᑦᑎᑦᑎᓂᕐᒥᑦ ᐊᑐᖅᑕᐅᕙᑦᑐᓂᑦ ᐱᒻᒪᕆᐅᓪᓗᑎ ᐃᓚᒋᓪᓗᒍ ᐃᑭᑎᑦᑎᑕᐃᓕᓂᕐᒧᑦ.

ᐊᑐᐃᓐᓇᖃᑦᑕᕐᓗᒍ ᓴᓐᖓᑦᑎᓴᐅᑎᒋᔭᖓ ᐃᕝᕕᑦ ᑭᓱᖓᓄᑦ, ᐅᕝᕙᓘᓐᓃᑦ ᐅᑉᐱᕆᔭᐅᔪᓂᑦ ᖃᓄᐃᑦᑑᓂᖏᓐᓄᑦ ᐊᖏᖅᑕᐅᓯᒪᔪᑦ ᑐᕌᖓᓂᖃᖅᑐᓄᑦ ᓇᓗᓴᐃᖅᓯᒪᔪᒧᑦ ᑭᓲᓂᖓᓄᑦ. ᓇᓗᓴᐃᒃᑯᓯᖅᓯᒪᖏᑦᑐᑦ ᐅᕝᕙᓘᓐᓃᑦ ᐊᔾᔨᒋᖏᑕᖏᑦ ᓴᓐᖓᑦᑎᓴᐅᑏᑦ ᐆᓇᖅᓯᓗᐊᕈᓐᓇᖅᑐᑦ ᐊᒻᒪ ᖁᕝᕙᕆᐊᖅᑎᑦᑎᓗᑎ ᐃᑭᒍᓐᓇᕐᓂᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ
ᐋᒃᑑᐸ 07, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᐱᖓᑦᓯᖅ ᐋᒃᑑᐸ 08, ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒥ 5-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 2230, 2726, 2728, 4153, 4160.

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ: ᓂᕈᐊᕐᓗᑎᑦ ᐊᑦᑕᓇᖏᑦᑐᒥᑦ,
ᓇᓗᓇᐃᒃᑯᑎᑲᖅᑐᑦ ᓂᐅᕕᐊᔅᓴᐃᑦ
ᐅᑦᑑᐱᕆ 06, 2025 – ᐃᖃᓗᐃᑦ, ᓄᓇᕗᑦ

ᐃᑭᑎᑦᑎᑦᑕᐃᓕᓂᕐᒧᑦ ᐱᓇᓱᐊᕈᓯᖓ ᑲᔪᓯᑎᓪᓗᒍ, ᓄᓇᓕᐸᐅᔭᒃᑯᑦ ᐃᖃᓗᐃᑦ ᐃᖅᑲᐃᑎᑕᖏᑦ ᓄᓇᓕᒻᒥᐅᑕᐃᑦ ᐃᑭᒍᓐᓇᖅᑐᓂᑦ ᐊᑦᑕᓇᐃᖅᓯᒪᓂᕐᒧᑦ ᐱᒋᐊᖅᓯᒪᔪᑦ ᓂᐅᕕᖅᑎᓪᓗᒋᑦ.

ᓂᐅᕕᓕᕋᐃᒍᕕᑦ ᑭᓱᑐᐃᓐᓇᕐᒥᑦ ᐃᓗᓕᖃᖅᑐᓂᑦ ᓕᑎᐊᒻ−ᐊᐃᐋᓐ ᐹᑕᓖᓂᑦ, ᓲᕐᓗ ᓴᓇᕐᕈᑏᑦ, ᐱᓐᖑᐊᑦ, ᐸᑕᓖᒨᖅᑐᑦ ᑐᒃᑲᕆᐊᓖᑦ, ᐊᒻᒪ ᐊᓯᖏᑦ ᑲᑉᐳᔭᖅᑐᑦ, ᖃᐅᔨᒋᒋᐊᖏᓐᓇᖃᑦᑕᕐᓗᒋᑦ ᐃᓕᓴᕆᔭᐅᓯᒪᔪᓂᑦ ᑲᓇᑕᒥ ᓇᓗᓇᐃᒃᑯᑎᖃᖅᑎᑕᐅᓂᖓᓄᑦ ᓇᓗᓇᐃᒃᑯᑕᖓᓂ, ᓲᕐᓗ CSA, cUL, ᐅᕝᕙᓘᓐᓃᑦ ETL Canada. ᑖᒃᑯᐊ ᓇᓗᓇᐃᒃᑯᑕᐃᑦ ᓂᐅᕕᐊᔅᓴᒥᑦ ᑎᑎᕋᖅᓯᒪᔪᓃᒐᔪᑦᑐᑦ, ᐴᖏᓐᓂ, ᐅᐊᔭᖓᓂ, ᐊᒻᒪ ᓇᓗᓇᐃᕐᓗᒍ ᖃᐅᔨᓴᖅᑕᐅᓯᒪᓂᖓᓄᑦ ᑎᑭᑦᑎᓪᓗᑎ ᑲᓇᑕᒥ ᐊᑦᑕᓇᐃᖅᓯᒪᓂᕐᒧᑦ ᐊᑐᐊᒐᕐᓂᑦ.