ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᐱᔾᔪᑎᒋᓪᓗᒍ ᐅᓪᓗᒥ ᐃᒃᑮᓇᓗᐋᓐᓂᐊᓗᐊ ᐊᒻᒪᓗ ᐊᓄᕌᑦᑐᓂ, ᓄᓇᓕᐸᐅᔭᖓ ᐃᖃᓗᐃᑦ ᐱᒋᐊᕕᔅᓴᖃᖓᓕᑦᑎᑦᑎᒻᒪᑦ ᖁᕕᐊᓱᕝᕕᔅᓯᐅᓂᒻᒧᑦ ᐊᑐᕆᐊᒃᑰᕈᑎᖃᓐᓂᒻᒥᒃ. ᐊᑐᕆᐊᒃᑰᕈᑎᖃᓂᖅ, ᐸᕐᓇᑦᑕᐅᓯᒪᓚᐅᕋᓗᐋᒻᒪᑦ ᑎᓯᐱᕆ 13−ᒧᑦ, ᑲᔪᓯᑎᑕᐅᖔᓐᓂᐊᓕᑦᑐᖅ ᓇᔅᓯᖑᔭᓛᓂᐊᒻᒥ, ᑎᓯᐱᕆ 20 ᓯᕿᙳᔭᖅ 12:00 ᐅᓐᓄᓴᒧᑦ.
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓇᒑᔾᔭᐅ ᑏᓰᐱᕆ 15, ᐱᒋᐊᕐᓗᑎᒃ ᐅᓐᓄᓴᒃᑯᑦ 9-ᒥ ᖁᓛᓄᓄᑦ 17-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᕗᑦ ᓄᓇᓕᒥᐅᑕᐅᔪᓂᒃ 5200 ᓇᔪᑦᑕᖓᓂ ᓂᕆᐅᖁᓪᓗᒋᑦ ᕿᓚᒻᒥᐅᔪᒥᒃ−ᐊᑐᓐᓂᐊᓪᓗᓂ ᐊᓯᕈᓐᓂᐊᒻᒪᑕ ᐃᒥᐅᑉ ᓴᙱᓂᖓ ᐊᑯᓐᓂᖏᓐᓂ 7:30−ᒥ ᐅᓪᓛᒃᑯᑦ ᐊᒻᒪᓗ 8:00−ᒥ ᐅᓪᓛᒃᑯᑦ ᐊᑐᑦᑎᓪᓗᒋᑦ ᐊᑐᓂᐊᑐᐃᓐᓇᑦᑐᒥ ᐱᓇᓱᐊᕈᓯᒻᒥ, ᓄᓇᓕᐸᐅᔭᒃᑯᑦ ᐃᖅᑲᓇᐃᔭᑦᑎᖏᑦ ᖃᐅᔨᒐᓱᐋᑦᑎᓪᓗᒋᑦ ᐃᒻᒥᓂᒃ−ᐊᐅᓚᔾᔪᑎᓕᒨᖓᔪᓂᒃ ᐊᑲᐅᙱᓕᐅᕈᑎᒥᒃ.
7:30−ᒥ ᐅᓪᓛᒃᑯᑦ ᑕᒪᑐᒪᓂ ᐅᓪᓛᖓᓂ, ᕿᓚᒥᐊᓗᒃ ᓴᙱᓂᖃᕈᓐᓃᑲᐃᓐᓇᓚᐅᓂᖓᓂᒃ ᐅᖃᐅᑎᒋᔭᐅᓚᐅᒻᒪᑦ, ᑕᐃᒪᖑᒋᓪᓗᓂ ᐅᖃᐅᒥᕆᐅᓚᐅᓂᖓ ᐊᑲᐅᙱᓕᐅᕈᑎᖓᑕ ᑕᐅᕙᙵᑦ ᐃᒻᒥᒃᑰᖓᔪᒥ ᓇᔪᑦᑕᐅᔪᒥ. ᐃᒥᐅᑉ ᓴᙱᓂᖓ ᒫᓐᓇ ᐅᑎᔅᓯᒪᓕᒻᒥᔪᖅ ᑖᐃᒫᖑᓲᖑᓂᖓᓄᑦ, ᐊᒻᒪᓗ ᓇᓗᓇᐃᔅᓯᒪᔪᖃᓐᓇᓂ ᐊᑦᑕᑦᑐᔪᒥᒃ ᐱᔨᔅᓯᕈᑎᓄᑦ ᐊᑲᐅᙱᓕᐅᕈᑎᔪᓂᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐱᖕᖑᐊᖅᑐᓕᕆᔨᒃᑯᖏᑦ ᖃᐃᓛᖁᔨᕗᑦ ᓄᓇᓕᕐᒥᐅᑕᓂᒃ ᐃᓚᒌᓂᒃ ᓇᓪᓕᐅᓂᕐᓯᐅᓕᕈᑦᑕ ᖁᕕᐊᓱᕝᕕᒃ ᐱᔾᔪᑎᒋᓪᓗᒍ.
ᐅᒥᐊᑦ ᐊᑑᑎᖃᑦᓯᐊᖅᑐᑎᒃ ᐊᑐᖅᑕᐅᕙᒻᒪᑕ ᐃᓅᓯᒃᑯᑦ ᐃᖃᓗᓐᓂ - ᓄᓇᐃᑦ ᐊᓯᐊᓅᕈᑎᐅᕙᑦᑐᑎᒃ, ᐊᖑᓇᓲᑎᐅᓗᑎᒃ, ᐊᒻᒪ ᑭᐱᖕᖑᐃᔭᐅᑎᐅᕙᑦᑐᑎᒃ. ᓄᓇᓕᕗᑦ ᐱᕈᖅᐸᓪᓕᐊᖏᓐᓇᑎᓪᓗᒍ ᐊᒻᒪ ᓄᓇᓕᕐᒥᐅᑕᐃᑦ ᐊᒥᓱᕈᖅᐸᓪᓕᐊᑐᐃᓐᓇᓕᖅᑐᑎᒃ ᐅᒥᐊᖅᑖᐸᑦᑐᑦ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᓴᖅᐸᓪᓕᐊᓕᖅᑐᑦ ᓴᓇᔭᐅᔪᓐᓇᕐᓂᖓᓂᒃ ᓇᓗᓇᐃᖅᑕᐅᓯᒪᓂᐊᕐᓗᓂ ᐅᒥᐊᒃᑯᕕᑦᓴᐅᑉ.
ᐃᓕᑦᓯᓐᓂᒃ ᑐᓴᕈᒪᔪᒍᑦ!
ᐅᒥᐊᖃᕋᓗᐊᕈᕕᑦ ᐅᒥᐊᖃᖏᒃᑲᓗᐊᕈᕕᑦ, ᐃᓱᒪᒋᔭᓯ ᐱᒻᒪᕆᐅᕗᑦ. ᐃᓱᒪᒋᔭᑦᓯᓐᓂᒃ ᐅᖃᐅᑎᑦᓴᓯ ᐃᑲᔫᑎᐅᓂᐊᖅᑐᑦ ᐸᕐᓇᐅᑎᓕᐅᓕᕈᑎᒃ ᐅᒥᐊᒃᑯᕕᑦᓴᒥᒃ ᑲᒪᒋᔭᐅᑦᓯᐊᖅᑐᒥᒃ, ᐅᐸᒐᑦᓴᐅᓯᐊᖅᑐᒥᒃ, ᐊᒻᒪ ᐊᔾᔨᖃᕋᔭᖅᑐᒥᒃ ᖃᓄᖅ ᐃᖃᓗᒻᒥᐅᑕᐃᑦ ᐊᑐᖅᐸᓐᓂᖏᓐᓂᒃ ᐊᒻᒪ ᐃᑉᐱᒍᓱᑦᓯᐊᐸᓐᓂᖏᓐᓂᒃ ᐅᒥᐊᖏᓐᓂᒃ.
ᐅᕙᑦᑎᓐᓄᑦ ᐱᖃᑕᐅᓛᖅᑯᓯ ᖁᕕᐊᓱᕝᕕᒃ ᐱᓪᓗᒍ ᐊᑐᕆᐊᒃᑯᑦ ᒪᓕᑦᑎᒌᓕᕈᑦᑕ ᓄᓇᒃᑰᔫᒃᑯᑦ!
ᖁᕕᐊᓱᕝᕕᒃ ᐱᓪᓗᒍ ᐊᑐᕆᐊᒃᑯᑦ ᒪᓕᑦᑎᒌᑦᑐᑦ ᐃᖏᕐᕋᓯᓛᖅᑐᑦ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG) ᓴᓂᐊᓂᒃ ᐅᓪᓗᒃᑯᑦ ᖁᓛᓅᖅᐸᑦ (12-ᒥ) ᓈᑦᓯᐅᖑᔭᓛᕐᓂᐊᒥ, ᑏᓰᐱᕆ 13, ᐊᒻᒧᐊᓗᑎᒃ ᓂᐊᖁᖕᖒᓯᐊᕆᐊᖅ ᐊᑐᕆᐊᒃᑯᑦ ᑮᓇᐅᔭᒃᑯᕕᐅᑉ ᓴᓂᐊᒎᕐᓗᑎᒃ ᑎᓴᒪᓄᑦ ᐊᑐᕆᐊᕐᓄᑦ ᓴᖑᒋᐊᕐᕕᒃᑯᑦ ᑯᐃᓐ ᐃᓕᓴᐸᖦ ᐊᑐᕆᐊᕐᒧᑦ. ᒪᓕᑦᑎᒌᑦᑐᑦ ᐃᓱᓕᓛᖅᑐᑦ ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓄᑦ.
ᐱᔾᔪᓯᐊᖅᑎᑕᐅᓛᖅᑐᑦ ᐅᑯᐊ:
• ᑕᑯᒥᓇᓕᕐᓯᒪᓂᖅᐹᖅ
• ᖁᕕᐊᓱᕝᕕᑦᓯᐅᕈᓐᓇᕐᓂᖅᐹᖅ
• ᒪᒃᑯᑦᑐᓄᑦ ᓴᓇᐅᒐᖅ ᑕᑯᒥᒋᔭᐅᓛᖑᔪᖅ
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒍ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᑭᐅᒃᑯᑦ ᐅᑭᐅᖅᑕᖅᑐᒥ ᐱᖕᖑᐊᕐᕕᐊᓗᒃ (AWG) ᐊᓐᓂᑭᑦᑐᕐᕕᒃ ᒪᑐᐃᒃᑲᓐᓂᕐᓂᐊᓕᕐᓂᖓᓄᑦ ᐅᓪᓗᒥ ᓇᒡᒋᔾᔭᐅᓕᖅᑭᕐᒥ, ᑏᓰᐱᕆ 2, 2025.
ᐊᓐᓂᑭᑦᑐᕐᕕᐅᑉ ᓂᓚᖓᑕ ᒪᓂᖅᑲᕐᓴᐃᑎᖏᑦ ᓴᓇᔭᐅᓂᖏᑦ ᐱᔭᕇᖅᑕᐅᑦᓯᐊᓚᐅᕐᒪᑕ, ᐊᒻᒪ ᐊᐅᓚᑦᓯᔾᔪᑎᑦᓯᐊᕙᐅᓕᖅᑐᑎᒃ. ᖁᔭᓐᓇᒦᒻᒪᕆᑉᐸᕗᑦ ᐃᓘᓐᓇᑎᒃ ᐊᑐᖅᐸᑦᑐᑦ ᐊᒻᒪ ᓄᓇᓕᕐᒥᐅᑕᐃᑦ ᐅᑕᖅᑭᑦᓯᐊᓚᐅᕐᓂᖏᓐᓄᑦ ᐊᒻᒪ ᖃᓄᖅᑑᖃᑕᐅᒍᓐᓇᓚᐅᕐᓂᖏᓐᓄᑦ ᐱᓇᓱᐊᕈᓯᕐᓂ ᐊᒥᓲᖏᑦᑑᒐᓗᐊᓂ ᐅᑎᖅᑎᑦᓯᓇᓱᐊᖅᑎᓪᓗᑕ ᐱᔨᑦᓯᕋᕈᑎᐅᕙᑦᑐᓂᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ, ᑲᑐᔾᔨᖃᑎᖃᖅᑐᑎᒃ ᐃᖃᓗᐃᑦ ᖃᑦᑎᕆᔨᒃᑯᖏᓐᓂᒃ (IFD) ᐊᒻᒪ ᐃᖃᓗᐃᑦ ᖃᑦᑎᕆᔨᒃᑯᑦ ᑲᑐᔾᔨᖃᑎᒌᖏᓐᓂᒃ (IFA), ᑐᖕᖓᓱᑦᑎᑦᓯᔨᐅᓕᕐᒥᔪᑦ ᐊᕐᕌᒍᑕᒫᕐᓯᐅᑎᒥᒃ ᑕᐃᔭᐅᔪᒥᒃ ᐴᖅᑲᐃᓂᖅ ᐴᑦᓴᓄᑦ ᑐᓂᕐᕈᓯᐊᑦᓴᓂᒃ ᐱᓕᕆᐊᑦᓴᒥᒃ ᓈᑦᓯᐅᖑᔭᓛᕐᓂᐊᖑᓕᖅᐸᑦ, ᑏᓰᐱᕆ 6, 2025.
ᓄᐊᑦᓯᓛᖅᑐᒍᑦ ᑐᓂᕐᕈᑎᑦᓴᓂᒃ ᐅᑯᓇᓂ:
• ᓂᐅᕕᕐᕕᒃ ᓄᐊᖦᒫᑦ (NorthMart): 9-ᒥᒃ ᐅᓪᓛᒃᑯᑦ – 12-ᒧᓄᑦ ᐅᓐᓄᓴᒃᑯᑦ
• ᓴᓪᓗᒥᓂᕐᒥ (Arctic Ventures): 1-ᒥᓂᒃ – 4-ᒧᓄᑦ ᐅᓐᓄᓴᒃᑯᑦ