ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300
ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓇᒻᒥᓂᐅᔪᒥᑦ ᓇᒻᒥᓂᖃᖅᑐᓕᒫᓂᑦ ᑖᓐᓇ ᐃᕐᖏᓐᓈᕈᑎᒃᑯᑦ ᖃᕋᓴᐅᔭᒃᑰᕐᕕᖓ 2026 ᓇᒻᒥᓂᐅᔪᒥᑦ ᓚᐃᓴᒻᓯᓄᑦ ᓄᑕᐅᓐᖑᖅᑎᑕᐅᓂᖏᓐᓄᑦ ᒫᓐᓇ ᒪᑐᐃᖓᓕᖅᑐᖅ.
ᐃᓚᒋᔭᐅᓗᑎᒃ ᐅᑯᐊ ᓄᓇᓕᐸᐅᔭᒃᑯᑦ ᐃᖃᓗᓐᓂ ᓯᓚᑲᒻᒪᐅᑎᓪᓗᒍ ᑐᓴᐅᒪᑎᑦᓯᔾᔪᑎᒍᑦ ᐱᓕᕆᔾᔪᑎᒋᓂᐊᓕᖅᑕᖏᓐᓄᑦ, ᓇᓗᓇᐃᔭᐃᒍᒪᔪᒍᑦ ᖃᓄᖅ ᑕᒪᓐᓇ ᑐᑭᖃᕐᓂᐊᕐᒪᖔᖅ ᓄᓇᓕᓐᓂ ᓇᖕᒥᓂᑎᓄᑦ ᐊᒻᒪ ᓄᓇᓕᓐᓂ ᑲᑐᔾᔨᖃᑎᒌᓄᑦ.
ᓄᓇᓕᐸᐅᔭᒃᑯᑦ ᓱᓕ ᐊᑐᖅᐸᓂᐊᖅᑐᑦ ᐱᓕᕆᐊᖃᖅᐸᓪᓕᐊᓗᑎᒃ ᐃᓛᒃᑰᖓᔪᓂᒃ ᐱᔾᔪᑎᐅᓗᑎᒃ ᒪᑐᕙᓐᓂᐊᕐᓂᖏᑦ. ᓄᓇᓕᐸᐅᔭᓕᒫᑉ ᐃᓗᐊ ᒪᑐᔪᖅ ᓱᓕ ᓇᓖᕌᕈᑎᐅᒍᓐᓇᓂᐊᖅᑐᖅ, ᑭᓯᐊᓂ ᐊᑐᖅᑕᐅᕙᓐᓂᐊᖅᑐᖅ ᐊᐅᓚᑦᓯᔾᔪᑎᒍᑦ ᐊᕝᕕᐊᕈᑎᖃᕐᓂᐅᓴᓗᐊᓕᖅᐸᑦ, ᓲᕐᓗ ᐊᐳᑕᐃᔭᐃᔨᐅᔪᑦ ᐊᐳᑕᐃᔭᕋᑦᓴᖃᓪᓗᐊᑎᓪᓗᒋᑦ ᐅᕝᕙᓘᓐᓃᑦ ᐊᑦᑕᓇᔾᔭᐃᕐᓯᒪᓗᐊᕈᓐᓇᐃᓕᓐᓂᕈᑎᒃ ᐱᓕᕆᔾᔪᑎᐅᔪᑦ.
ᐅᑯᐊ ᖃᐅᔨᒪᒋᐊᓕᑦᓯ:
ᐊᓯᔾᔩᓚᐅᖅᑎᓪᓗᑕ ᓯᓚᑲᒻᒪᐅᓕᕋᐃᑉᐸᑦ ᐱᓕᕆᔾᔪᑎᑦᑎᓐᓂᒃ, ᓄᓇᓕᐸᐅᔭᒃᑯᑦ ᓇᓗᓇᐃᔭᐃᒍᒪᔪᑦ ᑕᒪᓐᓇ ᐊᓯᔾᔨᕐᓂᐅᔪᖅ ᑐᑭᖃᕐᒪᖔᖅ ᓄᓇᓕᕐᒥᐅᑕᓄᑦ, ᓄᓇᒃᑰᔫᖅᐸᑦᑐᓄᑦ, ᐊᒻᒪ ᐊᑐᕆᐊᕐᓂᒃ ᐊᑐᖅᐸᑦᑐᓄᑦ ᐱᕐᓯᑎᓪᓗᒍ.
ᓄᑖᒃᑯᑦ ᐱᓕᕆᔾᔪᑎᐅᓕᖅᑐᒃᑯᑦ:
ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓈᑦᓯᐅᖑᔭᓛᕐᓂᐊᖅ ᓅᕖᐱᕆ 15, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥᑦ 1-ᒧᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.
ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ:
2100’s, 2200’s, 2400’s, 2600’s, 2700’s, 2802’s, 2804’s, 2806’s, 4000’s, ᐊᒻᒪᓗ 4100’s.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᒃ ᖁᐊᓴᐅᖃᑦᑕᓂᐊᕐᓂᖏᓐᓄᑦ ᐊᑐᕆᐊᑦ ᐊᒻᒪ ᐃᓚᖏᑦ ᖁᐊᖅᐸᓪᓕᐊᑦᑕᐅᑎᒋᕙᓪᓗᑎᒃ ᐅᓪᓗᕐᓂ ᐊᑐᖅᐸᓪᓕᐊᓂᐊᖅᑕᑎᓐᓂ. ᐅᓐᓄᓴᒃᑲᓐᓂᖅ ᓯᕿᖕᖑᔭᑎᒍᑦ 5 ᖃᓂᒋᔮᓂ ᐱᓗᐊᔾᔭᖕᖒᕆᔭᐅᔪᑦ, ᓯᓚ ᓂᓪᓚᑲᓐᓂᖅᐸᑦ ᖁᐊᑦᑕᐅᑎᒋᔭᕐᓗᑎᒃ ᐱᑐᐃᓐᓇᕆᐊᖃᕐᓂᐊᕐᒪᑕ ᐊᑐᕆᐊᒃᑰᓕᐅᒥᒻᒥᑉᐸᑕ ᓄᓇᒃᑰᔫᑦ ᐊᑕᐅᑦᓯᒃᑯᑦ.
ᓄᓇᒃᑰᔫᖅᑐᑦ ᐳᐃᒍᔾᔭᐃᕐᓯᒪᓇᓱᑉᐸᓂᐊᖅᑯᑦ ᓄᖅᑲᐸᖏᓪᓗᑎᒃ ᑕᒪᐅᖓᑐᐃᓐᓇᖅ ᐅᕝᕙᓘᓐᓃᑦ ᐊᕝᕙᐃᕐᓯᒪᓇᓱᒋᐊᖅᐸᓪᓗᑎᒃ ᓄᓇᒃᑰᔫᓂᑦ ᓴᖑᒋᐊᕐᕕᓐᓃᓕᕋᐃᒍᑎᒃ ᐱᓗᐊᖅᑐᒥ. ᐅᓗᕆᐊᓇᕐᓯᒍᓐᓇᕐᒪᑦ ᓄᖅᑲᐸᒃᑯᑎᒃ ᓄᖅᑲᕆᐊᖃᕋᑎᒃ ᐊᒻᒪ ᐊᓯᓯ ᓄᓇᒃᑰᔫᖅᑐᑦ ᖃᐅᔨᖕᖏᑐᐃᓐᓇᕆᐊᖃᕐᒪᑕ ᓄᖅᑲᖅᑐᖃᕐᓂᖅᐸᑦ ᓯᕗᓂᖏᓐᓃᑦᑐᓂᒃ.
ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐱᒻᒪᕆᐅᔪᓂᒃ ᑎᑎᕋᖅᑕᐅᒋᐊᑲᓂᖅᑐᓂᒃ ᐱᔾᔪᑎᒋᓪᓗᒋᑦ ᖃᓄᖅ ᐊᐅᓚᑦᓯᕙᓐᓂᑎᓐᓄᑦ ᐊᒻᒪ ᑐᓴᐅᒪᑎᑦᓯᕙᓐᓂᑎᓐᓄᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᐅᑎᖏᓐᓂᒃ ᐊᑦᓱᑲᓪᓚᐅᔪᖅ ᓯᓚᑲᒻᒪᐅᑎᓪᓗᒍ.
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑎᑕᐅᒻᒪᑦ ᐅᑯᓄᖓ: 2100’s, 2200’s, 2600’s, 2700’s, 4000’s, ᐊᒻᒪᓗ 4100’s.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᐳᕆᐊᓇ ᓴᐃᒪᐃᔪᖅ-ᐸᐃᓐᔅ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ ᓄᓇᓕᐸᐅᔭᐃᑦ ᐃᖃᓗᐃᑦ
867-979-5630 | B.Shaimaiyuk-Baines@iqaluit.ca
ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒋᔭᖃᑦᓯᐊᖅᑐᑎᒃ ᐃᓱᒪᒋᔭᖃᖅᐳᑦ ᐱᔨᑦᓯᕋᖅᑎᐅᓚᐅᖅᑐᓂᒃ ᐊᒻᒪ ᐃᓅᓯᕐᒥᓂᒃ ᐃᓱᒪᒋᔭᖃᖏᓯᐊᖅᑐᑎᒃ ᐱᔨᑦᓯᕋᖅᐸᓚᐅᖅᑐᓕᒫᓂᒃ, ᐊᒻᒪ ᓱᓕ ᒫᓐᓇᒧᑦ ᐱᔨᑦᓯᕋᖅᐸᑦᑐᓂᒃ, ᑲᓇᑕᐅᑉ ᐅᓇᓕᖁᑎᒃᑯᖏᓐᓂ. ᐃᖅᑲᐅᒪᓇᐅᓕᖅᐸᑦ ᐅᓪᓗᖓᓂ, ᕿᑲᕐᓯᖃᑎᖃᓛᖅᑐᒍᑦ ᑲᓇᑕᒥᐅᑕᓕᒫᑦᓯᐊᓂᒃ ᑲᓇᑕᐅᑉ ᐃᓗᐊᓂ ᐃᓱᒪᒋᓗᒋᑦ ᐊᑦᓱᐊᓘᖅᑐᑦ ᕿᒪᒃᑲᑰᓯᒪᔪᓂᒃ ᑕᐃᒃᑯᓄᖓ ᐃᓅᓯᕐᒥᓂᒃ ᑐᓂᕐᕈᑎᖃᖅᐸᓚᐅᖅᑐᓂᒃ ᓴᐃᓕᖓᔪᒦᖁᔨᓂᕐᒥᓄᑦ.
ᑲᓇᑕᒥᐅᑕᐃᑦ ᓄᓇᖃᖅᑳᕐᓯᒪᔪᑦ ᐅᓇᓕᕐᓄᑦ ᐃᓚᒋᔭᐅᕙᓚᐅᖅᑐᑦ ᐅᓪᓗᖓᓂ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᐱᒋᓗᒋᑦ ᐃᖅᑲᐅᒪᒋᔭᖃᖅᐳᑦ ᐊᒻᒪ ᐳᐃᒍᐃᓚᐅᕋᑎᒃ ᓄᓇᖃᖅᑳᕐᓯᒪᔪᓂᒃ ᑭᒃᑯᑐᐃᓐᓇᕐᓂᒃ ᐱᔨᑦᓯᕋᖃᑕᐅᕙᓚᐅᖅᑐᓂᒃ ᐅᓇᑕᖅᑐᓄᑦ, ᓈᒻᒪᒋᖃᑦᑕᐅᑎᖏᑦᑐᓄᑦ ᐊᒻᒪ ᓴᐃᓕᖓᔪᓄᑦ, ᐅᓇᑕᕐᓂᐅᓚᐅᖅᑐᒥᑦ 1812-ᖑᑎᓪᓗᒍ ᒫᓐᓇᐅᓕᖅᑐᖅ ᐱᓕᕆᖃᑕᐅᕙᓐᓂᖏᓐᓄᑦ.