ᐱᖕᖑᐊᖅᑐᓕᕆᓂᖅ

ᓯᑎᒃᑯᑦ ᓴᖅᑮᔪᑦ ᓄᑖᕐᓂᑦ ᓚᐃᓴᔅᓯᑖᕈᑎᔅᓴᓂᑦ ᖃᕋᓴᐅᔭᖅᑎᒍᑦ
 ᓯᑎᒃᑯᑦ ᖁᕕᐊᑉᐳᑦ ᓄᑖᕐᓂᑦ ᖃᕋᓴᐅᔭᒃᑯᑦ ᓴᖅᑭᔮᖅᑎᑦᑎᒍᓐᓇᖅᓯᒻᒪᑕ, ᓚᐃᓴᔅᓯᓂᑦ ᑐᔅᓯᕋᐅᑎᓂᑦ ᓄᑖᕐᓂᓪᓗ ᐱᔭᕆᐊᑭᓐᓂᖅᓴᐅᓕᖅᑐᑎᓪᓗ ᐱᔭᕇᕆᐊᖏᑕ ᑲᒪᒋᔭᐅᒋᐊᖏᑕᓗ.
ᑕᒪᓐᓇ ᖃᕋᓴᐅᔭᒃᑯᑦ ᑕᑯᔅᓴᐅᑎᑦᑎᓂᖅ, ᐋᖅᑭᑦᑕᐅᓯᒪᔪᑦ ᑐᓴᓚᐅᖅᑐᑎᑦ ᐃᖃᓗᐃᑦ ᐱᓕᕆᖃᑦᑕᕐᓂᖏᓐᓂ ᓄᓇᓕᓐᓂᑦ, ᐋᖅᑭᔅᓯᒪᔪᑦ ᐊᑦᑕᓇᐃᖅᓯᒪᖁᓪᓗᒋᑦ ᐊᑲᐅᓗᑎᓪᓗ. ᓄᑖᕐᓂᑦ ᐃᒪᐃᑦᑐᓂᑦ ᑐᔅᓯᕋᕈᓐᓇᖅᓯᔪᑦ:
 ᑐᔅᓯᕋᐅᑏᑦ ᐱᔭᕆᕐᓗᒋᑦ ᖃᕋᓴᐅᔭᒃᑯᑦ;
 ᖃᓄᖅ ᐊᑭᓖᑦᑕᐅᑎᒋᓂᐊᕐᒪᖔᑕ ᐅᐸᓪᓗᑎᓪᓘᓐᓃᑦ ᓯᑎᒃᑯᓐᓄ ᐱᔪᓐᓇᕐᒥᔪᑦ; ᐊᒻᒪᓗ
 ᐱᖃᓯᐅᔾᔭᐅᓗᑎᑦ ᓇᒻᒥᓂᖃᖅᑎᐅᔪᑦ ᑐᕌᕈᑎᖏᓐᓂ ᑕᐃᒫᒃ ᑭᒃᑯᑐᐃᓐᓇᕐᓄᑦ ᐱᔭᐅᔪᓐᓇᕋᔭᕐᖓᑕ ᓄᓇᓕᓐᓂ ᐱᔨᑦᑎᕋᐅᑎᓂᓪᓗ ᖃᐅᔨᓴᕈᓐᓇᖁᓪᓗᒋᓪᓗ.

ᓵᓂᑲᓛᓯ ᐱᑖᖅᑎᑦᓯᔨ ᐊᑐᕆᐊᒃᑯᑦ ᐃᖏᕐᕋᔭᖃᑕᐅᑎᓪᓗᒍ ᐱᖃᑕᐅᓚᐅᖅᑐᑦ ᐃᖏᕐᕋᔭᐅᑎᖏᑦ ᓴᓇᓯᒪᑦᓯᐊᓂᕐᒪᑕ ᓵᓚᑦᓴᓚᐅᖅᑐᑦ
ᓯᑎᒃᑯᑦ ᖁᕕᐊᒋᔭᖃᕈᒪᓕᕆᕗᑦ ᓵᓚᑦᓴᓚᐅᖅᑐᓂᑦ ᐊᕐᕌᒍᑕᒫᕐᓯᐅᑎᒥᑦ ᓵᓂᑲᓛᓯ ᐃᖏᕐᕋᔭᖃᑕᐅᑎᓪᓗᒍ ᐊᑐᕆᐊᒃᑯᑦ ᓴᓇᓯᒪᑦᓯᐊᓛᖑᓚᐅᖅᑐᓂᑦ ᐃᖏᕐᕋᔭᐅᑎᖏᒍᑦ. ᐃᓘᓐᓇᑦᓯᐊᑎᒃ ᖁᔭᓐᓇᒦᕈᒪᔭᕗᑦ ᑕᑯᕋᓐᓈᕆᐊᖅᑐᕐᓯᒪᓚᐅᖅᑐᑦ.
ᓵᓚᑦᓴᓚᐅᖅᑐᑦ ᐅᑯᐊ:
ᓴᓇᓯᒪᑦᓯᐊᓛᖑᓚᐅᖅᑐᖅ: ᔨᐅᕆᒥ ᑎᐱᑭ ᑐᑦᑐᖕᖑᐊᖑᓚᐅᖅᑐᖅ ᕉᑖᓪᕝᖑᖑᓪᓗᓂ ᐃᖏᕐᕋᔭᐅᑎᖓ
ᓴᓇᓯᒪᑦᓯᐊᓛᖑᓚᐅᖅᑐᖅ ᓄᑲᑉᐱᐊᓄᑦ: ᐅᐃᕖᓄᑦ ᐃᓕᓐᓂᐊᕐᕕᒻᒥᐅᑕᐃᑦ
ᖁᕕᐊᓱᕝᕕᐅᔪᓐᓇᖅᑎᑦᓯᓛᖑᓚᐅᖅᑐᑦ: ᓄᓇᕗᑦ ᓯᓚᑦᑐᓴᕐᕕᒻᒥᐅᑕᐃᑦ
ᓵᓚᑦᓴᓚᐅᖅᑐᑦ ᖃᐅᔨᒋᐊᖁᔭᐅᔪᑦ ᐱᖕᖑᐊᖅᑐᓕᕆᔨᒃᑯᓐᓄᑦ 979-5611, ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ recreation@city.iqaluit.nu.ca ᐱᔾᔪᓯᐊᒥᓂᕐᒥᓂᒃ ᖃᓄᖅ ᐱᑎᑕᐅᓛᖁᒪᒻᒪᖔᑕ.

ᐃᓐᓇᑐᖃᐃᑦ ᓴᓇᐅᒐᕐᒥᓂᒃ ᓂᐅᕕᐊᑦᓴᖃᓛᖅᑐᑦ ᑏᓰᐱᕆ 11
ᑏᓰᐱᕆ 10, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᑐᖕᖓᓱᑦᑎᑦᓯᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓐᓇᑐᖃᐃᑦ ᓴᓇᐅᒐᕐᒥᓂᒃ ᓂᐅᕕᐊᑦᓴᖃᓕᖅᐸᑕ, ᐃᓐᓇᑐᖃᐃᑦ ᖃᒻᒪᖓᓂ, ᓇᒡᒋᔾᔭᐅᓕᖅᑭᐅᓕᖅᐸᑦ, ᑏᓰᐱᕆ 11, ᐅᓐᓄᓴᒃᑯᑦ ᐱᒋᐊᕐᓗᑎᒃ 4-ᒥ 6-ᒧᓄᑦ.
ᓴᓇᐅᒐᐃᑦ ᓂᐅᕕᐊᑦᓴᐅᓛᖅᑐᑦ ᐊᑎᒌᑦ/ᖁᓕᑦᑕᐅᔭᐃᑦ, ᐊᓕᑦᓰ ᑲᒥᖃᖅᑐᖅᓯᐅᑏᑦ, ᐳᐊᓗᐃᑦ ᐊᒻᒪ ᓇᒡᒍᐊᑦ ᐊᒻᒪ ᐅᔭᒥᓕᐊᕆᓯᒪᔪᑦ.
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒋᑦ ᐳᐃᔾᔪᕋᕐᕕᖃᕐᕕᒻᒥ ᐱᔨᑦᓯᕋᖅᑎᐅᔪᑦ 979-5611 ᐅᖄᓚᐅᑎᖓᑦ.
 

ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂ ᐃᓪᓗᖃᕐᕕᑦᓴᒥ ᓄᓇᖁᑎᑦᓴᓂᑦ ᓴᒃᑯᐃᓯᓂᖅ ᐊᒻᒪ ᐊᑎᕐᓂᒃ ᐊᒧᓯᖃᑦᑕᕐᓂᖅ 

ᑏᓰᐱᕆ 7, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ 25-ᓂᑦ ᐊᑐᐃᓐᓇᖅᑕᖃᓕᕐᒥᒻᒪᑦ ᓄᓇᖁᑎᑦᓴᓂᑦ ᓄᑖᒥ ᐃᓪᓗᖃᕐᕕᑦᓴᒥᑦ ᓴᓂᐊᓃᑦᑐᒥᑦ ᔫᒥ ᐃᓕᓐᓂᐊᕐᕕᐅᑉ ᓴᒃᑯᔭᐅᓛᖅᑐᓂᑦ ᐅᑯᐊ ᐱᓕᕆᔾᔪᑎᐅᓗᑎᒃ:

ᑲᑎᒪᑎᑦᑎᓂᖅ ᓯᑎᒃᑯᑦ ᐃᒪᖓᑕ ᓚᐃᓇᔅᓯᖓᓐᓄᑦ
ᑏᓰᑉᐱᕆ 4, 2018 (ᐃᖃᓗᐃᑦ, ᓄᓇᕗᑦ) – ᑲᔪᓯᑐᐃᓐᓇᖁᓪᓗᒋᑦ ᐊᑐᓕᖅᑎᑕᐅᓯᒪᔪᖅ ᐊᑯᓂᒧᑦ ᐊᖅᑭᐅᒪᔾᔪᑕᐅᓂᐊᖅᑐᖅ ᐊᖏᓪᓕᒋᐊᖁᓪᓗᒋᑦ ᓯᑎᒃᑯᑦ ᐃᒥᖅᑐᕐᓂᖏᓐᓄᑦ, ᑐᔅᓯᕋᐅᑎᒥᑦ ᑐᓂᓯᓚᕐᖓᑕ ᓄᓇᕗᑦ ᐃᒪᕐᒧᑦ ᑲᑎᒪᔨᖏᓐᓄᑦ ᐊᓯᔾᔨᖅᑕᐅᖁᓪᓗᒍ ᓯᑎᒃᑯᑦ ᓇᓗᓇᐃᒃᑯᑎᓕᒻᒥᑦ “A−ᒥᑦ” ᐃᒥᕐᒧᑦ ᓚᐃᓴᔅᓯᖓᓄᑦ.
ᑕᒪᓐᓇ ᐃᓚᒋᖃᓯᐅᑎᒻᒪᒍ ᐃᓕᖅᑯᓯᐅᕙᑦᑐᖅ, ᑭᒃᑯᑐᐃᓐᓇᕐᓄᑦ ᕿᒥᕐᕈᔭᐅᒋᐊᖃᕐᓂᖏᓐᓂ ᒪᓕᑦᑐᒋᑦ ᓄᓇᕗᑦ ᐸᕐᓇᐅᑎᒥᑦ ᐱᓕᕆᐊᓂᓪᓗ ᖃᐅᔨᓴᕐᓂᕐᒥᑦ ᐱᖁᔭᖏᑦᒥ ᐊᒻᒪᓗ ᓄᓇᕗᒻᒥ ᐃᒪᕐᒧᑦ ᐊᒻᒪᓗ ᓄᓇᐅᑉ ᐃᑭᐊᖓᓄᑦ ᐱᔪᓐᓇᐅᑎᓂᑦ ᐱᓕᕆᔨᓄᑦ ᐱᖁᔭᐃᑦ.
ᑕᒪᓐᓇ ᓯᕗᓪᓕᖅᐹᒥ ᕿᒥᕐᕈᑎᑦᑎᒍᒫᕐᖓᑕ ᐅᖃᐅᓯᔅᓴᖃᖅᑐᖅ ᐃᓱᒫᓘᑎᖃᖅᑐᓪᓗ ᐱᕕᖃᖅᑎᑕᐅᒻᒪᑕ.

ᐊᑏᑦ ᐋᖅᑭᒋᐊᖅᐸᑦᓯᐅᒃ ᖃᓄᖅ ᐊᖁᑉᐸᓐᓂᓯ ᐊᑐᕆᐊᑦ ᖃᓄᐃᑦᑑᓂᖏᑦ ᒪᓕᑉᐸᓪᓗᒋᑦ
ᓅᕖᐱᕆ 29, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐃᖅᑲᐃᑎᑦᓯᔪᒪᓕᕆᕗᑦ ᓄᓇᓕᕐᓂᒥᐅᑕᓂᑦ ᖃᐅᔨᓴᖃᑦᑕᖁᔨᓪᓗᑎᒃ ᓯᓚᐅᑉ ᖃᓄᐃᓕᕐᓂᖓᓂᑦ, ᐊᒻᒪ ᐃᖏᕐᕋᓕᕋᐃᒍᑎᒃ ᐊᑐᕆᐊᒃᑯᑦ ᖃᐅᔨᓴᖅᐸᓪᓗᑎᒃ ᖃᓄᐃᑦᑑᒻᒪᖔᑕ ᐊᑐᕆᐊᑦ.
ᐅᑭᐊᒃᑯᑦ ᐊᒻᒪ ᐅᑭᐅᒃᑯᑦ ᑕᖅᑭᓂ, ᐊᑐᕆᐊᑦ ᖁᐊᓴᐅᓕᓲᖑᒻᒪᑕ ᐃᓛᓐᓂᒃᑯᑦ, ᐊᒻᒪ ᓄᓇᒃᑰᔫᖅᑐᓂ ᖁᐊᓴᐅᓂᕐᓴᐅᓕᖅᐸᑦᑐᑎᒃ. ᓄᓇᓕᕐᓂᒥᐅᑕᐃᑦ ᐃᖏᕐᕋᓕᕋᐃᒍᑎᒃ ᓱᒃᑲᐃᔾᔫᒥᖃᑦᑕᖁᔭᐅᔪᑦ ᐊᒻᒪᑦᑕᐅᖅ ᐊᓯᖏᓐᓂᑦ ᓄᓇᒃᑰᔫᓂᑦ ᖃᓂᑦᓴᓗᐊᖅᐸᖏᓪᓗᑎᒃ. ᐊᐳᑎᓯᐅᑎᓂᑦ ᐊᑦᓴᓗᐊᓂᑦ ᐊᑐᖅᐸᑯᑦᓯ ᐊᑲᐅᓂᕐᓴᐅᒻᒥᔪᖅ ᖁᐊᓴᐅᓗᐊᕈᓐᓃᕋᔭᕐᒪᑕ ᐊᑦᓴᐊᓗᐊᑦ.
ᓯᑎᒃᑯᑦ ᖃᐅᔨᓴᐃᓐᓇᐸᑦᑐᑦ ᐊᑐᕆᐊᓂᑦ, ᐊᒻᒪ ᓯᐅᕋᓕᕐᓱᐃᕙᓐᓂᐊᖅᑐᑎᒃ ᓯᐅᕋᓕᕐᓱᕆᐊᓕᓐᓂᑦ.

ᓯᑎᒃᑯᑦ ᑲᑎᒪᔨᖏᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ
ᓅᕖᐱᕆ 27, 2018 (ᐃᖃᓗᐃᑦ, ᓄᓇᕗᑦ) - ᑭᒡᒐᑐᖅᑐᒋᑦ ᓯᑎᒃᑯᑦ ᑲᑎᒪᔨᖏᓐᓂᑦ, ᒪᐃᔭ ᕆᐊᑦᕘᕐᓐ ᐅᖃᐅᓯᖃᖅᑲᐅᔪᖅ ᐅᓐᓄᒃ ᓯᑎᒃᑯᑦ ᑲᔪᓯᑎᑦᓯᖅᑲᐅᒻᒪᑕ 2019-ᒥ ᐊᐅᓚᑦᓯᔾᔪᑎᓄᑦ ᑮᓇᐅᔭᓂᑦ ᐊᑐᖅᑐᑦᓴᓂᑦ ᐊᒻᒪ ᐊᑭᑐᔪᓄᑦ ᑮᓇᐅᔭᐃᔭᐅᑎᑦᓴᓂᑦ ᐸᕐᓇᐅᑎᒥᑦ.
“ᓯᑎᒃᑯᑦ ᑲᑎᒪᔨᖏᑦ ᖁᕕᐊᒋᓪᓗᒋᑦ ᑲᔪᓯᑎᑦᓯᕗᑦ 2019-ᒥ ᑮᓇᐅᔭᓂᑦ ᐊᑐᖅᑐᑦᓴᓂᑦ, ᓇᓕᒧᐃᑎᕆᓂᒃᑯᑦ ᐱᓕᕆᔾᔪᑎᐅᓚᐅᖅᑐᖅ ᐃᑲᔫᑎᐅᓇᓱᐊᖅᑐᑎᒃ ᒪᑭᒪᔾᔪᑎᓂᑦ ᐱᓕᕆᔾᔪᑎᓂᑦ ᐊᑭᓕᑦᓴᐃᔭᐅᑎᓂᑦ ᐊᒻᒪ ᐊᑭᓕᕆᐊᓕᓐᓂᑦ ᐱᔨᑦᓯᕋᕈᑎᓄᑦ ᑭᖕᖒᒪᔭᐅᔪᓂᑦ ᐃᓄᒋᐊᑦᓯᕙᓪᓕᐊᑐᐃᓐᓇᖅᑐᓄᑦ ᐃᓄᓐᓄᑦ,” ᐅᖃᖅᑐᖅ ᒪᐃᔭ ᕆᐊᑦᕘᕐᓐ.

ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓯᐅᖅᑐᑦ ᖃᑦᑎᕆᔨᒃᑯᑦ
ᓅᕖᐱᕆ 21, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᕿᓂᓕᕐᒥᔪᑦ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᓂᑦ ᖃᑦᑎᕆᔨᓂᑦ ᐃᓚᒋᔭᐅᒐᔭᖅᑐᓂᑦ ᐃᖃᓗᓐᓂ ᖃᑦᑎᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ.
ᐃᑲᔫᑎᑦᓴᐅᒐᔭᖅᑐᑦ ᑕᐃᒪᖕᖓᓕᒫᖅ ᐱᓕᒻᒪᓴᖅᐸᓐᓂᖅ, ᐃᓕᑕᕆᔭᐅᔾᔪᑎ ᐊᒻᒪ ᐱᔾᔪᓯᐊᖅᑎᑦᓯᓂᕐᒥᑦ ᐱᓕᕆᐊᑦᓴᖅ, ᐃᓅᖃᑎᒌᓐᓄᑦ ᖃᓄᐃᓕᐅᕈᑎᕈᓘᔭᐃᑦ ᐊᒻᒪᑦᑕᐅᖅ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᓂᑦ ᓇᓪᓕᐅᒃᑯᒫᖃᖅᑎᑕᐅᓂᖅ ᐊᒻᒪ ᐃᓅᓯᒃᑯᑦ ᓇᓪᓕᐅᒃᑯᒫᖃᖅᑎᑕᐅᓂᖅ. ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᑦᓴᑦ ᐱᑎᑕᐅᕙᒻᒥᔪᑦ ᐊᓐᓄᕌᓂᑦ ᖃᑦᑎᕆᔨᓄᑦ ᐊᑐᖅᑕᐅᓲᓂᑦ ᐊᒻᒪ ᑎᒥᒧᑦ ᓴᐴᒻᒥᑦᓯᔾᔪᑎᑦᓴᓂᑦ.
ᐃᑲᔪᖅᑎᐅᔪᒪᔪᑦ ᐅᑯᓂᖓ ᒪᓕᒋᐊᓖᑦ:
 ᐊᕐᕌᒍᖃᕐᓗᑎᒃ 19-ᓂᑦ ᐊᖏᔪᑦᑎᐅᓗᑎᓪᓘᓐᓃᑦ;
 ᒍᓚᐃ 10-ᒥᑦ ᐃᓕᓐᓂᐊᕐᓂᖃᕐᓗᓂ ᐊᔾᔨᐸᓗᐊᓂᓪᓘᓐᓃᑦ;
 ᑲᓇᑕᒥᐅᑕᐅᓗᓂ;

ᓄᓇᓕᐸᐅᔭᒃᑯᑦ ᓄᓇᓕᒻᒥᐅᑕᓂᑦ ᐊᔭᐅᖅᓯᒋᐊᖅᑐᑦ ᐱᐅᖅᓱᐊᖏᓐᓇᑎᑦᑎᓗᑎ ᐃᒥᕐᒥᑦ
ᓅᕕᐱᕆ 9, 2018 (ᐋᖅᑭᒋᐊᖅᑕᐅᔪᖅ 3:45) (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐊᔭᐅᖅᓯᒋᐊᖅᑐᑦ ᓄᓇᓕᒻᒥᐅᑕᓕᒫᓂᑦ ᐱᐅᖅᓱᐊᖏᓐᓇᕐᓗᑎᑦ ᐃᒥᕐᒥᑦ ᐅᓪᓗᒥᐅᒧᒧᑦ, ᐃᒥᕋᔅᓴᖅ ᐃᒥᖅ ᐊᑐᐃᓐᓇᐅᖏᓐᓇᖁᓂᐊᖅᑦᑐ ᐃᖃᓗᒻᒥᐅᑕᓕᒫᓄᓴ ᖃᑎᕆᔭᐅᑎᓪᓗᒍ ᓂᐅᕕᕐᕕᒻᒥ ᐃᑯᐊᓚᔪᖅ, ᐊᖏᔪᑲᓪᓚᒻᒥᑦ ᐃᒪᐃᖅᑕᐅᓚᐅᖅᑐᖅ ᓄᓇᓕᐸᐅᔭᒃᑯᑦ ᓴᓗᒻᒪᓴᖅᓯᒪᔪᒥᑦ ᐃᒥᖃᕐᕕᖓᓂᑦ. ᐃᒪᖓ ᖁᕝᕙᓯᓐᓂᖓ ᐊᔾᔨᒌᖏᓐᓇᑎᑦᑎᓂᐊᕐᓗᒍ, ᐱᐅᖅᓱᐊᖏᓐᓇᑐᐃᓐᓇᕆᑦ ᐃᒥᕐᒥᑦ ᐊᓯᐊᒍᖔᖅ ᐅᓪᓗᖓᓂ ᐊᓐᓄᕌᓂᑦ ᐅᐊᓴᐃᓂᐊᕐᓗᑎᑦ, ᕿᓚᒥᐅᓂᖅᓴᖅ ᐅᐊᓴᖃᑦᑕᕐᓗᑎᑦ ᐅᕕᓂᓐᓂᐊᖏᖔᕐᓗᑎᑦ, ᐅᓪᓗᒥ ᐊᐅᓚᑎᖏᑲᐃᓐᓇᕐᓗᒍ ᓂᕐᕈᑎᓄᑦ ᐅᐊᓴᕐᕕᒃ. ᖃᓄᑐᐃᓐᓇᖅ ᐱᐅᖅᓱᐊᕋᓱᓐᓂᖅ ᐃᒥᕐᒥᑦ ᖁᕕᐊᒋᔭᐅᒻᒪᕆᑦᑐᖅ. ᓄᓇᓕᐸᐅᔭᒃᑯᑦ ᖁᔭᓐᓇᒦᖅᑐᑦ ᐃᑲᔪᕈᓐᓇᕋᕕᑦ ᐊᒻᒪ ᑐᑭᓯᒍᓐᓇᕋᕕᑦ.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ:

ᓱᕈᓯᕐᓂᑦ ᐊᑦᑕᓇᖅᑐᒦᖁᔨᖕᖏᓐᓂᖅ ᓯᕗᓪᓕᐅᔾᔭᐅᓯᒪᓂᐊᖅᑐᖅ ᕼᐋᓗᐄᖑᓂᐊᖅᑐᒥ
ᐋᑦᑑᐸ 30, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᔪᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐅᔾᔨᕈᓱᒋᐊᕐᓯᒪᖃᑦᑕᖁᔭᐅᓪᓗᑎᒃ ᐊᓃᕋᔭᓕᕈᑎᒃ ᓇᒥᑐᐃᓐᓇᖅ ᕼᐋᓗᐄᖑᓂᖓᓂ ᐅᓐᓄᒃᑯᑦ, ᐋᑦᑑᐸ 31, 2018.
ᐃᔪᕈᕋᓛᕈᓗᐃᑦ ᐊᒻᒪ ᑐᖕᖓᕋᓛᕈᓗᐃᑦ ᐊᑦᑕᓇᖅᑐᒦᓐᓂᐊᖁᓇᒋᑦ ᐊᓃᕋᔭᓐᓂᖏᓐᓂᑦ ᐳᓚᕋᓐᓂᖏᓐᓂᓘᓐᓃᑦ, ᖃᐅᔨᒪᔭᐅᒋᐊᓖᑦ ᐅᑯᐊ ᕼᐋᓗᐄᖑᓂᖓᓂ ᐊᑐᕆᐊᒃᑯᑦ ᐊᖅᑯᑏᑦ ᐊᓯᔾᔨᕐᓯᒪᑲᐃᓐᓇᓂᐊᕐᒪᑕ 5:30-ᒥᑦ 8:30-ᒧᑦ ᐅᓐᓄᒃᑯᑦ:
- ᑕᓯᓕᒃ ᐊᑐᕆᐊᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 2738 ᐃᓪᓗᒧᑦ 4123;
- ᑕᓯᓗᓕᐊᕆᐊᖅ ᐊᑐᕆᐊᖅ ᑕᐃᒫᑦᑕᐅᖅ ᐊᑕᐅᓯᕐᒧᑦ ᑐᑭᓕᐊᖓᓂᐊᖅᑐᖅ ᐃᓪᓗᒥᑦ 4112 ᐃᓪᓗᒧᑦ 2209;
- ᓄᓇᓕᓐᓂᒥᐅᑕᐃᑦ ᓴᖑᒍᓐᓇᔾᔮᖏᑲᐃᓐᓇᖅᑐᑦ ᑕᓯᓗᓕᐊᕆᐊᒧᑦ ᓂᐊᖁᖕᖒᓯᐊᕆᐊᒥᑦ