ᐊᑦᓴᓗᐊᒥᓂᕐᓂᒃ ᐊᒻᒪ ᐹᑕᓖᒥᓂᕐᓂᒃ ᐃᒋᑦᓯᓂᖅ ᐊᑦᓯᕕᒻᒧᑦ

ᐊᑦᓴᓗᐊᒥᓂᕐᓂᒃ ᐊᒻᒪ ᐹᑕᓖᒥᓂᕐᓂᒃ ᐃᒋᑦᓯᓂᖅ ᐊᑦᓯᕕᒻᒧᑦ
ᐋᒐᓯ 31, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᓕᕆᔾᔪᑎᒥᑦ ᐃᒋᑕᐅᖃᑦᑕᕐᓂᖏᓐᓄᑦ ᐊᑦᓴᓗᐊᒥᓃᑦ ᐊᒻᒪ ᐹᑕᓖᒥᓃᑦ ᐊᑦᓯᕕᒻᒧᑦ ᐱᒋᐊᖅᑎᑦᓯᑲᓐᓂᓕᕐᒥᒻᒪᑕ.
ᐱᒋᐊᕐᓗᑎᒃ ᓰᑏᐱᕆ 1, 2018, ᓄᓇᓕᕐᓂᒥᐅᑕᐃᑦ ᓄᓇᒃᑰᔫᒥᓂᕐᒥᒃ ᐃᒋᑦᓯᔪᒪᓂᐊᖅᑐᑦ ᐴᕐᒥᑦᑖᖃᑦᑕᕆᐊᖃᕐᓂᐊᓕᕐᒥᒻᒪᑕ ᓯᑎᒃᑯᑦ ᐊᓪᓚᕝᕕᖏᓐᓂᑦ, ᐊᒻᒪᑦᑕᐅᖅ ᐊᑭᓖᓗᑎᒃ ᐊᑭᓕᕆᐊᓕᓐᓂᑦ ᐃᒋᑦᓯᔾᔪᑎᑦᓴᓂᑦ, ᐊᑦᓯᕕᒻᒨᓚᐅᖏᓂᕐᒥᓂ ᐃᒋᑦᓯᒋᐊᖅᑐᕐᓗᓂ ᐊᑦᓴᓗᐊᒥᓃᑦ ᐊᒻᒪ ᐹᑕᓖᒥᓃᑦ. ᐊᑭᓕᕆᐊᓖᑦ ᒪᓕᖃᑦᑕᓂᐊᖅᑐᑦ ᖃᑦᓯᐅᓂᖏᓐᓄᑦ ᐊᒻᒪ ᖃᓄᐃᑦᑑᓂᖏᓐᓄᑦ ᐃᒋᑕᐅᓂᐊᖅᑐᑦ. ᐊᑦᓯᕕᒻᒥ ᐃᖅᑲᓇᐃᔭᖅᑏᑦ ᐴᕐᒥᑦᒥᑦ ᑕᑯᖄᖃᑦᑕᕆᐊᖃᕐᓂᐊᖅᑐᑦ ᐃᒋᑦᓯᒋᐊᖅᑐᖅᑐᑦ ᐊᑦᓯᕕᐅᑉ ᐃᓗᐊᓘᓚᐅᖏᓐᓂᖏᓐᓂ.
ᐊᑦᓯᕕᒃ ᒪᑐᐃᖓᕙᑦᑐᖅ ᓇᒡᒋᔾᔭᐅᓕᖅᑭᕐᒥᑦ ᑕᓪᓕᒥᕐᒧᑦ, ᐅᓪᓛᒃᑯᑦ 8-ᒥ ᒪᑐᐃᖅᑐᑎᒃ ᒪᑐᕙᑦᑐᑦ 2-ᒨᕋᐃᒻᒪᑦ ᐅᓐᓄᓴᒃᑯᑦ (ᖁᓛᓂ ᐅᓪᓗᒃᑯᑦ ᒪᑐᐃᖓᕙᑦᑐᖅ), ᐊᒻᒪ ᓈᑦᓯᐅᖑᔭᓛᕐᓂᐊᒥ 8-ᒥᓂᒃ ᐅᓪᓛᒃᑯᑦ 5-ᒨᕋᓱᓐᓂᖓᓂ ᐅᓐᓄᓴᒃᑯᑦ (ᒪᑐᕙᑦᑐᑦ ᐅᓪᓗᒃᑯᑦ ᖁᓛᓅᕋᐃᒻᒪᑦ ᓂᕆᓐᓇᒥ). ᐊᑦᓯᕕᒃ ᒪᑐᓯᒪᕙᑦᑐᖅ ᓈᑦᓯᐅᖑᔭᒥ ᐊᒻᒪ ᓇᒡᒋᔾᔭᐅᒥ.
ᓯᑎᒃᑯᑦ ᐃᖅᑲᐃᑎᑦᓯᔪᒪᒻᒥᔪᑦ ᓄᓇᓕᕐᓂᒥᐅᑕᓂᑦ ᓴᓂᑐᐃᓐᓇᕐᓂᒃ ᕿᒪᐃᖃᑦᑕᖁᔭᐅᒐᑎᒃ ᐹᖏᓐᓄᑦ ᐊᑦᓯᕕᐅᑉ ᒪᑐᓯᒪᑎᓪᓗᒍ ᓴᓗᒪᒋᐊᕐᔫᒥᖁᓪᓗᒍ ᐊᕙᑎᐊ ᓴᓂᖃᖕᖏᓪᓗᓂ.
ᓯᑎᒃᑯᑦ ᖁᔭᓐᓇᒦᕈᒪᕗᑦ ᐃᓕᑦᓯᓐᓂᒃ ᑐᑭᓯᐊᑦᓯᐊᓂᕐᓯᓐᓂᑦ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐱᓕᕆᖃᑕᐅᓂᕐᓯᓐᓂᒃ.