ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᑦ - ᖁᔭᓕᓐᓇᐅᓕᖅᐸᑦ
ᐋᒃᑑᐸ 10, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᐋᒃᑑᐸ 14, 2024, ᖁᔭᓕᓐᓇᐅᓕᖅᐸᑦ ᕿᑲᕐᓇᐅᓛᖅᑐᒥ.

ᖃᐅᔨᒪᓂᐊᖅᑯᓯ ᓇᔪᒐᕐᓂᒃ ᐃᒻᒪᐃᕙᑦᑐᑦ ᐊᒻᒪ ᑭᓈᓗᓕᕆᔾᔪᑎᖏᓐᓂᒃ ᒥᓪᓗᐊᕐᓯᕙᑦᑐᑦ ᐱᔨᑦᓯᕋᖅᑎᖏᑦ, ᐊᒻᒪᑦᑕᐅᖅ ᓴᓂᑦᑕᖅᑏᑦ, ᐊᐅᓚᐃᓐᓇᓛᕐᒪᑕ ᐱᐅᓯᕐᒥᓂᒃ ᐊᑐᕐᓗᑎᒃ. ᐃᖃᓗᓐᓂ ᐳᐃᔾᔪᕋᕐᕕᖃᕐᕕᒃ ᒪᑐᐃᖓᓛᕐᒥᔪᖅ ᐅᓪᓗᒃᑯᑦ 12-ᒥᓂᒃ 4-ᒧᓄᑦ ᐅᓐᓄᓴᒧᑦ.

ᒫᓐᓇᐅᔪᖅ ᐃᓱᒪᒋᔭᖅᑎᓪᓗᑕ ᓱᓇᓂᒃ ᐊᓐᓂᕈᓱᓐᓂᑎᓐᓂᒃ - ᓄᓇᓕᕗᑦ, ᓄᓇᕗᑦ, ᐊᒻᒪ ᐃᓚᒌᓐᓂᕆᕙᑦᑕᕗᑦ ᐃᓘᓐᓇᑕ - ᓄᓇᓕᕐᒥᐅᑕᓕᒫᑦᓯᐊᑦ ᑕᐃᑲᓂ ᐅᓪᓗᕐᒥ ᓴᐃᓕᖓᑦᓯᐊᓛᖁᔭᕗᑦ ᐊᒻᒪ ᑕᖃᐃᕐᓯᑦᓯᐊᓛᕐᓗᑎᒃ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖅ ᐱᓪᓗᒍ ᑐᓴᕋᑦᓴᖅ
ᐋᒃᑑᐸ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᕕᐊᒋᓪᓗᒋᑦ ᑐᓴᖅᑎᑦᓯᒍᒪᓕᕆᕗᑦ ᑲᔪᓯᔭᐅᔪᒥᒃ ᓄᓇᒃᑰᔫᒥᓂᕐᓂᒃ ᐊᒻᒪ ᓱᓇᒃᑯᑖᒥᓂᕐᓂᒃ ᓄᐊᑦᓯᓂᖅ ᐱᓕᕆᐊᑦᓴᖁᑎᖓᑕ. ᐅᓪᓗᒥᒧᑦ, ᑲᑎᑦᑐᒋᑦ 50-ᓂᒃ ᓄᓇᒃᑰᔫᒥᓂᕐᓂᒃ ᓄᐊᑦᓯᓯᒪᓕᖅᑐᑦ, ᐊᑦᓱᑲᓪᓚᐅᔪᖅ ᑮᓇᐅᔭᓂᒃ ᐊᑐᖕᖏᔾᔪᑎᐅᓕᖅᑐᓂᒃ $37,000-ᒪᕆᓐᓂᒃ ᓄᓇᓕᒻᒧᑦ ᐊᑐᖅᑕᐅᔪᓐᓇᖅᑐᓂᒃ ᖃᖓᑐᐃᓐᓇᒃᑯᑦ. ᐊᒻᒪᑦᑕᐅᖅ, 7 ᖃᒧᑕᐅᔭᒥᓃᑦ ᐊᒻᒪ ᑎᓴᒪᓕᑲᓪᓚᒥᓃᑦ ᐱᓲᑎᑲᓪᓚᐃᑦ ᓄᐊᑕᐅᓚᐅᕆᓪᓗᑎᒃ, ᓄᓇᓕᕐᒥᐅᑕᐃᑦ ᑮᓇᐅᔭᓂᒃ ᐊᑐᖕᖏᑎᑕᐅᓗᑎᒃ ᐊᑭᓕᐅᑎᐅᒐᔭᖅᑐᓂᒃ ᐃᒪᓐᓇᓂᒃ $1,500.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ
ᐋᒃᑑᐸ 9, 2024 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᖅ, ᐋᒃᑑᐸ 10, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥᑦ 5-ᒧᑦ ᐅᓪᓗᒃᑯᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴ
ᓂᕿᑖᕈᑎᑦᓴᓂᒃ ᓇᓕᖅᑲᑎᒍᑦ ᐱᓕᕆᐊᑦᓴᖅ ᐃᓄᖕᓄᑦ ᐃᓚᒌᓄᑦ
ᐋᒃᑑᐸ 9, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᔭᖃᑦᓯᐊᖅᑐᑎᒃ ᐅᖃᐅᓯᖃᕈᒪᓕᕐᒥᔪᑦ ᓄᑖᒥᒃ ᐱᒋᐊᖅᑎᑕᐅᔪᒥᒃ ᐃᑲᔪᕐᓱᐃᔾᔪᑎᑦᓴᓂᒃ ᐃᓄᖕᓂᒃ ᐃᓚᒌᓂᒃ ᓱᕈᓯᖁᑎᓕᓐᓂᒃ ᐱᓕᕆᐊᖃᖅᑐᑎᒃ ᓂᕿᑦᓴᑭᑉᐸᑦᑐᓂᒃ ᓄᓇᓕᑦᑎᓐᓂ. ᐱᓕᕆᐊᑦᓴᖅ, ᐊᔪᕐᓇᖏᑎᑕᐅᓯᒪᔪᖅ ᑮᓇᐅᔭᑎᒍᑦ ᐅᑯᓇᖕᖓᑦ ᓱᕈᓯᕐᓄᑦ ᓯᕗᓪᓕᓯᐅᑏᑦ ᐱᒋᐊᖅᑎᑕᐅᔪᑦ ᐊᒻᒪ ᔪᐊᕐᑕᓐ ᐱᓕᕆᔾᔪᑎᖏᓐᓂᒃ ᐱᓕᕆᐊᑦᓴᖏᑎᒍᑦ, ᑲᑐᔾᔨᖃᑎᖃᖅᑐᑎᒃ ᓄᓇᖃᖅᑳᕐᓯᒪᔪᓂᒃ ᓱᕈᓯᕐᓄᑦ ᐱᓕᕆᕝᕕᒻᒥᒃ ᑲᓇᑕᒥ, ᑮᓇᐅᔭᑎᒍᑦ ᐃᑲᔪᕐᓱᐃᔾᔪᑎᖃᖅᐸᓂᐊᖅᑐᑦ ᐃᓚᒌᓂᒃ ᐱᔪᓐᓇᖁᓪᓗᒋᑦ ᓂᕿᑦᓯᐊᕙᓐᓂᒃ ᐊᒻᒪ ᐊᑭᑐᓗᐊᖏᑦᑐᓂᒃ ᓂᕿᓂᒃ ᓄᓇᕘᒥ.

ᐃᓄᖕᓄᑦ ᑐᓴᕋᑦᓴᖅ

ᐳᐃᔾᔪᕋᕐᕕᒃ ᐊᒻᒪ ᐃᓪᓗᕈᓯᖅ ᐊᐅᒃᑲᓐᓂᖓᓇᖅᑐᖅ ᒪᑐᓯᒪᑲᐃᓐᓇᓂᐊᖅᑑᒃ

ᐋᒃᑑᐸ 7, 2024 – ᐃᖃᓗᐃᑦ, ᓄᓇᕗᑦ

ᐊᑐᐃᓐᓇᖃᖏᓗᐊᕐᓂᑎᓐᓄᑦ ᐳᐃᔾᔪᕋᖅᑐᓂᒃ ᖃᐅᔨᓴᖅᑎᑦᓴᓂᒃ, ᓄᓇᓕᐸᐅᔭᒃᑯᑦ ᐃᖃᓗᓐᓂ ᐅᒡᒍᐊᖅᑐᑦ ᑐᓴᖅᑎᑦᓯᓂᕐᒥᒃ ᓄᓇᓕᕐᒥᐅᑕᓂᒃ ᐳᐃᔾᔪᕋᕐᕕᒃ ᐊᒻᒪ ᐃᓪᓗᕈᓯᖅ ᐊᐅᒃᑲᓐᓂᖓᓇᖅᑐᖅ ᐳᐃᔾᔪᕋᕐᕕᖃᕐᕕᒻᒥ ᒪᑐᔭᐅᓂᐊᕐᒪᑎᒃ ᐅᓪᓗᕈᒻᒥᑕᕐᓇᐅᑎᓪᓗᒍ ᐳᐃᔾᔪᕋᕇᖅᐸᑕ ᐅᓪᓗᒥ.

ᒪᒥᓇᐅᒐᓗᐊᖅ ᐊᑲᐅᖏᓕᐅᕈᑎᓕᐅᕈᑦᑕ ᐊᒻᒪ ᖁᔭᓕᕙᑉᐳᒍᑦ ᑐᑭᓯᑦᓯᐊᐸᓐᓂᓯᓐᓂᒃ.

ᐃᑲᕐᕋᖏᓐᓄᑦ ᐱᐅᓯᖏᓐᓄᑦ ᐅᑎᓛᕐᒥᔪᑦ ᖃᐅᑉᐸᑦ, ᐋᒃᑑᐸ 8, 2024.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑯᐊᓪᓚᑦᑕᐃᓕᒪᑎᑦᓯᓂᕐᒧᑦ ᐱᓇᓱᐊᕈᓯᖅ 2024
ᐋᒃᑑᐸ 4, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᒃ ᐃᑯᐊᓪᓚᑦᑕᐃᓕᒪᑎᑦᓯᓂᕐᒧᑦ ᐱᓇᓱᐊᕈᓯᖅ ᐊᑐᖅᑕᐅᓛᕐᓂᖓᓄᑦ ᐋᒃᑑᐸ 6-ᒥᒃ 12-ᒧᑦ, 2024. ᐊᕐᕌᒍᑦᑎᓐᓂ ᐃᓱᒪᒋᔭᐅᔪᖅ ᐅᓇ "ᐳᔪᕐᒥᒃ ᖃᐅᔨᓴᐅᑏᑦ: ᐱᓪᓗᑎᑦ ᐱᓕᕆᑎᑕᐅᒃᑭᑦ!" ᓇᓗᓇᐃᔭᐃᔾᔪᑎᐅᔪᖅ ᐊᑑᑎᖃᖅᑐᒻᒪᕆᐅᓂᖏᓐᓄᑦ ᐱᓕᕆᔾᔪᑎᐅᔪᓐᓇᓯᐊᖅᑎᓪᓗᒋᑦ ᐳᔪᕐᒥᒃ ᖃᐅᔨᓴᐅᑎᐅᔪᑦ ᐊᖏᕐᕋᓯ ᐊᒻᒪ ᐃᓚᒋᔭᓯ ᐊᑦᑕᓇᖅᑐᒦᖁᓇᒋᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᔭᐅᓯᒪᑲᐃᓐᓇᕐᓛᖅᑐᖅ ᓂᐊᖁᖕᖒᓯᐊᕆᐊᖅ ᖃᓂᒋᔮᓃᑦᑐᖅ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG)
ᐋᒃᑑᐸ 3, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᒪᑐᔭᐅᓯᒪᑲᐃᓐᓇᓛᕐᓂᖓᓄᑦ ᐃᓚᖓ ᓂᐊᖁᖕᖒᓯᐊᕆᐊᖅ ᐊᑐᕆᐊᖅ ᐋᒃᑑᐸ 5-ᒥᒃ ᐋᒃᑑᐸ 8-ᒧᑦ, 2024, ᐱᔾᔪᑎᖃᕐᓗᑎᒃ ᓴᓇᔭᐅᓛᕐᓂᖏᓐᓄᑦ ᐃᒥᕐᒧᑦ ᐊᒻᒪ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᐅᔪᑦ ᓄᑖᒨᖓᓛᖅᑐᑦ ᒪᒥᓴᕐᕕᒃ ᑐᖕᖓᕕᒻᒧᑦ ᓴᓇᔭᐅᔪᒧᑦ ᐊᑭᐊᓂ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ (AWG) ᐊᓐᓂᑭᑦᑐᕐᕕᐅᑉ.

ᓴᖑᒋᐊᕐᕕᓕᐅᕐᓯᒪᓛᖅᑐᑦ, ᐊᒻᒪ ᐊᑐᕆᐊᖅ ᒪᑐᐃᖓᐃᓐᓇᓂᐊᖅᑐᖅ ᓄᓇᒃᑰᔫᖅᑐᓄᑦ ᓇᓪᓕᐊᓐᓄᑐᐃᓐᓇᖅ. ᑭᓯᐊᓂ, ᓄᓇᓕᕐᒥᐅᑕᐃᑦ ᐊᒻᒪ ᓄᓇᒃᑰᔫᖅᐸᑦᑐᑦ ᐅᔾᔨᕈᓱᑦᓯᐊᕐᓗᑎᒃ ᐃᖏᕐᕋᖃᑦᑕᖁᔭᐅᓂᐊᖅᑐᑦ ᐊᕙᑎᐊᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᓃᑦᑐᑦ ᓱᒃᑲᐃᓪᓕᒋᐊᕈᑏᑦ ᐲᔭᖅᑕᐅᑲᐃᓐᓇᓂᐊᖅᑐᑦ
ᐋᒃᑑᐸ 3, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᓴᓇᔪᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐲᔭᐃᑲᐃᓐᓇᖑᓱᒻᒪᑕ ᐊᑐᕆᐊᓃᑦᑐᓂᒃ ᓱᒃᑲᐃᓪᓕᒋᐊᕈᑎᓂᒃ ᓇᑭᑐᐃᓐᓇᖅ ᐱᓇᓱᐊᕈᓯᕐᓂ ᐊᒡᒋᖅᑐᓂ ᐅᐸᓗᖓᐃᔭᐃᕙᓪᓕᐊᓕᖅᑎᓪᓗᒋᑦ ᐅᑭᐅᖑᓂᐊᖅᑐᒧᑦ.

ᓱᒃᑲᐃᓪᓕᒋᐊᕈᑎᐅᔪᑦ ᐲᔭᖅᑕᐅᒍᑎᒃ, ᓄᓇᒃᑰᔫᖅᐸᑦᑐᑦ ᓱᓕ ᓱᒃᑲᐃᓪᓕᒋᐊᖃᑦᑕᖁᔭᐅᓂᐊᖅᑐᑦ ᐊᒻᒪ ᐅᔾᔨᕈᓱᐃᓐᓇᕐᓗᑎᒃ, ᐱᓗᐊᖅᑐᒥ ᓇᔪᒐᖃᕐᕕᒃᑰᓕᕋᐃᒍᑎᒃ ᓱᕈᓯᖃᓗᐊᖅᑐᒃᑯᑦ. ᐊᑦᑕᓇᔾᔭᐃᕐᓯᒪᓂᐅᔪᖅ ᓱᓕ ᓯᕗᓪᓕᐅᔾᔭᐅᖏᓐᓇᓂᐊᕐᒪᑦ ᓄᓇᑦᑎᓐᓂ, ᐊᒻᒪ ᖁᔭᓐᓇᒦᖅᑐᒍᑦ ᐃᓕᑦᓯᓐᓂᓕᒫᑦᓯᐊᖅ ᑲᔪᓯᑎᑦᓰᓐᓇᐸᒃᑲᑦᓯ ᐃᑲᔪᖅᑕᐅᒍᒪᓕᕋᐃᒐᑦᑕ ᖃᓄᑐᐃᓐᓇᖅ ᑲᑐᔾᔨᖃᑕᐅᓗᓯ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ ᐅᓇ: