ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓴᕕᕋᔭᖕᓂᒃ ᐲᔭᐃᓂᕐᒧᑦ ᐱᓕᕆᐊᖕᒍᔪᖅ ᓄᓇᓕᖕᓂ ᓰᑎᐱᕆ 5-ᒥᑦ ᓅᕕᐱᕆ 7, 2024-ᒧᑦ
ᓰᑎᐱᕆ 4, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓴᖅᑭᑕᐅᓂᖕᒐᓂᒃ ᓴᕕᕋᔭᖕᓂᒃ ᐊᑐᕈᓐᓃᖅᑐᓂᒃ ᐃᒋᐅᖅᑲᐃᓂᕐᒥᒃ, ᐊᑐᐃᓐᓇᐅᔪᖅ ᐃᒡᓗᖃᖅᑎᐅᔪᓄᑦ ᐊᒻᒪᓗ ᐊᑐᖅᑐᐊᖅᑎᐅᔪᓄᑦ. ᑖᓐᓇ ᐱᓕᕆᐊᖅ, ᐊᐅᓚᓂᖃᓛᖅᑐᖅ ᓰᑎᐱᕆ 5-ᒥᑦ ᓅᕕᐱᕆ 7, 2024-ᒧᑦ, ᐊᔾᔨᐅᖖᒋᑦᑐᒥᑦ ᐱᕕᖃᖅᑎᑦᑎᔪᑦ ᓄᓇᓕᖕᓂᑦ ᐃᒋᑦᑎᔪᓐᓇᕐᓗᑎᒃ ᐊᖕᒋᔪᓂᑦ ᓴᕕᕋᔭᖕᓂᑦ.

ᐱᓕᕆᐊᖕᒍᔪᑦ ᐃᓗᓕᖕᒋᑦ:
  • ᐊᑭᖃᕈᓐᓃᖅᑎᑕᐅᔪᖅ: ᓄᓇᓕᐸᐅᔭᒃᑯᑦ ᐊᑭᖃᕈᓐᓃᖅᑎᑦᑎᓂᐊᖅᑐᑦ ᓴᕕᕋᔭᖕᓂᑦ ᐃᒋᑦᑎᔪᓐᓇᕐᓂᕐᒧᑦ ᑕᕝᕙᓂ ᐊᑕᐅᓯᐊᖅ ᐱᓕᕆᐊᖕᒍᔪᒧᑦ.
  • ᐋᑦᑎᓂᕐᒧᑦ ᐃᑲᔪᖅᑕᐅᓂᖅ: ᓄᓇᓕᐸᐅᔭᒃᑯᑦ ᐃᑲᔪᕐᓂᐊᖅᑐᑦ ᐅᓯᓂᕐᒥᑦ ᐊᖕᒋᔫᑎᓂᒃ ᓴᕕᕋᔭᕐᓂᒃ ᐊᒃᑕᕐᕕᖕᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ
ᓰᑏᐱᕆ 3, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᐊᕐᕌᒍᑕᒫᑦ ᐊᖏᕋᖃᕐᕕᐅᔪᓂᑦ ᐊᖏᔫᑎᓂ ᐊᐅᔭᐃᖃᑦᑕᕐᓂᖏᓄᑦ ᐱᓕᕆᐊᖅ ᐃᖏᕋᓂᖃᓂᐊᖅᑐᖅ ᐱᒋᐊᕐᓗᓂ ᓰᑏᐱᕆ 9 ᑎᑭᓪᓗᒍ ᓰᑏᐱᕆ 14, 2024. ᑕᒪᓐᓇ ᓄᓇᓕᒻᒥᐅᑕᓂᑦ ᐱᕕᔅᓴᖃᖅᑎᑦᑎᔪᖅ ᐃᒋᑦᑎᓗᑎ ᐲᒡᒐᓇᖅᑐᓂᑦ ᐊᑭᖃᖏᓪᓗᒍ ᐃᑲᔪᖅᑕᐅᓗᑎ ᓴᓇᔪᓕᕆᔨᒃᑯᓐᓂᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᒃᑕᕐᕕᒃ ᒪᑐᓯᒪᔪᖅ
ᓰᑎᐱᕆ 3, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᒃᑕᕐᕕᖕᒐ ᒪᑐᓯᒪᓂᐊᖅᑐᖅ ᐅᓪᓗᒥ ᓂᕆᐅᓇᖖᒋᑦᑐᒃᑯᑦ ᐊᑲᐅᖖᒋᓕᐅᕈᑎᑕᖃᕐᓂᖕᒐᓄᑦ, ᑭᓯᐊᓂ ᓂᕆᐅᒋᔭᕗᑦ ᒪᑐᐃᒃᑲᓐᓂᕐᓂᐊᖅᑐᖅ ᓰᑎᐱᕆ 4, 2024-ᖕᒍᓕᖅᐸᑦ.

ᒪᒥᐊᑉᐳᒍᑦ ᐊᑲᐅᖖᒋᓕᐅᕈᑎᑕᖃᖅᐸᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ ᑐᑭᓯᒋᐊᕐᕕᒋᔪᓐᓇᖅᑕᐃᑦ:

ᔨᐊᕝ ᒪᒃᒪᓐ
ᓴᓗᒻᒪᖅᓴᐃᓂᕐᒧᑦ ᐊᖕᒐᔪᖅᑳᒻᒪᕆᒃ
ᐃᖃᓗᖕᓂ ᓄᓇᓕᐸᐅᔭ
867-979-5699 | j.macmunn@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᓕᓐᓂᐊᕐᓇᐅᓂᐊᓕᕐᒥᒻᒪᑦ – ᐃᖕᒋᕐᕋᔪᓄᑦ ᐊᑦᑕᕐᓇᖅᑕᐃᓕᒪᓂᖅ
ᐋᒡᒌᓯ 30, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᐃᓕᓐᓂᐊᖅᑏᑦ ᐃᓕᓐᓂᐊᓛᓕᕐᒥᒻᒪᑕ ᓰᑎᐱᕆ 3, 2024-ᖕᒍᓕᖅᐸᑦ, ᐅᔾᔨᖅᓱᑦᑎᐊᕆᐊᖃᖅᑐᓯ ᐃᖕᒋᕐᕋᓕᕌᖕᒐᔅᓯ, ᐱᓗᐊᖅᑐᒥ ᐃᓕᓐᓂᐊᕐᕕᐅᑉ ᓱᕈᓯᖅᑕᐅᑎᖕᒋᓐᓂ ᐊᒻᒪᓗ ᐃᓕᓐᓂᐊᕐᕕᐅᑉ ᖃᓂᒋᔭᖕᒋᓐᓂ.

ᐅᔾᔨᖅᓱᑦᑎᐊᖃᑦᑕᕐᓂᐊᖅᐳᑎᑦ ᐅᓪᓛᒃᑯᑦ ᐊᒻᒪᓗ ᑖᖅᓯᓕᖅᑎᓪᓗᒍ, ᑕᑯᒐᕐᓂᖖᒋᑐᐃᓐᓇᕆᐊᖃᕐᒪᑕ ᐱᓱᒃᐸᒃᑐᑦ.

ᐃᖅᑲᐅᒪᒋᑦ ᒪᓕᒐᕐᒥᒃ ᓱᕋᐃᓂᐅᒻᒪᑦ ᓱᕈᓯᖅᑕᐅᑎᐅᑉ ᐊᐅᐸᖅᑐᑦ ᖃᐅᒻᒪᖕᒋᑦ ᖃᐅᒻᒪᓪᓛᑎᓪᓗᒋᑦ ᐊᒻᒪᓗ ᓄᖅᑲᕆᐊᖃᖅᑐᑎᑦ.

ᐊᖁᕝᕕᐅᔫᒃ ᑕᒪᕐᒥᒃ ᓄᖅᑲᖕᒐᕕᐅᔪᐃᓐᓇᐅᔭᕆᐊᓖᑦ ᐊᐅᐸᖅᑐᑦ ᖃᐅᒪᖕᒋᑦ ᖃᒥᒐᓱᓐᓂᖕᒋᓐᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᒪᑐᔭᐅᑲᐃᓐᓇᓂᐊᖅᑐᖅ ᓴᕕᕋᔭᓄᑦ ᓴᓂᒃᑯᕕᒃ ᐊᑦᓯᕕᒻᒥ
ᐋᒐᓯ 30, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓴᕕᕋᔭᓄᑦ ᓴᓂᒃᑯᕕᒃ ᐊᑦᓯᕕᒻᒥ ᒪᑐᓯᒪᓂᐊᕐᒪᑦ ᓰᑏᐱᕆ 4 ᐅᕗᖓ 14, ᐊᓂᐊᔭᐅᒋᐊᖃᕐᓂᖏᓐᓄᑦ ᓇᕿᑎᖅᑕᐅᓯᒪᔪᑦ ᓴᕕᕋᔭᐃᑦ ᓴᓃᑦ ᐊᑦᓯᕕᒻᒥᒃ.

ᑖᒃᑯᓇᓂ ᐅᓪᓗᕐᓯᐅᑎᓂ, ᐊᑦᓯᕕᒻᒨᕆᔪᓐᓇᔾᔮᖏᑲᐃᓐᓇᖅᑐᓯ ᓴᓂᕐᓂᒃ ᓴᕕᕋᔭᓂᒃ, ᐃᓪᓗᓂ ᓱᓇᒃᑯᑖᒥᓂᕐᓂᒃ, ᐅᕝᕙᓘᓐᓃᑦ ᐊᑐᕈᓐᓃᖅᑐᓂᒃ ᓄᓇᓯᐅᑎᒥᓂᕐᓂᒃ. ᓴᓂᑐᐃᓐᓇᐃᑦ ᓱᓕ ᐃᒋᑕᐅᔪᓐᓇᓂᐊᖅᑑᒐᓗᐊᑦ.

ᐅᖁᒪᐃᑦᑐᑦ ᓱᓇᒃᑯᑖᓕᕆᔩᑦ ᐊᒻᒪ ᓄᓇᓯᐅᑎᐸᐅᔭᐃᑦ ᐊᐅᓚᑕᐅᕙᓐᓂᐊᕐᒪᑕ ᐊᕙᑎᒥ, ᐊᒻᒪ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᖁᓇᒋᑦ, ᓴᕕᕋᔭᓄᑦ ᓴᓂᖃᕐᕕᖓᓅᔾᔭᐃᕐᓯᒪᖁᔭᐅᑲᐃᓐᓇᓂᐊᖅᑐᓯ ᐱᔭᕇᕋᓱᓐᓂᖏᓐᓂ.

ᖁᔭᓕᕗᒍᑦ ᑲᑐᔾᔨᖃᑕᐅᓗᓯ ᐃᑲᔪᕋᑦᓯ ᒫᓐᓇᐅᓂᖓᓂ.

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᓪᓗᖅ ᑭᖑᓪᓕᖅᐹᖅ ᑐᐊᑉᐱᖅᓱᖅᑕᐅᓂᖓ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕕᒃᔪᐊᕐᕕᒃ – ᓯᑎᐱᕆ 1
ᐋᒡᒌᓯ 29, 2024 − ᐃᖃᓗᐃᑦ, ᓄᓇᕗᑦ

ᓯᑎ ᐃᖃᓗᐃᑦ ᑐᓴᕐᑎᑦᑎᔪᒪᕗᑦ ᓄᓇᖃᖅᑐᓂᒃ ᑖᒃᑯᐊ ᐱᔭᕇᖅᓯᓂᐊᖅᑐᑦ ᑐᐊᐱᖅᓱᐃᓂᖓᑦ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕕᒃᔪᐊᕐᕕᒃ ᓯᑎᐱᕆ 1, 2024. ᐅᓇ ᐊᓯᖑᖅᑐᖅ ᐋᕿᒃᓱᕆᐊᖃᓚᐅᕐᒪᑕ ᓅᐊᓯᖑᖅᑎᑦᑕᕆᐊᖃᕐᓂᖓ ᐃᒡᓗ ᐊᒡᒋᖅᑐᒧᑦ ᓄᓇᕗᒻᒥ ᐃᖅᑲᓇᐃᔮᒃᓴᓂᒃ ᓴᕿᔮᕐᑎᑦᑎᕕᖓᓄᑦ, ᐅᑯᐊᓗ ᑕᐃᑲᓃᑦᑐᒫᖅᑐᑦ ᐱᒋᐊᕐᓗᑎᒃ ᓯᑎᐱᕆ 17 ᑎᑭᓐᓇᓱᖕᓂᖓᓄᑦ 19, 2024, ᐱᔭᕇᖅᐸᑕ ᑕᐃᒪᓗ ᐋᕿᒃᓱᐃᓂᐊᕐᒥᔪᑦ ᓂᓚᒃᓴᖓᓂᒃ.

ᑕᒪᕐᒥᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᓐᖑᐊᕕᒃᔪᐊᕐᕕᒃ ᐊᒻᒪᓗ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒃ ᓯᐊᕐᕆᔮᕐᕕᖏᑦ ᒪᑐᐃᕐᓂᐊᖅᑐᑦ ᐊᒻᒪᓗ ᐊᑐᖅᑕᐅᔪᓐᓇᖅᓯᓗᑎᒃ ᐱᒋᐊᕐᓗᓂ ᐅᒃᑑᐸ 19, 2024.

ᖁᔭᓐᓇᒦᒃ ᑐᑭᓯᑦᑎᐊᕋᑦᓯ ᐊᒻᒪᓗ ᓈᓚᑦᑎᐊᕋᑦᓯ ᑕᒪᓐᓇ ᐱᓕᕆᐊᖑᓂᖓᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐊᓪᓚᕝᕕᖓᑦ ᒪᑐᓯᒪᓛᖅᑐᖅ ᐃᖅᑲᓇᐃᔭᖅᑎᓄᑦ ᐅᓪᓗᕆᔭᐅᓕᖅᐸᑦ
ᐋᒐᓯ 29, 2024 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᒪᑐᒪᓛᕐᓂᖏᓐᓄᑦ ᓇᒡᒋᔾᔭᐅᒥ, ᓰᑏᐱᕆ 2 ᐃᓱᒪᒋᓪᓗᒍ ᐃᖅᑲᓇᐃᔭᖅᑎᓄᑦ ᐅᓪᓗᖓᓂ ᕿᑲᕐᓇᐅᔪᖅ.

ᐳᐃᔾᔪᕋᕐᕕᖃᕐᕕᒃ:
ᐳᐃᔾᔪᕋᕐᕕᖃᕐᕕᒃ ᒪᑐᐃᖓᓛᖅᑐᖅ ᕿᑲᕐᓇᐃᑦ ᐃᑲᕐᕋᖏᒍᑦ ᓇᒡᒋᔾᔭᐅᒥ, ᓰᑏᐱᕆ 2 ᐅᓪᓗᒃᑯᑦ 12-ᒥᓂᒃ ᐅᓐᓄᓴᒧᓄᑦ 4-ᒧᓄᑦ.

ᐱᖕᖑᐊᕐᕖᑦ ᐱᓕᕆᕝᕕᖏᑦ:
ᐃᓘᓐᓇᑎᒃ ᐊᓯᖏᑦ ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᑦ ᒪᑐᓯᒪᓛᖅᑐᑦ ᓰᑏᐱᕆ 2.

ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ:
ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐊᑦᑐᖅᑕᐅᔾᔮᓛᖏᑦᑐᑦ ᕿᑲᕐᓇᒧᑦ ᐊᒻᒪ ᐊᐅᓚᓂᖃᓛᖅᑐᑎᒃ ᐱᐅᓯᖏᓐᓂᒃ ᐃᑲᕐᕋᕆᕙᑦᑕᖏᒍᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᕼᐋᐱ ᕚᓕ – ᓯᕙᑖᕐᕕᒃ
ᐋᒐᓯ 31, 2024
ᐋᒐᓯ 28, 2024 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᐋᒐᓯ 31, 2024, 9 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᕼᐋᐱ ᕚᓕᒥ, ᐊᑯᓐᓂᖏᓐᓂ ᐃᓪᓘᒃ 411 ᐊᒻᒪ 413. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ
ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.