ᐱᖕᖑᐊᖅᑐᓕᕆᓂᖅ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᓄᖅ ᐃᓚᒋᔭᐅᖃᑕᐅᕕᔅᓴᐅᓂᕐᒧᑦ ᓄᓇᓕᒻᒥᑦ ᒐᕙᒪᒧᑦ
ᐋᒡᒌᓯ 27, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᖓᑦ ᐃᖃᓗᐃᑦ ᖃᐅᔨᒃᑲᕈᒪᔭᖏᑦ ᓄᓇᓕᒻᒥᐅᑕᐃᑦ ᐱᔾᔪᑎᖃᖅᑐᓂᑦ ᐊᒥᓱᓂᑦ ᐃᓚᒋᔭᐅᖃᑕᐅᔪᓐᓇᕐᓂᖏᓐᓄᑦ ᓄᓇᓕᒻᒥᑦ ᒐᕙᒪᒥᑦ ᐊᒻᒪ ᐃᑲᔪᕐᓗᑎ ᐃᓱᒪᓕᐅᖅᑕᐅᔪᓂᑦ ᐊᑦᑐᐊᐃᓂᖃᖅᑐᓂᑦ ᓄᓇᓕᑦᑎᓐᓂ.

ᐃᓚᒋᔭᖓ ᐱᒻᒪᕆᐅᓛᖑᔪᖅ ᖃᓄᑦ ᐃᓚᒋᔭᐅᖃᑕᐅᔪᓐᓇᓂᕐᒧᑦ ᓂᕈᐊᕐᓗᑎ ᓄᓇᓕᒻᒧᑦ ᓂᕈᐊᓂᕐᒧᑦ. ᓂᕈᐊᖃᑕᐅᓗᓂ ᐃᖃᓗᐃᑦ ᓄᓇᓕᒻᒥ ᓂᕈᐊᕐᓂᐅᔪᓂᑦ, ᓄᓇᓕᒻᒥᐅᑕᐃᑦ ᑲᓇᑕᒥᐅᑕᐅᔭᕆᐊᓖᑦ, 18−ᓂ ᐊᕐᕌᒍᖃᕐᓗᑎ ᓂᕈᐊᓂᕐᒧᑦ ᐅᓪᓗᖓᓂ, ᐊᒻᒪ ᓄᓇᕗᒻᒥᐅᑕᐅᓯᒪᓗᓂ ᐊᑕᐅᓯᕐᒥᑦ ᐊᕐᕌᒍᒥᑦ. ᓂᕈᐊᖅᑐᑦ ᐃᖃᓗᒻᒥᐅᑕᐅᔭᕆᐊᖃᕐᒥᔪᑦ. ᓂᕈᐊᕐᓂᖃᖃᑦᑕᖅᑐᑦ ᑎᓴᒪᓂᑦ ᐊᕐᕌᒍᓂᑕᒫᑦ, ᐊᒻᒪ ᓄᓇᓕᒻᒥᐅᑕᐃᑦ ᐊᑎᓕᐅᕈᓐᓇᖅᑐᑦ ᓂᕈᐊᕐᕕᒻᒥ ᓂᕈᐊᕐᓇᒥ ᐅᓪᓗᖓᓂ ᐱᑕᖃᖅᑎᑦᑎᓗᑎ ᓈᒻᒪᑦᑐᓂᑦ ᓇᓗᓇᐃᖅᓯᒍᑎᓂᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᒥᑦ ᓴᓗᒻᒪᖅᓴᐃᓂᖅ – ᐱᓕᕆᐊᖅ ᐅᖓᕐᕙᕆᐊᖅᑕᐅᔪᖅ ᓄᓇᓕᒻᒥᐅᑕᓄᑦ
ᐋᒡᒌᓯ 25, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᖁᕕᐊᓱᑦᑐᑦ ᑐᓴᖅᑎᑦᑎᓗᑎ ᓄᓇᒥᑦ ᓴᓗᒻᒪᖅᓴᐃᓂᖅ ᓴᓗᒻᒪᖅᓴᐃᓂᕐᒧᑦ ᐊᔾᔨᙳᐊᓂ ᐊᑭᑦᑐᕋᐅᑎᓂᕐᒧᑦ ᓄᓇᓕᒻᒥᐅᑕᓄᑦ ᐅᖓᕐᕙᕆᐊᖅᑕᐅᓯᒪᔪᖅ ᑎᑭᒐᓱᐊᕐᓂᖓᓄᑦ ᑕᓪᓕᕐᒥᖅ, ᓯᑎᐱᕆ 26. ᑖᓐᓇ ᐅᖓᕐᕙᕆᐊᖅᑕᐅᓂᖓ ᑕᐃᒪᐃᒍᓐᓇᖅᑎᑕᐅᔪᖅ ᐃᑲᔪᕐᓂᖏᓐᓄᑦ ᓄᓇᕗᑦ ᒐᕙᒪᒃᑯᑦ ᐱᕆᓕᕆᑯᖓ ᐊᕙᑎᖓᓂ ᓴᐳᒻᒥᑦᑎᓂᕐᒧᑦ.

ᐱᓇᓱᐊᕈᓯᑕᒫᑦ ᐊᒧᔭᐅᔪᑦ ᑲᔪᓯᓂᐊᖅᑐᑦ ᑕᓪᓕᕐᒥᑕᒫᑦ, ᓂᐅᕕᕈᑎᓂᑦ ᐱᔾᔪᓯᐊᖅᑐᑎ ᐊᑕᐅᒥᕐᒧᑦ ᐃᓚᒋᔭᐅᖃᑕᐅᔪᒧᑦ ᓄᓇᓕᒻᒥᐅᑕᒧᑦ ᐊᒻᒪ ᑳᐱᕈᑎᓄᑦ ᑐᓂᔭᐅᔪᑦ ᐊᑕᐅᓯᕐᒧᑦ ᓇᒻᒥᓂᐅᔪᒧᑦ. ᑭᖑᓪᓕᖅᐹᒥ ᐱᔾᔪᓯᐊᒧᑦ ᐊᒧᔭᐅᔪᖅ ᑕᒪᒃᑭᓐᓄ ᓄᓇᓕᒻᒥᐅᑕᓄᑦ ᐊᒻᒪ ᓇᒻᒥᓂᕆᔭᐅᔪᓄᑦ ᐱᖓᑦᑎᒥᐅᓛᖅᑐᖅ, ᐅᑦᑑᐱᕆ 1.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᖃᓗᖕᓂ ᑮᓇᐅᔭᖅᑑᑎᒃᓴᑦ ᐊᐅᓚᓂᖕᒋᑦ ᕿᒥᕐᕈᓂᖅ
ᐋᒡᒌᓯ 19, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᓐᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᖃᓄᖅ ᓄᓇᓕᐸᐅᔭᒃᑯᑦ ᐋᖅᑭᒃᓱᐃᕙᖕᒪᖕᒑᑕ ᐊᕐᕌᒍᑕᒫᑦ ᑮᓇᐅᔭᖁᑎᒋᔭᒥᓂᒃ ᐊᐅᓚᑦᑎᕙᖕᓂᖕᒋᓐᓂᑦ.

ᐊᕐᕌᒍᑕᒫᑦ, ᓄᓇᓕᐸᐅᔭᒃᑯᑦ ᐱᕙᒌᔭᓲᖕᒍᒻᒪᑕ ᒪᕐᕉᖕᓂᒃ ᐊᕕᒃᓯᒪᔪᓂᒃ ᑭᓯᐊᓂ ᐊᒃᑐᐊᓂᓕᖕᓄᑦ ᑮᓇᐅᔭᖅᑐᕈᑎᒃᓴᓄᑦ. ᐊᐅᓚᔾᔪᑎᓄᑦ ᑮᓇᐅᔭᑦ ᐊᑐᖅᑐᒃᓴᑦ ᑮᓇᐅᔭᖃᖅᑎᑦᑎᕗᑦ ᓄᓇᓕᐸᐅᔭᒃᑯᑦ ᖃᐅᑕᒫᑦ ᐱᔨᑦᑎᕋᐅᑎᖕᒋᓐᓂᒃ. ᑕᒪᓐᓇ ᐃᓚᖃᖅᑐᖅ ᐃᒥᖃᕐᓂᕐᒧᑦ ᑭᓈᓗᖃᕐᕕᖕᒧᑦ ᐊᐅᓚᑦᑎᕕᐅᔪᓂᒃ, ᐊᐳᑏᔭᐃᓂᖅ, ᐊᖅᑯᑎᓂᒃ ᐋᖅᑭᐅᒻᑎᑦᑎᓂᖅ, ᐱᖖᒍᐊᖅᑐᓕᕆᓂᕐᒧᑦ ᐱᓕᕆᐊᑦ, ᑕᒪᐃᓐᓄᑦ ᐊᐅᓚᑦᑎᓂᒥᒃ, ᐊᒻᒪᓗ ᑮᓐᓇᐅᔾᔭᒃᓵᖕᒋᑦ ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᓐᓄᑦ. ᐊᑭᓕᐅᑕᐅᕙᒃᑭᓪᓗᓂ ᓲᕐᓗ ᐅᖅᓱᐊᓗᒃ, ᓇᓪᓕᐅᒃᑯᒫᑦ, ᐆᒻᒪᖅᑯᑎᓄᑦ, ᐱᖁᑎᓄᓪᓗ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᒡᓗᕐᔪᐊᑉ ᒥᒃᓵᓄᑦ ᑐᓴᖅᑎᑦᑎᒋᐊᕈᑎ: ᐊᕐᕌᒍᒧᑦ ᐲᔭᖅᑕᐅᑎᖕᒐ ᐃᕕᖖᒍᐊᖅ ᐅᐃᒪᕕᒃ ᐊᒻᒪᓗ ᓯᑯᓕᖅᓱᖅᑕᐅᓂᖕᒐ
ᐋᒡᒌᓯ 15, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᔪᑦ ᓄᓇᖅᑲᑎᒌᓂᒃ ᑖᓐᓇ ᑭᖕᒍᓪᓕᖅᐹᖅ ᐅᓪᓗᖅ ᐊᑐᖅᑕᐅᓂᐊᓕᕐᓂᖕᒐᓂᒃ ᐃᕕᖖᒍᐊᖅ ᐅᐃᒪᕕᒃ ᐅᑭᐅᖅᑕᖅᑐᒥ ᐱᖖᒍᐊᕕᒡᔪᐊᕐᓇᒥ ᓯᐊᕐᕆᔮᕐᕕᖕᒥ ᓈᑦᑏᖕᒍᔭᖅ ᐋᒡᒌᓯ 24, 2025.

ᑖᓐᓇ ᐅᓪᓗᖅ, ᐃᒡᓗᕐᔪᐊᖅ ᒪᑐᓯᒪᓛᖅᑐᖅ ᐱᕕᒃᓴᖃᖅᑎᑎᔪᒪᓂᕐᒧᑦ ᐃᕕᖖᒍᐊᖅ ᐅᐃᒪᕕᒃ ᐲᔭᖅᑕᐅᓗᓂ ᐊᒻᒪᓗ ᓯᑯᓕᖅᓱᖅᑕᐅᖕᒑᕐᓗᓂ. ᓯᑯ ᐊᑐᐃᓐᓇᐅᓕᓛᕋᓱᒋᔭᐅᔪᖅ ᓰᑎᐱᕆ 19-ᖕᒍᓕᖅᐸᑦ, ᓯᕗᓂᐊᒍᑦ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖖᒍᐊᕕᒡᔪᐊᕐᓇᒧᑦ ᓂᕈᐊᕐᓂᖅ ᐊᑐᖅᑕᐅᓛᖅᑐᖅ ᐱᓇᓱᐊᕈᓯᐅᑉ ᓄᖖᒍᐊᓂ.

ᓯᑯᒥ ᐊᑐᖅᑐᐊᕐᓂᖅ ᐊᒻᒪᓗ ᐃᒡᓗᕐᔪᐊᒥᒃ ᐊᑐᕐᓂᖅ ᐱᒋᐊᓛᖅᑐᖅ ᓇᒡᒐᔾᔭᐅ ᓰᑎᐱᕆ 22, 2025.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᑕᑯᔭᖅᑐᕆᑦ ᑭᓱᑦ ᐃᖃᓗᐃᑦ ᐊᐅᓚᐃᓐᓇᖅᑎᒻᒪᖕᒑᒍᑦ - ᑕᑯᒃᓴᐅᑎᑦᑎᓂᖅ ᑕᑯᔪᒥᓇᖅᑐᓂᑦ
ᐋᒡᒌᓯ 14, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᖖᒐᓱᒃᑎᑦᑎᕗᑦ ᓄᓇᖅᑲᑎᒌᓂᒃ ᐱᖕᒐᔪᖕᒐᓐᓄᑦ ᐊᕐᕌᒍᑕᒫᑦ ᑕᑯᒃᓴᐅᑎᑦᑎᓂᐅᔪᒧᑦ ᑕᑯᔪᒥᓇᖅᑐᓄᑦ ᓈᑦᓰᖕᒍᔭᓛᕐᓂᐊᖅ ᐋᒡᒌᓯ 16, 2025 ᐱᒋᐊᕐᓗᓂ 12:00-ᒥ ᐅᓐᓄᓴᒃᑯᑦ 3:00-ᒧᑦ ᐅᓐᓄᓴᒃᑯᑦ ᓄᑖᒧᑦ ᐊᐅᓚᑦᑎᕕᖕᒥᑦ (ᐃᒡᓗᕐᔪᐊᖅ 1549).

ᕿᒥᕐᕈᐊᕆᐊᖅᑐᓛᖅᐳᓯ ᓄᑖᕐᒥᒃ ᐃᒡᓗᕐᔪᐊᕐᒥᒃ, ᑲᑎᖃᑎᒋᓗᒋᑦ ᐊᐅᓚᑦᑎᔨᒋᔭᐅᔪᑦ ᐊᑐᖅᑕᐅᔭᕆᐊᖃᓪᓚᕆᒃᑐᓄᑦ ᓄᓇᓕᐸᐅᔭᕐᒥ ᐱᔨᑦᑎᕋᕐᓂᕆᔭᐅᕙᒃᑐᓄᑦ, ᐊᒻᒪᓗ ᖃᓂᒧᑦ ᑕᑯᓗᒍ ᐃᖃᓗᐃᑦ ᐊᐅᓚᑦᑎᔾᔪᑎᖕᒋᓐᓂᑦ. ᐅᓲᔭᖅᑕᖃᓛᖅᑐᖅ, ᐃᖅᑲᓇᐃᔮᒃᓴᓂᓪᓗ ᓴᖅᑭᔮᖅᑎᑦᑎᓛᖅᑐᑦ ᑕᐃᑲᓂ.

ᐃᖕᒋᕐᕋᔾᔪᑎᓄᑦ:

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐱᓕᕆᖃᑎᒌᖕᓂᖅ ᐊᑭᓕᖅᓱᐃᕙᓪᓕᐊᓂᕐᒧᑦ
ᐋᒡᒌᓯ 13, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᑭᓯᐅᒪᔪᑦ ᑮᓇᐅᔭᑎᒍᑦ ᐊᒃᓱᕈᕐᓇᕐᓂᖕᒐᓂᑦ ᑭᓇᑐᐃᓐᓇᑦᑎᐊᕐᒧᑦ ᑕᐃᒪᐃᒍᓐᓇᕆᓪᓗᓂ. ᑭᖕᒍᕙᖅᐸᑕ ᐊᑭᓕᕆᐊᓕᑎᑦ ᓄᓇᓕᐸᐅᔭᒃᑯᓐᓄᑦ, ᖃᐅᔨᒪᖁᕙᔅᓯ ᑭᖕᒍᕙᖖᒋᑦᑎᐊᕐᒪᑦ ᐃᑲᔪᖅᑕᐅᔭᕆᐊᒃᓴᖅ. ᑕᒫᓃᑉᐳᒍᑦ ᐃᓕᖕᓂᒃ ᐱᓕᕆᖃᑎᖃᕆᐊᖅᑐᖅᓯᒪᓪᓗᑕ. ᑐᕌᒐᕆᔭᕗᑦ ᐃᑲᔪᖅᑐᐃᔪᒪᓂᐅᕗᖅ ᓄᓇᖅᑲᑎᒌᓂᒃ ᐅᑎᖁᓪᓗᒋᑦ ᓈᒻᒪᒃᑐᒃᑯᑦ ᐊᓯᔾᔨᒋᐊᒐᒃᓴᐅᔪᒃᑯᓪᓗ ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒃ.

ᐊᖅᑯᑎᖃᕐᓗᑕ ᑮᓇᐅᔭᓕᕆᔨᒃᑯᑦ ᐊᒻᒪᓗ ᐱᓕᕆᕝᕕᖕᒥ ᐊᐅᓚᑦᑎᓂᕐᒧᑦ ᐱᔨᑦᑎᕋᖅᑏᑦ ᐱᓕᕆᕝᕕᖕᒐᑎᒍ, ᒪᓂᒪᑎᑦᑎᕗᒍᑦ ᐊᑭᓖᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ ᐊᔪᕐᓇᖖᒋᑦᑐᓂᒃ ᐋᖅᑭᒃᓯᒪᓕᖅᑎᑦᑐᒪᓪᓗᒋᑦ, ᑲᖖᒍᓇᖅᑐᑦ, ᐊᒻᒪᓗ ᐋᖅᑭᑦᑎᐊᖅᓯᒪᔪᓐᓇᖅᑐᑦ ᐱᔭᕆᐊᖃᖅᑕᕐᓄᑦ.
ᒪᕐᕉᖕᓂᒃ ᐊᔾᔨᒌᖖᒋᑦᑐᓂᒃ ᐊᑭᓕᖅᓱᐃᓂᕐᒧᑦ ᐸᕐᓇᐅᑎᑕᖃᖅᐳᖅ ᐊᑐᐃᓐᓇᐅᔪᓂᒃ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑐᑭᓯᐅᒪᓂᖅ ᑭᓱᓕᕆᕙᒻᒪᖔᑕ ᕼᐋᒻᒪᓚᒃᑯᑦ ᒐᕙᒪᖏᑦ ᓄᓇᕗᒻᒥ
ᐋᒡᒌᓯ 12, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᓄᓇᓕᒻᒥᐅᓂᒃ ᑐᑭᓯᖁᔨᔪᑦ ᖃᓄᖅ ᒐᕙᒪᓕᕆᓂᖅ ᐱᓕᕆᐊᖑᕙᒻᒪᖔᖅ ᓄᓇᕗᒻᒥ, ᐱᓗᐊᖅᑐᒥ, ᐱᔨᖅᑎᕋᕐᓂᐅᕙᑦᑐᑦ ᕼᐊᒻᒪᓚᒃᑯᓐᓄᑦ ᓲᕐᓗ ᐃᖃᓗᓐᓂ ᐊᒻᒪ ᐊᐅᓚᑕᐅᕙᑦᑐᑎᒃ ᓄᓇᕗᑦ ᒐᕙᒪᒃᑯᖏᓐᓄᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐃᓯᕈᑎ ᐊᑭᖃᖖᒋᑦᑐᖅ ᒪᒃᑯᒃᑐᓄᑦ ᐃᖃᓗᐃᑦ ᐳᐃᔾᔪᕋᕐᕕᖕᒐᓄᑦ
ᐋᒡᒌᓯ 11, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖁᕕᐊᓱᒃᑐᑦ ᑐᓴᖅᑎᑦᑎᔪᓐᓇᕐᒪᑕ, ᐱᒋᐊᕐᓗᓂ ᑎᓴᒻᒥᖅ, ᐋᒡᒌᓯ 14, 2025, ᒪᒃᑯᒃᑐᑦ ᐅᑭᐅᓖᑦ 18 ᑐᖕᒑᓂᓗ ᐊᖕᒋᖃᖖᒋᑦᑐᒥᑦ ᐳᐃᔾᔪᕋᕆᐊᖃᑦᑕᕈᓐᓇᕐᓂᐊᕐᒪᑕ.

ᑖᓐᓇ ᐱᓕᕆᐊᖕᒍᔪᖅ ᐃᑲᔪᖅᑐᐃᔪᖅ ᑲᔪᓰᓐᓇᖅᑐᒥᒃ ᐱᓕᕆᐊᖃᓪᓚᕆᒍᒪᓂᑦᑎᓐᓂᒃ ᑕᒪᓐᓇ ᑭᐱᖖᒍᐃᔭᕐᓂᖅ ᐊᑐᐃᓐᓇᐅᓂᖅᓴᐅᖁᓪᓗᒍ ᒪᒃᑯᒃᑐᓄᑦ ᐊᒻᒪᓗ ᑲᔪᖕᒋᖅᓴᐃᓂᖅ ᐆᒻᒪᕆᖕᓂᕐᒥ, ᑎᒥᒃᑯᑦ ᖃᓄᐃᖖᒋᓐᓂᐊᕋᓱᓐᓂᕐᒥᑦ ᓄᓇᑦᑎᓐᓂ, ᐃᓕᓴᖅᓯᓂᕐᒥᑦ ᐃᓚᒋᔭᐅᒐᔪᓐᓂᕐᒥᑦ ᐱᖖᒍᐊᕐᓂᕐᒧᑦ ᐃᖃᐃᓕᓴᕐᓂᕐᒧᓪᓗ ᐱᒻᒪᕆᐅᔪᓂᑦ ᐃᑲᔫᑎᖃᖅᑐᖅ ᓲᕐᓗ ᐱᐅᓯᕚᓪᓕᖅᑎᑦᑎᓂᕐᒥᑦ ᑎᒥᒃᑯᑦ ᖃᓄᐃᖖᒋᑦᑎᐊᕐᓂᕐᒧᑦ, ᐃᓱᒪᒃᑯᑦ ᖃᓄᐃᖖᒋᑦᑎᐊᕐᓂᕐᒧᑦ, ᐃᓅᖃᑎᒌᓐᓂᕐᒧᓪᓗ ᐱᕙᓪᓕᐊᑎᑦᑎᓂᕐᒥᑦ.