ᐱᖕᖑᐊᖅᑐᓕᕆᓂᖅ

ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓂᐊᖅᑐᑦ ᑎᓴᒻᒥᐅᓕᖅᐸᑦ ᐅᓐᓄᓴᒃᑯᑦ
ᐋᒐᓯ 24, 2017 (ᐃᖃᓗᐃᑦ, ᓄᓇᕗ) - ᖃᐅᔨᒪᓂᐊᖅᑯᓯ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᑲᐃᓐᓇᓛᕐᒪᑕ ᑎᓴᒻᒥᐅᓕᖅᐸᑦ ᐅᓐᓄᓴᒃᑯᑦ, ᐋᒐᓯ 24, ᐃᖅᑲᓇᐃᔭᖅᑏᑦ ᑲᑎᒪᑎᑕᐅᑲᐃᓐᓇᕐᓂᐅᓴᒻᒪᑕ.
ᐱᔨᑦᓯᕋᕈᑏ%, ᓲᕐᓗ ᐃᒥᖅᑕᑎᒃᑯᑦ ᐊᒻᒪ ᑭᓈᓗᖃᕐᕕᓐᓂᑦ ᒥᓪᓗᐊᖅᑏᑦ ᐃᖅᑲᓇᐃᔭᐃᓐᓇᓂᐊᖅᑑᒐᓗᐊᑦ.
ᐊᓪᓚᕝᕕᐅᑉ ᒪᑐᐃᖓᓂᕆᕙᑦᑕᖏᓐᓄᑦ ᐅᑎᓛᕐᒥᔪᑦ ᑕᓪᓕᕐᒥᕐᒥ, ᐋᒐᓯ 25.
 

ᐳᐃᔾᔪᕋᕐᕕᒃ ᒪᑐᓯᒪᑲᐃᓐᓇᓂᐊᖅᑐᖅ ᐋᒐᓯ 20-ᒧᑦ
ᐋᒐᓯ 18, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐳᐃᔾᔪᕋᕐᕕᒃ ᒪᑐᓯᒪᑲᐃᓐᓇᖅᑎᑕᐅᒻᒪᑦ ᐊᕐᕌᒍᑕᒫᕐᓯᐅᑎᐅᓂᐊᖅᑐᒧᑦ ᐃᓗᐊ ᑲᒪᒋᔭᐅᑲᐃᓐᓇᓂᐊᕐᒪᑦ ᓈᑦᓯᐅᖑᔭᓛᕐᓂᐊᒧᑦ, ᐋᒐᓯ 19. ᐳᐃᔾᔪᕋᕐᕕᒃ ᒪᑐᐃᒃᑲᓐᓂᓛᕐᒥᔪᖅ ᓈᑦᓯᐅᖑᔭᐅᓕᖅᐸᑦ ᐋᒐᓯ 20 ᐅᑎᕐᓗᑎᒃ ᐃᑲᕐᕋᓄᑦ ᒪᑐᐃᖓᓂᕆᕙᑦᑕᖏᓐᓄᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᓐᓇᖅᑐᑎᑦ ᐅᖄᓚᕕᒋᓗᒍ ᐃᖅᑲᓇᐃᔭᕐᕕᖓ 975-8544.
ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕐᓂᕐᒥᓂᒃ.
 

ᑲᓇᑕᐅᑉ ᐅᓪᓗᖓᓂ ᐅᓪᓗᕐᓯᐅᑎ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓄᑦ ᐊᒻᒪ ᓄᓇᓯᐅᑎᒃᑯᑦ ᐱᔨᑦᓯᕋᖅᑎᓄᑦ

ᔪᓂ 26, (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᑲᓇᑕᐅᑉ ᐅᓪᓗᖓᓂ, ᑲᓇᑕᒥ ᕿᑲᕐᓇᐅᓕᖅᐸᑦ ᐊᑐᖅᑕᐅᓛᖅᑐᒥ ᐃᖃᓗᓐᓂ ᓇᒡᒋᔾᔭᐅᒥ, ᔪᓚᐃ 3, 2017. ᓄᓇᓯᐅᑎᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖕᖏᒻᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒻᒪᑦᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ ᑐᐊᕕᕐᓇᖏᑦᑐᓄᑦ 979-5600 ᐅᓪᓛᓂᒃ 8-ᒥ ᐅᓐᓄᓴᒧᑦ 4-ᒧᓄᑦ. ᐊᑭᓖᒋᐊᖃᓕᕋᔭᖅᑐᑦ $250-ᓂᑦ ᑕᕝᕙᓂ ᐅᓪᓗᕐᒥ ᐃᒻᒪᑦᑕᐅᔪᒪᔪᕕᓃᑦ.
ᐱᐅᓯᖏᓐᓄᑦ ᐃᑲᕐᕋᖏᑦ ᐊᒻᒪ ᓄᓇᓯᐅᑎᓄᑦ ᐱᔨᑦᓯᕋᖅᑏᑦ ᐅᑎᓛᕐᒥᔪᑦ ᓇᒡᒋᔾᔭᐅᓕᖅᑭᕐᒥ, ᔪᓚᐃ 4, 2017.
 

ᓄᓇᕘᑉ ᐅᓪᓗᖓᓂ ᐅᓪᓗᕐᓯᐅᑎ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓄᑦ ᐊᒻᒪ ᓄᓇᓯᐅᑎᒃᑯᑦ ᐱᔨᑦᓯᕋᖅᑎᓄᑦ
ᔪᓚᐃ 4, 2017 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᓄᓇᕘᑉ ᐅᓪᓗᖓᓂ, ᓄᓇᕘᒥ ᕿᑲᕐᓇᐅᓕᖅᐸᑦ ᐊᑐᖅᑕᐅᓛᖅᑐᒥ ᐃᖃᓗᓐᓂ ᓇᒡᒋᔾᔭᐅᒥ, ᔪᓚᐃ 10, 2017. ᓄᓇᓯᐅᑎᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖕᖏᒻᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒻᒪᑦᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ ᑐᐊᕕᕐᓇᖏᑦᑐᓄᑦ 979-5600 ᐅᓪᓛᓂᒃ 8-ᒥ ᐅᓐᓄᓴᒧᑦ 4-ᒧᓄᑦ. ᐊᑭᓖᒋᐊᖃᓕᕋᔭᖅᑐᑦ $250-ᓂᑦ ᑕᕝᕙᓂ ᐅᓪᓗᕐᒥ ᐃᒻᒪᑦᑕᐅᔪᒪᔪᕕᓃᑦ.
ᐱᐅᓯᖏᓐᓄᑦ ᐃᑲᕐᕋᖏᑦ ᐊᒻᒪ ᓄᓇᓯᐅᑎᓄᑦ ᐱᔨᑦᓯᕋᖅᑏᑦ ᐅᑎᓛᕐᒥᔪᑦ ᓇᒡᒋᔾᔭᐅᓕᖅᑭᕐᒥ, ᔪᓚᐃ 4, 2017.
-30-
ᑐᑭᓯᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᓐᓇᖅᑕᐃᑦ:
ᐋᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᕐᒥᑦ ᐊᐅᓚᑦᓯᔨ

ᑲᓇᑕᐅᑉ ᐅᓪᓗᖓᓂ ᐅᓪᓗᕐᓯᐅᑎ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓄᑦ ᐊᒻᒪ ᓄᓇᓯᐅᑎᒃᑯᑦ ᐱᔨᑦᓯᕋᖅᑎᓄᑦ

ᔪᓂ 26, (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᑲᓇᑕᐅᑉ ᐅᓪᓗᖓᓂ, ᑲᓇᑕᒥ ᕿᑲᕐᓇᐅᓕᖅᐸᑦ ᐊᑐᖅᑕᐅᓛᖅᑐᒥ ᐃᖃᓗᓐᓂ ᓇᒡᒋᔾᔭᐅᒥ, ᔪᓚᐃ 3, 2017. ᓄᓇᓯᐅᑎᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᓛᖕᖏᒻᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒻᒪᑦᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ ᑐᐊᕕᕐᓇᖏᑦᑐᓄᑦ 979-5600 ᐅᓪᓛᓂᒃ 8-ᒥ ᐅᓐᓄᓴᒧᑦ 4-ᒧᓄᑦ. ᐊᑭᓖᒋᐊᖃᓕᕋᔭᖅᑐᑦ $250-ᓂᑦ ᑕᕝᕙᓂ ᐅᓪᓗᕐᒥ ᐃᒻᒪᑦᑕᐅᔪᒪᔪᕕᓃᑦ.
ᐱᐅᓯᖏᓐᓄᑦ ᐃᑲᕐᕋᖏᑦ ᐊᒻᒪ ᓄᓇᓯᐅᑎᓄᑦ ᐱᔨᑦᓯᕋᖅᑏᑦ ᐅᑎᓛᕐᒥᔪᑦ ᓇᒡᒋᔾᔭᐅᓕᖅᑭᕐᒥ, ᔪᓚᐃ 4, 2017.
 

ᑲᓇᑕ 150 ᐅᓪᓗᖓᓄᑦ ᐊᑦᑐᐊᔪᑦ ᓇᓪᓕᐅᓂᕐᓯᐅᕈᑎᐅᓛᖅᑐᑦ: ᑲᓇᑕᒥ ᓄᓇᖃᖅᑳᕐᓯᒪᔪᓄᑦ ᐅᓪᓗᖅ, ᓴᐃᓐ ᔮᓐ ᐹᑉᑏᔅ (ᐅᐃᕖᑦ ᐅᓪᓗᖓ) ᐊᒻᒪ ᑲᓇᑕᐅᑉ ᐅᓪᓗᖓ

ᔪᓂ 19, 2017 (ᐃᖃᓗᐃᑦ, ᓄᓇᕗᑦ) - ᑲᑐᔾᔨᖃᑎᖃᖅᑐᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᓯᑎᒃᑯᑦ ᖁᕕᐊᒋᓪᓗᒋᑦ ᐅᖃᐅᓯᖃᕈᒪᕗᑦ ᐅᑯᓂᖓ ᖃᓄᐃᓕᐅᕈᑎᐅᓛᖅᑐᓂᑦ ᑲᓇᑕᒥ ᓄᓇᖃᖅᑳᕐᓯᒪᔪᑦ ᐅᓪᓗᖓᓂ (ᔪᓂ 21); ᓴᐃᓐ ᔮᓐ-ᐹᑉᑏᔅ ᐅᓪᓗᖓᓂ (ᐅᐃᕖᑦ ᐅᓪᓗᖓ) (ᔪᓂ 24); ᐊᒻᒪ ᑲᓇᑕᐅᑉ ᐅᓪᓗᖓᓂ (ᔪᓚᐃ 1).

ᑲᓇᑕᒥ ᓄᓇᖃᖅᑳᕐᓯᒪᔪᑦ ᐅᓪᓗᖓ - ᔪᓂ 21

ᓄᓇᓕᐸᐅᔭᒃᑯᑦ ᖁᔭᓕᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑐᓂᓯᓂᖏᓐᓄᑦ ᖁᕕᐊᓱᒍᑕᐅᓗᓂ ᑲᓇᑕ 150 ᓇᓪᓕᐅᑎᓂᖓᓄᑦ
ᔫᓂ 19, 2017 (ᐃᖃᓗᕐ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᓱᑦᑐᑦ ᑐᓴᖅᑎᑦᑎᒋᐊᔅᓴᖅ ᑮᓇᐅᔭᖃᖅᑎᑕᐅᓂᕐᒧᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᖃᓗᐃᑦ ᖁᕕᐊᓱᖃᑕᐅᓗᓂ ᑲᓇᑕ 150−ᓂ ᐊᕐᕌᒍᖃᓕᕐᓂᖓᓄᑦ.
$150,000 ᑐᓂᔭᐅᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ, ᑕᒪᑐᒪᓂ ᐊᕐᕌᒍᒥ ᖁᕕᐊᓱᒍᑎᖃᕐᓂᐅᔪᖅ ᓄᓇᕗᒻᒥ ᐊᖏᔪᖅᑳᖃᕐᕕᖓᓂᑦ ᐃᑲᔪᕐᓂᐊᖅᑐᑦ ᑕᑯᔅᓴᐅᑎᑦᑎᓗᑎ ᐃᖃᓗᓂ ᐱᖅᑯᓯᕐᓂᑦ ᐊᒻᒪ ᐊᔪᖏᓐᓂᓕᓐᓄᑦ ᑕᑯᕋᓐᓈᑎᑦᑎᔨᓂᑦ ᓄᓇᕗᒻᒥᐅᑕᓄᑦ ᐊᒻᒪ ᑲᓇᑕᓕᒫᒧᑦ. ᖁᕕᐊᓱᒍᑎᖃᕐᓂᐊᔪᖅ ᐱᒋᐊᓂᐊᖅᑐᖅ ᔫᓂ 21, ᓄᓇᖃᖅᑳᖅᓯᒪ ᔪᓄᑦ ᐅᓪᓗᖓᓂ, ᐱᖃᓯᐅᑎᓪᓗᑎ ᐊᐅᓚᓂᖏᑦ Saint-Jean-Baptiste ᐅᓪᓗᖓ ᔫᓂ 24, ᐊᒻᒪ ᐱᔭᕇᕐᓂᖃᕐᓗᓂ ᔪᓚᐃ 1 ᐊᒥᓱᒐᓚᐃᑦ ᖃᓄᐃᓘᖅᑕᐅᓂᐊᖅᑐᑦ ᐃᑲᒧᕐᓗᑎ ᐃᖃᓗᐃᑦ ᖁᕕᐊᓱᒍᑎᖃᕐᓂᖓᓄᑦ ᑲᓇᑕᐅᑉ ᓇᓪᓕᐅᑎᕕᖓᓂ.

ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᕐᓂᐊᖅᑐᑦ ᔪᓂ 19-ᒥᑦ 23-ᒧᑦ
ᔪᓂ 9, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕐᒥᔪᑦ ᐊᕐᕌᒍᑦᑎᓐᓂ ᐊᖏᔫᑎᓂᑦ ᓴᓂᕐᓂᒃ ᓄᐊᑦᓯᓛᓕᕐᒥᒻᒪᑕ ᐱᓇᓱᐊᕈᓯᕐᒥᑦ ᐊᑕᐅᓯᕐᒥᑦ, ᓇᒡᒋᔾᔭᐅᒥᑦ ᔪᓂ 19 ᑕᓪᓕᒥᕐᒧᑦ ᔪᓂ 23, 2017. ᐱᓇᓱᐊᕈᓯᕐᒥ ᓄᐊᑦᓯᓐᓇᐅᓕᖅᐸᑦ ᓄᓇᓕᕐᓂᒥᐅᑕᐃᑦ ᒪᕐᕉᓐᓂᒃ ᓱᓇᒃᑯᑖᒥᓃᓐᓂᒃ ᐃᒋᑦᑎᒍᓐᓇᓛᓕᕐᒥᔪᑦ ᐊᒻᒪᑦᑕᐅᖅ ᐱᖓᓱᓂᑦ ᐊᖏᔫᑎᓂᑦ ᐃᓪᓗᒥ ᓱᓇᒃᑯᑖᒥᓂᕐᓂᒃ ᐅᖁᒪᐃᓐᓂᖃᑐᐊᖅᐸᑕ 50 ᐸᐅᓐᓯᓂᑦ ᐅᖁᒪᐃᓐᓂᕐᓴᓂᓘᓐᓃᑦ, ᐊᒻᒪ ᐴᕈᓐᓇᖏᑉᐸᑕ ᕿᓂᖅᑕᓄᑦ ᕿᓪᓚᔪᑭᐊᓄᑦ ᐃᒋᑦᓯᕕᓐᓄᑦ.

ᓄᓇᓕᓐᓂᑦ ᓴᓗᕐᒪᑦᓴᐃᓛᓕᕐᒥᔪᑦ ᔪᓂ 16

ᔪᓂ 2, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᖁᕕᐊᒋᓪᓗᒍ ᐅᖃᐅᓯᖃᓕᕆᕗᑦ ᐊᕐᕌᒍᑦᑎᓐᓂ ᓄᓇᓕᓐᓂᑦ ᓴᓗᕐᒪᑦᓴᐃᓛᓕᕐᒥᒐᑦᑕ ᑕᓪᓕᕐᒥᐅᓕᖅᐸᑦ, ᔪᓂ 16, 2017, ᐅᓪᓛᒃᑯᑦ ᐱᒋᐊᕐᓗᑎᒃ 9-ᒥ ᐱᔭᕇᕐᓗᑎᒃ ᐅᓪᓗᒃᑯᑦ 12-ᒨᖅᐸᑦ.

ᐃᖃᓗᒻᒥᐅᑕᐃᑦ ᓴᓗᒻᒪᕐᓴᐃᖃᑕᐅᓛᕈᒪᔪᑦ, ᐴᑦᓴᓂᑦ ᓴᓂᒃᑯᕕᑦᓴᓂᑦ ᐊᒻᒪ ᐊᒡᒑᓂᑦ ᐊᓯᖏᓐᓂᓪᓗ ᓱᓇᒃᑯᑖᑦᓴᓂᑦ ᐊᑐᐃᓐᓇᐅᑎᑦᓯᓛᖅᑐᑦ ᐅᓪᓛᒃᑯᑦ 9-ᒥᑦ 11-ᒧᑦ ᐅᓪᓗᒧᒃ ᓄᓇᓯᐅᑎᓄᑦ ᓄᖅᑲᖓᕕᖓᓂ ᐅᓂᒃᑳᕐᕕᒃ ᐳᓚᕋᑦᑎᓄᑦ ᑐᑭᓯᒋᐊᕐᕕᐅᑉ.  ᐱᖓᑦᓯᕐᒥ ᑎᓴᒻᒥᕐᒥᓘᓐᓃᑦ ᐊᐃᔭᐅᔪᓐᓇᓛᕐᒥᔪᑦ ᐴᑦᓴᐃᑦ ᐊᒻᒪ ᐊᒡᒑᑦ ᓴᓗᒻᒪᕐᓴᕐᓇᓚᐅᖏᓐᓂᖓᓂ.

ᐃᒪᖃᖕᖏᑲᐃᓐᓇᖅᑎᑕᐅᓛᖅᑐᑦ ᓇᒡᒋᔾᔭᐅᒥ

ᒫᕐᓯ 24, 2017 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᒪᖃᖕᖏᑲᐃᓐᓇᓛᕐᒪᑕ ᓇᒡᒋᔾᔭᐅᒥ, ᒫᕐᓯ 27, 2017 ᐅᓪᓛᖑᓂᖓᓂ 9-ᒥᑦ 12-ᒧᓄᑦ ᐅᓪᓗᒃᑯᑦ ᐊᖏᕐᕋᖃᖅᑐᓂᑦ ᓈᓴᐅᑎᓕᓐᓂᑦ 100-ᓂᑦ, 200-ᓂᑦ, ᐊᒻᒪ 300-ᓂᑦ ᐱᒋᐊᕐᕕᓕᓐᓂᑦ. ᖃᑦᑎᕆᔨᓄᑦ ᐃᒪᖃᐅᑎᒥᑦ ᑭᖑᕝᕖᒋᐊᖃᕐᒪᑕ ᓱᕋᑦᓯᒪᔪᒥᑦ.
ᓄᓇᓕᐸᐅᔭᒃᑯᑦ ᐃᓕᑦᓯᓐᓂᑦ ᖁᔭᓐᓇᒦᖅᑐᑦ ᑐᑭᓯᐊᑦᓯᐊᕋᑦᓯ ᐊᒻᒪ ᑲᑐᔾᔨᖃᑎᒌᓐᓂᒃᑯᑦ ᐃᑲᔪᕐᓂᓯᓐᓂᑦ.
-30-
ᑐᑭᓯᒋᐊᕐᕕᑦᓴᖅ ᖃᐅᔨᒋᐊᕐᓗᒍ:
ᐊᓐᑐᕆᐊ ᓯᐱᑦᔪᕐ
ᑐᓴᐅᒪᑎᑦᓯᓕᕆᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ
ᐃᕐᖐᓇᖅᑕᐅᑎᖓ: A.Spitzer@city.iqaluit.nu.ca