ᐱᖕᖑᐊᖅᑐᓕᕆᓂᖅ

ᑐᖁᑕᐅᕕᐊᓂ ᕿᑲᕐᓇᒥ ᐅᓪᓗᕐᓯᐅᑎᑦᓴᖏᑦ ᐊᓪᓚᕕᐅᑉ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ
ᒫᕐᓯ 23, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᑐᖁᑕᐅᕕᐊᓂ ᕿᑲᕐᓇᐅᑎᓪᓗᒍ, ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᑕᓪᓕᒥᕐᒥ, ᒫᕐᓯ 30, ᐊᒻᒪᑦᑕᐅᖅ ᒪᑭᕝᕕᐊᓂ ᓇᒡᒋᔾᔭᐅᒥ, ᐃᐳᕈ 2, 2018.
ᓄᓇᓕᕐᓂᒥᐅᑕᐃᑦ ᐃᒻᒪᑦᑕᐅᔪᒪᒐᔭᖅᑐᑦ ᑐᖁᑕᐅᕕᐊᓂ ᒪᑭᕝᕕᐊᓂᓘᓐᓃᑦ ᐅᖄᓚᓗᑎᒃ 979-5650-ᒧᑦ ᓯᑎᒃᑯᑦ ᑭᐅᔨᖏᓐᓄᑦ ᑐᐊᕕᕐᓇᖅᑐᓕᕆᕕᒻᒥ ᐃᒻᒪᑦᑕᐅᔪᓐᓇᓛᖅᑐᑦ ᐊᑭᓕᕋᑦᓴᖃᓛᕐᓗᑎᒃ ᑭᓯᐊᓂ $250-ᓂᑦ ᑐᐊᕕᕐᓇᑐᒃᑯᑦ ᐃᒻᒪᑦᑕᐅᓐᓂᕈᑦᓯ.
ᐅᑯᐊ ᐅᓪᓗᕐᓯᐅᑎᐅᓛᖅᑐᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ ᕿᑲᕐᓇᐅᓂᖓ:
ᑐᖁᑕᐅᕕᐊ ᑕᓪᓕᕐᒥᖅ, ᒫᕐᓯ 30 - ᐱᑐᐃᓐᓇᐅᖏᑦᑐᒥᑦ ᐱᔨᑦᓯᕋᕈᓐᓇᓛᖅᑐᑦ ᐊᑭᓖᒋᐊᖃᕋᔭᕐᒪᑕ ᐱᔨᑦᓯᕋᖅᑕᐅᔪᑦ
ᓈᑦᓯᐅᖑᔭᓛᕐᓂᐊᖅ ᒫᕐᓯ 31 - ᐱᔨᑦᓯᕋᖅᑏᑦ ᐱᐅᓯᕐᒥᓂᑦ ᐊᑐᓛᖅᑐᑦ

ᑎᖅᑎᑎᑦᓯᒋᐊᑐᒍᓐᓃᖅᑐᑦ ᐃᒥᕐᒥᒃ ᐃᓪᓗᓖᑦ 5100-ᓂᑦ ᓈᓴᐅᑎᓖᑦ
ᒫᕐᓯ 21, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓪᓗᓕᓐᓂᑦ 5100-ᓂᑦ ᓈᓴᐅᑎᓕᓐᓂᑦ ᐃᒥᕐᒥᒃ ᑎᖅᑎᑎᑦᓯᖁᔨᓂᐅᓚᐅᖅᑐᖅ ᐊᑐᕈᓐᓃᕐᒪᑦ, ᒫᓐᓇᑦᓴᐅᑎᒋ.
ᓯᑎᒃᑯᑦ ᓇᑯᕐᒦᕈᒪᔪᑦ ᓄᓇᓕᕐᓂᒥᐅᑕᓂᑦ ᐅᑕᖅᑭᑦᓯᐊᓚᐅᕐᒪᑕ ᐊᒻᒪ ᑐᑭᓯᐊᑦᓯᐊᖅᑐᑎᒃ ᐱᓕᕆᐊᖑᒋᐊᓕᓐᓂᑦ.
-30-
 

ᐱᖓᓐᓂᕐᒥ ᐃᓪᓗᕐᔪᐊᑦ ᓴᓇᒋᐊᖅᑕᐅᓛᖅᑐᑦ ᐅᑯᐊ
5000s, 5100s, 5200s and 5300s
ᒫᔾᔨ 20, 2018 (ᐃᖃᓗᐃᑦ, ᓄᓇᕗᑦ) – ᓯᑎᒃᑯᑦ ᖃᐅᔨᒪᖁᔨᕗᑦ ᐸᓛᑑᒦᑦᑐᓂᑦ ᐱᖓᑦᑎᐅᓕᖅᑲᑦ, ᒫᔾᔨ 21−ᒥ, 2018, ᓴᓇᓛᕐᖓᑕ ᓱᓪᓗᓕᓐᓂ ᑕᒫᓂ 5000−ᖏᓐᓂ, 5100−ᖏᓐᓂ, 5200−ᖏᓐᓂ ᐊᒻᒪᓗ 5300−ᖏᓐᓂ, ᑕᒫᓂ 9−ᒥ ᐅᓪᓛᒃᑯᑦ 4−ᒧᑦ ᐅᓐᓄᓴᒃᑯᑦ. ᑕᐃᒪᐃᓐᓂᖓᓐᓄᑦ, ᑯᕕᒍᓐᓇᓐᖏᑐᐃᓐᓇᕆᐊᖃᕐᖓᑕ ᐅᕝᕙᓘᓐᓃᑦ ᐃᒪᖃᓐᖏᓪᓗᑎᑦ, ᑕᒫᓂ.
ᓯᑎᒃᑯᑦ ᒪᒥᐊᑉᐳᑦ ᐊᑲᐅᓐᖏᓕᐅᕈᑎᑕᖃᕐᓂᖅᑲᑦ ᖁᔭᓐᓇᒦᕈᒪᓪᓗᑎᓪᓗ ᐃᓄᓐᓂᑦ ᑐᑭᓯᓂᖏᓐᓂ.
-30-
ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᐅᖄᓚᒍᓐᓇᖅᑐᑎᑦ:
ᑐᓴᐅᒪᖃᑦᑕᐅᑎᓕᕆᔨᒃᑯᖏᓐᓄᑦ
ᐃᖃᓗᐃᑦ ᓯᑎᒃᑯᖏᓐᓄᑦ
ᖃᕋᓴᐅᔭᒃᑯᑦ ᑎᑎᕋᕐᕕᒋᓗᒍ: A.Spitzer@city.iqaluit.nu.ca

ᐋᖅᑭᒋᐊᕈᑎ: ᓇᒡᒋᔾᔭᐅᓕᖅᑭᕐᒥ ᐃᒪᖃᖕᖏᑲᐃᓐᓇᓛᖅᑐᑦ/ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᔪᑦ ᐃᓪᓗᓖᑦ 5100-ᓂᑦ ᓈᓴᐅᑎᓕᓐᓂᑦ (5000-ᖑᖏᑦᑐᓂᒃ)
ᒫᕐᓯ 19, 2018 (ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᒃᑯᑦ ᐋᖅᑭᒋᐊᕈᑎᒥᑦ ᐅᖃᐅᓯᖃᕈᒪᔪᑦ ᖃᐅᔨᒪᖁᔨᔾᔪᑎᐅᖅᑲᐅᔪᒥᑦ, ᐊᒻᒪ ᖃᐅᔨᒪᖁᔨᓪᓗᑎᒃ ᓄᓇᓕᕐᓂᒥᐅᑕᓂᑦ ᐃᓪᓗᖃᖅᑎᐅᔪᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ 5100-ᓂᑦ ᓈᓴᐅᑎᓕᓐᓂᑦ (5000-ᖑᖏᑦᑐᓂᑦ, ᓯᕗᓪᓕᕐᒥ ᑕᐃᔭᐅᒋᐊᖕᖓᖅᑲᐅᔪᓂᑦ) ᐃᒻᒪᖃᖕᖏᑲᐃᓐᓇᖅᑎᑕᐅᓛᕐᒪᑕ ᓇᒡᒋᔾᔭᐅᓕᖅᑭᐅᓕᖅᐸᑦ, ᒫᕐᓯ 20, ᐅᓪᓛᓂᑦ 9-ᒥᓂᑦ 4-ᒧᓄᑦ ᐅᓐᓄᓴᒧᑦ, ᓱᓪᓗᓕᒃ ᐃᒥᕐᒨᖓᔪᖅ ᓴᓇᔭᐅᑲᐃᓐᓇᕆᐊᖃᕐᒪᑦ.

ᐊᑐᕆᐊᒥᑦ ᒪᑐᓯᓯᒪᑲᐃᓐᓇᓂᐊᖅᑐᑦ: ᑕᓯᓗᓕᐊᕆᐊᒥ ᒫᕐᓯ 15
ᒫᕐᓯ 14, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐃᓚᖓ ᑕᓯᓗᓕᐊᕆᐊᑉ ᐊᑐᕆᐊᑉ ᒪᑐᔭᐅᓯᒪᑲᐃᓐᓇᓛᕐᒪᑦ ᐅᓪᓛᓂᑦ 9-ᒥᓂᑦ 12-ᒧᓄᑦ ᖁᓛᓅᕋᓱᓐᓂᖓᓂ ᑎᓴᒻᒥᐅᓕᖅᐸᑦ, ᒫᕐᓯ 15, 2018, ᐊᐳᑕᐃᔭᖅᑕᐅᑲᐃᓐᓇᓛᕐᒪᑦ ᐊᑐᕆᐊᑉ ᓴᓂᕌ.
ᓄᓇᒃᑰᔫᒃ ᐊᖅᑯᑎᖃᖁᔭᐅᖔᓛᖅᑐᑦ ᐃᒥᖅᑕᕐᕕᒥᓂᖅ ᐊᑐᕆᐊᒃᑰᖔᖅᑎᑕᐅᓗᑎᒃ.
ᓯᑎᒃᑯᑦ ᓇᑯᕐᒦᕈᒪᔪᑦ ᓄᓇᓕᕐᓂᒥᐅᑕᓂᑦ ᑐᑭᓯᐊᑦᓯᐊᕐᓂᖏᓐᓂᑦ.
-30-
 

ᓇᒻᒥᓂᖃᕋᓱᐊᖅᑐᓄᑦ ᐊᔪᓐᖏᔾᔪᑎᑦ ᐊᐃᔭᐅᒍᓐᓇᖅᓯᔪᑦ
ᕖᕝᓄᐊᓕ 21, 2018 (ᐃᖃᓗᐃᑦ, ᓄᓇᕗᑦ) – ᓄᓇᓕᐸᐅᔭᒃᑯᑦ ᐃᖃᓗᐃᑦ ᑐᓴᖅᑎᑦᑎᔪᒪᕗᑦ ᓇᒻᒥᓂᖃᑦᑎᐅᔪᓂᒃ ᑖᒃᑯᐊ ᓇᒻᒥᓂᖃᕋᓱᐊᕐᓂᕐᒧᑦ ᐊᔪᓐᖏᔾᔪᑎᑦ ᐱᓕᕆᐊᕐᖑᓚᐅᖅᑐᑦ ᔮᓐᓄᐊᓕ 25-ᒥ, 2018, ᐱᑐᐃᓐᓇᕆᐊᖃᓕᖅᑐᑦ, ᐊᒻᒪᓗ ᐊᐃᔭᐅᒍᓐᓇᓯᓪᓗᑎᒃ ᓄᓇᓕᐸᐅᔭᒃᑯᑦ ᐊᓪᓚᒡᕕᖃᕝᕕᐊᓂ, ᓇᒡᒐᔾᔭᐅᒥ ᐅᓐᓄᓴᒃᑯᑦ ᒪᑐᓚᐅᖏᑎᓪᓗᒋᑦ, ᕖᕝᕗᐊᓕ 26, 2018. ᑖᒃᓱᒪ ᑭᖑᓂᐊᓂ ᐱᔭᐅᖏᑦᑐᑦ, ᐊᔪᓐᖏᔾᔪᑎᑦ ᐊᐅᓚᖅᑎᑕᐅᒐᔭᖅᑐᑦ.
ᐊᓯᒃᑲᓐᓂᖏᓐᓂᒃ ᐊᐱᖅᑯᑎᔅᓴᖃᕈᕕᑦ ᑖᒃᑯᐊ ᒥᒃᓵᓄᑦ ᓇᒻᒥᓂᖃᕋᓱᐊᕐᓂᕐᒧᑦ ᐊᔪᓐᖏᔾᔪᑎᑦ, ᖃᐅᔨᒋᐊᕈᓐᓇᖅᐳᑎᑦ ᐱᕙᓪᓕᐊᔪᓕᕆᔨᒧᑦ ᒐᐃᐳᕆᓕ ᒧᐊᕆᓪ ᐅᕗᖓ 867-979-5608 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᖅᕕᐊᓄᑦ, ᐅᕗᖓ g.morrill@city.iqaluit.nu.ca
-30-

ᓄᓇᓕᓐᓂ ᐱᔨᑦᓯᕋᖅᑏᑦ ᐃᓚᐃᓐᓇᖏᓐᓂᑦ ᓱᓕ ᐱᔨᑦᓯᕋᕈᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᐊᑐᕆᐊᑦ ᐊᐳᑕᐃᔭᖅᑕᐅᓕᕐᒪᑕ ᐊᒻᒪ ᓄᓇᓕᐸᐅᔭᒃᑯᑦ ᐃᓚᐃᓐᓇᖏᓐᓂᑦ ᐱᔨᑦᓯᕋᖅᑕᐅᒋᐊᓕᓐᓂᑦ ᐱᔨᑦᓯᕋᑲᐃᓐᓇᕐᒪᑕ (ᐃᒥᕐᒧᑦ ᐊᒻᒪ ᒥᓪᓗᐊᕈᑎᓄᑦ ᓄᓇᒃᑰᔫᓂᑦ). ᓯᓚ ᐱᐅᖏᓕᒃᑲᓂᖅᐸᑦ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑐᐃᓐᓇᕆᐊᖃᕐᒥᔪᑦ.
ᓄᓇᓕᓐᓂᒥᐅᑕᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᔪᑦ ᐃᒻᒪᑦᑕᐅᓚᐅᖏᓂᕐᓯᓐᓂ. ᕿᓚᒥᐅᔫᒥᔪᖅ ᐊᔪᕐᓇᖏᑉᐸᑦ ᐃᒪᐃᔪᒪᒐᓗᐊᖅᑐᒍᑦ ᐊᒻᒪ ᕿᓈᓗᕕᓂᖃᕐᕕᓐᓂᑦ ᒥᓪᓗᐊᕐᓯᓗᑕᓗ.

ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.
ᐊᖅᑯᑎᓗᐊᑕᐅᔪᑦ ᐊᐳᑕᐃᔭᕐᓯᒪᔫᒥᓕᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᕐᓯᓪᓗᑎᓪᓗ. ᐊᑐᕆᐊᑦ ᒪᑯᐊ, ᐊᓯᖃᕈᓐᓇᕆᓪᓗᑎᒃ, ᐊᖅᑯᑎᓪᓗᐊᑕᖏᑦ ᐊᒻᒪ ᓄᐊᑦᓯᕕᐅᕙᓐᓂᖏᑦ ᐱᔨᑦᓯᕋᖅᑎᓄᑦ ᓄᓇᓕᐅᑉ ᕿᑎᐊᓃᓐᓂᖏᑦ (ᓲᕐᓗ ᓄᓇᓕᐅᑉ ᕿᑎᖓᒎᖓᔪᖅ, ᖃᖅᑲᓕᐊᕆᐊᖅ, ᓂᐊᖁᖕᖒᓯᐊᕆᐊᖅ ᐊᒻᒪ ᖃᖓᑕᓲᒃᑯᕕᓕᐊᕆᐊᖅ). ᐊᓯᖏᑦ ᐊᑐᕆᐊᑦ ᐊᑐᖅᑕᐅᓗᐊᖅᐸᖏᑦᑐᑦ ᓱᓕ ᐊᐳᑕᐃᔭᕐᓯᒪᖕᖏᑐᐃᓐᓇᕆᐊᓖᑦ.

ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖓᑎᑕᐅᑲᐃᓐᓇᖅᑐᑦ ᑐᓴᕋᑦᓴᖅ 1
ᑐᓴᖅᑕᐅᑦᓴᐅᑎᒋᒋᐊᓕᒃ
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓄᖅᑲᖅᑎᑕᐅᑲᐃᓐᓇᖅᑐᑦ
(ᐃᖃᓗᐃᑦ, ᓄᓇᕗᑦ) - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓄᖅᑲᖓᑎᑕᐅᑲᐃᓐᓇᕐᓂᐅᓴᒻᒪᑕ ᓲᕐᓗ ᐃᒥᖅᑕᖅᑏᑦ, ᑭᓈᓗᓐᓂᑦ ᒥᓪᓗᐊᖅᑏᑦ, ᓴᓂᑦᑕᖅᑏᑦ ᐊᒻᒪ ᐊᐳᑕᐃᔭᐃᔩᑦ ᐊᓯᐊᒍᑦ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ, ᐱᓪᓗᒍ ᓯᓚᕈᔫᓗᐊᕐᓂᖓ.
ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.
ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.