ᐱᖕᖑᐊᖅᑐᓕᕆᓂᖅ

ᐱᖓᑦᓯᕐᒥ ᐃᒥᖃᖕᖏᑲᐃᓐᓇᓛᖅᑐᑦ ᐃᓪᓗᓖᑦ 4000-ᓂᑦ ᓈᓴᐅᑎᓕᓐᓂᑦ
ᓰᑏᐱᕆ 11, 2018 (ᐃᖃᓗᐃᑦ, ᓄᓇᕗᑦ) - ᑲᔪᓯᔭᐅᓗᑎᒃ ᒪᑭᒪᔾᔪᑎᓂᒃ ᐱᓕᕆᔾᔪᑎᓂᒃ ᓴᓇᖃᑦᑕᕐᓂᖅ ᐊᒻᒪ ᐃᒥᕐᒥᒃ ᑕᒪᐅᖓᑐᐃᓐᓈᑎᑦᓯᑦᑕᐃᓕᒪᓂᕐᒥᑦ ᐱᓕᕆᐊᑦᓴᓂᑦ, ᓯᑎᒃᑯᑦ ᐅᖃᐅᔾᔪᐃᕗᑦ ᓄᓇᓕᕐᓂᒥᐅᑕᓂᑦ ᐃᓪᓗᖃᖅᑎᓂᒃ 4000-ᓂ ᐃᒥᖃᖕᖏᑲᐃᓐᓇᓛᕐᒪᑕ ᐱᖓᑦᓯᕐᒥ, ᓰᑏᐱᕆ 12, 2018 ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ 5-ᒧᓄᑦ ᐅᓐᓄᓴᒃᑯᑦ.
ᐃᒥᕐᒧᑦ ᓱᓪᓗᓕᒻᒪᕆᒃ ᐊᑦᑐᖅᑕᐅᔾᔮᖏᓐᓂᖓ ᐱᓪᓗᒍ, ᐃᒥᕐᒥᒃ ᑎᖅᑎᑎᑦᓯᒋᐊᑐᖕᖏᑦᑐᑦ.
ᑐᑭᓯᒋᐊᒃᑲᓐᓂᕈᒪᔪᑦ, ᑕᑯᒋᐊᕈᓐᓇᖅᑐᑦ ᐊᐱᖅᑯᑎᓂᑦ ᐊᒻᒪ ᑭᐅᔾᔪᑎᖏᓐᓂᑦ ᑎᑎᕋᕐᓯᒪᔪᓂᒃ ᐅᕙᓂ www.city.iqaluit.nu.ca
ᓯᑎᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᐅᓂᐊᖅᑐᓂᑦ, ᐊᒻᒪ ᖁᔭᓐᓇᒦᖅᑐᑎᒃ ᑐᑭᓯᒋᐊᓂᑦᓯᓐᓂᑦ.
 

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᑦ ᓴᓇᔭᐅᒋᐊᕐᓂᐊᖅᑐᖅ
ᐋᒐᓯ 7, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐊᒻᒪ ᐊᓐᓂᑭᑦᑐᓛᕐᕕᒻᒥᑦ ᐊᑐᖅᐸᑦᑐᓂᑦ ᐱᓕᕆᐊᑦᓴᖃᕐᓂᐅᓴᒻᒪᑕ ᐊᕐᓇᐃᑦᑐᖅ ᐊᓐᓂᑭᑦᑐᓛᕐᕕᒻᒥ ᑭᖑᕝᕕᖅᑕᐅᓗᑎᒃ ᓈᓴᐅᑎᖃᕐᕕᖏᑦ ᐅᑭᐊᑦᓵᖑᓂᐊᖅᑐᖅ, ᐊᒻᒪ ᐱᔭᕇᖅᑕᐅᔾᔭᖕᖒᖅᑐᓂ ᑏᓰᐱᕆ 2018 ᑎᑭᑉᐸᑦ.
ᐱᔾᔪᑎᒋᓪᓗᒍ ᓂᓚᖓᓄᑦ ᖃᓄᖅ ᐊᑦᑐᐃᓂᖃᕐᓂᐊᕐᓂᖓ ᐱᓕᕆᐊᑦᓴᐅᑉ, ᓯᑎᒃᑯᑦ ᐅᖓᕝᕙᐃᒋᐊᕐᓯᒪᓂᐊᖅᑐᑦ ᐃᑲᕐᕋᖏᓐᓂᒃ ᐱᖕᖑᐊᕐᕕᐊᓘᑉ ᐅᑭᐅᒃᑯᑦ ᐋᑦᑑᐸᒥ ᐱᒋᐊᕐᓗᑎᒃ ᑏᓰᐱᕆ ᓄᖕᖑᐊᓄᑦ, ᐊᒻᒪ ᐊᕐᓇᐃᑦᑐᖅ ᐊᓐᓂᑭᑦᑐᓛᕐᕕᒃ ᒪᑐᖓᑎᑕᐅᓛᖅᑐᖅ ᔪᓂ 1-ᒧᑦ, 2019.

ᐃᒥᖃᖕᖏᑲᐃᓐᓇᓛᖅᑐᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂᕐᒥᐅᑕᐃᑦ ᓈᑦᓯᐅᖑᔭᓛᕐᓂᐊᒥ, ᓰᑏᐱᕆ 8
ᓰᑏᐱᕆ 6, 2018 (ᐃᖃᓗᐃᑦ, ᓄᓇᕗᑦ) - ᐱᔭᕇᖅᑕᐅᖁᓪᓗᒋᑦ ᐅᐃᒍᔭᐅᔪᑦ ᐃᒥᕐᒧᑦ ᓱᓪᓗᓕᒻᒪᕆᒻᒧᑦ ᔫᒥ ᐃᓕᓐᓂᐊᕐᕕᐅᑉ ᓴᓂᐊᓂᒥᐅᑕᐃᑦ, ᐅᑯᓇᓂ ᐃᓪᓗᓖᑦ ᐃᒥᖃᖕᖏᑲᐃᓐᓇᕐᓂᐅᓴᓕᕐᒥᒻᒪᑕ, ᐅᕙᖕᖓᑦ 7-ᒥ ᐅᓐᓄᒃᑯᑦ ᓈᑦᓯᐅᖑᔭᓛᕐᓂᐊᒥ, ᓰᑏᐱᕆ 8 ᐅᓪᓛᒧᓄᑦ 7-ᒧᓄᑦ ᓰᑏᐱᕆ 9, 2018.
ᐃᒥᖃᓕᖅᐸᑕ ᖃᓄᐃᖁᔨᒐᑎᒃ ᐃᑲᕐᕋᓄᑦ 48-ᓄᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᑦ, ᐱᒋᐊᕐᓗᑎᒃ 7-ᒥᑦ ᐅᓪᓛᒃᑯᑦ ᓈᑦᓯᐅᖑᔭᒥ ᑎᑭᓪᓗᒍ 7-ᒧᑦ ᐅᓪᓛᖓᓄᑦ ᓈᒡᒋᔾᔭᐅᓕᖅᑭᐅᑉ, ᓰᑏᐱᕆ 11, 2018.
ᐃᓪᓗᐃᑦ ᐅᑯᐊ ᐊᑦᑐᖅᑕᐅᓯᒪᓛᖅᑐᑦ: 2200-ᓂᑦ, 2400-ᓂᑦ, 2600-ᓂᑦ, 2700-ᓂᑦ, 4000-ᓂᑦ, 4100-ᓂᑦ, 400-ᓂᑦ, 500-ᓂᑦ, ᐊᒻᒪ 1600-ᓂᑦ,.

ᓄᓇᓕᐸᐅᔭᐃᑦ ᐃᖃᓗᐃᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᕿᓂᓕᕐᒥᔪᖅ ᓄᓇᓕᕐᓂᒥᐅᑕᓂᑦ ᐃᓚᒋᔭᐅᔪᒪᒐᔭᖅᑐᓂᒃ ᐅᑯᓇᓂ ᑲᑎᒪᔨᕋᓚᓂ:
ᑲᑎᒪᔨᕋᓛᑦ (ᑲᑎᒪᕙᑦᑐᑦ ᑕᖅᑭᑕᒫᑦ)
 ᓂᒃᓰᑦ (ᐊᑕᐅᓯᖅ)
 ᐱᖕᖑᐊᖅᑐᓕᕆᓂᖅ (ᐱᖓᓱᑦ)
 ᑭᒃᑯᑐᐃᓐᓇᕐᓂᑦ ᐊᑦᑕᓇᑦᑕᐃᓕᒪᔪᓕᕆᓂᖅ (ᐊᑕᐅᓯᖅ)
ᑲᑎᒪᔨᕋᓛᖑᑲᐃᓐᓇᐸᑦᑐᑦ (ᑲᑎᒪᕙᑦᑐᑦ ᑲᑎᒪᐅᑎᖃᕆᐊᖃᓕᕋᐃᒐᒥᒃ ᐅᕝᕙᓘᓐᓃᑦ ᒪᓕᑦᑐᑎᒃ ᒪᓕᒐᕐᓂᒃ ᐅᕝᕙᓘᓐᓃᑦ ᒪᓕᒐᕋᓛᓂᒃ)
 ᑲᑎᒪᔩᑦ ᓄᓇᓕᕆᔾᔪᑎᓕᕆᓂᕐᒥᑦ (ᐊᑕᐅᓯᖅ)