ᐱᖕᖑᐊᖅᑐᓕᕆᓂᖅ

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᓄᓇᓕᓕᒫᑦ ᐃᒥᕐᒥᒃ ᑎᖅᑎᑎᑦᑎᒋᐊᑐᒍᓐᓃᖅᑐᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ: ᓄᓇᓕᓕᒫᑦ ᐃᒥᕐᒥᒃ ᑎᖅᑎᑎᑦᑎᒋᐊᑐᒍᓐᓃᖅᑐᑦ

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᓲ ᐊᐃᕗᕆ
ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ
S.Avery@iqaluit.ca | 867-979-5630

ᑐᐊᕕᕐᓇᖅᑐᒥᒃ ᐃᒥᓕᕆᓂᒃᑯᑦ (ᓯᑎᒃᑯᑦ ᓱᓪᓗᓕᖏᓐᓂ ᐃᒥᕐᒧᑦ ᐅᕝᕙᓘᓐᓃᑦ ᐳᓪᓚᖃᖅᑑᔮᕈᓐᓃᖅᐸᑦ) ᐃᖅᑲᓇᐃᔭᕐᓇᐅᔪᓐᓃᑎᓪᓗᒍ ᖃᐅᔨᒋᐊᖁᔪᑦ ᐅᑯᐊ: ᓯᑎᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᑭᐅᔨᖏᓐᓄᑦ 867-979-5650

ᐅᖃᖅᑲᓂᑦ ᖄᖅᑎᑦᑎᖃᑦᑕᓂᐊᖅᑐᑦ − ᐅᐊᖕᓇᖓᓂ ᖃᖅᑲᓕᐊᕆᐊᑉ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᓄᓇᕗᑦ ᓴᓇᔩᑦ ᓄᓇᒥ ᖄᖅᑎᑦᑎᖃᑦᑕᓛᕐᒪᑕ ᐅᔭᖅᑲᓂᑦ ᑭᒡᒐᖅᑐᐃᓗᑎᒃ ᓄᓇᓕᐸᐅᔭᒃᑯᓐᓂᑦ ᐅᐊᖕᓇᖓᓂ ᖃᖅᑲᓕᐊᕆᐊᑉ ᐊᕙᑎᐊᑕ. ᐅᔭᖅᑲᓂᑦ ᖄᖅᑎᑦᑎᖃᑦᑕᕐᓂᐅᓂᐊᖅᑐᖅ ᑭᓪᓕᖓᒍᑦ ᓄᑖᑉ ᐊᑐᕆᐊᑉ ᐅᕙᓂ ᓰᑏᐱᕆ 3, 2021 ᐅᓐᓄᒃᑯᑦ ᐊᑯᓐᓂᖏᓐᓂ ᓯᕿᖕᖑᔭᐅᑉ 5 ᐊᒻᒪ 7.

ᑎᑎᕋᕐᓯᒪᔪᓂᑦ ᐋᖅᑭᑦᓯᓯᒪᓂᐊᖅᑐᑦ ᓇᓗᓇᐃᔭᐃᓯᒪᔪᓂᑦ ᓇᐅᒃᑯᑦ ᖄᖅᑎᑦᑎᖃᑦᑕᓂᐊᕐᒪᖔᑕ.
ᑕᒪᑦᓱᒪ ᐊᕙᑎᐊᓅᕆᐊᖃᔾᔮᖏᑎᐊᖅᑐᖅ.

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᒻᒥᔪᑦ ᓄᓇᓕᕐᒥᐅᑕᓂᑦ ᑕᒪᓐᓇ ᐊᑐᕆᐊᖅ ᓱᓕ ᓴᓇᔭᐅᒻᒪᑦ ᐊᒻᒪ ᐊᑐᖅᑕᐅᒋᐊᖃᖕᖏᓯᐊᕐᒪᑦ ᖃᖓᑐᐃᓐᓇᓯᐊᒃᑯᑦ.

ᓄᓇᖕᖑᐊᒥᑦ ᐊᑕᑎᑦᑎᓂᐊᖅᑐᑦ ᓇᐅᒃᑯᑦ ᖄᖅᑎᑦᑎᖃᑦᑕᓂᐊᕐᒪᖔᑕ.

ᓄᓇᕗᑦ ᐊᑐᕆᐊᖅ ᒪᑐᓯᒪᑲᐃᓐᓇᕐᓂᖓ

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕆᕗᑦ ᓄᓇᕗᑦ ᐊᑐᕆᐊᖅ ᒪᑐᔭᐃᓯᒪᑲᐃᓐᓇᓛᕐᒪᑦ ᐱᒋᐊᕐᓗᑎᒃ ᖁᓛᓂ ᐅᓪᓗᒃᑯᑦ 12-ᒥᑦ ᐅᓐᓄᒧᑦ 7-ᒧᓄᑦ ᓇᒡᒋᔾᔭᐅᒥ, ᓰᑏᐱᕿ 6, 2021 ᐊᖏᔫᖏᑦᑐᒥᑦ ᓇᓪᓕᐅᓂᕐᓯᐅᕈᑎᖃᓛᕈᒪᓂᖏᓐᓂᑦ ᐅᐃᕖᓄᑦ ᐅᐸᒐᕐᒥ.

ᓄᓇᕗᑦ ᐊᑐᕆᐊᖅ ᐃᓪᓗᒥᑦ #981-ᒥᑦ #979-ᒧᑦ ᒪᑐᓯᒪᓛᖅᑐᖅ ᐃᓪᓗᑦᑐᑦ. ᓄᓇᕗᑦ ᐊᑐᕆᐊᖅ ᐃᓪᓗᒥᑦ #979-ᒥᑦ #969-ᒧᑦ ᐊᖅᑯᑎᐅᔪᓐᓇᓛᖅᑐᖅ ᑭᓯᐊᓂ ᓄᓇᓕᕐᒥᐅᑕᓄᑦ ᑕᒪᑦᓱᒪ ᐊᕙᑎᐊᓂ ᓇᔪᒐᓕᓐᓄᑦ.

ᐊᑐᕆᐊᓂ ᓇᐅᒃᑯᑦ ᐊᖅᑯᑎᖃᕐᒪᖔᖅ ᓇᓗᓇᐃᕐᓯᓯᒪᓛᖅᑐᑦ ᑎᑎᖅᑲᓂᑦ ᐊᑐᕐᓗᑎᒃ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᐃᓕᑦᓯᓐᓂᒃ ᑐᑭᓯᐊᓂᕐᓯᓐᓂᒃ.

ᖃᓄᐃᓕᐅᕈᑎᑦᓴᑦ ᐃᒥᖃᖏᑎᑕᐅᑎᓪᓗᒍ

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᑎᒍᒪᕗᑦ ᓄᓇᓕᕐᒥᐅᑕᓂᑦ ᐃᒥᖃᖏᑎᑕᐅᓛᕐᓂᖏᓐᓂᑦ ᐃᖃᓗᐃᑦ ᓄᓇᓕᓕᒫᖓ ᐱᖓᑦᓯᕐᒥ, ᓰᑏᐱᕆ 1, 2021 ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥ ᐅᓐᓄᓴᒧᑦ 4-ᒨᕋᓱᓐᓂᖓᓂ ᑭᖑᕝᕕᖅᑕᐅᓛᕐᒪᑕ ᐃᒥᕐᒧᑦ ᓱᓪᓗᓕᐅᑉ ᑯᕕᑎᑦᓯᔾᔪᑎᖏᑦ ᐊᑕᔪᑦ ᐃᒥᓕᕆᔾᔪᑎᓂᑦ ᒪᑭᒪᔾᔪᑎᑦᑎᓐᓄᑦ.

ᐃᖃᓗᒻᒥᐅᑕᐃᑦ ᐅᐸᓗᖓᐃᕐᓯᒪᑦᑎᐊᖁᓪᓗᒋᑦ ᐃᒥᖃᖏᑎᑕᐅᑲᐃᓐᓇᕐᓂᐅᓛᖅᑐᒥ ᐅᑯᐊ ᖃᓄᐃᓕᐅᕈᑎᑦᓴᑦ ᐃᓱᒪᑦᓴᕐᓯᐅᕈᑎᐅᒍᓐᓇᖅᑐᑦ ᐊᑐᕈᒪᖕᖏᒃᑯᑎᒃ ᐊᑲᐅᖏᓕᐅᕈᑎᒻᒪᕆᐅᔪᓂᑦ:

ᓄᓇᓕᐸᐅᔭᐃᑦ ᐃᖃᓗᐃᑦ ᕿᑦᓵᒍᑎᖃᖅᑐᑦ ᐃᓅᔪᓐᓃᕐᓂᖓᓂᑦ ᓄᓇᑦᓯᐊᖅ ᐱᕙᓪᓕᐊᔪᓕᕆᔨᒃᑯᑦ ᐊᖏᔪᖅᑳᖓᓐᓂᑦ ᔨᒻ ᐱᐅᓪ

ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐊᒻᒪ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ, ᒪᐃᔭ ᑭᐊᓂ ᐱᐅᓪ ᓇᓗᓇᐃᕐᓯᕗᖅ ᓇᓪᓕᒍᓱᓐᓂᕐᒥᓂᒃ ᐃᓅᔪᓐᓃᓚᐅᕐᓂᖓᓂᑦ ᓄᓇᑦᓯᐊᖅ ᐱᕙᓪᓕᐊᔪᑦ ᐊᑯᓂᐊᓗᒃ ᐊᖏᔪᖅᑳᕆᓚᐅᖅᑕᖓᓂᑦ, ᔨᒻ ᐱᐅᓪ.

“ᖁᕕᐊᓇᖕᖏᑦᑐᒃᑰᖅᐳᒍᑦ ᑐᓴᕆᐊᑦᓴᖅ ᐃᓅᔪᓐᓃᖅᑐᒥᓂᐅᓂᖓᓂᑦ ᒥᔅᑕ ᔨᒻ ᐱᐅᓪ − ᐱᕙᓪᓕᐊᔪᓕᕆᓂᒃᑯᑦ ᓂᐱᖃᐅᑎᐅᒻᒪᕆᓚᐅᖅᑐᒥᑦ ᐃᓅᓯᕐᒥᓂ ᐱᓕᕆᔪᒪᔪᒻᒪᕆᐅᓚᐅᖅᑐᖅ ᐅᑭᐅᖅᑕᖅᑐᒥ ᐊᒻᒪ ᓴᖅᑮᕙᑦᑐᓂ ᐱᔾᔪᑎᐅᕙᑦᑐᓂᑦ ᐊᒻᒪ ᐃᓱᒫᓘᑎᐅᕙᑦᑐᓂᑦ ᓄᓇᕗᒻᒥᐅᑕᐃᑦ ᓯᕗᓪᓕᐅᑎᕙᑦᑐᒋᑦ ᐃᖅᑲᓇᐃᔮᒥᒍᑦ,” ᐅᖃᖅᑐᖅ ᒪᐃᔭ ᐱᐅᓪ. “ᐃᓚᒋᔭᑎᑦ ᐆᒻᒪᑎᓐᓃᑉᐳᑦ ᒫᓐᓇᐅᔪᖅ.”

ᓄᓇᓕᐸᐅᔭᐃᑦ ᐃᖃᓗᐃᑦ ᐊᓪᓚᕝᕕᖓᑦ ᒪᑐᓯᒪᓂᖓ − ᓰᑏᐱᕆ 1, 2021

ᓄᓇᓕᐸᐅᔭᒃᑯᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᐊᒻᒪ ᑭᒃᑯᑐᐃᓐᓇᕐᓄᑦ ᐅᐸᒐᐅᔪᑦ ᑭᒃᑯᑐᐃᓐᓇᕐᓄᑦ ᒪᑐᓯᒪᓛᕐᒪᑕ ᐱᖓᑦᓯᖅ, ᓰᑏᐱᕆ 1, 2021 ᐱᔾᔪᑎᖃᕐᓗᑎᒃ ᐃᖃᓗᐃᑦ ᓄᓇᓕᖓᑦ ᐃᒪᖃᖏᑲᐃᓐᓇᓛᕐᓂᖓᓄᑦ.

ᐃᒥᖅᑕᖅᑏᑦ ᓄᓇᒃᑰᔫᒃᑯᑦ ᐃᖏᕐᕋᓛᖏᑦᑐᑦ ᐱᖓᑦᓯᖅ, ᓰᑏᐱᕆ 1, 2021 ᐊᒻᒪ ᐱᐅᓯᖏᓐᓄᑦ ᐅᑎᓛᖅᑐᑎᒃ ᑎᓴᒻᒥᖅ, ᓰᑏᐱᕆ 2, 2021. ᑭᓈᓗᖃᕐᕕᓐᓂᒃ ᐊᒻᒪ ᓴᓂᕐᓂᒃ ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐊᐅᓚᓛᖅᑐᑦ ᐃᒥᖃᖏᑲᐃᓐᓇᑎᓪᓗᒍ.

ᓄᓇᓕᕐᒥᐅᑕᐃᑦ ᓄᓇᒃᑰᔫᒃᑯᑦ ᐃᒥᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᓛᖅᑐᑦ ᓇᒡᒋᔾᔭᐅᓕᖅᑭᕐᒥ, ᐋᒐᓯ 31 ᐃᒥᖃᐃᓐᓇᓛᕈᒪᒍᑎᒃ ᐃᒥᖃᖏᑲᐃᓐᓇᖅᑎᑕᐅᑎᓪᓗᒋᑦ.