ᐱᖕᖑᐊᖅᑐᓕᕆᓂᖅ

ᐊᑐᕆᐊᖅ ᒪᑐᔭᐅᓗᓂ ᓄᓇᕗᑦ

ᐊᖏᕐᕋᖃᕐᕕᓖᑦ ᐅᖃᐅᑎᒋᐊᖅᑕᐅᕗᑦ ᐊᑐᕆᐊᖅ ᒪᑐᔭᐅᓯᒪᓂᐊᕐᒪᑦ ᒫᓂᑦᑐᖅ ᓄᓇᕗᑦ ᐊᖅᑯᑎᖓᓂ ᓯᕗᓂᖓᓃᑦᑐᖅ ᑰᓕᒡᕕᐅᑉ ᐱᒋᐊᕐᓗᓂ ᐱᖓᑦᑎᕐᒥᒃ, ᔪᓚᐃ 14 ᑎᑭᓪᓗᒍ ᑕᓪᓕᒻᒥᖅ, ᔪᓚᐃ 16 ᐊᑐᖅᑎᓪᓗᒋᑦ ᐃᑲᕐᕋᖏᑦ 12:30 ᐅᓐᓄᓴᒥᑦ ᑎᑭᓪᓗᒍ 4:30 ᐅᓐᓄᓴᒧᑦ.

ᓄᖃᖓᑎᑦᑎᕕᒃ ᑖᐃᒃᑯᓄᖓ ᐅᐸᒍᑎᓯᒪᔪᓄᑦ ᖃᓂᒪᔭᐃᑯᑎᓕᖅᑕᐅᓂᕐᒧᑦ ᑲᐱᔭᐅᕕᒻᒥ ᐃᓂᑖᕆᔭᐅᒍᓐᓇᖅᐳᑦ ᓯᓚᑖᓂ ᐃᒡᓗᖁᑎᐅᑉ 901.

ᐃᓚᒃᑲᓐᓂᖓᓂᒃ ᑐᓴᕆᐊᒃᑲᓐᓂᕈᒪᒍᕕᑦ:

ᓲ ᐊᐃᕗᕆ
ᓴᓇᔪᓕᕆᔨ ᒃᑯᑦ ᐊᓪᓚᑦᑎᖓᑦ
ᓄᓇᓕᐸᐅᔭᐃᑦ ᐃᖃᓗᐃᑦ
S.Avery@iqaluit.ca
867-979-5630

ᐊᖅᑯᑎ ᒥᑦᑕᕐᕕᐅᑉ ᖃᓂᒋᔮᓃᑦᑐᖅ ᒪᑐᓯᒪᔪᖅ

ᓄᓇᓕᖕᒥᐅᑦ ᐅᖃᐅᔾᔭᐅᕗᑦ ᐊᖅᑯᑎ ᒪᑐᔭᐅᓂᐊᕐᓂᖕᒐᓂᒃ ᓄᐊᑦ 40 ᒥᑦᑕᕕᐅᑉ ᖃᓂᒋᔮᓃᑦᑐᖅ ᔪᓚᐃ 12-ᒥᑦ ᔪᓚᐃ 19, 2021-ᒧᑦ ᓴᓇᔭᐅᒋᐊᕐᓂᐊᖅᑎᓪᓗᒍ ᑭᓈᓗᖃᕐᕕᐅᑉ ᓱᓪᓗᓕᖕᒋᑦ ᐊᐅᓚᔪᓐᓇᐅᑎᖕᒋᑦ.

ᐅᖕᒐᓪᓕᖅᐹᑦ ᐊᖅᑯᑖᓂ ᖃᖅᑲᓕᐊᕆᐊᖅ ᐊᖅᑯᑎᒥ ᐱᒋᐊᖅᑐᓂ ᒥᑦᑕᕐᕕᖕᒧᑦ ᐊᖅᑯᑎᒋᒃ ᐊᑕᐅᓯᖖᒍᖅᑎᑕᐅᓯᒪᓂᐊᖅᑐᖅ ᑕᒪᒃᑮᓐᓄᑦ.
ᐃᒡᓗᓕᐅᕐᓂᕐᒧᑦ ᖃᐅᒻᒪᖅᑯᑎᑦ ᐅᕝᕙᓘᓐᓃᑦ ᓴᖕᒍᑎᑦᑎᔨᒥᒃ ᐱᖃᑕᕐᓂᐊᖅᑐᖅ ᓇᒧᖖᒐᕆᐊᖃᕐᒪᖕᒑᖅᐱᑦ.

ᓄᓇᓕᐸᐅᔭᒃᑯᑦ ᒪᒥᐊᑉᐳᑦ ᐊᑲᐅᖖᒋᓕᐅᕈᑎᑕᖃᖅᐸᑦ ᖁᔭᓕᓪᓗᑎᒡᓗ ᑐᑭᓯᔪᓐᓇᕋᔅᓯ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐃᖅᑲᓇᐃᔭᕐᓇᐅᓕᕐᒥᑎᓪᓗᒍ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:

ᓲ ᐊᐃᕗᕆ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ

ᓄᓇᓕᐸᐅᔭᐃᑦ ᐃᖃᓗᐃᑦ

ᐃᖃᓗᐃᑦ ᖃᑦᑎᕆᔨᒃᑯᑦ ᖃᑦᑎᕆᔭᕆᐊᖃᖅᑲᐅᔪᑦ ᐃᑭᑦᑐᒥᑦ

ᐅᓪᓛᖅ 7:45-ᒥᕈᔪᒃ ᐃᖃᓗᐃᑦ ᖃᑦᑎᕆᔨᒃᑯᑦ ᖃᑦᑎᕆᔭᕆᐊᖃᖅᑲᐅᔪᑦ ᐃᑭᑦᑐᒥᑦ 2200 ᖃᓂᒋᔭᖕᒐᓂᑦ.

ᖁᔭᓐᓇᒦᖕᒋᒃᑯᐊᒃ ᓴᓂᓪᓕᖕᒋᑦ, ᐃᑭᓗᐊᖖᒋᕈᓘᔭᖅᑲᐅᔪᖅ ᐊᑐᖅᑲᐅᒻᒪᑕ ᖃᑦᑎᕆᔾᔪᑎᕋᓛᓂᑦ ᖃᑦᑎᕆᔩᑦ ᑕᐅᕗᖖᒐᕋᓱᓐᓂᖕᒋᓐᓂᒃ. ᖃᑦᑎᕆᔩᑦ ᖃᐅᔨᖅᑲᐅᔪᑦ ᑎᓴᒪᑦ ᑲᑎᖖᒐᔪᑦ ᐃᒡᓗᐃᑦ ᐃᓚᖕᒐ ᐃᑭᓕᖅᑐᖅ ᓯᕗᓂᐊᒍᑦ. 11 ᖃᑦᑎᕆᔩᑦ ᐊᒻᒪᓗ 4 ᑐᐊᕕᕐᓇᖅᑐᓕᕆᔨᒃᑯᑦ ᓄᓇᒃᑰᕈᑎᖕᒋᑦ ᐅᐸᖅᑲᐅᔪᑦ. ᐃᑭᑦᑐᖅ ᖃᒥᑕᐅᑲᐅᖅᑐᖅᑲᐅᔪᑦ ᐊᒻᒪᓗ ᐃᓄᖃᕈᓐᓃᑲᐅᖅᑐᖅᑲᐅᔪᖅ ᐃᑭᑦᑐᖃᖅᑎᓪᓗᒍ. ᐋᓐᓂᖅᑐᖃᖅᑲᐅᖖᒋᑦᑐᖅ.

ᐃᖃᓗᓐᓂ ᓄᓇᓕᐸᐅᔭᓕᕆᔩᑦ ᑲᑎᒪᔨᖏᑦ ᐊᖏᖅᑐᑦ ᐃᓕᓯᕕᐅᓂᐊᕐᓂᖏᓐᓂᒃ ᑎᑭᐅᑎᑎᑦᑎᓂᕐᒧᑦ ᐊᖏᕐᕋᖃᕐᓂᕐᒧᑦ ᑮᓇᐅᔭᓂᑦ ᐊᕐᕌᒍᒥ 2021-2022

ᐃᖃᓗᓐᓂ ᓄᓇᓕᐸᐅᔭᓕᕆᔩᑦ ᑲᑎᒪᔨᖏᑦ ᐊᖏᕐᓯᔪᑦ ᐃᓕᓯᕕᐅᓂᐊᕐᓂᖏᓐᓂᒃ ᐅᖓᑖᓃᑦᑐᓂᑦ 1 ᒥᓕᐊᓐ ᑮᓇᐅᔭᑦ ᑲᓇᑕᐅᑉ ᒐᕙᒪᒃᑯᖏᓐᓂ ᓄᓇᓕᓐᓂᑦ ᑎᒥᐅᔪᓄᑦ ᐃᑲᔫᑎᖃᕐᐸᑦᑐᓄᑦ ᐃᓱᒫᓗᓇᕐᓂᕐᓴᓂᑦ ᐊᒻᒪᓗ ᐃᓱᒫᓗᓇᖅᑐᒦᑦᑐᓄᑦ ᐃᖃᓗᒻᒥᐅᓂᑦ.

ᓄᓇᓕᐸᐅᔭᓕᕆᔨᒃᑯᑦ ᑐᓂᓯᔭᐅᕗᑦ $1,182,126ᓂᑦ ᑮᓇᐅᔭᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᑖᓐᓇ ᐊᖅᑯᑎᒋᓪᓗᒍ ᑎᑭᐅᑎᑎᑦᑎᓂᕐᒧᑦ ᐊᖏᕐᕋᖃᕐᓂᕐᒧᑦ ᓄᓇᓕᓐᓂᑦ ᐱᓕᕆᐊᖑᓂᐊᖅᑐᒧᑦ ᑐᕌᒐᖃᖅᑐᑎᒃ ᐊᖏᕐᕋᖃᙱᑐᖅᑕᖃᖃᑦᑕᖁᓇᒍ ᐊᒻᒪᓗ ᐃᓅᓴᓪᓕᒋᐊᒃᑲᓐᓂᖁᓪᓗᒋᑦ ᐊᖏᕐᕋᖃᖃᑦᑕᖏᑦᑐᑦ, ᑖᒃᑯᐊ ᐊᑐᖅᑕᐅᔭᕆᐊᓖᑦ ᐊᕐᕌᒍᒥ 2021-2022 ᑮᓇᐅᔭᓄᑦ ᐊᐅᓚᕕᖓᓐᓂ.

ᔫᓂ 22, 2021ᒥ, ᑲᑎᒪᔩᑦ ᐊᖏᕐᓯᔪᔪᑦ 2021-2022 ᑮᓇᐅᔭᓂᑦ ᐃᓕᔭᐅᓂᐊᖅᑐᓂᑦ ᐅᑯᐊ ᒪᓕᑦᑐᒋᑦ:

ᓄᓇᓕᐸᐅᔭᒃᑯᓐᓄᑦ ᐃᖅᑲᓇᐃᔭᖅᑏᑦ ᑎᑭᐅᑎᓯᒪᓕᖅᑐᑦ ᓄᑖᒧᑦ ᐃᖅᑲᓇᐃᔭᑎᓄᑦ ᐊᖕᒋᖃᑎᒌᒍᑎᒧᑦ ᑲᑐᔾᔨᖃᑎᒌᓄᑦ ᔫᓂᐊᓐᑯᓐᓄᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐊᒻᒪᓗ ᑲᑐᔾᔨᖃᑎᒌᑦ ᔫᓂᐊᓐᑯᑦ ᑭᒡᒐᖅᑐᐃᔪᑦ ᓄᓇᓕᐸᐅᔭᕐᒥ ᐃᖅᑲᓇᐃᔭᑎᓂᒃ, ᒐᕙᒪᒃᑯᑦ ᐃᖅᑲᓇᐃᔭᕐᕕᖕᒋᑦ ᑲᓇᑕᒥ, ᑎᑭᐅᑎᔪᑦ ᓄᑖᒧᑦ ᑕᓪᓕᒪᓄᑦ ᐊᕐᕌᒍᓄᑦ ᐋᔩᖃᑎᒌᖕᓂᕐᒧᑦ ᐊᖕᒋᖃᑎᒌᒍᑎᒧᑦ.

ᐊᖕᒋᖃᑎᒌᒍᑎ ᐊᖕᒋᖅᑕᐅᔪᕕᓂᖅ ᔫᓂ 29, 2021-ᖕᒍᑎᓪᓗᒍ 80%-ᖕᒍᓪᓗᑎᒃ ᐊᖕᒋᖅᑐᑦ ᐃᖅᑲᓇᐃᔭᖅᑏᑦ.

ᐃᓚᖕᒋᑦ ᐊᓯᔾᔨᖅᑐᑦ ᐊᖕᒋᖃᑎᒌᒍᑎᑦ ᐱᖃᓯᐅᑎᔪᑦ ᐋᓐᓂᖅᑕᐅᓂᕐᒧᑦ ᓄᖅᑲᖕᒐᔾᔪᑎ, ᐊᒥᓱᕈᕆᐊᖅᑕᐅᓪᓗᓂ ᐊᑭᓕᖅᑕᐅᔾᔪᑎ ᐅᖃᐅᓯᖃᒃᑲᓐᓂᕐᓂᕐᒧᑦ ᐃᓄᒃᑎᑐᑦ ᐅᕝᕙᓘᓐᓃᑦ ᐅᐃᕖᑎᑐᑦ, ᐊᒥᓱᕈᕆᐊᖅᑕᐅᓪᓗᑎᒃ ᓄᖅᑲᖕᒐᔾᔪᑎᑦ ᐱᖅᑯᓯᑐᖃᓕᕆᓂᕐᒧᑦ ᐊᒻᒪᓗ ᐊᑎᓕᐅᕆᓂᖅ ᖄᒃᑲᓐᓂᐊᒍᑦ ᑮᓇᐅᔭᖅᑖᒃᑲᓐᓂᕈᑎᒥᒃ.

ᒪᐃᔭᐅᑉ ᐅᖃᐅᓯᒃᓴᖕᒋᑦ ᑲᓇᑕᐅᑉ ᐅᓪᓗᖕᒐᓄᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐃᖃᓗᖕᒥᐅᓂᒃ ᐊᐱᕆᕗᑦ ᑕᑯᒃᓴᐅᑎᑦᑎᔪᒪᓪᓗᑎᒃ ᐱᓕᕆᐊᖃᓪᓚᕆᒍᒪᓂᕐᒥᓂᒃ ᐋᖅᑭᒃᓯᒪᓕᖅᑎᑦᑎᔪᒪᓪᓗᑎᒃ ᐊᒃᑐᐊᓂᖃᕐᓗᑎᒃ ᐊᑐᖅᑕᐅᕙᓚᐅᑐᓄᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᑲᓇᑕᒥ ᐅᓪᓗᕆᔭᐅᑎᓪᓗᒍ.

ᒪᐃᔭ ᑭᐊᓂ ᐱᐅᒃ ᐅᖃᐅᓯᖕᒋᑦ:

“ᑎᓕᐅᖅᐸᒃᑲ ᐃᖃᓗᖕᒥᐅᓕᒫᑦ ᐃᑲᔪᖅᓱᐃᖁᓪᓗᒋᑦ ᐃᓄᖕᓂᒃ, ᓄᓇᖃᖅᑳᖅᓯᒪᔪᓂᒃ ᐊᒻᒪᓗ ᐃᖅᑭᓕᖕᓂᒃ ᐊᒻᒪᓗ ᐃᖅᑲᐅᒪᔭᐅᓗᑎᒃ ᓱᕈᓰᑦ ᐊᓯᐅᓯᒪᔪᑦ, ᑕᐃᒃᑯᐊᓗ ᐊᓐᓇᐅᒪᓚᐅᖅᑐᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ, ᑕᐃᒃᑯᐊᓗ ᐃᓚᒌᑦ ᕿᒃᓵᑦᑐᑦ ᓱᓕ ᔪᓚᐃ 1-ᒥ.

ᐃᓄᓕᒫᖅᑎᑦᑎᑎᓪᓗᒋᑦ ᑲᑎᒪᓂᕐᒥᒃ DP 20-062

ᐃᖃᓗᖕᓂ ᓄᓇᓕᐸᐅᔭᒃᑯᑦ ᒪᑐᐃᖕᒐᑎᑦᑎᔪᑦ ᐱᖃᑕᐅᔪᒪᔪᓄᑦ ᐃᓄᓕᒫᖅᑎᑦᑎᑎᓪᓗᒋᑦ ᑲᑎᒪᓂᕐᒥᒃ DP 20-062 ᐊᒃᑐᖅᑕᐅᓯᒪᔪᓄᑦ ᐱᖁᑎᒋᔭᐅᔪᓄᑦ
ᐃᓂᓪᓗᐊᑕᕐᒥ ᔫᓂ 30-ᒥ ᔪᓚᐃ 7, 2021-ᒧ.

ᐊᑎᓕᐅᕈᓐᓇᖅᑐᑎᑦ ᐸᕐᓇᐃᓂᕐᒧᑦ ᐱᕙᓪᓕᐊᑎᑦᑎᓂᕐᒧᓪᓗ ᐱᓕᕆᕝᕕᒻᒥ. ᐊᑐᕐᓗᒍ ᐃᒡᓗᕐᔪᐊᑉ ᓈᓴᐅᑎᖕᒐ.

ᖃᐅᔨᒋᐊᕐᕕᒋᔭᒃᓴᖅ:
planning@iqaluit.ca | (867) 979-5661

ᓄᓇᓕᐸᐅᔭᒃᑯᑦ ᖃᓄᐃᓕᐅᕐᓂᕆᓛᖅᑕᖕᒐ ᔪᓚᐃ 1

ᓇᓗᓇᐃᖅᑕᐅᒃᑲᓐᓂᖅᑐᖅ ᓄᓇᖃᖅᑳᖅᓯᒪᔪᑦ ᐃᓄᖕᒋᑦ ᑲᓇᑕᒥ ᖃᓄᐃᓕᐅᖅᑕᐅᓂᕕᓂᖕᒋᑦ, ᑎᓕᐅᖅᑕᐅᕗᑦ, ᑲᓇᑕᓕᒫᒥ, ᑐᑭᖃᑦᑎᐊᕐᔫᒥᔪᒃᑯᑦ, ᐱᓪᓚᕆᑦᑐᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐊᓂᒍᐃᓯᒪᔪᑦ ᐅᕙᑦᑎᓐᓂᒃ ᑐᓴᖅᑎᑦᑎᖃᑦᑕᖅᓯᒪᕗᑦ ᐊᕐᕌᒍᒐᓴᖕᓄᑦ.

ᐃᖅᑲᐃᑎᑕᐅᕗᒍᑦ, ᑕᐃᒃᑯᐊ ᓇᓗᓇᐃᖅᑕᐅᓯᒪᖖᒋᑦᑐᑦ, ᐊᒻᒪᓗ ᐃᓗᕖᑦ ᐃᓕᓐᓂᐊᕆᐊᖅᑎᑕᐅᕙᑦᑐᕕᓃᑦ ᑲᓇᑕᓕᒫᒥ, ᐊᓪᓚᐃᑦ ᐃᓕᓐᓂᐊᕐᕕᖕᒐ ᓇᓗᓇᐃᖅᑕᐅᓯᒪᕗᖅ ᓄᓇᖃᖅᑳᖅᓯᒪᔪᑦ ᓄᓇᓕᒋᒻᒪᒍ. ᐱᓕᕆᔾᔪᓯᖅ ᐊᕕᒃᓯᒪᑎᑦᑎᓂᖅ ᓄᑕᖅᑲᓂᒃ ᐃᓚᒌᓂᒡᓗ ᓴᖅᑭᑎᑦᑎᓯᒪᕗᖅ ᐊᑲᐅᖖᒋᓕᐅᕈᑎᒥᒃ, ᑭᖕᒍᕚᕇᓄᑦ ᐊᒃᑐᖅᓯᓂᕆᕙᒃᑕᖕᒋᓐᓂᒃ, ᐃᒃᐱᒋᔭᖕᒋᓐᓂᒃ ᓄᓇᖃᖅᑳᖅᓯᒪᔪᑦ ᐃᓄᖕᒋᓐᓄᑦ ᑲᓇᑕᓕᒫᒥ.