ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
2022 ᓇᖕᒥᓂᖃᖅᑏᑦ ᓚᐃᓴᒥᓂᒃ ᓄᑖᕈᖅᑎᑦᑎᓂᖅ
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᓇᖕᒥᓂᖃᖅᑏᑦ ᓚᐃᓴᒥᓂᒃ
ᓄᑖᕈᖅᑎᑦᑎᒋᐊᖃᓕᕐᒥᒻᒪᑕ 2022 ᐊᕐᕌᒍᒧᑦ.
ᓇᖕᒥᓂᖃᖅᑎᐅᔪᑦ ᐊᔭᐅᖅᑕᐅᕗᑦ ᓄᑖᕈᖅᑎᑦᓯᔾᔪᑎᑦᓴᒥᓂᒃ ᑎᑎᖃᖁᔭᐅᓕᖅᑐᑎᒃ ᖃᕋᑕᐅᔭᒃᑯᑦ ᓇᖕᒥᓂᖃᖅᑎᓂᑦ
ᓚᐃᓴᓕᕆᔾᔪᑎᒍᑦ ᓯᕗᓂᐊᒍᑦ ᔮᓐᓄᐊᕆ 31, 2022 ᐊᑭᑭᓪᓕᒋᐊᕐᓯᒪᓂᖓᓂ ᓄᑖᕈᖅᑎᑦᓯᔾᔪᑎᓄᑦ ᐊᑭᓕᕆᐊᓖᑦ.
ᓄᑖᕈᖅᑎᑦᓯᔾᔪᑎᑦᓴᑦ ᐱᔭᐅᔪᑦ ᕕᕝᕗᐊᕆ 1, 2022 ᐅᕝᕙᓘᓐᓃᑦ ᐅᖓᑖᓂ, ᐃᓘᓐᓇᖏᓐᓂᑦ ᓈᒪᑎᓪᓗᒋᑦ
ᓄᑖᕈᖅᑎᑦᓯᔾᔪᑎᑦᓴᑦ ᐊᑭᓕᖅᑕᐅᒋᐊᖃᓕᕋᔭᖅᑐᑦ.
ᒪᓕᑦᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑕ ᓇᖕᒥᓂᖃᖅᑎᓂᑦ ᓚᐃᓴᓕᕆᔾᔪᑎᖓᑦ ᒪᓕᒐᕋᓛᖅ No. 859,
ᐃᓘᓐᓇᑎᒃ ᓇᖕᒥᓂᕆᔭᐅᔪᑦ ᐱᓯᒪᒋᐊᖃᓛᖅᑐᑦ 2022 ᓚᐃᓴᒥᓂᒃ ᕕᕝᕗᐊᕆ 15, 2022 ᐅᕝᕙᓘᓐᓃᑦ
ᐊᑭᓖᑎᑕᐅᒐᔭᖅᑐᑦ ᒪᓕᑦᑐᒍ ᒪᓕᒐᕋᓛᖅ No. 859. ᐃᓘᓐᓇᑎᒃ ᓄᑖᕈᖅᑎᑦᓯᔾᔪᑎᑦᓴᑦ ᑐᑦᓯᕋᐅᑏᑦ ᐱᔭᐅᔪᑦ
ᑭᖑᓂᖓᓂ ᕕᕝᕗᐊᕆ 15, 2022 ᐅᓪᓗᕐᓯᐅᑎᒍᑦ ᐊᑭᓖᒋᐊᖃᕋᔭᖅᑐᑦ $50.00 ᐸᐃᑉᐹᓕᕆᔾᔪᑎᑦᓴᓂᑦ
ᐃᓚᓕᐅᔾᔭᐅᓗᑎᒃ ᐊᑭᓕᕆᐊᓕᓐᓄᑦ ᓄᑖᕈᖅᑎᑦᓯᔾᔪᑎᓄᑦ.
ᓇᖕᒥᓂᖃᖅᑎᐅᔪᑦ ᐱᔨᑦᓯᕋᐅᑕᐅᕙᑦᑐᑦ ᐅᐸᒍᓐᓇᖅᑐᑦ ᖃᕋᑕᐅᔭᒃᑯᑦ ᐃᑭᐊᖅᑭᕕᒻᒧᑦ ᐅᕗᖓ
https://www.iqaluit.ca/content/apply-business-license ᐊᒻᒪ ᐱᔭᕇᖅᑕᐅᓗᑎᒃ ᑐᑦᓯᕋᐅᑎ /
ᓄᑖᕈᖅᑎᑦᓯᔾᔪᑎᑦᓴᑦ ᑎᑎᕋᕐᕕᑦᓴᐃᑦ. ᐃᓘᓐᓇᑎᒃ ᑐᑭᓯᒋᐊᕈᑎᑦᓴᐃᑦ ᐱᔾᔪᑎᖃᖅᑐᑦ ᖃᕋᑕᐅᔭᒃᑯᑦ
ᓇᖕᒥᓂᖃᖅᑎᓂᑦ ᓚᐃᓴᓕᕆᔾᔪᑎᒥᑦ ᑎᑎᕋᖅᑕᐅᕙᑦᑐᑦ ᓄᓇᓕᐸᐅᔭᐃᑦ ᐃᑭᐊᖅᑭᕕᖏᓐᓂ ᐅᑯᐊ ᐊᑖᓂ
ᓇᖕᒥᓂᖃᖅᑎᓄᑦ ᒪᑉᐱᒐᖅ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᔭᕗᕆ ᐴᕐᓐ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨᐅᑲᐃᓐᓇᖅᑐᖅ
867-979-5619 | g.byrne@iqaluit.ca
