ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᕕᒃᑑᕆᐊ ᐅᓪᓗᖓ ᐊᓪᓚᕝᕕᒃ ᒪᑐᓯᒪᓂᖓ – ᒪᐃ 19
ᒪᐃ 16, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᓄᓇᓕᐸᐅᔭᒃᑯᑦ ᐊᓪᓚᕕᖏᑦ ᒪᑐᓯᒪᓛᖅᑐᑦ ᑭᒃᑯᑐᐃᓐᓇᕐᓄ ᐃᓄᓐᓄᑦ ᓇᒡᒐᔾᔭᐅᒥ, ᒪᐃ 19, 2025, ᐃᓕᓴᕆᓪᓗᒍ ᕕᒃᑑᕆᐊ ᐅᓪᓗᖓ.

ᐳᐃᔾᔪᕋᕐᕕᒃ ᒪᑐᐃᖓᓛᖅᑐᖅ ᒪᐃ 19 ᐱᒋᐊᕐᓗᓂ 12:00 ᐅᓐᓄᓴᒃᑯᑦ ᑎᑭᓪᓗᒍ 4:00 ᐅᓐᓄᓴᒃᑯᑦ. ᐊᓯᓕᒫᖏᑦ ᐱᓐᖑᐊᕐᕖᑦ ᐃᓪᓗᐃᑦ ᒪᑐᓯᒪᓛᖅᑐᑦ.

ᐊᖏᕐᕋᕆᔭᐅᔪᓄᑦ ᐃᒥᑦᑕᓐᓃᑦ ᐊᒻᒪᓗ ᑭᓈᓗᑕᑦᑕᐅᓂᒻᒧᑦ ᐱᔨᔅᓯᕈᑎᑦ, ᐃᓚᒋᔭᐅᓗᑎᒃ ᓴᓂᑦᑕᑦᑕᐅᓂᑦ, ᐊᐅᓚᓂᐊᑦᑐᑦ ᐊᑐᖃᑦᑕᑦᑕᖏᑎᒍ ᑲᔪᓯᑐᐃᓐᓇᑦᓂᐋᑦᑐᑦ ᐊᒻᒪᓗ ᐊᑦᑐᑦᑕᐅᔾᔮᙱᑦᑐᑦ ᓄᓇᓕᐸᐅᔭᒃᑯᑦ ᐊᒡᓚᒡᕕᖓᑕ ᒪᑐᓯᒪᓂᖓᓄᑦ. ᐊᔅᓯᕕᒃ ᒪᑐᓯᒪᓛᖅᑐᖅ ᐊᒻᒪ ᒪᑐᐃᒃᑲᓂᕐᓗᓂ ᐃᑲᕋᕆᖃᑦᑕᖅᑕᖏᓐᓄᑦ ᐊᐃᑉᐱᕐᒥ ᒪᐃ 20.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᖅᑯᑎᐅᑉ ᐃᓚᖕᒐ ᒪᑐᓯᒪᔪᖅ – ᓂᐊᖁᖖᒎᓯᐊᕆᐊᖅ ᐊᖅᑯᑎ (AWG ᐃᒡᓗᕐᔪᐊᖅ)
ᒪᐃ 12, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᓂᐊᖁᖖᒎᓯᐊᕆᐊᖅ ᐊᖅᑯᑎᖕᒐ ᒪᑐᓯᒪᓂᐊᕐᓂᖕᒐᓂᒃ, ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖖᒍᐊᕕᒡᔪᐊᖅ ᐃᒡᓗᕐᔪᐊᖕᒐᑦ, ᐱᖕᒐᑦᓯᖅ ᒪᐃ 14-ᒥᑦ ᓈᑦᓰᖕᒍᔭᓛᕐᓂᐊᒧᑦ, ᒪᐃ 17, 2025-ᒥᑦ.
ᒪᑐᓯᒪᑲᐃᓐᓇᕆᐊᓕᒃ ᐋᖅᑭᒃᓯᕕᐅᓂᐊᕐᒪᑦ ᑰᕝᕕᖕᒥᑦ ᓄᑖᕐᒥᑦ.

ᖃᐅᔨᒪᓂᐊᖅᐳᓯ ᒪᕐᕈᐃᓕᖕᒐᔪᒃᑰᕐᕕᒃᓴᐅᖃᑦᑕᕐᓂᐊᕐᒪᑦ ᓴᓇᑎᓪᓗᒋᑦ. ᑳᓐᑐᕌᒃᓯᓕᕆᔩᑦ ᖃᐅᔨᓴᕐᓂᐊᖅᑐᑦ ᐃᖕᒋᕐᕋᔪᑦ ᑕᒪᒃᑮᓄᑦ ᐃᖕᒋᕐᕋᔪᓐᓇᑦᑎᐊᕋᓗᐊᕐᒪᖕᒑᑕ. ᐊᖁᑏᑦ ᐅᔾᔨᖅᓱᑦᑎᐊᖁᔭᐅᔪᑦ ᐃᖕᒋᕐᕋᑎᓪᓗᒋᑦ ᓇᓗᓇᐃᒃᑯᑕᓂᒃ.

ᓄᓇᖖᒍᐊᖅ ᑕᑯᔭᒃᓴᖅ ᐊᖅᑯᑎᐅᑉ ᐃᓚᖕᒐᓂᑦ ᓇᐅᒃᑯᑦ ᒪᑐᓯᒪᓂᐊᕐᒪᖕᒑᑦ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᒪᑐᔪᖅ
ᒪᐃ 12, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒪᖁᔨᔪᑦ ᓄᓇᖅᑲᑎᒌᓂᒃ ᐊᕐᓇᐃᑦᑐᖅ ᓯᐊᕐᕆᔮᕐᕕᒃ ᒫᓐᓇ ᒪᓗᓯᒪᓕᕐᒪᑦ ᑕᒪᑐᒪᓂ ᐊᕐᕌᒍᒥ.

ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖕᒋᑦ ᓯᑯᖕᒐᓂ ᐲᔭᐃᕙᓪᓕᐊᓕᖅᑐᑦ, ᐊᒻᒪᓗ ᐱᔭᕇᖅᐸᓪᓕᐊᔪᓐᓇᖅᓯᔪᑦ ᓄᑖᖖᒍᕆᐊᕆᐊᓕᖕᓂᒃ ᐊᒻᒪᓗ ᐋᖅᑭᐅᒪᑎᑦᑎᓗᑎᒃ ᒪᑐᓯᒪᓂᖕᒐᓂ ᐊᑐᐃᓐᓇᐅᔪᓐᓇᖅᓯᓛᕐᒪᑦ ᓯᑯᖃᕈᓐᓇᖅᓯᒃᐸᑦ.

ᒪᑐᐃᒃᑲᓐᓂᕐᕕᒋᓛᖅᑕᖕᒐ ᐅᓪᓗᖅ ᐅᖃᐅᓯᐅᓛᖅᑐᖅ ᓇᓗᓇᐃᖅᑕᐅᓚᐅᕐᓗᓂ.

ᓄᓇᓕᐸᐅᔭᒃᑯᑦ ᖁᔭᓕᔪᑦ ᓄᓇᖅᑲᑎᒌᑦ ᑐᑭᓯᐅᒪᓂᖕᒋᓐᓄᑦ ᓂᕆᐅᒋᔭᖃᖅᑐᑎᓪᓗ ᑐᖖᒐᓱᒃᑎᑦᑎᓛᕐᓂᖕᒋᓐᓂᒃ ᓄᓇᖅᑲᑎᒌᓂᒃ ᓯᐊᕐᕆᔮᕐᕕᒃ ᐱᐅᓯᒋᐊᖅᑎᑕᐅᓚᐅᖅᑎᓪᓗᒍ ᑕᖅᑭᓂ ᐊᒡᒋᖅᐸᓪᓕᐊᔪᓂ.

##

ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - ᕼᐋᐱ ᕚᓕ
ᒪᐃ 10, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᓇᒡᒐᔾᔭᐅ, ᒪᐃ 12 , ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᖏᕐᕋᓂ ᐆᒪᔪᖁᑎᓄᑦ ᓚᐃᓴᓕᕆᓂᖅ ᐊᒻᒪ ᖃᐅᔨᓴᒃᑲᓐᓂᐸᓐᓂᐊᓕᕐᓂᖏᑦ
ᒪᐃ 9, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐊᖏᕐᕋᓂ ᐆᒪᔪᖁᑎᓕᒫᑦ ᓚᐃᓴᖃᕆᐊᖃᕐᒪᑕ. ᐊᖏᕐᕋᓂ ᐆᒪᔪᖁᑎᓄᑦ ᓚᐃᓴᐃᑦ ᐊᑭᖃᖏᑦᑐᖅ ᐊᒻᒪ ᐊᑐᐃᓐᓇᐅᓯᐊᖅᑐᑎᒃ ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᐊᕐᓚᕝᕕᖓᓐᓂ (ᐃᓪᓗᒥ 1549 ᖃᖓᑕᓲᒃᑯᕕᓕᐊᕆᐊᑉ ᐃᓚᖓᓂ). ᓇᓗᓇᐃᕐᓯᒪᒋᐊᖃᖅᑐᓯ ᐊᖏᕐᕋᓐᓂ ᐆᒪᔪᖁᑎᒋᔭᐃᑦ ᐅᔭᒥᓯᒪᑎᒋᐊᖃᕋᕕᐅᒃ - ᑲᒪᔨᓄᑦ ᓇᓗᓇᐃᒃᑯᑎᐅᒻᒪᑕ ᑭᒃᑯᓐᓄᑦ ᐆᒪᔪᖁᑎᐅᒻᒪᖔᑕ ᕿᓚᒥᐅᔫᒥᔪᒃᑯᑦ ᐊᒻᒪ ᐊᑭᓕᕋᔭᖕᖑᐊᖅᑐᓂᒃ ᐊᑭᓖᔾᔭᐃᒃᑯᑎᐅᒍᓐᓇᕐᒪᑕ ᑎᒍᔭᐅᓐᓂᖅᐸᑕ ᒪᓕᑦᑐᒋᑦ ᑎᑎᕋᕐᓯᒪᔪᑦ ᓄᓇᓕᐸᐅᔭᒃᑯᑦ ᒪᓕᒐᕋᓛᖁᑎᖓᓐᓂ 924.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖄᖅᑎᑦᓯᔪᖃᓛᕐᓂᖓᓄᑦ ᓇᓗᓇᐃᕐᓯᔾᔪᑎ - ᐃᓄᐃᑦ ᓄᓇᖁᑎᖏᓐᓂ ᓴᓇᔪᖃᓕᖅᐸᑦ ᐱᓕᕆᐊᑦᓴᒥᒃ
ᒪᐃ 9, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᑯᐊ ᓴᓇᔨᐅᔪᑦ ᐱᓕᑕᒃᑯᑦ (Pilitak Enterprises Ltd.) ᖃᐅᑕᒫᖅ ᖄᖅᑎᑦᓯᕙᓐᓂᐊᕐᒪᑕᒎᖅ ᐃᓚᒋᔭᐅᔪᓂᒃ ᐃᓄᐃᑦ ᓄᓇᖁᑎᖏᓐᓂ ᓴᓇᔪᓄᑦ ᐱᓕᕆᐊᑦᓴᒧᑦ. ᖄᖅᑎᑦᓯᖃᑦᑕᓛᕐᓂᐊᖅᑐᑦ ᒪᐃ 12-ᒥᓂᒃ ᔪᓚᐃ 1-ᒧᓄᑦ, 2025, ᐃᖃᕐᕋᐃᑦ ᐊᑯᓐᓂᖏᓐᓂ ᐱᒋᐊᖅᐸᓪᓗᑎᒃ ᐅᓪᓛᒃᑯᑦ 7:30 ᐊᒻᒪ 5:30 ᐅᓐᓄᐸᓪᓕᐊᓕᖅᑎᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᐃᕕᖖᒍᐊᖅ ᐋᖅᑭᒃᓱᖅᑕᐅᓂᖕᒐ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖖᒍᐊᕐᕕᖕᒐᓂ (AWG) ᓯᐊᕐᕆᔮᕐᕕᖕᒐᓂ

ᒪᐃ 08, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᖅᑎᑦᑎᔪᒪᕗᑦ ᐃᖃᓗᖕᒥᐅᓂᒃ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖖᒍᐊᕐᕕᖕᒐᓂ ᓯᑯᖕᒐ ᐲᔭᖅᑕᐅᓯᒪᓕᕐᒪᑦ, ᐊᒻᒪᓗ ᐃᖅᑲᓇᐃᔭᖅᑏᑦ ᒫᓐᓇ ᐃᓕᐅᖅᑲᐃᕙᓪᓕᐊᔪᑦ ᐃᕕᖖᒍᐊᒥ ᐊᐅᔭᐅᓂᐊᖅᑐᒧᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - ᕼᐋᐱ ᕚᓕ
ᒪᐃ 6, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᖅ, ᒪᐃ 8, ᐱᒋᐊᕐᓗᑎᒃ ᐅᓐᓄᓴᒃᑯᑦ 1-ᒥᒃ 5-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑐᖅ - 101, 102, 103,
104, 105, 106, 107, 108, 109, 273
ᒪᐃ 6, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᒃ ᐅᔾᔨᕈᓲᑎ ᐃᒥᕐᒥᒃ ᑎᖅᑎᑎᑦᓯᒋᐊᖃᕐᓂᕐᒥᒃ ᐊᑐᕈᓐᓃᖅᑎᑕᐅᒻᒪᑦ ᐅᑯᓄᖓ: 101, 102, 103, 104, 105, 106, 107, 108, 109, 273.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:

ᐳᕆᐊᓇ ᓴᐃᒪᐃᔪᖅ-ᐸᐃᓐᔅ

ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ

ᓄᓇᓕᐸᐅᔭᐃᑦ ᐃᖃᓗᐃᑦ