ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒪᖃᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᕐᓂᐊᕐᒪᑕ ᐅᖃᐅᔾᔪᐃᔾᔪᑎ - 5074, 5076, 5078, 5080, 5082, 5084 ᐊᒻᒪᓗ 5100
ᒪᐃ 27, 2025 - ᐃᖃᓗᐃᑦ, ᓄᓇᕗᑦ

ᐅᖃᐅᔾᔭᐅᓕᕆᕗᓯ ᐃᒪᖃᖏᑲᐃᓐᓇᖅᑎᑕᐅᓂᐊᓴᔪᓂᒃ ᑎᓴᒻᒥᖅ, ᒪᐃ 29, ᐱᒋᐊᕐᓗᑎᒃ ᐅᓪᓗᒃᑯᑦ 9-ᒥᒃ 12-ᒧᓄᑦ ᓴᓇᔭᐅᒋᐊᓖᑦ ᓴᓇᔭᐅᑲᐃᓐᓇᓛᕐᒪᑕ ᒪᑭᒪᑎᑦᓯᔾᔪᑎᐅᔪᑦ ᐱᓕᕆᔾᔪᑎᓂᒃ.

ᐅᑯᐊ ᐃᒪᖃᖏᑲᐃᓐᓇᖅᑎᑕᐅᓛᖅᑐᑦ: 5074, 5076, 5078, 5080, 5082, 5084 ᐊᒻᒪᓗ 5100.

ᐃᒥᕐᒧᑦ ᐳᓪᓚᖓ ᐊᑦᓯᓪᓕᒐᐃᒻᒪᑦ, ᐊᖏᔪᖅᑳᖓᑦ ᑭᒃᑯᑐᐃᓐᓇᕐᓂᒃ ᐃᓗᓯᓕᕆᔨᒃᑯᑦ ᓄᓇᕘᒥ ᓴᖅᑮᕙᑦᑐᖅ ᐃᒥᕐᒥᒃ ᑎᖅᑎᑎᑦᓯᒋᐊᖃᖅᑐᖃᓕᕋᐃᒻᒪᑦ ᐅᖃᐅᔾᔪᐃᔾᔪᑎᒥᒃ. ᐅᓇ ᐃᒥᖃᖏᑲᐃᓐᓇᖅᑎᑕᐅᓂᐊᖅᑐᓂᒃ ᐃᕝᕕᒃ ᓇᔪᒐᖓᓂᒃ ᐊᑦᑐᐃᒍᓂ, ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᓯᒃ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓱᓕᓐᓂᖓ ᐃᓄᐃᑦ ᒪᒃᑯᑦᑐᑦ ᐳᐃᔾᔪᕋᕐᕕᒻᒧᑦ ᐃᓯᕈᑎᓄᑦ ᐱᓕᕆᐊᑦᓴᐅᑉ
ᒪᐃ 26, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖁᔭᓐᓇᒦᕈᒪᓪᓚᕆᑦᑐᑦ ᐅᑯᓂᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (QIA) ᑲᑐᔾᔨᖃᑎᒌᓐᓂᒃᑯᑦ ᐊᑐᐃᓐᓇᐅᑎᑦᓯᒍᓐᓇᓚᐅᕐᓂᖏᓐᓄᑦ ᐊᑭᖃᖏᑦᑐᓂᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᓂᒃ ᐃᓄᐃᑦ ᓱᕈᓯᖁᑎᖏᓐᓂᒃ ᐊᒻᒪ ᒪᒃᑯᑦᑐᓂᒃ ᐳᐃᔾᔪᕋᕐᕕᖃᕐᕕᒻᒦᑦᑐᒧᑦ ᐊᖅᑯᑎᖃᖅᑐᑎᒃ ᐃᓄᐃᑦ ᒪᒃᑯᑦᑐᐃᑦ ᐊᑐᕈᒪᓂᕐᒥᒃ ᑮᓇᐅᔭᖁᑎᐅᔪᓂᒃ.

ᓴᖅᑭᑕᐅᓚᐅᖅᑐᖅ ᒫᕐᓯ 17, 2025, ᐅᓇ ᐱᒋᐊᖅᑎᑕᐅᓚᐅᖅᑐᖅ ᐊᑐᐃᓐᓇᕈᐃᓯᒪᓚᐅᖅᑐᖅ 3,125-ᓂᒃ ᐊᑭᖃᖏᑦᑐᓂᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᖏᓐᓂᒃ ᐃᓄᐃᑦ ᓱᕈᓯᖁᑎᖏᓐᓄᑦ ᐊᒻᒪ ᒪᒃᑯᑦᑐᖁᑎᖏᓐᓄᑦ ᐊᕐᕌᒍᓕᓐᓂᒃ 0-ᓂᒃ 30-ᓄᑦ. ᐅᓪᓗᒥᒧᑦ, ᐃᓘᓐᓇᑦᓯᐊᑎᒃ ᐳᐃᔾᔪᕋᕐᕕᒻᒧᑦ ᐃᓯᕈᑎᑦᓴᐃᑦ ᐊᑭᖃᖏᑦᑐᑦ ᐱᔭᐅᓯᒪᓕᖅᑐᑦ, ᐊᒻᒪ ᐱᓕᕆᐊᑦᓴᖅ ᐃᓱᓕᓯᒪᓕᖅᑐᖅ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ – ᐃᓐᓇᐃᑦ ᖃᒻᒪᖅ – ᓯᕙᑖᕐᕕᒃ ᒪᐃ 31, 2025-ᒥ
ᒪᐃ 26, 2025 – ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖅ ᐃᖅᑲᐃᓯᔪᒪᔪᑦ ᐃᖃᓗᒻᒥᐅᑕᓂᒃ ᐃᓪᓗᒥᐅᑕᐃᑦ ᐊᑦᑕᓇᖅᑐᑦ ᐊᑦᑕᑯᐃᑦ ᐊᒡᔭᖅᑕᐅᔪᑦ ᓇᔪᕐᕕᖓ ᒪᑐᐃᕐᓂᐊᖅᑐᖅ ᓯᕙᑖᕐᕕᒃ ᒪᐃ 31, 2025, 10 ᐅᓪᓛᒃᑯᑦ 3−ᒧᑦ ᐅᓪᓗᒃᑯᑦ ᐃᓐᓇᐃᑦ ᖃᒻᒪᒃᑯᓐᓂ. ᑕᕝᕘᓇᓕ ᓄᓇᓕᕐᒥᐅᑕᐃᑦ ᐊᑦᑕᓇᖏᑐᒃᑯᑦ ᐃᒋᐅᒃᑲᐃᒍᓐᓇᖅᑎᑕᐅᕙᑦᑐᑦ ᐃᓪᓗᒥ ᐊᑐᒐᕐᓂᒃ ᐅᓗᕆᐊᓇᖅᑐᓂᒃ ᓴᓂᕐᓂᒃ, ᐊᒻᒪᑦᑕᐅᖅ ᐊᒥᐊᕈᑎᒥᓂᕐᓂᒃ ᑕᐅᕐᓰᖃᑎᒌᒍᓐᓇᖅᑎᑕᐅᕙᑦᑐᑎᒃ ᐊᓯᐊᑕ ᐊᒥᐊᕈᑎᒥᓂᖏᓐᓄᑦ.

ᐃᓄᖕᓄᑦ ᑐᓴᕋᑦᓴᖅ

ᓄᓇᓕᐸᐅᔭᒃᑯᑦ ᐅᖃᐅᑎᑦᓴᖏᑦ ᐱᓪᓗᒋᑦ ᐆᒪᔪᓂᒃ ᐊᐅᓚᑦᓯᔾᔪᑎᐅᔪᑦ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᑦ

ᒪᐃ 22, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᓇᓗᓇᐃᕐᓯᒪᑲᓐᓂᓕᕐᒥᔪᑦ ᐱᓕᕆᐊᖃᕈᒪᕙᓐᓂᖏᓐᓄᑦ ᓄᓇᓕᕐᒥᐅᑕᐃᑦ ᐊᑦᑕᓇᖅᑐᒦᖁᓇᒋᑦ ᐊᒻᒪ ᐃᑉᐱᒍᓱᑦᓯᐊᓂᒃᑯᑦ ᐆᒪᔪᖁᑎᖃᕐᓂᕐᒥᒃ ᑭᐅᔾᔪᑎᒋᓪᓗᒋᑦ ᐃᓱᒫᓘᑎᖃᖅᑐᑦ ᐊᒥᓱᕈᖅᐸᓪᓕᐊᑐᐃᓐᓇᓕᕐᓂᖏᓐᓄᑦ ᐱᔾᔪᑎᖃᖅᑐᑎᒃ ᑕᒫᓂᖅᑭᕙᑦᑐᓂᒃ ᐆᒪᔪᖁᑎᐅᔪᓂᒃ ᓄᓇᓕᑦᑎᓐᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑦᑕᓇᕐᑐᒦᖁᔨᓐᖏᒧᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - ᕼᐋᐱ ᕚᓕ

ᒪᐃ 22, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᒻᒥᐅᑕᓂᑦ ᐊᑦᑕᓇᖅᑐᒦᖁᔨᓐᖏᒧᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᐅᔭᒃᑯᑦ ᑲᑎᓐᖓᓂᐅᑲᐃᓐᓇᖅᑐᓄᑦ ᐊᑎᓕᐅᓂᕐᒧᑦ ᑐᑭᓯᒋᐊᕈᑏᑦ
ᒪᐃ 21, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᐃᑦ ᐅᖃᐅᔾᔨᒋᐊᕈᒪᔪᑦ ᓄᓇᓕᒻᒥᐅᑕᓂᑦ ᑖᓐᓇ ᖃᕋᓴᐅᔭᒃᑯᑦ ᐊᑎᓕᐅᕐᓂᖅ 2025 ᐊᐅᔭᒃᑯᑦ ᑲᑎᓐᖓᓂᐅᑲᐃᓐᓇᖅᑐᓄᑦ ᐊᕐᕌᒍᖓ ᒪᑐᐃᓛᖅᑐᖅ ᓇᒡᒐᔾᔭᐅ, ᒪᐃ 26 ᓯᕿᓐᖑᔭᖓ 1:00 ᐅᓐᓄᓴᒃᑯᑦ ᐊᒻᒪ ᒪᑐᓗᓂ ᑕᓪᓕᕐᒥᖅ, ᔫᓂ 6 ᓯᕿᓐᖑᔭᖓ 5:00 ᐅᓐᓄᓴᒃᑯᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᓚᖓ ᐊᑐᕆᐊᑉ ᒪᑐᔭᐅᓯᒪᔪᖅ - ᐅᒥᐊᖅ ᐊᑐᕆᐊᖅ
ᒪᐃ 20, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᖃᐅᔨᒪᖁᔨᓕᕆᕗᑦ ᐃᖃᓗᒻᒥᐅᑕᓂᒃ ᐃᓚᖓ ᐅᒥᐊᖅ ᐊᑐᕆᐊᑉ ᒪᑐᔭᐅᓯᒪᓂᖓᓂᒃ, ᒪᑐᔭᐅᓯᒪᓂᐊᖅᑐᖅ ᐱᒋᐊᕐᓗᑎᒃ ᒪᐃ 22-ᒥ ᐅᓪᓛᒃᑯᑦ 8-ᒨᖅᐸᑦ ᑎᓴᒻᒥᕐᒥ, ᐊᐃᑉᐱᕐᒧᑦ, ᒪᐃ 27-ᒧᑦ, 8-ᒧᓄᑦ ᐅᓪᓛᒃᑯᑦ.

ᐅᓇ ᒪᑐᓯᒪᓂᐅᓂᐊᖅᑐᖅ ᑳᓐᑐᕌᑎᒍᑦ ᐱᓕᕆᔨᐅᔪᑦ ᐱᓕᕆᔪᓐᓇᖁᓪᓗᒋᑦ ᓄᑖᕐᒥ ᐃᓪᓗᓕᐊᖑᔪᒥᒃ 158 ᐅᒥᐊᖅ ᐊᑐᕆᐊᕐᒦᑦᑐᒥᒃ. ᒪᑐᔭᐅᓯᒪᓂᖓᓂ ᐊᑐᕆᐊᑉ, ᐃᓚᐃᓐᓇᖓᒍᑦ ᐊᖅᑯᑎᖃᓛᕐᒪᑕ ᖃᐅᔨᒪᒋᐊᓖᑦ, ᐊᒻᒪ ᐊᑐᕆᐊᒃᑰᖅᑐᓄᑦ ᐊᐅᓚᑦᓯᔾᔪᑎᐅᔪᑦ ᐊᑐᖅᑕᐅᓛᖅᑐᑎᒃ ᑕᐅᓇᓂ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᑉᐱᒍᓱᑦᓯᐊᓂᕐᒥᒃ ᐊᖏᕐᕋᓂ ᐆᒪᔪᖁᑎᓂᒃ ᐊᒻᒪ ᓄᓇᓕᕐᒥᐅᑕᐃᑦ ᐊᑦᑕᓇᔾᔭᐃᕐᓯᒪᒋᐊᖃᕐᓂᖏᑦ
ᒪᐃ 20, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐃᖃᓗᓐᓂ ᒪᓕᒐᕋᓛᓕᕆᔨᖏᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᒃ ᐃᑉᐱᒍᓱᑦᓯᐊᓂᒃᑯᑦ ᐊᖏᕐᕋᒥ ᐆᒪᔪᖁᑎᖃᕐᓂᐅᔪᖅ ᐊᑑᑎᖃᖅᑐᒻᒪᕆᐅᒻᒪᑕ ᐊᑦᑕᓇᔾᔭᐃᕐᓯᒪᒋᐊᖃᕐᓂᒃᑯᑦ ᐊᒻᒪ ᖃᓄᐃᖕᖏᒋᐊᖃᕐᓂᖏᓐᓄᒃ ᓄᓇᓕᑦᑕ ᐃᓗᐊᓂᕐᒥᐅᑕᐃᑦ.

ᑭᐅᔾᔪᑎᐅᓗᑎᒃ ᐱᕐᕈᓗᐊᕿᓕᐅᒥᓯᒪᔪᓄᑦ ᐱᔾᔪᑎᐅᓗᑎᒃ ᑕᒫᓂᖅᑭᕙᑦᑐᑦ ᐆᒪᔪᐃᑦ, ᒪᓕᒐᕋᓛᓕᕆᔨᒃᑯᑦ ᖃᐅᔨᓴᕐᓂᕐᓴᐅᕙᓐᓂᐊᓕᖅᑐᑦ ᓄᓇᓕᐅᑉ ᐃᓗᐊᓂ. ᑲᒪᔨᐅᔪᑦ ᐱᓕᕆᐊᖃᖅᐸᑎᓪᓗᒋᑦᑕᐅᖅ, ᐱᕙᓪᓕᐅᑎᓂᖅᐹᖑᔪᖅ ᐆᒪᔪᐃᑦ ᐊᒥᓱᐃᑦ ᑕᒫᓂᖅᑭᓗᐊᖁᓇᒋᑦ ᐆᒪᔪᖁᑎᓕᐅᔪᑦ ᑭᓯᐊᓂᑦᑕᐅᖅ ᐱᓕᕆᖃᑕᐅᕙᓪᓗᑎᒃ ᑕᒪᓐᓇ ᐱᓪᓗᒍ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᑭᓈᓗᓐᓄᑦ ᓱᓪᓗᓖᑦ ᓴᓇᔭᐅᓂᖏᑦ – ᒪᐃ 21 ᑎᑭᑦᑐᒍ ᔫᓂ 27
ᒪᐃ 16, 2025 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᖅᑎᑦᑎᔪᒪᔪᑦ ᓄᓇᓕᒻᒥᐅᑕᓂᑦ ᑖᒃᑯᐊ ᑕᐅᕗ ᐋᑦᑎᒃ ᑎᒥᖓᑦ, ᑭᒡᒐᑐᖅᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ, ᑭᓈᓗᓐᓄᑦ ᓱᓪᓗᓕᖏᓐᓂ ᓴᓇᓂᐊᖅᑐᑎᑦ ᓄᓇᓕᒻᒥᑦ.

ᐃᖅᑲᓇᐃᔭᕐᓂᖃᓂᐊᖅᑐᑦ ᓴᓂᕌᓂ ᐊᑐᕆᐊᑦ ᐊᑯᓐᓂᖏᓐᓂ ᓱᓪᓗᓕᖏᓐᓄᑦ ᖃᐅᔨᒋᐊᕐᕕᖏᓐᓂ ᐊᒻᒪ ᐊᒻᒪᒧᒥ ᖃᐅᔨᓴᕐᕕᐅᔪᓂᑦ (AV/MH’s) ᐱᒋᐊᕐᓗᓂ ᒪᐃ 21 ᑎᑭᓪᓗᒍ ᔫᓂ 27, 2025. ᓄᓇᖑᐊᖅ ᑕᑯᔅᓴᐅᑎᑦᑎᔪᖅ ᓇᒦᓐᓂᖏᑦ ᐊᒻᒪ ᓂᕆᐅᒋᔭᐅᔪᑦ ᐅᓪᓗᖏᑦ ᐃᖅᑲᓇᐃᔭᕐᕕᐅᓂᐊᖅᑐᑦ ᐱᖃᓯᐅᑎᓯᒪᔪᖅ ᖃᐅᔨᒋᐊᕐᕕᐅᓗᓂ.

ᓂᕿᐅᓐᓂᖃᖏᑦᑐᒍᑦ ᐸᕕᓴᑦᑕᐅᓗᑎ ᐱᔨᑦᑎᖅᑕᐅᔪᑦ ᑕᒪᑐᒪᓂᐅᑎᓪᓗᒍ. ᑭᓯᐊᓂᓕ, ᓄᓇᓕᒻᒥᐅᑕᐃᑦ ᖃᐅᔨᒍᓐᓇᓂᐊᖅᑐᑦ ᓂᐱᖃᑲᐃᓐᓇᖅᑐᓂᑦ ᐅᕝᕙᓘᓐᓃᑦ ᖃᐳᐊᒐᓛᑦᑐᓂᑦ ᐃᓪᓗᖏᓐᓂ ᓱᓪᓗᓕᖏᓐᓂ.