ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑮᓇᐅᔭᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐊᓪᓚᕝᕕᖃᓕᖅᑐᑦ 1085 ᒥᕝᕕᒃ ᐊᑐᕆᐊᕐᒥ
 

ᕕᕝᕗᐊᕆ 23−ᒥᑦ, 2021, ᓄᓇᓕᐸᐅᔭᐃᑦ ᐃᖃᓗᐃᑦ ᑮᓇᐅᔭᓕᕆᓂᕐᒥᑦ ᐃᖅᑲᓇᐃᔭᖅᑎᖏᑦ ᐊᓪᓚᕝᕕᖃᕐᓂᐊᓕᖅᑐᑦ ᐊᒻᒪ ᐊᐅᓚᓗᑎᒃ 1085 ᒥᕝᕕᒃ ᐊᑐᕆᐊᕐᒥ.

ᐃᓘᓐᓇᑎᒃ ᓄᓇᓕᐸᐅᔭᐃᑦ ᓇᖕᒥᓂᖃᐅᑎᖏᑕ ᐊᐅᓚᑦᑎᔾᔪᑎᖏᑦ, ᐱᖃᓯᐅᔾᔭᐅᓗᑎᒃ ᓇᖕᒥᓂᖅ ᐊᑭᓖᒋᐊᖅᑐᖅᐸᓚᐅᖅᑐᑦ 901 ᓄᓇᕗᑦ ᐊᑐᕆᐊᕐᒧᑦ, ᐊᐅᓚᑕᐅᓂᐊᓕᖅᑐᑦ ᓄᑖᒥ ᓄᓇᓕᐸᐅᔭᐃᑦ ᐊᓪᓚᕝᕕᖓᓂ 1085 ᒥᕝᕕᒃ ᐊᑐᕆᐊᕐᒦᑦᑐᒥ.

ᐊᓪᓚᕝᕕᐅᔪᑦ ᐃᓪᓗᒥ 901 ᒪᑐᓯᒪᓕᖅᑐᑦ ᑭᒃᑯᑐᐃᓐᓇᕐᓄᑦ ᔪᓂᒧᓄᑦ 2021 ᐃᓗᐊᓃᑦᑐᑦ ᐊᓪᓚᕝᕖᑦ ᓴᓇᔭᐅᒋᐊᒃᑲᓐᓂᖁᓪᓗᒋᑦ ᐊᒻᒪ ᐃᓯᕐᕕᑦᓴᖏᑦ ᐋᖅᑭᒋᐊᖅᑕᐅᓗᑎᒃ. ᓄᓇᓕᕐᒥᐅᑕᐃᑦ ᓱᓕ ᐃᓯᕈᓐᓇᖅᑐᑦ ᐊᓐᓂᑭᑦᑐᓛᕐᕕᒻᒧᑦ ᒪᑐᖓᒍᑦ.

ᐊᑐᕆᐊᕐᒥᑦ ᒪᑐᓯᓯᒪᓂᐊᖅᑐᑦ ᐊᑦᓯᓂᕐᓴᒥ ᐃᖃᓗᐃᑦ ᓄᓇᓕᖓᓂ​

ᓄᓇᓕᕐᒥᐅᑕᐃᑦ ᖃᐅᔨᒪᖁᔭᐅᓕᕐᒥᔪᑦ ᐊᑐᕆᐊᕐᒥᑦ ᒪᑐᔭᐅᓯᒪᑲᐃᓐᓇᓂᐊᖅᑐᒥᑦ ᐃᖃᓗᐃᑦ ᐊᑦᓯᓂᕐᓴᖓᓂ ᓄᓇᓕᖓᑕ ᐱᒋᐊᕐᓗᑎᒃ ᐱᖓᑦᓯᖅ, ᕕᕝᕗᐊᕆ 24 ᒫᕐᓯ 3−ᒧᑦ, 2021 ᓴᓇᔭᐅᑲᐃᓐᓇᖁᓪᓗᒍ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑎᐅᔪᖅ.

ᓂᐱᓴ ᐊᑐᕆᐊᖅ ᐃᓪᓗᒥᑦ #140 ᐃᓪᓗᒧᑦ #117 ᒪᑐᓯᒪᑎᑕᐅᓂᐊᖅᑐᖅ ᓄᓇᒃᑰᔫᓄᑦ ᐃᓪᓗᑦᑐᑦ ᐊᑐᕆᐊᑦ.

ᓄᓇᒃᑰᔫᑦ ᓇᐅᒃᑯᕆᐊᖃᕐᒪᖔᑕ ᑎᑎᕋᕐᓯᒪᔪᓂᑦ ᐊᑐᓛᖅᑐᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕈᑎᒃ ᐊᒻᒪ ᖁᔭᓐᓇᒦᖅᑐᑎᒃ ᐃᓕᑦᓯᓐᓂᑦ ᑐᑭᓯᐊᑦᓯᐊᕋᑦᓯ ᓴᓇᒋᐊᓕᓐᓂᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓇ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᖃᓛᖅᑐᑦ ᖃᕋᑕᐅᔭᒃᑯᑦ ᐊᐃᑉᐱᕐᒥ ᒫᕐᓯ 9, 2021

ᐅᓇ ᓇᓗᓇᐃᕐᓯᔾᔪᑎ ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᐅᓛᖅᑐᒥᑦ ᓱᓇᓕᒫᓂᑦ ᐸᕐᓇᐅᑎ ᒪᓕᒐᕋᓛᖅ #898 ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᖅ #899. ᑭᒃᑯᑐᐃᓐᓇᐃᑦ ᐃᓱᒪᒋᔭᖏᓐᓂᑦ ᑐᓴᕋᓱᓐᓂᐅᓛᖅᑐᖅ ᓯᕗᓪᓕᐅᓛᖅᑐᖅ ᑲᑎᒪᔩᑦ ᑲᑎᒪᓂᖓᓂᑦ ᐊᐃᑉᐱᕐᒥ ᒫᕐᓯ 9, 2021, ᑐᓪᓕᐊᓂ ᐅᖃᓕᒫᖅᑕᐅᓛᖅᑐᑎᒃ ᑎᑎᕋᕐᓯᒪᔪᓂᑦ ᐊᓯᔾᔨᐅᑎᐅᔪᑦ ᒪᓕᒐᕋᓛᑦ.

ᐱᓕᕆᐊᑦᓴᓂᑦ ᐱᔭᕇᕈᑎᐅᓛᖅᑐᑦ ᑎᑎᕋᕐᓯᒪᔪᓂᑦ ᐊᓯᔾᔨᐅᑎᓂᑦ ᓱᓇᓕᒫᓂᑦ ᐸᕐᓇᐅᑎᐅᑉ 703 ᐊᒻᒪ ᓄᓇᖁᑎᓄᑦ ᑭᓪᓕᓕᐅᕈᑎ ᒪᓕᒐᕋᓛᑉ 704 ᑎᑎᕋᖅᑕᐅᑲᓐᓂᖁᓪᓗᒋᑦ ᐊᒻᒪ ᐊᓯᔾᔨᕐᓗᒋᑦ ᒪᓕᓐᓂᐊᖁᓪᓗᒋᑦ ᒪᓕᒐᑎᒍᑦ ᐊᓯᔾᔨᐅᑎᐅᓯᒪᔪᓂᑦ ᐊᒻᒪ ᓇᓗᓇᐃᔭᕐᓯᒪᓂᕐᓴᐅᖁᓪᓗᒋᑦ. ᐃᑲᔫᑎᑦᓴᓄᑦ ᐱᖃᓯᐅᑎᔪᑦᓴᑦ:

ᓄᓇᓕᐸᐅᔭᒃᑯᑦ ᕿᓂᖅᑐᑦ ᐃᓱᒪᒋᔭᐅᔪᓂᑦ ᐱᐅᓯᑎᒋᐊᕈᑎᑦᓴᐅᔪᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓕᕆᕗᑦ ᓄᓇᓕᕐᒥᐅᑕᐅᔪᓂᑦ ᐃᓱᒪᒋᔭᖏᓐᓂᑦ ᑐᓴᕐᕕᖃᕈᒪᓪᓗᑎᒃ ᐱᐅᓯᑎᒋᐊᕈᑎᐅᓛᖅᑐᓂᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ.

ᐱᐅᓯᑎᒋᐊᕈᑎᑦᓴᐃᑦ ᐃᓚᒋᔭᐅᔪᑦ ᐊᖏᓂᕐᓴᒧᑦ ᓂᐊᖁᖕᖒᑎᓂ ᐃᓗᕕᖃᕐᕕᒻᒥᑦ ᓴᓇᒋᐊᕐᓂᐅᔪᒥᑦ ᐱᓕᕆᐊᑦᓴᒧᑦ ᑲᒪᒋᔭᐅᖁᓪᓗᒋᑦ ᐃᓂᒋᔭᐅᔪᒥᑦ ᐱᔾᔪᑎᐅᔪᑦ ᐊᑦᑐᐊᓂᖃᖅᑐᑦ ᑰᓐᓂᖓᓄᑦ ᖃᓄᖅ ᐊᑲᐅᖏᓕᐅᕈᑎᐅᔪᓂᑦ, ᐃᓗᕖᑦ ᐃᓗᖏᑦ ᐃᒻᒪᖃᑦᑕᕐᓂᖏᓐᓂᑦ ᐊᒻᒪ ᓯᓚᐅᑉ ᐊᓯᔾᔨᐸᓪᓕᐊᓂᖓ ᐱᓪᓗᒍ ᐃᓕᑦᑑᑎᑦᓴᐅᔪᓐᓇᖅᑐᑦ.

ᓄᓇᓕᐸᐅᔭᒃᑯᑦ ᑐᑦᓯᕋᐅᑎᓕᐅᖁᔨᔪᑦ ᓴᓇᒍᒪᒐᔭᖅᑐᓂᑦ ᓴᓇᖕᖑᐊᒐᕐᒥᑦ​

ᓄᓇᓕᐸᐅᔭᐃᑦ ᐃᖃᓗᐃᑦ ᑐᑦᓯᕋᐅᑎᓕᐊᖑᓯᒪᔪᓂᑦ ᑐᖕᖓᓱᑦᑎᑦᑎᓕᕐᒥᔪᑦ ᖃᓄᖅ ᓴᓇᓯᒪᒐᔭᕐᓂᖓᓂᑦ ᐊᒻᒪ ᐋᖅᑭᑦᑕᐅᓗᓂ ᓴᓇᐅᒐᖅ ᑎᑎᖅᑐᒐᕐᓗᒍ ᐊᑭᓐᓇᕐᒥ ᐃᓗᐊᓂ ᑲᑎᒪᔩᑦ ᑲᑎᒪᕕᖏᓐᓂ ᓄᑖᒥ ᓄᓇᓕᐸᐅᔭᐃᑦ ᐊᓪᓚᕝᕕᑦᑖᕆᓚᐅᖅᑕᖏᓐᓂᑦ ᐃᓪᓗᒥ 1085. ᓄᓇᕗᒻᒥ ᓴᓇᖕᖑᐊᖅᑏᑦ ᑐᖕᖓᓱᑦᑐᑦ ᐊᒥᐊᕆᔨᐅᔪᑦ ᑎᑎᖅᑐᒐᕐᓂᒃ ᑐᑦᓯᕋᐅᑎᓕᐅᖁᓪᓗᒋᑦ.

ᑎᑎᖅᑐᒐᒃᑯᑦ ᑕᑯᑦᓴᐅᔪᒥᑦ ᐅᓂᒃᑳᓕᐅᕐᓯᒪᒍᒪᒐᒥᒃ ᐃᓂᖃᕐᓂᐊᖅᑐᒥᑦ ᐃᓗᐊᓂ ᑲᑎᒪᔩᑦ ᑲᑎᒪᕕᖏᓐᓂ, ᐃᓂᐅᔪᖅ ᑲᑎᒪᔨᓄᑦ ᐃᓚᒋᔭᐅᔪᑦ ᓯᕗᓂᓴᓕᐅᖅᐸᑦᑐᑦ ᐃᖃᓗᐃᑦ ᓯᕗᓂᑦᓴᖓᓂᑦ. ᓲᕐᓗ, ᑐᑦᓯᕋᐅᑎᓕᐊᖑᔪᖅ ᐱᑕᖃᕆᐊᓕᒃ ᓄᓇᓕᐸᐅᔭᐃᑦ ᐃᖃᓗᐃᑦ ᑕᑯᓐᓇᖕᖑᐊᒐᖓᓐᓂᑦ ᐊᒻᒪ ᑐᕌᒐᕆᔭᖏᓐᓂᑦ ᑕᒪᓐᓇ ᑎᑭᑕᐅᖁᓪᓗᒍ ᑕᑯᓐᓇᖅᑕᐅᔪᖅ ᐊᒻᒪ ᓇᓗᓇᐃᔭᐃᓯᒪᒍᓐᓇᓯᐊᕐᓗᑎᒃ ᖃᓄᐃᓕᖓᒐᔭᕐᒪᖔᖅ ᐱᔭᕇᖅᑕᐅᒍᓂ ᓴᓇᔭᐅᔪᑦᓴᖅ.