ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᕙᒡᔪᐊᕐᓇᖅ 19 ᐊᒻᒪᓗ ᐃᖃᓗᖕᓂ ᓄᓇᓕᐸᐅᔭᐃᑦ ᑐᓴᒐᒃᓴᖅ
ᐄᑉᐳᓗ 15, 2021 – ᐃᖃᓗᐃᑦ, ᓄᓇᕗᑦ
ᐃᖃᓗᖕᓂ ᓄᓇᓕᐸᐅᔭᒃᑯᑦ ᐱᓕᕆᖃᑎᖃᑦᑎᐊᖕᒋᓐᓇᖅᑐᑦ ᓄᓇᕗᑦ ᒐᕙᒪᖕᒐᑕ ᐋᓐᓂᐊᖃᕐᓇᖖᒋᑦᑐᓕᕆᔨᒃᑯᖕᒋᓐᓂᒃ ᓇᐅᑦᑎᖅᓱᖅᓯᔪᒪᓪᓗᑎᒃ ᑭᐅᕙᓪᓕᐊᔪᒪᓪᓗᑎᒡᓗ ᑭᐅᔭᕆᐊᖃᕌᖕᒐᒥᒃ ᓄᕙᒡᔪᐊᕐᓇᖅ 19-ᒧᑦ ᖃᓄᐃᓕᖕᒐᓂᕆᔭᐅᔪᒧᑦ. ᓄᕙᒡᔪᐊᕐᓇᖅ 19-ᑕᖃᓕᖅᑎᓪᓗᒍ ᐃᖃᓗᖕᓂ, ᐅᓪᓗᒥᐅᔪᖅ ᕿᑎᖅᑰᑦ ᐄᑉᐳᓗ 15, ᐊᑐᓪᓚᕆᒋᐊᖃᖖᒋᑦᑐᓕᒫᑦ ᓇᖕᒥᓂᕆᔭᐅᔪᑦ ᐱᔨᑦᑎᕋᕐᓂᕆᔭᐅᕙᒃᑐᓪᓗ ᒪᑐᓯᒪᓕᖅᑐᑦ. ᐃᒡᓘᑉ ᐃᓗᐊᓂ ᑲᑎᖖᒐᔪᑦ ᑭᒡᓕᖃᖅᑎᑕᐅᕗᑦ ᐃᒡᓗᒥᐅᖃᑎᒌᓄᑦ, ᐳᓛᖅᑐᖃᕆᐊᖃᖖᒋᑦᑐᖅ, ᑐᐊᕕᕐᓇᖅᑑᖖᒋᑐᐊᖅᐸᑦ. ᓯᓚᒥ ᑲᑎᓐᓂᖅ ᑭᒡᓕᖃᖅᑐᖅ ᑕᓪᓕᒪᓄᑦ ᐃᓄᖕᓄᑦ. ᐋᓐᓂᐊᖃᕐᓇᖖᒋᑦᑐᓕᕆᔨᒻᒪᕆᒃ ᒪᑐᐊᖅᓯᒪᔭᕆᐊᖃᓪᓚᕆᓐᓂᕋᐃᔪᖅ ᐃᖃᓗᖕᓂ. ᓇᓗᓇᐃᔭᖅᓯᒪᔪᓂᑦ ᑐᓴᐅᒪᔭᒃᓴᓂᑦ ᐋᓐᓂᐊᖅᑕᐃᓕᒪᔪᓕᕆᔨᒃᑯᓐᓃᖖᒑᖅᑐᓂᑦ ᐊᑐᐊᒐᓂᑦ ᖃᐅᔨᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕈᓐᓇᖅᑕᐃᑦ ᖃᕋᓴᐅᔭᒃᑯᑦ: https://www.gov.nu.ca/sites/default/files/public_health_measures_for_iqaluit_april_15_eng_updated.pdf.
ᓄᓇᓕᐸᐅᔭᒃᑯᑦ ᐱᔨᑦᑎᕋᖅᑎᖕᒋᑦ
ᓄᓇᓕᐸᐅᔭᒃᑯᑦ ᑎᑎᕋᕐᕕᓕᒫᖕᒋᑦ ᒪᑐᓯᒪᔪᑦ ᑭᒃᑯᑐᐃᓐᓇᕐᓄᑦ ᑐᓴᒃᑲᓐᓂᓚᐅᙱᓐᓂᖕᒋᓐᓂᑦ. ᑕᒪᕐᒥᑦᑎᐊᖅ ᐊᑭᓖᔭᖅᑐᕐᕖᑦ ᐱᔪᓐᓇᐅᑎᖃᖅᑎᑦᑎᓂᕐᒧᓪᓗ ᐱᔨᑦᑎᕋᕐᓂᕆᔭᐅᕙᒃᑐᑦ ᒪᑐᓯᒪᔪᑦ ᐅᖃᐅᓯᐅᒃᑲᓐᓂᓚᐅᖖᒋᓐᓂᖕᒋᓐᓂᑦ.
ᐱᔭᕆᐊᖃᓪᓚᕆᒃᑐᑦ ᐱᔨᑦᑎᕋᐅᑎᑦ ᐊᐅᓚᐃᓐᓇᕐᓂᐊᖅᑐᑦ. ᐃᓚᒋᓪᓗᒋᑦ ᐃᒥᖅᑕᖅᑕᐅᓂᖅ ᒥᓪᓗᐊᖅᑎᑕᐅᓂ, ᐊᑦᑕᖅᑕᐅᓂᖅ, ᐊᖅᑯᑎᓕᕆᓂᖅ, ᒪᓕᒐᕋᓛᓕᕆᔩᑦ ᐊᒻᒪᓗ ᖃᑦᑎᕆᔩᑦ ᑐᐊᕕᕐᓇᖅᑐᓕᕆᔩᓪᓗ ᐱᔨᑦᑎᕋᖅᑎᖕᒋᑦ.
ᑐᒃᓯᕋᕈᒪᓗᓂ ᓇᖕᒥᓂᖃᖅᑎᒧᑦ ᓚᐃᔭᓐᓯᒥᒃ ᑎᑎᖅᑲᒃᑯᕕᒃᑯᑦ ᐊᐅᓪᓚᖅᑎᑕᐅᖁᒍᕕᐅᒃ ᑎᑎᕋᕈᓐᓇᖅᑐᑎᑦ ᐃᑭᐊᖅᑭᕕᒃᑯᑦ ᔨᐊᕝ ᕙᐃᕆᓐᒧ G.Byrne@iqaluit.ca.
ᐅᖃᐅᓯᖃᕐᓗᓂ ᑐᐊᕕᕐᓇᖅᑐᒥᒃ ᓲᕐᓗ ᐃᒪᖃᐅᑏᑦ ᓱᓪᓗᓖᑦ ᑯᕕᑉᐸᑕ ᐅᕝᕙᓘᓐᓃᑦ ᑯᕕᔪᓐᓇᖖᒋᑦᑐᖃᖅᐸᑦ, ᕿᒻᒥᕐᒥᒃ ᐊᓯᐅᔪᖃᖅᐸᑦ, ᐅᕝᕙᓘᓐᓃᑦ ᐃᓱᒫᓗᒋᔭᐅᔪᖃᖅᐸᑦ ᒪᓕᒐᕋᓛᑦ ᒪᓕᒡᓗᒋᑦ, ᐅᖄᓚᔪᓐᓇᖅᐳᑎᑦ ᓄᓇᓕᐸᐅᔭᒃᑯᓐᓄᑦ ᖃᖕᒐᓕᒫᖅ 867 979 5650.
ᐱᖖᒍᐊᖅᑐᓕᕆᕝᕖᑦ
ᒪᒃᑯᒃᑐᒃᑯᕕᒃ, ᐃᓐᓇᐃᑦ ᖃᕐᒪᖕᒐᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᖖᒍᐊᕐᕖᑦ, ᑲᔾᔭᐅᓴᒡᕖᑦ, ᐊᒻᒪᓗ ᐊᓐᓂᑭᑦᑐᕐᕖᑦ ᒪᑐᓯᒪᔪᑦ ᑐᓴᒃᑲᓐᓂᓚᐅᖖᒋᓐᓂᖕᒋᓐᓂᒃ. ᖃᐅᔨᒋᐊᒃᑲᓐᓂᕈᒪᒍᕕᑦ ᐃᑭᐊᖅᑭᕕᒃᑯᑦ ᐅᕗᖕᒐ ᖃᐅᔨᒋᐊᕈᓐᓇᖅᑐᑎᑦ Recreation@iqaluit.ca ᓂᐱᓕᐅᕐᕖᑦ ᐅᖄᓚᐅᑎᒃᑯᑦ ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ ᐱᓇᓱᐊᕈᓯᑕᒫᑦ.
ᐳᐃᔾᔪᕋᕆᐊᕐᕕᒃ
ᐃᖃᓗᐃᑦ ᐳᐃᔾᔪᕋᕆᐊᕐᕕᖕᒐ ᒪᑐᓯᒪᔪᖅ ᑐᓴᒃᑲᓐᓂᓚᐅᖖᒋᓐᓂᖕᒋᓐᓂᒃ.
ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ ᐊᕐᕌᒍᑕᒫᑦ ᑕᖅᑭᑕᒫᓪᓗ ᐃᓯᕈᑎᓂᑦ, ᐅᖄᓚᔪᓐᓇᖅᑐᑎᑦ ᐱᔨᑦᑎᕋᖅᑎᒃᑯᓐᓄᑦ 867-975-8544 ᐅᕝᕙᓘᓐᓃᑦ ᑎᑎᕋᕐᓗᑎᑦ ᐃᑭᐊᖅᑭᕕᒃᑯᑦ aquaticcentre@iqaluit.ca ᓂᐱᓕᐅᕐᕖᑦ ᐅᖄᓚᐅᑎᒃᑯᑦ ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ ᐱᓇᓱᐊᕈᓯᑕᒫᑦ.
ᐃᖃᓗᖕᓂ ᓄᓇᓕᐸᐅᔭᒃᑯᑦ ᓄᕙᒡᔪᐊᕐᓇᖅ 19-ᒧᑦ ᓄᑖᖖᒍᕆᐊᖅᓯᒪᔪᓂᒃ ᓴᖅᑮᓛᖅᑐᑦ ᐊᐃᑉᐱᖅ ᐄᑉᐳᓗ 20, 2021-ᖕᒍᓕᖅᐸ.
ᖃᐅᔨᒋᐊᕈᒪᕈᕕᑦ ᑐᓴᖅᑎᑦᑎᔾᔪᑎᓂᑦ ᐱᑦᑕᐃᓕᑎᑦᑎᓂᕐᒧᑦ, ᐅᓇ ᓇᕿᓪᓗᒍ:
https://www.gov.nu.ca/health/information/covid-19-novel-coronavirus
ᓄᓇᕗᒻᒥ ᓄᕙᒡᔪᐊᕐᓇᖅ 19-ᒧᑦ ᐱᔾᔪᑕᐅᔪᓄᑦ ᓄᑖᖖᒍᕆᐊᖅᓯᒪᔪᑦ:
https://www.gov.nu.ca/health/information/covid-19-novel-coronavirus
ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᒋᐊᓕᒃ ᐃᖃᓗᖕᓂ ᐱᒋᐊᕐᓗᓂ ᐄᑉᐳᓗ 15, 2021:
https://www.gov.nu.ca/sites/default/files/public_health_measures_for_iqaluit_april_15_eng_updated.pdf
ᑐᑭᓯᒋᐊᕈᒪᔪᑦ ᐆᕕᖓ ᖃᐅᔨᒋᐊᖁᔪᑦ:
ᓖᓴ ᒥᓗᓵᕝᔨᕕᒃ
ᑐᓴᐅᒪᑎᑦᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᕐᓂᒥᑦ ᐊᐅᓚᑦᑎᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-979-5607
