ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᓇᖕᒥᓂᖃᐅᑎᓂᑦ ᓚᐃᓴᓂᑦ ᐊᐃᑦᓯᕐᓂᖅ

ᓄᓇᓕᐊᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᓕᕐᒥᔪᑦ ᓇᖕᒥᓂᖃᖅᑎᓂᑦ ᓄᑖᖑᕐᓯᒪᔪᑦ ᓇᖕᒥᓂᖃᐅᑏᑦ ᓚᐃᓴᐃᑦ ᐊᑐᐃᓐᓇᐅᓕᕐᒪᑕ ᓄᑖᒥ ᓄᓇᓕᐸᐅᔭᒃᑯᑦ ᐊᓪᓚᕝᕕᖃᕐᕕᒋᓕᖅᑕᖓᓂ 1085 ᒥᕝᕕᒃ ᐊᑐᕆᐊᕐᒥ.

ᓇᖕᒥᓂᖃᐅᑏᑦ ᓚᐃᓴᐃᑦ ᐊᑐᐃᓐᓇᕈᖅᐸᓪᓕᐊᓂᖏᓐᓂ, ᖃᕋᑕᐅᔭᒃᑯᑦ ᑎᑎᖅᑲᐅᓯᐊᖃᑦᑕᓂᐊᖅᑐᑦ ᓚᐃᓴᓖᑦ ᐊᐃᑦᓯᕈᓐᓇᓕᕋᐃᒍᑎᒃ. ᓄᓇᓕᐸᐅᔭᒃᑯᑦ ᐊᐱᕆᑦᑎᐊᖅᑐᑦ ᓚᐃᓴᑖᕆᐊᓕᓐᓂᑦ ᖃᐃᖃᑦᑕᖏᑲᐃᓐᓇᖁᓪᓗᒋᑦ ᓄᓇᓕᐸᐅᔭᐃᑦ ᐊᓪᓚᕝᕕᖏᓐᓄᑦ ᓯᕗᓂᐊᒍᑦ ᑐᓴᖅᑎᑕᐅᓚᐅᖏᓂᕐᒥᓂ ᐊᑐᐃᓐᓇᐅᓕᕐᓂᖏᓐᓂᑦ ᓚᐃᓴᖏᑦ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐃᖅᑲᓇᐃᔭᕐᓇᐅᑎᓪᓗᒍ ᐃᑲᕐᕋᕐᕋᖏᓐᓂ ᖃᐅᔨᒋᐊᕐᕕᑦᓴᖅ ᐅᕗᖓ:

ᔭᕗᕆ ᐴᕐᓐ
ᑮᓇᐅᔭᓕᐅᕋᓱᐊᕈᑎᓕᕆᓂᕐᒥᑦ ᐱᕙᓪᓕᐊᔪᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
G.Byrne@iqaluit.ca
867-979-5619

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐊᑦᓯᓂᕐᓴᖅ ᐃᖃᓗᐃᑦ

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᓈᑦᓯᐅᖑᔭᓛᕐᓂᐊᖅ, ᕕᕝᕗᐊᕆ
13, 2021 ᐱᒋᐊᕐᓗᑎᒃ ᐅᓪᓛᒃᑯᑦ 10:00−ᒥ 5:00−ᒧᓄᑦ ᐅᓪᓗᒃᑯᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: ᐊᑦᓯᓂᕐᓴᖅ ᐃᖃᓗᐃᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐊᒻᒪ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔭᐅᓂᐊᖅᑐᑦ ᐊᑦᓯᓂᕐᓴᖅ ᐃᖃᓗᐃᑦ

ᖃᐅᔨᒪᓂᐊᖅᑯᓯ ᐃᒥᖃᖕᖏᑲᐃᓐᓇᓂᐊᕐᒪᑕ ᓄᓇᓕᐅᑉ ᕿᒥᐊᓂᕐᒥᐅᑕᐃᑦ ᑕᓪᓕᕐᒥᖅ, ᕕᕝᕗᐊᕆ
12, 2021 ᐱᒋᐊᕐᓗᑎᒃ ᐅᓪᓛᒃᑯᑦ 1:00−ᒥ 5:00−ᒧᓄᑦ ᐅᓪᓗᒃᑯᑦ ᓴᓇᔭᐅᑲᐃᓐᓇᓂᐊᕐᒪᑦ ᐃᒥᓕᕆᔾᔪᑎᐅᔪᖅ.

ᐃᒪᖃᖕᖏᑲᐃᓐᓇᓂᐊᖅᑐᑦ ᐅᑯᐊ: ᐊᑦᓯᓂᕐᓴᖅ ᐃᖃᓗᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑖᒃᑯᓄᖓᑦᑕᐃᓐᓇᖅ ᐃᒥᕐᒥᒃ ᑎᖅᑎᑎᑦᑎᖃᑦᑕᖁᔨᓂᐊᖅᑐᑦ.

ᑕᒪᓐᓇ ᐅᔾᔨᕈᓱᒋᐊᖁᔨᔾᔪᑎᐅᔪᖅ ᐊᑐᖅᑕᐅᖁᔭᐅᔪᖅ ᐱᔾᔪᑎᒋᓪᓗᒍ ᓄᖅᑲᖅᑎᑕᐅᑲᐃᓐᓇᕐᓂ ᐃᒥᐅᑉ ᐊᐅᓚᓂᖓ ᓴᓇᔭᐅᓂᖓᓂ ᐃᒥᓕᕆᔾᔪᑎᐅᔪᖅ.

ᓯᑎᒃᑯᑦ ᐃᖅᑲᐃᑎᑦᑎᒍᒪᒻᒥᔪᑦ ᐃᒥᕐᒥᒃ ᐃᒥᕐᓂᐊᖅᑐᑦ ᐊᒻᒪ ᑭᒍᑎᓯᐅᓕᕈᑎᒃ ᐊᑐᕐᓂᐊᖅᑕᒥᓂᒃ ᑎᖅᑎᑎᑦᑎᒋᐊᖃᕐᒪᑕ ᐅᐊ ᒪᓇᒥᑦ ᑐᖔᓂᐅᖕᖏᑦᑐᖅ. ᐃᒥᕐᒥᒃ ᐃᒐᐅᑉ ᖄᖓᓂ ᑎᖅᑎᑎᑦᑎᒍᓐᓇᕐᒥᔪᓯ, ᓂᓪᓕᓚᐅᖅᑎᓪᓗᒍ ᓴᓂᕐᕙᑦᓯᒪᒍᓐᓇᖅᑐᑦ ᒪᑐᓕᒻᒥᑦ ᐅᕝᕙᓘᓐᓃᑦ ᓂᓪᓕᓇᖅᑐᒃᑯᕕᒻᒦᑎᓪᓗᒍ ᐊᑐᓚᐅᖏᓐᓂᖓᓂ.

ᓄᓇᓕᐸᐅᔭᐃᑦ ᐃᖃᓗᐃᑦ ᓅᓐᓂᐅᓴᓕᖅᑐᑦ ᓄᑖᒧᑦ ᓄᓇᓕᐸᐅᔭᐃᑦ ᐊᓪᓚᕝᕕᖃᕐᕕᒻᒧᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᓪᓚᕆᑦᑐᑎᒃ ᑐᓴᖅᑎᑦᑎᒍᒪᓕᕆᕗᑦ ᓄᓇᓕᐸᐅᔭᐃᑦ ᐊᓪᓚᕝᕕᖏᑦ ᐊᒻᒪ ᑲᑎᒪᔩᑦ ᑲᑎᒪᕕᖏᑦ ᓅᑦᑎᕐᓂᐅᓴᓕᕐᒪᑕ ᓄᑖᒧᑦ ᓄᓇᓕᐸᐅᔭᐃᑦ ᐊᓪᓚᕝᕕᖃᕐᕕᖓᓄᑦ.

ᐊᓪᓚᕝᕖᑦ ᒫᓐᓇᐅᔪᖅ ᐃᓂᖃᖅᑐᑦ 901 ᓄᓇᕗᑦ ᐊᑐᕆᐊᕐᒥ ᓄᑦᑎᕐᓂᐅᓴᔪᑦ 1085 ᒥᕝᕕᒃ ᐊᑐᕆᐊᕐᒧᑦ. ᓄᑦᑎᕐᓂᐅᓴᔪᑦ ᐃᓛᒃᑰᑕᕐᓗᑎᒃ ᑕᖅᑭᖓᓂ ᕕᕝᕗᐊᕆ. ᐃᖅᑲᓇᐃᔭᖅᑏᑦ ᓄᑦᑎᑦᑎᐊᖁᓪᓗᒋᑦ, ᓄᓇᓕᐸᐅᔭᒃᑯᑦ ᐊᓪᓚᕝᕕᖏᑦ ᐅᐸᒐᑦᓴᐅᔾᔮᖏᑲᐃᓐᓇᖅᑐᑦ ᕿᓚᒥᕈᓘᒐᓗᐊᖅ. ᑕᐃᒪᐃᓕᖓᓂᖏᓐᓂ, ᑭᒃᑯᑐᐃᓐᓇᕐᓄᑦ ᑐᓴᖅᑎᑦᑎᓛᖅᑐᑦ ᓄᓇᓕᕐᒥᐅᑕᓂᑦ.

ᓄᑖᖅ ᐊᓪᓚᕕᑦᓴᖅ ᒫᓐᓇᓂᓴᐅᓂᕐᓴᓂᑦ ᐃᖅᑲᓇᐃᔭᐅᑎᖃᓛᖅᑐᖅ ᑕᓪᓕᒪᓄᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓂ ᐃᖅᑲᓇᐃᔭᕐᕕᖏᓐᓄᑦ ᐱᖃᓯᐅᔾᔭᐅᓗᑎᒃ ᐸᐃᑉᐹᓕᕆᔩᑦ, ᑮᓇᐅᔭᓕᕆᔩᑦ, ᑯᐊᐳᕇᓴᐅᑉ ᐱᔨᑦᓯᕋᖅᑎᖏᑦ, ᐃᖅᑲᓇᐃᔭᖅᑎᓕᕆᔨᒃᑯᑦ ᐊᒻᒪ ᑮᓇᐅᔭᓕᐅᕋᓱᐊᕈᑎᓂᑦ ᐱᕙᓪᓕᐊᔪᓕᕆᔨᒃᑯᑦ.