ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐊᓯᔾᔨᐊᕐᔪᒃᑐᖅ - ᐃᒥᖅᑕᐅᑎᓄᑦ ᐱᔨᑦᑎᕋᐅᑎ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒃᑲᐃᔪᒪᔪᑦ ᐃᒥᖅᑕᖅᑕᐅᕙᒃᑐᑦ ᐊᓯᔾᔨᑲᐃᓐᓇᕐᒪᑕ ᐱᔨᑦᑎᕋᐅᑎᖕᒋᑦ, ᑰᖕᒥ ᐃᒥᖅᑕᖃᑦᑕᖅᑎᓪᓗᒋᑦ.

ᐅᖃᐅᓯᐅᒃᑲᓐᓂᓚᐅᖖᒋᓐᓂᖕᒐᓂ, ᐱᖕᒐᓱᑦ ᐃᒥᖅᑕᐅᑎᑦ ᐱᔨᑦᑎᕋᖅᐸᒃᑐᑦ ᐱᒋᐊᖃᑦᑕᕐᓂᐊᖅᑐᑦ ᓂᐊᖁᖖᒎᒥ, ᐃᖃᓗᓐᓅᖅᐸᓪᓕᐊᓗᑎᑦ. ᑕᐃᒫᒃ ᐊᓯᔾᔨᕐᓗᒍ ᓱᒃᑲᓕᓂᖅᓴᐅᓂᐊᖅᑐᑦ ᐱᔨᑦᑎᕋᖅᑕᐅᓂᖅ.

ᐱᒋᐊᕐᓗᓂ ᐅᓪᓛᒃᑯᑦ 8:00-ᒥ, ᐅᕝᕙ ᒪᓕᒃᑕᐅᓂᐊᖅᑐᑦ ᐱᔨᑦᑎᕋᖅᑎᓪᓗᒋᑦ ᖃᐅᑕᒫᑦ:

1) ᓂᐊᖁᖖᒎ
2) 2600s
3) 2500s
4) 2400s
5) ᕼᐋᐱ ᕚᓕ
6) 100s/200s
7) 700s
8) 400s
9) 900s
10) 1800s
11) 1400s
12) 1300s
13) 1000s
14) ᐅᐊᔅ 40

ᑐᓴᒐᒃᓴᖅ

ᓄᓇᓕᖕᒥᐅᑦ ᑎᓕᐅᖅᑕᐅᔪᑦ ᖁᐊᖅᓯᒪᔪᒥᑦ ᑕᓯᕐᒦᖁᔭᐅᓇᑎᒃ 
ᐊᒃᑑᕙ 17, 2021 - ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᒃᑯᑦ ᓄᓇᓕᖕᒥᐅᓂᑦ ᖃᐅᔨᒪᖁᔨᔪᑦ ᑕᓰᑦ ᐊᑦᑕᕐᓇᕐᒪᑕ ᓱᓕ ᓵᓗᐊᕐᒪᑕ.

ᓄᓇᓕᖕᒥᐅᑦ ᐊᑦᑕᕐᓇᖅᑐᒦᑦᑕᐃᓕᒪᖁᔭᐅᔪᑦ ᐃᓚᖕᒋᓪᓗ ᐱᖖᒍᐊᕐᕕᐅᑲᑕᖁᔭᐅᓇᑎᒃ ᑕᓰᑦ, ᐱᓱᒡᕕᐅᖁᔭᐅᓇᑎᒃ, ᖃᒧᑕᐅᔭᕐᕕᐅᖁᔭᐅᓇᑎᒃ ᐊᒻᒪᓗ ᓯᐊᕐᕆᔮᕐᕕᐅᖁᔭᐅᓇᑎᒃ ᓯᑯᑦᑎᐊᓚᐅᖖᒋᓐᓂᖕᒋᓐᓂᑦ.

ᑐᓴᒐᒃᓴᖅ

ᓄᓇᓕᐸᐅᔭᒃᑯᑦ ᑯᕕᑎᑦᑎᔾᔪᑎᖕᒋᑦ ᐃᒪᖃᖅᑎᑦᑎᔾᔪᑎᖕᒋᓪᓗ
ᐊᒃᑑᕙ 16, 2021 - ᐃᖃᓗᐃᑦ, ᓄᓇᕗᑦ

ᐃᖃᓗᐃᑦ ᓄᓇᓕᐸᐅᔭᖕᒐ ᑐᓴᐅᒪᖁᓯᕗᑦ ᓄᓇᓕᖕᒥᐅᓂᑦ ᐃᒥᖅ ᑯᕕᑎᑕᐅᕙᓪᓕᐊᒻᒪᑦ.

ᓄᓇᓕᖕᒥᐅ ᓇᐃᒪᖃᑦᑕᕐᓂᐊᖅᑐᑦ ᓱᓕ ᐃᒪᖅ ᐅᖅᓱᐊᓗᒃᓱᖕᓂᓐᓂᖕᒐᓂᒃ ᓇᒡᒐᔾᔭᐅᖖᒍᕋᓱᐊᕐᓂᖕᒐᓂᒃ ᐅᓐᓄᓴᒃᑯᑦ. ᐃᓚᖕᒋᑦ ᑎᐱᒃᑭᐅᓂᖅᓴᐅᑐᐃᓐᓇᕆᐊᓖᑦ - ᑕᒪᓐᓇ ᓂᕆᐅᒋᔭᐅᔪᖅ ᑯᕕᕙᓪᓕᐊᑎᓪᓗᒍ. 

ᑐᓴᖅᑎᑕᐅᒃᑲᓐᓂᓛᖅᑐᓯ ᓇᒡᒐᔾᔭᐅᖕᒍᓕᖅᐸᑦ ᑯᕕᑎᑦᑎᓂᐅᑉ ᒥᒃᓵᓄᑦ.

##

ᑐᑭᓯᒋᐊᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᓇᐅᑎᓪᓗᒍ, ᐅᕝᕙ ᖃᐅᔨᒋᐊᕐᕕᒃᓴᖅ:

ᔭᕝ ᐴᕐᓐ

ᑐᓴᒐᒃᓴᖅ

ᐃᒥᖅᑕᐅᔪᓐᓇᖅᑐᒥᒃ ᑐᓴᒐᒃᓴᖅ

ᐊᒃᑑᕙ 15, 2021 - ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᐱᕙᓪᓕᐊᓯᒪᔪᕗᑦ ᖃᐅᔨᓴᖅᐸᓪᓕᐊᓪᓗᑎᒃ ᑎᐱᖕᒐᓂ ᐃᒥᐅᑉ.

ᑎᐱᓕᒃ ᓇᓂᓴᐅᔪᖅ ᐃᒥᕐᒧᑦ ᓴᓗᒻᒪᖅᓯᕕᐅᑉ ᐊᑖᓂ. ᐃᒥᐅᑉ ᖃᐅᔨᓴᖅᑕᐅᔾᔪᑎᖕᒐ ᐊᔾᔨᒌᖖᒋᑦᑐᓂᑦ ᐅᖅᓱᐊᓗᕈᔪᒃᑕᓕᒃ ᓄᐊᑕᐅᓂᑯ ᖃᑦᑕᕐᒥ. ᓄᓇᓕᐸᐅᔭᒃᑯᑦ ᖃᐅᔨᔪᓐᓇᓚᐅᖅᑐᑦ ᓇᓕᐊᓐᓂᒃ ᖃᑦᑕᕐᒦᖖᒑᖅᑐᒥ. ᐃᒪᖅ ᐱᐅᖖᒋᑦᑐᖅ ᒥᓪᓗᐊᖅᑎᑕᐅᔪᖅ ᒥᓪᓗᐊᕈᑎᒧᑦ ᐊᒻᒪᓗ ᓴᓗᒻᒪᖅᑕᐅᓂᐊᕐᒪ. ᐃᒪᖃᕈᓐᓃᖅᑎᑕᐅᑉᐸᑦ ᐃᒥᕐᒧᑦ ᓴᓗᒻᒪᖅᓴᐃᕕᒃ, ᖃᐅᔨᓴᖅᑕᐅᓂᐊᖅᑐᖅ ᖃᓄᖅ ᖃᑦᑕᕐᒨᕐᓂᕐᒪᖕᒑᖅ. ᖃᐅᔨᓴᖅᑕᐅᒃᑲᓐᓂᕐᓂᐊᖅᑐᖅ. ᖃᐅᔨᒪᔭᐅᔭᕆᐊᓕᒃ ᐃᒪᐅᑉ ᐱᐅᓂᖕᒐᓂᒃ ᖃᐅᔨᓴᕐᓂᖅ ᓴᓗᒻᒪᖅᓴᖅᓯᒪᔪᒥᒃ ᐃᒥᖅᑕᕐᕕᖕᒥ, ᐃᒥᕐᒧᑦ ᓴᓗᒻᒪᖅᓴᐃᕕᖕᒦᑦᑐᖅ, ᑕᑯᒃᓴᐅᑎᑕᐅᔪᑦ ᓇᓃᓐᓂᖕᒋᑦ ᖃᓄᐃᖖᒋᑦᑎᐊᕐᓂᕐᒧᑦ ᐃᓱᓕᑦᑕᕐᕕᓕᖕᓂ.      

ᐃᒥᖅᑕᐅᔪᓐᓇᖅᑐᒥᑦ ᐃᒥᓕᕆᔪᖅ ᑐᓴᕋᑦᓴᖅ − ᐃᒥᖅᑕᐅᔪᓐᓇᖅᑐᒥ ᐊᑐᐃᓐᓇᖃᓛᖅᑐᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖅᑕᐅᔪᓐᓇᖅᑐᒥᑦ ᐴᕐᓯᒪᔪᓂᑦ ᐃᒥᕐᒥᒃ ᐊᑐᐃᓐᓇᖃᓛᖅᑐᑦ ᓄᓇᓕᕐᒥᐅᑕᓄᑦ ᓈᑦᓯᐅᖑᔭᓛᕐᓂᐊᒥ, ᐋᑦᑑᐸ 16 ᐊᒻᒪ ᓈᑦᓯᐅᖑᔭᒥ, ᐋᑦᑑᐸ 17 ᐅᑯᓇᓂ:

- ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓗᒻᒥ ᐅᓐᓄᓴᒃᑯᑦ 1-ᒥᑦ 3-ᒧᑦ ᐃᒥᖅ ᓄᖑᒐᓱᓐᓂᖏᓐᓂ
- ᓇᑲᓱᒃ ᐃᓕᓐᓂᐊᕐᕕᐅᑉ ᓄᓇᓯᐅᑎᓄᑦ ᓄᖅᑲᖓᕕᖓᓂ ᐅᓐᓄᓴᒃᑯᑦ 1-ᒥᑦ 3-ᒧᑦ ᐃᒥᖅ ᓄᖑᒐᓱᓐᓂᖏᓐᓂ

ᓄᓇᓕᕐᒥᐅᑕᐃᑦ ᐱᑎᑕᐅᖃᑦᑕᓂᐊᖅᑐᑦ ᐊᑐᓂ ᐊᖏᕐᕋᒧᑦ ᐊᑕᐅᓯᕐᒧᑦ ᑎᓴᒪᓂᒃ ᐃᒥᒃᑯᕕᓐᓂᒃ 4 ᓖᑕᓕᓐᓂᑦ. ᑕᒪᒃᑯᐊ ᐴᑦᓴᐃᑦ ᐊᑐᒃᑲᓐᓂᕋᑦᓴᐅᒻᒪᑕ ᐊᒻᒪ ᓄᓇᓕᕐᒥᐅᑕᓄᑦ ᐊᑐᖅᑕᐅᑲᐃᓐᓂᖁᓂᐊᖅᑕᕋᓗᐊᕗᑦ ᐊᒻᒪ ᓯᕗᓂᑦᑎᓐᓂ ᐊᑐᖅᑕᐅᑲᓐᓂᓛᕈᓐᓇᕐᒥᒻᒪᑕ ᐊᑐᕆᐊᖃᓕᕐᒥᑉᐸᑕ. ᐊᑏ ᐅᔾᔨᕈᓱᔾᔫᒥᕙᓪᓗᓯ ᐊᕙᑎᑦᓯᓐᓂᑦ ᐃᒥᖅᑕᕐᓯᒪᓕᕋᐃᒍᑦᓯ ᓯᓚᒥᒃ. ᐃᒥᖅ ᐃᒥᖅᑕᐅᓂᐊᕐᓗᓂ ᑭᓯᐊᓂ ᐊᑐᖅᑕᐅᖁᔭᕋᓗᐊᕗᑦ.

ᖃᐅᔨᓴᐅᑎᐅᓚᐅᖅᑐᑦ ᖃᓄᐃᒍᑎᒥᓂᖏᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖓ ᐱᓪᓗᒍ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᑐᐊᕕᕐᓇᖅᑐᒃᑯᑦ ᐱᕙᓪᓕᐊᔪᓕᕆᔨᓂᑦ ᑐᓴᖅᑎᑦᑎᓂᐊᕐᒪᑕ ᐅᓪᓗᒥ ᖃᐅᔨᓴᖅᑕᐅᕋᑖᓚᐅᖅᑐᓂᑦ ᐃᒥᕐᒥᒃ ᐱᔾᔪᑎᖃᕐᓗᑎᒃ.

ᐱᕙᓪᓕᐊᔪᓕᕆᔨᓂᑦ ᑐᓴᖅᑎᑦᓯᓂᐅᓂᐊᖅᑐᖅ ᐅᓪᓗᒥ 5-ᒨᖅᐸᑦ ᑲᓇᓐᓇᐅᑉ ᓯᕿᖕᖑᔭᖓ ᒪᓕᓪᓗᒍ.

ᐱᕙᓪᓕᐊᔪᓕᕆᔨᓂᑦ ᑐᓴᖅᑎᑦᑎᓂᐊᖅᑐᑦ ᓄᓇᓕᐸᐅᔭᐃᑦ ᑲᑎᒪᔨᖏᑕ ᑲᑎᒪᕕᖏᓐᓂ

ᓄᓇᓕᓐᓂ ᐱᕙᓪᓕᐊᔪᓕᕆᔨᐅᔪᑦ ᐅᐸᓗᖓᐃᔭᐃᒋᐊᓖᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᓐᓄᑦ ᐅᐸᒍᒪᒍᑎᒃ ᑐᓴᖅᑎᑦᑎᓂᐅᓂᐊᖅᑐᒧᑦ ᐃᓂᖃᑦᑎᐊᔾᔮᖏᒻᒪᑕ ᐃᓘᓐᓇᑎᒃ. ᖃᐃᖅᑳᑐᐃᓐᓇᖅᑐᑦ ᐃᓯᖅᑎᑕᐅᓂᐊᖅᑐᑦ. ᐃᓘᓐᓇᑎᒃ ᐅᐸᓐᓂᐊᖅᑐᑦ ᑲᑎᒪᔩᑦ ᑲᑎᒪᕕᖏᓐᓄᑦ

ᓇᓗᓇᐃᕈᓐᓇᕆᐊᖃᕐᓂᐊᖅᑐᑦ ᒪᕐᕈᐊᑎᖅᑐᑎᒃ ᑲᐱᔭᐅᓯᒪᓂᖏᓐᓂᑦ ᐋᓐᓂᐊᔭᐃᒃᑯᑎᒧᑦ ᑰᕕᑦᒥᑦ, ᐊᒻᒪ ᑮᓇᖏᑦ ᒪᑐᐊᕐᓯᒪᒋᐊᖃᕐᓂᐊᕆᓪᓗᑎᒃ ᖃᐅᑕᒫᑦ.

ᐃᒥᕐᒥᒃ ᓱᓕ ᐃᖃᓗᓐᓅᕆᒃᑲᓂᕐᓂᐊᖅᑐᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᓱᓕ ᐃᖃᓗᓐᓄᑦ ᑎᑭᑎᑦᓯᑲᓐᓂᓂᐊᕐᒪᑕ ᐅᓐᓄᓴ.

ᒐᕙᒪᒃᑯᑦ ᓄᓇᕗᒻᒥ ᑎᑭᑎᑦᓯᓂᐅᓴᔪᑦ 89,000 ᓖᑕᓂᑦ ᐃᒥᕐᒥᒃ ᐅᓪᓗᒥ ᑎᑭᑎᑕᐅᓂᐅᓴᔪᓂᑦ ᐊᑕᐅᓯᐊᖏᓪᓗᑎᒃ. ᐱᓇᓱᐊᕈᓯᐅᓛᖅᑐᒥ ᑎᑭᑎᑦᓯᑲᓐᓂᓛᕐᓂᐊᖅᑐᑦ 42,000 ᓖᑕᓂᑦ ᐃᒥᕐᒥᒃ.

ᑖᒃᑯᓄᖓ ᐃᓚᒋᔭᐅᓗᑎᒃ, ᐊᒡᓃᑯ ᐄᒍᓪ ᐅᔭᕋᕐᓂᐊᖅᑏᑦ ᑎᑭᑎᑦᓯᓂᐅᓴᒻᒥᔪᑦ 15,000 ᓖᑕᓂᑦ ᐃᒥᕐᒥᒃ ᐃᖃᓗᓐᓄᑦ. ᓄᓇᓕᐸᐅᔭᒃᑯᑦ ᑖᒃᑯᓂᖓ ᓂᕆᐅᒋᔭᖃᖅᑐᑦ ᐅᓪᓗᒥ ᑎᑭᑎᑕᐅᓂᐊᕆᐊᖏᓐᓂᑦ.

ᓄᓇᓕᐸᐅᔭᐃᑦ ᐃᖃᓗᐃᑦ ᐴᕐᓯᒪᑦᑕᐅᑎᒋᔪᓂᑦ ᐃᒥᕐᒥᒃ ᐊᐃᑦᓯᕕᑦᓴᓂᑦ ᐊᑐᐃᓐᓇᕈᐃᓂᐊᖅᑐᑦ ᐅᑯᓇᓂ

ᐃᒥᓕᕆᔪᓂᑦ ᑐᑭᓯᒋᐊᕐᕕᑦᓴᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᑎᒍᒪᔪᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᓐᓂᑦ ᐊᑦᑐᐊᔪᑦ ᑐᑭᓯᒋᐊᕈᑎᐅᔪᑦ ᐱᔾᔪᑎᖃᖅᑐᑦ ᐃᒥᓕᕆᓂᕐᒥᑦ ᑕᑯᔭᐅᔪᓐᓇᕐᒪᑕ ᐅᑯᓇᓂ:

- ᓄᓇᓕᐸᐅᔭᐃᑦ ᐃᖃᓗᐃᑦ ᐃᑭᐊᖅᑭᕕᖓᓐᓄᑦ ᐅᓇ ᓇᕿᓪᓗᒍ “ᓇᓗᓇᐃᔭᐃᑏᑦ” ᑎᑎᕋᕐᓯᒪᔪᑦ
 https://www.iqaluit.ca/notices

- ᓄᓇᓕᐸᐅᔭᐃᑦ ᐃᖃᓗᐃᑦ ᕙᐃᔅᐳᒃᑯᑦ ᒪᑉᐱᒐᖓᑦ (ᐅᑯᐊ ᑐᑭᓯᒋᐊᕈᑎᐅᔪᑦ ᐅᖃᐅᓯᐅᕙᒻᒥᔪᑦ ᐃᓗᐊᓂ ᐃᖃᓗᓐᓂ ᑭᒃᑯᑐᐃᓐᓇᕐᓂᑦ ᑐᓴᖅᑎᑦᑎᕕᖓᓐᓂ)
 https://www.facebook.com/cityofiqaluit/

ᐃᒥᖅᑕᐅᔪᓐᓇᖅᑐᖅ ᐃᒥᖅ ᐱᓪᓗᒍ ᑐᓴᕋᑦᓴᑦ − ᐃᓚᒋᐊᕈᑎᑦᓴᐃᑦ ᐃᒥᕆᔭᐅᔪᓐᓇᖅᑐᑦ ᐊᑐᐃᓐᓇᐃᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᑭᕝᕕᐅᓯᒪᓕᖅᑐᑦ ᐊᒥᓱᑲᓪᓚᐅᔪᓂᑦ ᖃᓪᓗᑎᖕᖑᐊᓂᑦ ᐊᑐᕋᑦᓴᐅᔪᒥᑦ ᐃᒥᕐᒥᒃ, 4 ᓖᑕᓂᑦ ᐴᖃᖅᑐᓂᑦ, ᐅᓐᓄᓴᐅᖅᑲᐅᔪᖅ ᖃᖓᑕᓲᖃᖅᑎᓪᓗᒍ. ᐃᒥᕐᒥᑦ ᐱᑎᑦᑎᖃᑦᑕᓂᐊᖅᑐᑦ ᐅᑯᓇᓂ ᐅᓪᓗᒥ, ᐋᑦᑑᐸ 14, 2021:

- ᐃᓪᓗᒥ 901 (ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒥ) ᓄᓇᓯᐅᑎᓄᑦ ᓄᖅᑲᖓᕕᐊᓂ, ᐱᒋᐊᕐᓗᑎᒃ 3:30 ᐅᓐᓄᓴ ᐅᓐᓄᒧᑦ 8-ᒧᓄᑦ
- ᐱᖕᖑᐊᕐᕕᐊᓘᑉ ᓄᓇᓯᐅᑎᓄᑦ ᓄᖅᑲᖓᕕᐊᓂ, ᐱᒋᐊᕐᓗᑎᒃ 3:30 ᐅᓐᓄᓴ ᐅᓐᓄᒧᑦ 8-ᒧᓄᑦ