ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᐃᒥᐅᑉ ᖃᓄᐃᓐᓂᖓᓂᑦ ᖃᐅᔨᓴᐅᑎᒥᓃᑦ
ᓄᓇᓕᐸᐅᔭᒃᑯᑦ ᐱᑎᑕᐅᓯᒪᓕᕐᒪᑕ ᐅᖃᐅᓯᖃᖅᑐᑦ ᖃᓄᐃᒍᑎᐅᔪᓂᑦ ᐃᒥᖅ ᖃᐅᔨᓴᖅᑕᐅᒐᒥ. ᖃᐅᔨᓴᐅᑎᐅᔪᑦ ᖃᐅᔨᓴᖅᑕᐅᓚᐅᖅᑐᑦ ᐱᓇᓱᐊᕈᓯᑕᒫᑦ ᖃᐅᔨᓴᕐᓂᒃᑯᑦ ᐱᓕᕆᐊᑦᓴᑎᒍᑦ ᐊᑐᖅᑕᐅᓚᐅᖅᑐᓂᑦ ᐊᑯᓐᓂᖏᓐᓂ ᓅᕖᐱᕆ 16, 2021 ᐊᒻᒪ ᓅᕖᐱᕆ 23, 2021.
ᓄᓇᓕᐸᐅᔭᒃᑯᑦ ᖃᐅᔨᓴᖅᑐᑦ ᐅᑯᓂᖓ BTEX/PHC[F1-F4], ᖃᐅᔨᓴᐅᑎᐅᔪᑦ ᐅᕐᓱᐊᓗᕈᔪᒻᒧᑦ ᐸᐅᕐᓂᒃ ᐃᒫᓃᑐᐃᓐᓇᕆᐊᓕᓐᓂᑦ ᐊᑐᖅᑐᑎᒃ 11-ᓂᑦ ᐊᔾᔨᒌᖏᑦᑐᓂᑦ ᖃᐅᔨᓴᖅᑕᐅᒋᐊᓕᓐᓂᑦ.
ᖃᐅᔨᓴᖅᑕᐅᔪᑦᓴᑦ ᐱᔭᐅᕙᑦᑐᑦ ᐱᖓᓲᔪᖅᑐᓂᑦ ᐊᔾᔨᒌᖏᑦᑐᓂᑦ ᐃᓂᒋᔭᐅᔪᓂᑦ ᐃᓗᐊᓂ ᐃᒥᕐᒥᒃ ᓴᓗᒻᒪᕐᓴᐃᕕᐅᑉ ᐊᒻᒪ 7-ᓂᑦ ᐃᓂᒋᔭᐅᔪᓂᑦ ᐃᒥᖃᐅᑎᐅᕙᑦᑐᓂᑦ. ᖃᐅᔨᓴᕐᕕᐅᕙᑦᑐᑦ ᐃᒥᓕᕆᔾᔪᑎᓂᑦ ᐱᔭᐅᕙᑦᑐᑦ ᓇᑭᑐᐃᓐᓇᖅ ᐃᖃᓗᐃᑦ ᐃᓗᐊᓃᑦᑐᓂᑦ, ᐃᓘᓐᓇᑦᑎᐊᖏᓐᓂᑦ ᖃᐅᔨᓴᕈᒪᓪᓗᑎᒃ ᐃᒥᐅᑉ ᖃᓄᐃᓐᓂᖓᓂᑦ.
ᖃᐅᔨᓴᖅᑕᐅᓚᐅᖅᑐᑦ ᐅᑎᖅᑎᑕᐅᓯᒪᔪᐃᓐᓇᐅᓕᖅᑐᑦ ᖃᐅᔨᔭᐅᔪᖃᕋᓂ ᐱᑕᖃᕐᒪᖔᑕ ᐅᕐᓱᐊᓗᕈᔪᒻᒧᑦ ᐸᐅᕐᓂᒃ ᐃᓘᓐᓇᖏᓐᓂᑦ ᖃᐅᔨᓴᕐᕕᐅᔪᓂᑦ ᐃᒥᕐᒥᒃ ᓴᓗᒻᒪᕐᓴᐃᕕᒻᒥᒃ ᐱᓯᒪᔪᓂᑦ ᐊᒻᒪ ᐃᒥᖃᐅᑎᐅᕙᑦᑐᓂᑦ.
ᓯᕗᓂᑦᑎᓐᓂ, ᓄᓇᓕᐸᐅᔭᒃᑯᑦ ᓴᖅᑮᕙᓪᓕᐊᖃᑦᑕᓂᐊᖅᑐᑦ ᖃᐅᔨᔭᐅᔪᓂᑦ ᐱᓇᓱᐊᕈᓯᑕᒫᑦ ᑕᑯᑦᓴᐅᕙᓪᓗᑎᒃ ᐅᓂᒃᑳᓕᐊᖑᔪᑦ ᖃᐅᔨᔭᐅᓯᒪᔪᓂᑦ ᐊᒻᒪ ᐱᓕᕆᔾᔪᑎᓂᑦ ᓴᖅᑮᕙᓪᓗᑎᒃ ᐱᓇᓱᐊᕈᓰᒃ ᒪᕐᕉᒃ ᐊᓂᒍᕋᐃᑉᐸᑎᒃ.
ᒫᓐᓇ ᐊᑐᖅᑕᐅᔪᖅ ᐃᒥᖅᑕᐅᒋᐊᖃᖏᓐᓂᖓᓂᒃ ᐃᒥᖅ, ᓴᖅᑭᖅᑕᐅᓚᐅᖅᑐᖅ ᒐᕙᒪᒃᑯᑦ ᓄᓇᕗᒻᒥ ᑭᒃᑯᑐᐃᓐᓇᕐᓂᒃ ᐋᓐᓂᐊᖃᑦᑕᐃᓕᒪᔪᓕᕆᔨᒃᑯᖏᓐᓂᑦ ᐋᒃᑑᐸ 12, 2021, ᓱᓕ ᐊᑐᖅᑕᐅᖏᓐᓇᓂᐊᖅᑐᖅ.
ᑐᑭᓯᐊᒃᑲᓐᓂᕈᒪᒍᕕᑦ:
ᐊᓕᒃᔅᑭ ᑳᒧᕋᕐ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔨᑦᑎᕋᕐᓂᒧᓪᓗ ᐊᐅᒪᑦᑎᔨ
867-979-5619 | a.cameron@iqaluit.ca
