ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᒥᖅᑕᐅᔪᓐᓇᖅᑐᒥᑦ ᐃᒥᓕᕆᔪᖅ ᑐᓴᕋᑦᓴᖅ - ᓱᓕ ᐃᒥᕐᒥᒃ ᐴᕐᓯᒪᓯᓐᓇᖅᑐᓂᑦ ᐊᑐᐃᓐᓇᖅᑕᓕᒃ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖅᑕᐅᔪᓐᓇᖅᑐᒥᑦ ᐃᒥᕐᒥᒃ ᐴᕐᓯᒪᓯᓐᓇᖅᑐᓂᑦ ᓱᓕ ᐊᑐᐃᓐᓇᖃᕐᓂᐊᖅᑐᑦ ᓄᓇᓕᕐᒥᐅᑕᓄᑦ ᐊᓐᓄᕌᕐᓗᕐᓯᒪᓂᐅᑉ ᐱᓇᓱᐊᕈᓯᐅᑉ ᓄᖕᖑᐊᓂ.

ᓈᑦᓯᐅᖑᔭᓛᕐᓂᐊᖅ, ᐋᑦᑑᐸ 30, 2021
ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂ ᐊᒻᒪ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓂ, ᐅᓐᓄᓴᒃᑯᑦ 1-ᒥᑦ 4-ᒧᑦ.

ᓈᑦᓯᐅᖑᔭᖅ, ᐋᑦᑑᐸ 31, 2021
ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂ, ᐅᓐᓄᓴᒃᑯᑦ 1-ᒥᑦ 3-ᒧᑦ.

ᐃᓪᓗᓄᑦ ᐊᑐᓂ ᐱᔭᐅᔪᓐᓇᖅᑐᑦ ᑭᓪᓕᖃᖅᑎᑕᐅᓂᐊᕐᒥᔪᑦ ᐃᒥᕐᒥᒃ ᐊᐃᑦᓯᕕᑦᓴᐅᓂᖓᓂ. ᐃᒥᖅ ᐱᔭᓯ ᐃᒥᖅᑕᐅᕙᓪᓗᓂ ᑭᓯᐊᓂ ᐊᑐᖅᑕᐅᖁᔭᕋᓗᐊᕗᑦ.

ᐊᑐᕆᐊᖅ ᒪᑐᓯᒪᔪᖅ - ᖃᖅᑲᒥᐅᑦ ᐊᑐᕆᐊᖅ (ᖃᖅᑲᒥᐅᓂ ᓄᓇᓯᐅᑎᒃᑯᕕᒻᒥᑦ ᒍᕇᓐ ᐊᐃᑯᕐᔅᓄᑦ)

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᒪᑐᓯᒪᔪᒥᑦ ᖃᖅᑲᒥᐅᑦ ᐊᑐᕆᐊᕐᒥ ᖃᖅᑲᓕᐊᕆᐊᒥ ᓄᓇᓯᐅᑎᒃᑯᕕᒻᒥᑦ ᒍᕇᓐ ᐊᐃᑯᕐᔅᓄᑦ ᐱᒋᐊᕐᓗᓂ 8-ᒧᑦ ᐅᓪᓛᒃᑯᑦ 4-ᒧᑦ ᐅᓐᓄᓴᒃᑯᑦ ᓈᑦᓯᐅᖑᔭᓛᕐᓂᐊᒥ, ᐋᑦᑑᐸ 30, 2021 ᓴᓇᔭᐅᑲᐃᓐᓇᕐᓂᖓᓂ ᓄᑖᖅ ᑰᕝᕕᑦᓴᖅ.

ᓄᓇᒃᑰᔫᓄᑦ ᐊᖅᑯᑎᖃᓛᖏᑦᑐᖅ ᑕᕝᕙᓂ, ᐊᒻᒪ ᓄᓇᓕᕐᒥᐅᑕᐃᑦ ᐊᑐᕈᒪᒐᔭᖅᑐᑦ ᐊᑐᕆᐊᕐᒥᑦ ᖃᖅᑲᓕᐊᕆᐊᒦᑦᑐᒥᑦ ᐱᓱᕐᕋᕐᑰᕆᐊᖃᓚᖅᑐᑦ ᐃᓪᓗᖃᕐᕕᖓᒍᑦ.

ᓄᓇᓕᐸᐅᔭᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᓕᐅᕐᓕᕈᑎᒃ ᐊᒻᒪ ᖁᔭᓐᓇᒦᕆᓪᓗᑎᒃ ᐃᓕᑦᓯᓐᓂᑦ ᑐᑭᓯᐊᑦᑎᐊᕋᑦᓯ.

##

ᐃᒥᖅᑕᐅᔪᓐᓇᖅᑐᒥᑦ ᐃᒥᓕᕆᔪᖅ ᑐᓴᕋᑦᓴᖅ - ᓱᓕ ᐃᒥᕐᒥᒃ ᐴᕐᓯᒪᓯᓐᓇᖅᑐᓂᑦ ᐊᑐᐃᓐᓇᖅᑕᓕᒃ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᒥᖅᑕᐅᔪᓐᓇᖅᑐᒥᑦ ᐃᒥᕐᒥᒃ ᐴᕐᓯᒪᓯᓐᓇᖅᑐᓂᑦ ᓱᓕ ᐊᑐᐃᓐᓇᖃᕐᓂᐊᖅᑐᑦ ᓄᓇᓕᕐᒥᐅᑕᓄᑦ ᑎᓴᒻᒥᕐᒥ, ᐋᑦᑑᐸ 28 ᐊᒻᒪ ᑕᓪᓕᕐᒥᕐᒥ, ᐋᑦᑑᐸ 29, 2021.

- ᓇᑲᓱᒃ ᐃᓕᓐᓂᐊᕐᕕᐅᑉ ᓴᓂᐊᓂ, 5-ᒥᑦ 7:30 ᐅᓐᓄᒃᑯᑦ
- ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕐᕕᐊᓘᑉ ᓴᓂᐊᓂ, 5-ᒥᑦ 7:30 ᐅᓐᓄᒃᑯᑦ

ᐃᓪᓗᒧᑦ ᐊᑕᐅᓯᕐᒧᑦ ᐊᐃᔭᐅᕙᑦᑐᑦ ᑭᓪᓕᖃᖅᑎᑕᐅᓂᐊᖅᑐᑦ ᐃᒥᖃᖅᑎᑕᐅᕙᓐᓂᖏᓐᓂ ᐊᐃᒋᐊᓕᓐᓂᑦ. ᑕᒪᒃᑯᐊ ᐃᒦᑦ ᐊᑐᖅᑕᐅᖁᔭᕋᓗᐊᕗᑦ ᐃᒥᖅᑕᐅᕙᓐᓂᐊᑎᓪᓗᒋᑦ ᑭᓯᐊᓂ.

ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᑦ − ᑯᕕᑎᑦᑎᔭᕆᐊᖃᕐᓂᖅ

ᒐᕙᒪᒃᑯᑦ ᓄᓇᕗᒻᒥ ᐋᓐᓂᐊᔪᓕᕆᔨᒃᑯᖏᑦ ᓄᓇᓕᕐᒥᐅᑕᓂᑦ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓂᑦ ᓴᓗᒻᒪᕐᓴᐃᖁᔭᐅᓕᖅᑐᑦ ᐊᒻᒪ ᑯᕕᑎᑦᑎᕙᓪᓗᑎᒃ ᐊᖏᕐᕋᖏᓐᓂ ᐃᒥᓕᕆᔾᔪᑎᖏᓐᓂᑦ.

ᑕᒪᓐᓇ ᐊᑐᖅᑕᐅᖁᔭᐅᔪᖅ ᓄᓇᓕᕐᒥᐅᑕᓄᑦ ᐊᒻᒪ ᓇᖕᒥᓂᖃᖅᑎᐅᔪᓄᑦ ᓱᓪᓗᓕᒃᑯᑦ ᐃᒥᖃᖅᑎᑕᐅᕙᑦᑐᓄᑦ. ᑕᒪᒃᑯᐊ ᓄᓇᓕᕐᒥᐅᑕᐃᑦ ᓇᓗᓇᐃᕐᓯᒪᖁᔭᐅᓂᐊᖅᑐᑦ ᑯᕕᑎᑦᑎᖁᔭᐅᓗᑎᒃ ᐊᖏᕐᕋᖏᓐᓂ ᐃᒥᓕᕆᔾᔪᑎᖏᓐᓂᑦ ᐊᑯᓐᓂᖏᓐᓂ ᐅᓪᓗᐃᑦ ᐋᑦᑑᐸ 28 ᐊᒻᒪ ᐋᑦᑑᐸ 30. ᑯᕕᑎᑦᑎᒋᐊᓖᑦ ᐅᑯᐊ ᖃᓂᒌᑦ ᐃᓪᓗᐃᑦ ᐅᑯᓇᓂ ᐅᓪᓗᓂ:

ᐋᑦᑑᐸ 28 ᐊᒻᒪ 29 (ᑎᓴᒻᒥᕐᒥ ᐊᒻᒪ ᑕᓪᓕᒥᕐᒥ): ᑕᓯᓗᓕᐊᕆᐊᒦᑦᑐᑦ, ᐱᓱᕐᕋᒦᑦᑐᓕᒫᑦ ᐊᒻᒪ ᖃᖅᑲᓕᐊᕆᐊᖅ ᐊᑐᕆᐊᕐᒥ.

ᐋᑦᑑᐸ 30 ᐊᒻᒪ 31 (ᓈᑦᓯᐅᖑᔭᓛᕐᓂᐊᒥ ᐊᒻᒪ ᓈᑦᓯᐅᖑᔭᒥ): ᕼᐋᐱ ᕚᓕᒥᐅᑕᐃᑦ, ᐆᔭᐅᔭᓂ ᐃᓪᓗᓂ, ᐊᑦᓯᓂᕐᓴᒥᐅᑦ ᓄᓇᓕᓐᓂ ᐊᒻᒪ ᐊᓪᓕᖅᐹᒥᐅᑦ.

2022 ᓇᖕᒥᓂᖃᖅᑏᑦ ᓚᐃᓴᒥᓂᒃ ᓄᑖᕈᖅᑎᑦᑎᓂᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐃᖅᑲᐃᑎᑦᑎᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᓇᖕᒥᓂᖃᖅᑏᑦ ᓚᐃᓴᒥᓂᒃ
ᓄᑖᕈᖅᑎᑦᑎᒋᐊᖃᓕᕐᒥᒻᒪᑕ 2022 ᐊᕐᕌᒍᒧᑦ.

ᓇᖕᒥᓂᖃᖅᑎᐅᔪᑦ ᐊᔭᐅᖅᑕᐅᕗᑦ ᓄᑖᕈᖅᑎᑦᓯᔾᔪᑎᑦᓴᒥᓂᒃ ᑎᑎᖃᖁᔭᐅᓕᖅᑐᑎᒃ ᖃᕋᑕᐅᔭᒃᑯᑦ ᓇᖕᒥᓂᖃᖅᑎᓂᑦ
ᓚᐃᓴᓕᕆᔾᔪᑎᒍᑦ ᓯᕗᓂᐊᒍᑦ ᔮᓐᓄᐊᕆ 31, 2022 ᐊᑭᑭᓪᓕᒋᐊᕐᓯᒪᓂᖓᓂ ᓄᑖᕈᖅᑎᑦᓯᔾᔪᑎᓄᑦ ᐊᑭᓕᕆᐊᓖᑦ.
ᓄᑖᕈᖅᑎᑦᓯᔾᔪᑎᑦᓴᑦ ᐱᔭᐅᔪᑦ ᕕᕝᕗᐊᕆ 1, 2022 ᐅᕝᕙᓘᓐᓃᑦ ᐅᖓᑖᓂ, ᐃᓘᓐᓇᖏᓐᓂᑦ ᓈᒪᑎᓪᓗᒋᑦ
ᓄᑖᕈᖅᑎᑦᓯᔾᔪᑎᑦᓴᑦ ᐊᑭᓕᖅᑕᐅᒋᐊᖃᓕᕋᔭᖅᑐᑦ.

ᐃᒥᖅᑕᐅᑎᒃᑯᑦ ᐱᔨᑦᑎᕋᐅᑏᑦ ᓱᓪᓗᓕᒃᑯᓪᓗ ᐱᔨᑦᑎᕋᐅᑏᑦ - ᑐᑭᓯᓇᖅᓯᑎᑦᑎᑦᑎᐊᕈᑎ ᐱᔨᕆᔾᔪᑎᓂᒃ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑲᔪᓰᓐᓇᖅᑐᑦ ᖃᐅᔨᓴᕐᓂᖕᒋᓐᓂᒃ ᐃᒥᐅᑉ ᖃᓄᐃᓕᖕᒐᓂᖕᒐᓂᒃ.

ᓇᓗᓇᐃᖅᑕᐅᒃᑲᓐᓂᕐᓗᓂ, ᓄᓇᓕᐸᐅᔭᒃᑯᑦ ᓄᓇᓕᖕᒥᐅᓂᑦ ᒪᓕᑦᑎᐊᖁᔨᕗᑦ:

ᓄᓇᓖᑦ ᓇᖕᒥᓂᖁᑎᓖᓪᓗ ᓱᓪᓗᓕᒃᑯᑦ ᐃᒥᖃᓲᑦ (ᓱᓪᓗᓕᒃᑯᑦ) ᑲᔪᓯᔪᑦ ᐃᒥᖁᔭᐅᓇᑎᑦ ᖃᐅᔨᒃᑲᖅᑕᐅᓚᐅᖕᒋᓐᓂᖕᒋᓐᓂᒃ. ᐃᒥᖅ ᐊᑐᖅᑕᐅᔪᓐᓇᖅᑐᖅ ᐅᑯᓄᖕᒐ:
• ᐅᕕᓂᓐᓂᐊᕐᓗᓂ
o ᓇᔾᔨᔪᑦ, ᓄᑕᕋᐃᑦ ᐃᓅᕋᑖᓪᓗ ᐅᕕᓂᓐᓂᐊᕈᓐᓇᖅᑐᑦ, ᐅᕝᕙᓘᓐᓃᑦ ᓱᓪᓗᓕᒃᑰᖅᑐᓂᑦ ᐃᒥᕐᒧᑦ ᐅᕕᓂᓐᓂᐊᕈᓐᓇᖅᑐᑦ
• ᐊᓐᓄᕌᓂᑦ ᐅᐊᓴᐃᓗᑎᑦ
• ᓂᕐᕆᑎᓕᕆᔪᓐᓇᖅᑐᑦ
• ᐊᒡᒐᖕᓂᒃ ᐅᐊᓴᕈᓐᓇᖅᑐᑦ

ᐊᓐᓄᕌᓪᓗᕐᓯᒪᓇᐅᑎᓪᓗᒍ ᖃᓄᐃᓕᐅᕈᑏᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᐅᔨᒪᖁᔨᕗᑦ ᓄᓇᓕᕐᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᒋᐊᖅᑎᓯᓯᒪᖕᖏᒻᒪᑕ ᐊᓯᔾᔨᐅᑎᑦᓴᓂᑦ ᐅᓪᓗᖓ ᐱᓪᓗᒍ ᐊᕐᕌᒍᑦᑎᓐᓂ ᐊᓐᓄᕌᓪᓗᕐᓯᒪᓇᐅᑎᓪᓗᒍ ᖃᓄᐃᓕᐅᕈᑎᑦᓴᒃᑯᑦ. ᐳᓚᕋᓛᕐᒥᔪᑦ ᐅᓪᓗᖓᓂ ᐊᓪᓗᕌᓪᓗᕐᓯᒪᓇᐅᑎᓪᓗᒍ, ᓈᑦᓯᐅᖑᔭᒥ, ᐋᑦᑑᐸ 31. ᓄᓇᓕᓐᓂ ᒪᓕᒐᕋᓛᓕᕆᔨᒃᑯᑦ ᓄᓇᒃᑰᔫᕐᓗᑎᒃ ᖃᐅᔨᓴᓛᖅᑐᑦ ᓄᓇᓕᐅᑉ ᐃᓗᐊᓂ ᐅᓐᓄᓴᒃᑯᑦ ᐊᒻᒪ ᐅᓐᓄᒃᑯᑦ ᓈᑦᓯᐅᖑᔭᒥ.

ᓄᓇᓕᐸᐅᔭᒃᑯᑦ ᐃᖅᑲᐃᑎᑦᓯᒍᒪᒻᒥᔪᑦ ᓄᓇᓕᕐᒥᐅᑕᓂᑦ ᐅᔾᔨᕈᓱᑦᓯᐊᖁᔭᐅᓗᑎᒃ ᐱᓱᑦᑎᓪᓗᒋᑦ ᐅᕝᕙᓘᓐᓃᑦ ᓄᓇᒃᑰᔫᖅᑎᓪᓗᒋᑦ, ᐊᒥᓱᐊᓗᐃᑦ ᐃᓚᒌᑦ ᐊᒻᒪ ᓱᕈᓰᑦ ᐳᓚᕋᓛᕐᒪᑕ ᐃᓪᓗᓄᑦ. ᓄᓇᓕᐸᐅᔭᒃᑯᑦ ᐳᓚᕋᓛᖅᑐᓂᑦ ᐊᑐᖁᔨᔫᒐᓗᐊᑦ ᑖᓂᖅᑐᓇᕐᔫᒥᔪᓂᑦ ᖃᐅᒪᒧᑦ ᓱᓇᑐᐃᓐᓇᕐᓂᒃ ᐊᓐᓄᕌᓗᖏᓄᑦ ᐃᓚᓕᐅᑎᓯᒪᔪᓂᑦ ᑕᑯᑦᓴᐅᓯᐊᖅᑐᒥ.

###

ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᒥᑦ ᑐᓴᕋᑦᓴᖅ − ᓇᓗᓇᐃᕐᓯᔾᔪᑎᑦᓴᒥᑦ ᖃᐅᔨᓴᓕᖅᑐᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᓱᓕ ᓯᕗᒧᐊᑉᐸᓪᓕᐊᔪᑦ ᖃᐅᔨᓴᖅᐸᓪᓕᐊᓂᕐᒥᓂᒃ ᐃᒥᖅᑕᐅᔪᓐᓇᖅᑐᒥᑦ ᐃᒥᐅᑉ ᖃᓄᐃᓐᓂᖓᓂᑦ ᐱᔾᔪᑎᐅᔪᒥᑦ. ᐃᒥᖅᑕᐅᒋᐊᖃᖏᓐᓂᖓᓂᑦ ᐃᒥᖅ ᑎᓕᓯᔾᔪᑎᐅᓯᒪᔪᖅ ᓱᓕ ᐊᑐᖅᑕᐅᔪᖅ ᐊᓯᐊᒍᑦ ᓇᓗᓇᐃᕐᓯᓚᐅᖏᓐᓂᖏᓐᓂ.

ᖃᓄᐃᓐᓂᖓ ᐊᒻᒪ ᖃᓄᐃᓪᓗᐊᕐᓂᖓ ᐃᖃᓗᐃᑦ ᐃᒥᖁᑎᖏᑕ ᐱᒻᒪᕆᐊᓘᕗᖅ ᓄᓇᓕᐸᐅᔭᒃᑯᓐᓄᑦ. ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖏᑦ ᖃᓄᖅᑑᕋᓱᐃᓐᓇᖅᑐᑦ ᐱᔪᓐᓇᐅᑎᓕᒫᓂ ᐊᑐᖅᑐᒍ ᓄᓇᓕᕐᒥᐅᑕᐃᑦ ᐊᑦᑕᓇᖕᖏᑦᑐᒥᑦ ᐊᒻᒪ ᐃᒥᕋᑦᓴᐅᓯᐊᖅᑐᒥᑦ ᐃᒥᖅᑕᐅᔪᓐᓇᖅᑐᒥᑦ ᐃᒥᖃᖁᔭᐅᓗᑎᒃ.