ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᒥᕐᓂᒃ ᐃᒥᖅᑕᐅᔪᓐᓇᖅᑐᓂᒃ ᐊᑐᐃᓐᓇᖅᑕᓕᒃ

ᓄᖅᑲᖅᑎᑕᐅᑲᐃᓐᓇᕐᓂᖓ ᑲᓇᑕᒥ ᐅᓇᓖᑦ ᐊᐅᓚᑕᖓᑦ ᓚᓪᑕᔅ (Canadian Armed Forces Operation LENTUS) ᐊᑦᑐᐃᓯᒪᖕᖏᑦᑐᖅ ᓄᓇᓕᐸᐅᔭᒃᑯᑦ ᐃᒥᖃᖅᑎᑦᓯᔪᓐᓇᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᐅᑯᓇᓂ ᐃᒥᖅᑕᕕᑦᓴᓂ.

ᐃᒥᖅ ᐊᑐᐃᓐᓇᐅᖏᓐᓇᖅᑐᖅ ᐊᒻᒪ ᐊᑐᐃᓐᓇᐅᖏᓐᓇᓂᐊᖅᑐᓂ ᐅᑯᓇᓂ ᐃᒥᖅᑕᕕᑦᓴᓂᑦ:

• ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᖕᖑᐊᕕᔾᔪᐊᕐᕕᐅᑉ ᐃᓗᐊᓂ ᐅᖓᑖᒍᑦ ᐃᓯᕐᕕᓕᒃ
• ᐊᐃᑉ ᐅᒃᐱᒃ ᐱᖕᖑᐊᕐᕕᕋᓛᖅ ᐃᓗᐊᓂᑦ
• ᐃᓐᓇᑐᖃᐃᑦ ᖃᒻᒪᖓᓂ ᐃᓗᐊᓂᑦ

ᐃᒥᖅᑕᕕᑦᓴᐃᑦ ᒪᑐᐃᖓᕙᑦᑐᑦ ᐱᓇᓱᐊᕈᓯᓕᒫᖅ ᐅᓪᓗᒃᑯᑦ 11-ᒥᓂᑦ 6-ᒧᓄᑦ ᐅᓐᓄᒃᑯᑦ.

ᐃᒥᐅᑉ ᐃᖏᕐᕋᓂᖓ ᓄᖅᑲᖅᑐᖅ – Hᐊᐱ ᕚᓕᒥ

ᖃᐅᔨᒪᖁᔭᐅᕗᓯ ᐱᔾᔪᑎᒋᓪᓗᒋᑦ ᓴᓇᔭᐅᔭᕆᐊᓖᑦ ᐃᒥᓕᕆᔾᔪᑎᐅᔪᑦ, ᐃᒥᓕᕆᔾᔪᑏᑦ ᓄᖅᑲᖓᑎᑕᐅᖃᑦᑕᓛᕐᒪᑕ ᑎᓴᒻᒥᕐᒥ, ᑏᓰᐱᕆ 2, 2021 ᐅᓐᓄᓴᒃᑯᑦ 1 ᐊᒻᒪ 5 ᐊᑯᓐᓂᖏᓐᓂ ᓴᓇᔭᐅᓇᓱᓐᓂᖏᓐᓂ.

ᐅᑯᐊ ᐃᒥᓕᕆᔾᔪᑎᖏᑦ ᓄᖅᑲᖓᑎᑕᐅᖃᑦᑕᓛᖅᑐᑦ:

400–ᒥᑦ 416-ᒧᑦ
523-ᒥᑦ 582-ᒧᑦ

ᓴᓇᔭᐅᓂᖏᓐᓂ ᐊᑦᑐᐃᓂᖃᔾᔮᖏᑦᑐᖅ ᖃᐅᔨᒪᒋᐊᕈᑕᐅᒋᐊᓕᓪᓂᒃ ᓄᓇᕗᑦ ᒐᕙᒪᒃᑯᖏᓐᓃᓐᖔᖅᓯᒪᔪᓂᒃ ᐋᓐᓂᐊᖅᑕᐃᓕᒪᔪᓕᕆᔨᒃᑯᖏᓐᓂ ᐊᑦᑑᑉᐱᕆᓕᓴᒥᑦ 12, 2021. ᓱᓕᒃᑲᓐᓂᖅ, ᐃᒥᖃᑦᑕᖁᔨᓐᖏᒻᒪᑕ ᐃᖃᓗᓐᓂ ᓯᑎᒃᑯᑦ ᓱᓕ ᐃᒥᖅᑕᐅᒋᐊᖃᓐᖏᑦᑐᖅ.

ᑐᑭᓯᒋᐊᒃᑲᓐᓂᕈᒪᓐᓂᕈᔅᓯ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5607| a.cameron@iqaluit.ca

ᑐᐊᕕᕐᓇᖅᑐᒦᓕᕐᓂᖅ ᓄᓇᓕᓐᓂ − ᐅᐃᒍᔭᐅᔪᖅ ᑏᓰᐱᕆ 7-ᒧᓄᑦ, 2021

ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᑦ ᐅᐃᒍᐃᕗᑦ ᐅᓪᓗᖏᓐᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐱᔾᔪᑎᒋᓪᓗᒍ ᐃᒥᒃᑯᑦ ᐊᑲᐅᖏᓕᐅᕈᑎᐅᔪᑦ ᐱᒋᐊᕐᓗᒍ ᐅᓐᓄᐊᒃᑯᑦ 12-ᒨᖅᐸᑦ ᐱᖓᑦᓯᕐᒥ, ᐋᑦᑑᐸ 20, 2021.

ᓄᓇᓕᐸᐅᔭᐃᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᓇᒡᒋᔾᔭᐅᓕᖅᑭᕐᒥ, ᓅᕖᐱᕆ 30, ᑲᑎᒪᔩᑦ ᑲᔪᓯᑎᑦᑎᓚᐅᖅᑐᑦ ᐅᐃᒍᔭᐅᓂᖓᓂᑦ ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ. ᑎᒥᐅᔪᒥᑦ ᐊᐅᓚᑦᑎᔨᒻᒪᕆᐅᔪᖅ ᓱᓕ ᐱᓕᕆᔨᐅᓂᐊᖅᑐᖅ ᓄᓇᓕᓐᓂ ᐊᐅᓚᑦᑎᔾᔪᑎᓂᑦ ᑐᑭᒧᐊᑦᑎᑦᑎᔨᐅᓂᕐᒥᑦ.

ᑐᐊᕕᕐᓇᖅᑐᒦᓕᕐᓂᕐᒥᑦ ᓄᓇᓕᓐᓂ ᐊᑐᖅᑎᓪᓗᒋᑦ, ᑐᐊᕕᕐᓇᖅᑐᑕᖃᖅᑎᓪᓗᒍ ᐱᓕᕆᔾᔪᑎᑦᓴᓂᑦ ᒪᓕᒐᑎᒍᑦ ᓄᓇᓕᐸᐅᔭᒃᑯᓐᓂᑦ ᐅᑯᓂᖓ ᐊᑐᕈᓐᓇᑎᑦᓯᔾᔪᑎᐅᔪᓐᓇᕐᒪᑦ “ᖃᓄᐃᑐᐃᓐᓇᖅ ᐱᓕᕆᖁᔭᐅᓗᑎᒃ ᐊᒻᒪ ᐊᑐᖅᐸᓪᓗᑎᒃ ᐱᓕᕆᔾᔪᑎᑦᓴᓂᑦ ᓄᓇᓕᓐᓂ ᑯᐊᐳᕇᓴᐅᔪᓄᑦ ᐱᓕᕆᐊᖑᒋᐊᖃᖅᑐᕆᔭᖏᓐᓂᑦ”.

ᐃᓚᐅᕈᑎᒃᓴᒥᒃ ᑯᕕᔪᖃᖅᑐᖅ ᕿᑭᖅᑕᓂ ᐋᓐᓂᐊᕕᖕᒥ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᖃᐅᔨᒃᑲᖅᑕᐅᖅᑲᐅᔪᑦ ᐃᓚᐅᕈᑎᒃᓴᒥᒃ ᐊᒻᒪᓗ ᐃᒥᖅᑐᓂ ᑯᕕᔪᖃᖅᑐᕕᓂᐅᓂᖕᒐᓂᒃ ᐋᓐᓂᐊᕕᖕᒥ ᐸᕐᓇᐅᑎᐅᓯᒪᖖᒋᑦᑐᒥᒃ, ᑭᓈᓗᖃᕐᕕᖕᒐᓂᑦ ᓄᑖᖖᒍᕆᐊᖅᑎᑦᑎᓇᓱᒃᑎᓪᓗᒋᑦ, ᐱᓕᕆᐊᖕᒍᑎᓪᓗᒍ ᓄᓇᓕᐸᐅᔭᒃᑯᑦ ᑳᓐᑐᕌᒃᑕᐅᓯᒪᔪᓄᑦ. ᖁᓪᓕᒃᑯᑦ ᑲᑐᔾᔨᖃᑎᒌᑦ ᐅᐸᒍᑎᑲᐅᖅᑐᕈᓐᓇᖅᑲᐅᔪᑦ ᓄᖅᑲᖅᑎᑕᐅᓪᓗᓂ ᑯᕕᓕᒃᑲᓐᓂᕐᓂᐊᖖᒋᒻᒪᑦ.

ᐊᔾᔨᒌᖖᒋᑦᑐᑦ ᑳᓐᑐᕌᒃᓕᕆᔩᑦ ᐊᒻᒪᓗ ᑐᑦᑕᕐᕖᑦ ᖃᐅᔨᓴᕐᓂᐊᖅᑐᑦ. ᐅᖃᐅᓯᐅᓯᒪᓕᕆᓪᓗᓂ ᓄᓇᕗᑦ ᒐᕙᒪᒃᑯᑦ ᐊᕙᑎᓕᕆᔨᒃᑯᖕᒋᓐᓄᑦ ᐃᑲᔪᖅᓱᕆᐊᖃᕐᒪᖕᒑᑕ ᑯᕕᓯᒪᔪᖅ ᖃᓄᖅ ᐱᓕᕆᐊᖕᒍᔭᕆᐊᖃᕐᒪᖕᒑᖅ.

ᐃᓚᐅᕈᑎᒃᓴᖅ ᑕᑯᔅᓴᐅᖖᒋᑦᑐᖅ, ᑎᐱᖃᖖᒋᑦᑐ, ᓇᐃᔭᔅᓴᐅᖖᒋᑦᑐᖅ ᓂᕿᓃᓲᖅ, ᐱᐅᓴᐅᑎ ᐊᒻᒪᓗ ᐄᔭᒐᖅᑖᕈᑕᐅᓲᖅ, ᐊᒻᒪᓗ ᓱᕈᕐᓇᖖᒋᑦᑐᖅ ᐃᓄᖕᓄᑦ ᓂᕐᔪᑎᓄᓪᓗ.

ᖃᐅᔨᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕐᕕᒃᓴᖅ. 

ᖃᕋᓴᐅᔭᒃᑯᑦ:

ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᐊᖕᒋᖅᐳᑦ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐊᖕᒋᖃᑎᒌᒍᑎᒥᒃ ᑮᓇᐅᔭᖃᖅᑎᑦᑎᔪᒪᓪᓗᑎᒃ ᓄᓇᓕᖕᓂ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᔪᒧᑦ

ᓅᕕᐱᕆ 30, 2021 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᖁᕕᐊᑦᑐᑎᒃ ᑐᓴᖅᑎᑦᑎᔪᒪᔪᑦ ᐃᖃᓗᖕᓂ ᓄᓇᓕᐸᐅᔭᒃᑯᑦ ᑲᑎᒪᔨᖕᒋᑦ ᐊᖕᒋᖃᑎᖃᕐᒪᑕ ᑲᓇᑕᒥ ᐃᒡᓗᓕᕆᔨᕐᔪᐊᒃᑯᑦ ᐃᒡᓗᓕᕆᔨᒃᑯᓪᓗ (CMHC) ᓱᒃᑲᔪᒥᒃ ᐃᒡᓗᓕᕆᓂᕐᒧᑦ ᐱᓕᕆᐊᖕᒍᕙᓪᓕᐊᔪᒪᔪᑦ ᐊᒻᒪᓗ ᑲᓇᑕᒥ ᓇᖕᒥᓂᖅᑖᖅᐸᓪᓕᐊᓂᖅ ᐃᒡᓗᓕᕆᔨᕐᔪᐊᒃᑯᓪᓗ ᑮᓇᐅᔭᓕᐅᕈᑕᐅᓇᓱᒃᑐᑦ, ᓄᓇᓕᐸᐅᔭᒃᑯᑦ $10,734,852,65-ᓂᒃ ᑮᓇᐅᔭᖃᖅᑎᑦᑎᓂᐊᕐᓗᑎᒃ ᐱᕙᓪᓕᐊᑎᑦᑎᔾᔪᑎᒃᓴᓂᒃ ᐊᑭᑐᓗᐊᖖᒋᑦᑐᓂᒃ ᐃᒡᓗᓂᒃ, ᑐᕌᒐᖃᕐᓗᑎᒃ ᐊᒃᑐᖅᑕᐅᓴᕋᐃᑦᑐᓂᒃ ᐱᓕᕆᔨᓂᒃ, ᐃᖃᓗᓂ.   

ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᑦ ᑲᑎᒪᓂᖓᑦ ᑏᓰᐱᕆ 2, 2021 ᑭᖑᕙᕆᐊᖅᑕᖅ

ᐃᓚᒋᔭᐅᓗᓂ ᓄᓇᓕᓐᓂ ᑐᐊᕕᕐᓇᖅᑐᑕᖃᓕᕐᓂᖓᓂᑦ, ᐊᒻᒪ ᐱᓕᕆᖃᑕᐅᖏᓐᓇᕐᓂᖏᓐᓂᑦ ᐱᖕᖑᐊᖅᑐᓕᕆᔨᒃᑯᑦ ᐃᒥᐅᑉ ᖃᓄᐃᓐᓂᖓ ᐱᓪᓗᒍ ᑐᐊᕕᕐᓇᖅᑐᓕᕆᓂᕐᒧᑦ, ᐱᖕᖑᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᖏᓐᓂᑦ ᑎᓕᔭᐅᓯᒪᓕᖅᑐᑦ.

ᑕᐃᒪᐃᓐᓂᖏᓐᓂᑦ, ᐱᒋᐊᕐᓗᑎᒃ ᐱᖓᑦᓯᕐᒥ, ᑏᓰᐱᕆ 1:

• ᐃᓘᓐᓇᑎᒃ ᐊᑐᖅᑐᐊᐸᑦᑐᑦ ᐊᓐᓂᑭᑦᑐᕐᕖᓐᓂᒃ, ᓯᕿᖕᖑᔭᒃᑯᑦ ᐊᑯᓐᓂᖏᓐᓂ ᐅᓪᓛᒃᑯᑦ 8-ᒥᓂᑦ 5-ᒧᓄᑦ, ᓇᒡᒋᔾᔭᐅᒥᑦ ᑕᓪᓕᒥᕐᒧᑦ, ᓄᖅᑲᖅᑎᑕᐅᑲᐃᓐᓇᖅᑐᑦ. ᐊᑐᖅᑐᐊᖅᑕᐅᕙᑦᑐᑦ ᐅᓐᓄᒃᑯᑦ 5 ᐅᖓᑖᓂ ᐅᕝᕙᓘᓐᓃᑦ ᓈᑦᓯᐅᖑᔭᓛᕐᓂᐊᓂ ᐊᒻᒪ ᓈᑦᓯᐅᖑᔭᓂ ᐊᑦᑐᖅᑕᐅᖏᑦᑐᑦ.
• ᐃᖃᐃᓕᓴᕐᕕᒃ ᒪᑐᓯᒪᓂᐊᖅᑐᖅ ᐃᓘᓐᓇᖏᓐᓄᑦ ᐅᐸᑐᐃᓐᓇᐸᑦᑐᓄᑦ ᐊᒻᒪ ᓯᕗᓂᐊᒍᑦ ᐊᑎᓕᐅᕐᓯᒪᔪᓄᑦ ᐱᓕᕆᐊᑦᓴᓄᑦ.

ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᑦ ᑲᑎᒪᓂᖓᑦ ᑏᓰᐱᕆ 2, 2021 ᑭᖑᕙᕆᐊᖅᑕᖅ

ᓄᓇᓕᐸᐅᔭᒃᑯᑦ ᐅᖃᐅᓯᖃᖅᑐᑦ ᑭᖑᕙᕆᐊᖅᑕᐅᓂᖓᓂᑦ ᑭᒃᑯᑐᐃᓐᓇᐃᑦ ᐊᑦᑕᓇᖅᑐᒦᒋᐊᖃᖏᓐᓂᖏᓐᓂᑦ ᑲᑎᒪᔨᕋᓛᑦ ᑲᑎᒪᓂᖓᑦ ᐊᑐᖅᑕᐅᓂᐊᓚᐅᖅᑐᖅ 3-ᒥ ᐅᓐᓄᓴᒃᑯᑦ ᑏᓰᐱᕆ 2, 2021 ᓄᓇᓕᐸᐅᔭᐃᑦ ᐊᓪᕙᕝᕕᖏᓐᓂ (ᐃᓪᓗ 1085). ᓄᑖᒥᑦ ᐅᓪᓗᕐᓯᐅᒻᒥᑦ ᓱᓕ ᓇᓗᓇᐃᕐᓯᓚᐅᖏᑦᑐᑦ.

ᓄᓇᓕᐸᐅᔭᒃᑯᑦ ᑭᒃᑯᑐᐃᓐᓇᕐᓂᑦ ᑐᓴᐅᒪᑎᑦᑎᓛᕐᒥᔪᑦ ᓄᑖᒥᑦ ᐅᓪᓗᕐᓯᐅᒻᒥᑦ ᓇᓗᓇᐃᕐᓯᔪᖃᓚᐅᖅᑎᓪᓗᒍ.

ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᓇ:
ᐋᓕᒃᓯ ᑳᒧᕋᓐ
ᑐᓴᐅᒪᖃᑦᑕᐅᑎᓕᕆᔨ ᐱᔨᑦᑎᕋᖅᑏᓪᓗ ᐊᐅᓚᑦᑎᔨᖓ
867-979-5619 | a.cameron@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᑦ
ᐃᒥᕐᓂᒃ ᐃᒥᖅᑕᐅᔪᓐᓇᖅᑐᓂᒃ ᐊᑐᐃᓐᓇᖅᑕᓕᒃ

ᓄᕕᐱᕆ 27, 2021 - ᐃᖃᓗᐃᑦ, ᓄᓇᕗᑦ

ᓄᖅᑲᖅᑎᑕᐅᑲᐃᓐᓇᕐᓂᖓ ᑲᓇᑕᒥ ᐅᓇᓖᑦ ᐊᐅᓚᑕᖓᑦ ᓚᓪᑕᔅ (Canadian Armed Forces Operation LENTUS) ᐊᑦᑐᐃᓯᒪᖕᖏᑦᑐᖅ ᓄᓇᓕᐸᐅᔭᒃᑯᑦ ᐃᒥᖃᖅᑎᑦᓯᔪᓐᓇᕐᓂᖏᓐᓂᑦ ᓄᓇᓕᕐᒥᐅᑕᓂᑦ ᐅᑯᓇᓂ ᐃᒥᖅᑕᕕᑦᓴᓂ.

ᐃᒥᖅ ᐊᑐᐃᓐᓇᐅᖏᓐᓇᖅᑐᖅ ᐊᒻᒪ ᐊᑐᐃᓐᓇᐅᖏᓐᓇᓂᐊᖅᑐᓂ ᐅᑯᓇᓂ ᐃᒥᖅᑕᕕᑦᓴᓂᑦ: