ᑲᓇᑕᐅᑉ ᐸᓖᓯᖏᑦ – 
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – 
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – 
ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᐸᐅᔭᒃᑯᑦ ᐅᖃᐅᑎᑦᓴᓂᑦ ᑐᓴᕈᒪᔪᑦ ᑭᓈᓗᓕᕆᔾᔪᑎᓄᑦ ᐱᓕᕆᔾᔪᑏᑦ ᓴᓇᔭᐅᒋᐊᓛᕐᓂᖏᓐᓂᑦ ᐱᓕᕆᐊᑦᓴᒥᑦ
ᒫᕐᓯ 3, 2022 – ᐃᖃᓗᐃᑦ, ᓄᓇᕗᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑐᖕᖓᓱᑦᑎᑦᑎᓕᕐᒥᔪᑦ ᓄᓇᓕᒻᒥᐅᑕᐃᑦ ᐃᓱᒪᒋᔭᖏᓐᓂᑦ ᐅᖃᐅᓯᖃᖁᓪᓗᒋᑦ ᐱᔾᔪᑎᒋᓪᓗᒋᑦ ᐱᓕᕆᐊᑦᓴᐃᑦ, ᐊᑐᐊᒐᐃᑦ ᐊᒻᒪ ᓄᑖᑦ ᐱᒋᐊᖅᑎᑕᐅᔪᒪᓯᒪᔪᑦ ᓄᓇᓕᑦᑎᓐᓂ ᐱᕈᖅᐸᓪᓕᐊᒍᑎᐅᔪᑦ ᐊᒻᒪ ᓄᓇᓕᐸᐅᔭᕗᑦ ᐅᐸᓗᖓᐃᔭᖁᓪᓗᒍ ᓯᕗᓂᕐᒧᑦ. ᓄᓇᓕᐸᐅᔭᒃᑯᑦ ᕿᓂᖅᑐᖅ ᐃᓚᒋᔭᐅᔪᒪᔪᓂᑦ ᓄᓇᓕᒻᒥᐅᑕᓂᑦ ᑐᓴᐅᒪᒍᒪᔪᓂᑦ ᐱᓕᕆᔨᓄᑦ ᑭᓈᓗᓕᕆᔾᔪᑎᓂᑦ ᓴᓇᒋᐊᕐᓂᐊᕐᓂᖓ ᐱᓪᓗᒍ ᓄᓇᓕᐅᑉ ᕿᑎᐊᑕ ᐊᕙᑎᐊᓂ.
ᐱᓕᕆᐊᑦᓴᑎᒍᑦ ᐊᑦᑐᐃᓂᐅᓴᒻᒪᑦ ᓄᓇᓕᕐᒥᐅᑕᓂᑦ ᐃᖃᓗᓐᓂ ᐊᒻᒪ ᓇᖕᒥᓂᖃᖅᑎᓂᑦ ᕿᑎᐊᑕ ᐊᕙᑎᐊᓂ ᓄᓇᖃᖅᑎᐅᔪᓂᑦ ᑭᓪᓕᖓᓂ ᒥᕝᕕᒃ ᐊᑐᕆᐊᑉ (ᖃᖅᑲᓕᐊᕆᐊᑉ ᐊᑐᕆᖓᒍᑦ) ᐊᒻᒪ ᐊᓪᓚᖕᖑᐊ ᐊᑐᕆᐊᑉ, ᐊᑭᓪᓕᖅ ᐊᑐᕆᐊᕐᒧᑦ. ᓴᓇᓛᔾᔭᖕᖒᖅᑐᑦ ᔪᓚᐃᒥᑦ ᓅᕖᐱᕆᒧᑦ 2022.
ᓄᓇᓕᐸᐅᔭᐃᑦ ᐃᖃᓗᐃᑦ ᐱᔭᕇᕋᑖᓚᐅᕐᒪᑕ ᐱᓕᕆᔾᔪᑎᖏᓐᓂᑦ ᖃᐅᔨᓴᖅᑎᑦᓯᓪᓗᑎᒃ ᐊᑐᖅᑕᐅᕙᑦᑐᓂᑦ ᑭᓈᓗᓕᕆᔾᔪᑎᓂᑦ ᐊᒻᒪ ᓇᓗᓇᐃᕐᓯᓚᐅᖅᑐᑎᒃ ᑭᓈᓗᓕᕆᔾᔪᑎᐅᔪᑦ ᑕᑉᐹᓂ ᓇᓗᓇᐃᖅᑕᐅᕋᑖᖅᑐᑦ ᒫᓐᓇ ᑕᑕᓗᐊᖃᑦᑕᓕᕐᖓᑕ ᐃᓄᒋᐊᑦᑐᓂᑦ ᐊᑐᖅᑕᐅᒧᑦ. ᓴᓇᔭᐅᒋᐊᕆᐊᖃᕐᓂᐊᕐᒪᑕ ᐱᓕᕆᔾᔪᑎᐅᔪᑦ ᐊᑐᖅᑕᐅᔪᓐᓇᖁᓪᓗᒋᑦ ᒫᓐᓇᒃᑯᑦ ᐊᒻᒪ ᓯᕗᓂᑦᑎᓐᓂ ᓇᓚᐅᑦᑖᖅᑕᐅᓯᒪᔪᑦ ᑭᓈᓗᓕᕆᔾᔪᑎᐅᒋᐊᖃᓕᕋᔭᖅᑐᑦ.
ᐱᓕᕆᐊᑦᓴᓕᕆᔪᓂᑦ ᑐᑭᓯᒋᐊᕐᓯᒪᖁᓪᓗᒋᑦ ᐊᒻᒪ ᓇᓗᓇᐃᕐᓯᒪᒍᒪᓪᓗᑎᒃ ᓄᓇᓕᐸᐅᔭᒃᑯᑦ ᑕᑯᒋᐊᕐᓯᒪᓂᖏᓐᓂᑦ ᐃᓱᒫᓘᑎᐅᑐᐃᓐᓇᕆᐊᓕᓐᓂᑦ ᓄᓇᓕᕐᒥᐅᑕᓄᑦ ᐊᒻᒪ ᓇᖕᒥᓂᖃᖅᑎᓄᑦ, ᑐᖕᖓᓱᑦᑎᑕᐅᕗᓯ ᐃᓚᒋᔭᐅᖁᓪᓗᓯ ᑐᓴᐅᒪᒍᒪᔪᓂᑦ ᐱᓕᕆᖃᑕᐅᒐᔭᖅᑐᓄᑦ ᓯᕗᓂᐊᒍᑦ ᓴᓇᒋᐊᓚᐅᖏᓐᓂᖏᓐᓂ. ᐅᖃᐅᓯᐅᒐᔭᖅᑐᑦ ᓄᓇᓯᐅᑎᓄᑦ ᓄᖅᑲᖓᕕᑦᓴᐃᑦ, ᐱᓱᑉᐸᑦᑐᑦ ᐊᑦᑕᓇᖅᑐᒦᖁᓇᒋᑦ, ᐸᕝᕕᓴᐅᑎᐅᓂᐊᖅᑐᑦ ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᐱᓕᕆᔾᔪᑎᐅᔪᑦ, ᐊᒻᒪ ᐊᑐᕆᐊᑦ ᒪᑐᔭᐅᕙᓐᓂᖏᑦ.
ᑐᖕᖓᓱᑦᑎᑦᑎᕗᒍᑦ ᓄᓇᓕᕐᒥᐅᑕᓂᑦ ᐊᒻᒪ ᓇᖕᒥᓂᖃᖅᑎᓂᑦ ᐱᓕᕆᖃᑕᐅᓂᐊᕋᑦᓯ, ᑲᑎᒪᖃᑦᑕᓂᐊᖅᑐᑦ ᐊᑯᓐᓂᖏᓐᓂ ᐃᐳᕈ ᔪᓚᐃᒧᑦ 2022. ᐃᓚᒋᔭᐅᔪᒪᓂᓯ ᓇᓗᓇᐃᕐᓯᒪᖁᓪᓗᒍ, ᑎᑎᕋᕐᕕᒋᔪᓐᓇᖅᑕᐃᑦ ᑳᒧᕋᓐ ᒪᒃᑖᓄᓪ ᖄᖏᓚᐅᖏᓐᓂᖓᓂ ᐃᐳᕈ 6, 2022.
##
ᑐᑭᓯᒋᐊᒃᑲᓐᓂᕐᕕᑦᓴᖅ, ᖃᐅᔨᒋᐊᕐᓗᒍ:
ᑳᒧᕋᓐ ᒪᒃᑖᓄᓪ
ᓴᓇᔪᓕᕆᔨᒃᑯᑦ ᐊᒻᒪ ᖃᐅᔨᒪᔨᑕᐃᑦ ᓴᓇᒋᐊᓕᓐᓂᑦ
ᐃᖃᓗᐃᑦ ᓄᓇᓕᐸᐅᔭᖓᑦ
C.McDonald@iqaluit.ca
