ᓇᖕᒥᓂᕆᔭᑦ ᑮᓇᐅᔭᓕᐅᕐᕕᑦ

ᐃᓄᖕᓄᑦ ᑐᓴᕋᑦᓴᖅ

ᖃᖓᑦᑕᖅᑎᑕᐅᓯᒪᔪᖅ ᑐᓴᐅᒪᐅᑎᓕᕆᔾᔪᑎ ᐱᔨᑦᓯᕋᐅᑎᖓ ᐊᑐᖏᑲᐃᓐᓇᕐᓂᖓ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐸᕐᓇᑦᓯᒪᔪᖃᕐᒪᑦ ᖃᖓᑦᑕᖅᑎᑕᐅᓯᒪᔪᖅ ᑐᓴᐅᒪᐅᑎᓕᕆᔾᔪᑎ ᐊᑐᖏᑲᐃᓐᓇᓂᐊᕐᓂᖓᓂᑦ ᐱᒋᐊᕐᓗᓂ ᐅᓐᓄᐊᒃᑯᑦ ᖁᓛᓅᖅᐸᑦ (12-ᒨᖅᐸᑦ) ᑕᓪᓕᒥᕐᒥ, ᐋᒐᓯ 4. ᐸᕐᓇᐅᑕᐅᓯᒪᔪᖅ ᐊᑐᖏᑲᐃᓐᓇᓂᐊᕐᓂᖓᓂᑦ ᐃᑲᕐᕋᓄᑦ ᑕᓪᓕᒪᓄᑦ (5).

ᐊᑐᖏᑲᐃᓐᓇᕐᓂᖓᓂ, ᐅᖄᓚᐅᑎᕋᓛᑦ ᑎᒍᒥᐊᒐᐃᑦ ᐊᒻᒪ ᐃᓐᑐᓂᐊᕈᑏᑦ ᐊᑐᖅᑕᐅᔪᓐᓇᔾᔮᖏᒻᒪᑕ. ᑐᐊᕕᕐᓇᖅᑐᓕᕆᔨᒃᑯᑦ ᐱᔨᑦᓯᕋᐅᑎᖏᓐᓂᑦ ᐊᑐᕆᐊᖃᕐᓂᕈᑦᓯ ᑖᒃᑯᓇᓂ ᐃᑲᕐᕋᓂ, ᐅᖄᓚᐅᑏᑦ ᐃᓕᑦᓯᓐᓃᑉᐸᑦᑐᖅ ᐊᑐᖔᕆᐊᖃᕐᓂᐊᖅᑕᐃᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᐊᖅᑯᑎᐅᑉ ᒪᑐᓯᒪᓂᖕᒐ – ᐊᓪᓚᖖᒍᐊᖅ ᐊᖅᑯᑎ
ᐋᒡᒌᓯ 2, 2023 – ᐃᖃᓗᐃᑦ, ᓄᓇᕗᑦ

ᐃᖃᓗᖕᓂ ᓄᓇᓕᐸᐅᔭᒃᑯᑦ ᑐᓴᐅᒪᖁᔨᔪᑦ ᐊᖅᑯᑎᐅᑉ ᒪᑐᓯᒪᓛᕐᓂᖕᒐᓂᒃ ᐋᒡᒌᓯ 4-ᒥᑦ 10-ᒧᑦ, ᐊᓪᓚᖖᒍᐊᖅ ᐊᖅᑯᑎᖕᒐ. ᑖᓐᓇ ᒪᑐᓯᒪᓂᐅᓛᖅᑐᖅ ᐱᕕᖃᖅᑎᑦᑎᓛᕐᒪᑦ ᐊᖅᑯᑎ ᓄᑖᖖᒍᕆᐊᖅᑕᐅᓗᓂ ᐊᒻᒪᓗ ᑰᒡᕕᓕᖅᓱᖅᑕᐅᓗᓂ.

ᐊᑐᖅᑕᐅᔪᓐᓇᕐᓂᐊᖅᑐᖅ ᓱᓕ ᐊᓪᓚᖖᒍᐊᖅ ᐊᖅᑯᑎ ᓴᓇᔭᐅᒐᓗᐊᖅᑎᓪᓗᒍ. ᐃᓂᖕᒐᑕ ᐋᖅᑭᒃᓯᒪᓂᒃ ᐊᒻᒪᓗ ᐃᖕᒋᕐᕋᕕᐅᔪᓐᓇᖅᑐᑦ ᓇᓗᓇᐃᖅᓯᒪᔪᖅ ᐊᑖᓃᑦᑐᖅ.

##

ᑐᑭᒋᓯᐊᒃᑲᓐᓂᕈᒪᒍᕕᑦ, ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ:
ᑕᐃᒥᓗᐊ ᐋᑎᓕᑭ - ᐱᓕᕆᐊᒃᓴᓕᕆᔨ - ᐃᖃᓗᓐᓂ ᓄᓇᓕᐸᐅᔭᖅ -867-222-2950 | t.adeleke@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐱᐅᓂᖅᐹᖅ ᐊᖏᕐᕋᒥ ᐆᒪᔪᖁᑎᓂ 2023 - ᐅᐃᓚ
ᐋᒐᓯ 1, 2023 – ᐃᖃᓗᐃᑦ, ᓄᓇᕗᑦ

ᐅᓇ ᐅᐃᓚ, ᓵᓚᑦᓴᖅᑐᖅ ᓄᓇᓕᐸᐅᔭᐃᑦ ᐃᖃᓗᐃᑦ ᐊᖏᕐᕋᒥ ᐆᒪᔪᖁᑎᑦᓯᐊᕙᐅᓛᓄᑦ ᓵᓚᑦᓴᕋᓲᑎᒥᑦ. ᐱᖃᑕᐅᔪᒪᓂᐊᕐᓗᓂ ᐊᖏᕐᕋᒥ ᐆᒪᔪᕈᑎᑦᓯᐊᕙᐅᓂᕐᒧᑦ, ᖃᐃᑦᓯᒋᐊᖃᓚᐅᖅᑐᑎᑦ ᐊᔾᔨᖕᖑᐊᖓᓂᑦ ᐆᒪᔪᖁᑎᕕᑦ ᐊᑐᖅᑎᓪᓗᒍ ᓄᓇᓕᐸᐅᔭᐃᑦ ᐃᖃᓗᐃᑦ ᐊᖏᕐᕋᒥ ᐆᒪᔪᖁᑎᓄᑦ ᓚᐃᓴᒥᑦ.

ᐅᓪᓗᒐᓚᒻᒪᕆᓐᓂᑦ ᐊᒧᓯᖃᑦᑕᓚᐅᖅᑎᓪᓗᒋᑦ ᐲᔭᐃᕙᓪᓕᐊᓪᓗᑎᒃ ᓵᓚᑦᓴᕋᓱᖃᑕᐅᔪᓂᑦ, ᐅᐃᓚ ᐅᖃᐅᓯᐅᓕᓚᐅᖅᑐᖅ ᐊᖏᕐᕋᒥ ᐆᒪᔪᖁᑎᑦᓯᐊᕙᐅᓛᖑᓂᕐᒥᑦ 2023-ᒥ. ᐅᐃᓚ ᓂᐊᖁᖕᖒᑎᓂ ᓄᓇᖃᖅᑐᖅ, ᐊᒻᒪ ᖁᕕᐊᓱᑐᐃᓐᓇᑦᓯᐊᐸᑦᑐᖅ ᐱᖕᖑᐊᖃᑎᖃᕆᐊᑦᓴᖅ ᓱᕈᓯᕐᓂᑦ ᓂᐊᖁᖕᖒᑎᒥᐅᑕᓂᑦ. ᓱᕈᓯᕐᒥᑦ ᐊᕐᓴᒥᑦ ᐃᒋᑦᓯᔪᖃᖅᐸᑦ, ᐅᐃᓚᐅᑉ ᐅᑎᖅᑎᓐᓂᐅᓴᑐᐃᓐᓇᖅᑕᖓ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖃᓗᐃᑦ ᓵᓚᑦᓴᖅᑐᑦ ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ
ᐋᒐᓯ 1, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᓪᓗᒍ ᐅᖃᐅᓯᖃᕈᒪᓕᕆᕗᑦ ᐱᖃᑕᐅᕙᓐᓂᖅ ᖃᓄᐃᓕᐅᖅᑐᓄᑦ ᐱᑎᑦᓯᓚᐅᕐᒪᑕ ᓄᓇᓕᐸᐅᔭᐃᑦ ᐃᖃᓗᓐᓂᑦ ᑕᐃᒎᓯᕐᒥᑦ “ᓄᓇᕗᑦᒥ ᕿᑲᖏᓛᖑᕙᑦᑐᑦ ᓄᓇᓕᐅᔪᑦ” 2023-ᒥ ᐱᖃᑕᐅᕙᓐᓂᖅ ᓄᓇᓕᐅᔪᑦ ᐱᓇᓱᐊᒐᖓᓐᓂᑦ.

ᐃᓚᒋᔭᐅᓗᓂ ᑖᑦᓱᒧᖓ ᑕᐃᒎᓯᑦᓯᐊᕚᓗᒻᒧᑦ, ᐃᖃᓗᐃᑦ ᐱᖕᖑᐊᖅᑐᓕᕆᔨᒃᑯᖏᑦ ᐱᑎᑕᐅᓂᐊᕐᒥᔪᑦ ᑮᓇᐅᔭᓂᑦ $15,000 ᑐᕌᖓᒋᐊᓕᓐᓂᑦ ᑎᒥᒥᑦ ᕿᑲᔾᔭᐃᒃᑯᑎᑦᓴᓄᑦ ᓄᓇᓕᓐᓂ.

ᐃᓄᖕᓄᑦ ᑐᓴᕋᑦᓴᖅ
ᑕᑯᒍᕕᒋᑦ ᖃᐅᒪᔪᐃᑦ, ᑕᓕᖅᐱᓐᓄᑦ ᓴᖑᒋᐊᖃᖅᑐᑎᑦ ᓄᖅᑲᕐᓗᑎᑦ
ᐋᒐᓯ 1, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕐᒥᔪᑦ ᓄᓇᓕᕐᒥᐅᑕᓂᑦ ᑐᐊᕕᕐᓇᖅᑐᓕᕆᔨᒃᑯᑦ ᓄᓇᒃᑰᔫᖁᑎᖏᑦ ᐃᑭᓪᓛᑎᓪᓗᒋᑦ ᖃᐅᒪᖏᑦ ᐊᒻᒪ ᖁᖁᐊᖅᑎᓪᓗᒋᑦ ᐊᕝᕙᐃᕆᐊᖅᑕᐅᖏᓐᓇᕆᐊᖃᖅᐸᑦᑐᑦ ᐃᖏᕐᕋᑎᓪᓗᒋᑦ ᐃᖃᓗᐃᑦ ᐊᑐᕆᐊᖏᓐᓂ ᑕᐃᒪᐃᓕᐅᖅᑎᓪᓗᒋᑦ ᓄᓇᒃᑰᔫᖏᑦ.

ᐅᖃᕐᓗᓂ ᑐᑭᓯᓇᖅᑐᒥᑦ, ᑕᑯᓐᓂᕈᕕᑦ ᐃᑭᓪᓛᔪᓂᒃ ᖃᐅᒪᓂᒃ ᐊᒻᒪ ᖁᖁᐊᖅᑎᓪᓗᒋᑦ, ᓄᓇᒃᑰᔫᑦ ᑕᓕᖅᐱᓐᓄᑦ ᓴᖑᑎᒋᐊᓖᑦ ᓄᖅᑲᕐᓗᑎᑦ ᑐᐊᕕᕐᓇᖅᑐᓕᕆᔨᒃᑯᑦᓄᓇᒃᑰᔫᖏᑦ ᖄᖏᕋᓱᓐᓂᖏᓐᓂ.

ᒪᓕᑦᑐᒋᑦ ᓄᓇᓕᐸᐅᔭᐃᑦ ᐃᖃᓗᐃᑦ ᒪᓕᒐᕋᓛᖁᑎᖓᓐᓂᑦ 943 ᑎᑎᕋᕐᓯᒪᕕᒻᒦᑦᑐᑦ 2.25, ᐊᑭᓕᕆᐊᓕᒃ ᑐᐊᕕᕐᓇᖅᑐᓕᕆᔨᒧᑦ ᓄᓇᒃᑰᔫᖁᑎᒥᑦ ᐃᑳᖅᑎᑦᓯᓇᓱᐊᖏᑦᑐᓄᑦ ᐃᒪᓐᓇᐃᑦ $500.

ᐃᓄᖕᓄᑦ ᑐᓴᕋᑦᓴᖅ

ᐳᐃᔾᔪᕋᕐᕕᐅᑉ ᒪᑐᓯᒪᓂᖓ ᐅᖓᕝᕙᒋᐊᖅᑕᖅ ᐊᒻᒪ ᕿᑲᕐᓇᐅᑎᓪᓗᒍ ᐃᑲᕐᕋᖏᑦ

ᐋᒐᓯ 1, 2023 – ᐃᖃᓗᐃᑦ, ᓄᓇᕗᑦ

ᒫᓐᓇᒃᑯᑦ ᐳᐃᔾᔪᕋᕐᕕᐅᑉ ᒪᑐᔭᐅᓯᒪᓂᖓ ᐊᕐᕌᒍᑕᒫᕐᓯᐅᑎᓄᑦ ᒪᑭᒪᑎᑦᓯᔾᔪᑎᓄᑦ ᐱᓕᕆᔾᔪᑎᓂᑦ ᐅᖓᕝᕙᒋᐊᖅᑕᐅᔪᖅ, ᐊᒻᒪ ᐳᐃᔾᔪᕋᕐᕕᒃ ᒪᑐᓯᒪᐃᓐᓇᓂᐊᖅᑐᖅ ᓈᑦᓯᐅᖑᔭᓛᕐᓂᐊᒧᑦ, ᐋᒐᓯ 12. ᐊᕐᕌᒍᑕᒫᖅ ᒪᑭᒪᑎᑦᓯᔾᔪᑎᓂᑦ ᐱᓕᕆᐊᖑᕙᒻᒪᑦ ᐳᐃᔾᔪᕋᕐᕕᒃ ᐊᐅᓚᑕᐅᖏᓐᓇᖁᓪᓗᒍ ᒪᓕᑦᑕᐅᓗᓂ ᓴᓇᔭᐅᓯᒪᓂᖓ ᖃᓄᖅ.

ᐋᒐᓯ 7-ᒥ ᐃᓄᖕᓄᒃ ᕿᑲᕐᓇᐅᓕᖅᐸᑦ, ᐃᖃᐃᓕᓴᕐᕕᐅᑉ ᐃᑲᕐᕋᖏᑦ ᐃᓚᖕᖓᕐᓯᒪᓛᖅᑐᑦ. ᒪᑐᐃᖓᓛᖅᑐᑦ ᖁᓛᓂᓂᒃ ᐅᓪᓗᒃᑯᑦ 4-ᒧᓄᑦ ᐅᓐᓄᓴᒃᑯᑦ.

###

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ 
ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ ᖃᓛᖅᑎᑦᑎᑲᑕᒍᓐᓃᕋᓗᐊᖅᐸᑕ ᖃᓄᐃᑦᑐᓐᓃᖅᑐᖅ - 2200's, 2600's, 2800's, 4000's,4100's
ᔪᓚᐃ 28, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ: 2200's, 2600's, 2800's, 4000's, 4100's

##

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ-ᔪᓚᐃ 25
2200’s, 2600’s, 2800’s, 4000’s ᐊᒻᒪᓗ 4100’s
ᔪᓚᐃ 25, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᔪᓚᐃ 25, 2023 ᐱᒋᐊᕐᓗᑎᒃ 3 :30 ᐅᓐᓄᓴᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 2200’s, 2600’s, 2800’s, 4000’s ᐊᒻᒪᓗ 4100’s
ᐃᒥᖅ ᐳᓪᓚᖃᕈᓐᓃᓂᖅᐸᑦ, ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᓄᓇᕘᒧᑦ ᓴᖅᑮᕙᑦᑐᑦ ᐅᔾᔨᕈᓱᒋᐊᖁᔨᔾᔪᑎᒥᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᖅᐸᑦᑐᑎᒃ. ᑕᒪᓐᓇ ᐃᒥᒃᑯᑦ ᓄᖅᑲᑎᑦᓯᒍᑎᐅᔪᖅ ᐊᑦᑐᐊᓯᒪᒍᓂ ᐃᕝᕕᑦ ᓇᔪᒐᖓᓐᓂᑦ, ᐅᔾᔨᕈᓱᒋᐊᕈᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᕗᑎᑦ.

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᖅ
ᕿᑲᕐᓇᐅᑎᓪᓗᒍ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᓄᑦ ᐊᒻᒪ ᓄᓇᓕᐸᐅᔭᒃᑯᑦ ᐊᓪᓚᖏᑦ ᒪᑎᓯᒪᓂᖏᑦ
ᔪᓚᐃ 25, 2023 − ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᒃᑯᑦ ᐅᖃᐅᔾᔨᒋᐊᕈᒪᔪᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᑦ ᐊᒻᒪ ᓄᓇᓯᐅᑎᓄᑦ ᐱᔨᑦᑎᖅᑕᐅᔪᑦ ᐊᐅᓚᓂᖃᔾᔮᖏᑦᑐᑦ:
   • ᓇᒡᒐᔾᐅ, ᐋᒐᓯ 7, 2023

ᖃᐅᔨᒪᓂᐊᖅᑯᓯ ᐅᑯᐊ ᐊᓯᒎᕈᑎᔅᓴᐃᑦ ᐊᑐᖅᑕᐅᓂᐊᖅᑐᑦ ᓄᓇᓯᐅᑎᓄᑦ

ᐱᔨᑦᑎᖅᑕᐅᔪᓄᑦ: ᐃᒥᕐᒧᑦ ᐊᒻᒪ ᑭᓈᓗᓐᓄᑦ ᓄᓇᓯᐅᑎᓄᑦ ᐱᔨᑦᑎᖅᑕᑦ
   • ᓇᒡᒐᔾᐅ, ᐋᒐᓯ 7, 2023 – ᓄᓇᓯᐅᑎᓄᑦ ᐱᒡᔨᑦᑎᖅᑐᖃᖏᑦᑐᖅ
   • ᐊᐃᑉᐱᖅ, ᐋᒐᓯ 8, 2023 – 6:00 ᐅᓪᓛᒃᑯᑦ ᓄᖑᒐᓱᐊᕐᓂᖓᓄᑦ