ᐳᓛᖅᑎᑦ

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐊᑐᕆᐊᖅ ᒪᑐᓯᒪᔪᖅ - ᓯᓈ ᐊᑐᕆᐊᖅ
ᐋᒃᑑᐸ 20, 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᒪᑐᔭᐅᓯᒪᓂᐊᖅᑐᒥᑦ ᐸᕐᓇᐅᑕᐅᔪᒥᑦ ᐋᒐᓯ 28ᒥ ᐱᒋᐊᓗᓂ ᐋᒃᑑᐸ 24ᒧᑦ ᓯᓈ ᐊᑐᕆᐊᕐᒥᒃ ᒪᑐᓯᒪᓂᐊᖅᑐᖅ ᐊᑐᕆᐊᑦᑕᖓ ᓴᓇᔭᐅᒋᐊᕈᒪᒻᒪᑦ ᐊᒻᒪ ᑰᕝᕕᑦᓴᓂᑦ ᐋᖅᑭᑦᓯᕕᐅᓗᓂ.

ᖃᓂᒋᔭᖓᓂ ᐱᓕᕆᕝᕕᓖᑦ/ᐃᓪᓗᓖᑦ ᓱᓕ ᐸᓚᐅᒑ ᐊᑐᕆᐊᕐᒨᕈᓐᓇᓂᐊᖅᑐᑦ ᓴᓇᓂᖏᓐᓂ. ᐃᓂᒋᔭᐅᔪᖅ ᐊᒻᒪ ᐊᑐᕆᐊᓂ ᐊᐅᓚᑕᐅᓂᐊᖅᑐᑦ ᐸᕐᓇᐅᑏᑦ ᑕᑯᑦᓴᐅᑎᑕᐅᔪᑦ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑖᐊᒥᓗᐊᕐ ᐊᑎᐅᓪᓕᑭ
ᐱᓕᕆᐊᑦᓴᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-222-2950 | t.adeleke@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖃᐅᔨᓴᕐᓗᑎᒃ ᐳᑑᕆᓂᐊᖅᑐᑦ ᑰᓕᐊᕆᐊᒥ
ᐋᒃᑑᐸ 18 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᓄᓇᖁᑎᓕᐅᖅᐸᓪᓕᐊᓕᕐᒪᑕ ᑰᓕᐊᕆᐊᒥ ᓴᓇᕕᖃᕐᕕᑦᓴᒥᑦ ᑕᒪᒃᑯᐊ ᓄᑖᑦ ᓴᓇᕕᖃᕐᕕᑦᓴᑦ ᓄᓇᖁᑎᓕᐊᖑᓂᐊᖅᑐᑦ ᓴᓇᔭᐅᒋᐊᖃᓕᕐᒪᑕ ᐃᑲᔪᕐᓱᐃᔾᔪᑎᐅᓂᐊᖁᓪᓗᒋᑦ ᓄᓇᓕᐅᑉ ᐱᕈᖅᐸᓪᓕᐊᓂᖓ ᐱᓪᓗᒍ.

ᖃᐅᔨᓴᕐᕕᒻᒥ ᓱᑎᒋᔪᓂᑦ ᑕᑯᖃᑦᑕᓂᐊᖅᑐᓯ ᐊᕐᕌᒍᒥ ᐱᒋᐊᕈᑎᐅᓗᑎᒃ ᖃᐅᔨᓴᖅᑏᑦ ᓄᓇᒥᑦ ᐋᒃᑑᐸ 2023. ᐋᒃᑑᐸᒥ ᐊᒻᒪ ᓅᕖᐱᕆᒥ 2023, ᑕᑯᕙᓐᓂᐊᑐᑦᓴᐅᕗᓯ ᐊᒻᒪ ᑐᓴᕐᓴᐅᕙᓪᓗᑎᒃ “ᖃᐅᔨᓴᕐᕕᑦᓴᒥᑦ ᐃᓯᕐᓴᒥᑦ” ᐳᑑᕆᔪᓂᑦ, ᑐᑭᓯᒋᐊᕈᑎᒋᓇᓱᑉᐸᓂᐊᖅᑕᑎᓐᓂᑦ ᐊᕙᑎᐅᑉ ᖃᐅᔨᓴᖅᑕᐅᔫᑉ ᓄᓇᑦᑕᖓᓂᑦ.

ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ

102, 103, 104, 105, 106, 107, 108, 109 + 273

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᐋᒃᑑᐸ 17, 2023 ᐱᒋᐊᕐᓗᑎᒃ 1 :00 pm ᐅᓪᓛᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ:  102, 103, 104, 105, 106, 107, 108, 109 + 273

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᖃᓗᐃᑦ ᓄᕗᐊᓗᐊᓂ ᓱᓇᑐᐃᓐᓇᐃᑦ ᕿᒪᑦᑕᐅᓯᒪᑐᐃᓐᓇᖅᑐᑦ
ᐋᒃᑑᐸ 16 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᐱᖁᑎᓕᓐᓂᑦ ᓱᓇᑐᐃᓐᓇᕐᓂᑦ ᐃᓗᐊᓃᑦᑐᓂᑦ ᐊᐅᐸᖅᑑᑉ ᐊᒻᒪᓗᑭᑖᑉ ᐊᔾᔨᖕᖑᐊᕐᒥ ᖃᐅᔨᒋᐊᖁᔭᐅᔪᑦ ᓄᓇᓕᓐᓂᑦ ᒪᓕᒐᕋᓛᓕᕆᔨᒃᑯᓐᓄᑦ ᐃᕐᖐᓇᖅᑕᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ municipalenforcement@iqaluit.ca ᐅᕝᕙᓘᓐᓃᑦ ᐅᖄᓚᕕᐅᓗᑎᒃ ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑕ ᑭᐅᔨᖏᑦ ᐅᕗᖓ 979-5650.

ᐃᓂᖓ ᓄᓇᖁᑎ ᓯᕗᓂᑦᓯᐊᖓᓃᑦᑐᖅ ᓄᓇᒃᑰᔫᖃᕐᕕᐅᑉ ᓄᕗᐊᓗᒻᒥ ᐅᒥᐊᓂᑦ ᐃᒫᓅᕆᕕᖓᓂ. ᐃᓘᓐᓇᑎᒃ ᐅᒥᐊᑦ, ᖃᒧᑕᐅᔭᐃᑦ ᐊᒻᒪ ᖃᒧᑏᑦ ᓅᑕᐅᒋᐊᑐᖏᑦᑐᑦ ᐃᓂᖏᓐᓂᑦ.

ᓄᓇᕗᒻᒥ ᐊᔪᕈᑎᓖᑦ ᒪᑭᓐᓇᓱᐊᖅᑏᑦ ᑲᑐᔾᔨᖃᑎᒋᖓᑕ ᑐᑭᓯᑎᑦᑎᒋᐊᖅᑐᑎᒃ ᑲᑎᑦᑎᓂᖓ

ᐃᖃᓗᐃᑦ ᓄᓇᓕᐸᐅᔭᖓ ᐅᖃᐅᓯᖃᕆᐊᒃᕈᒪᒻᒪᑦ ᒫᓐᓇᑦᑎᐊᖑᔪᔪᖅ ᑭᒃᑯᓕᒫᓄᑦ ᑐᓴᖅᑕᐅᑎᑦᑎᓂᐅᔪᔪᒥᑦ ᑐᑭᓯᑎᑦᑎᒋᐊᕐᓗᑕ ᑲᑎᒪᖃᑎᖃᕈᒪᓂᑦᑎᓐᓂᑦ ᐃᓐᓇᑐᖃᕐᓂᑦ ᐅᖃᐅᓯᖃᕐᓗᑕ ᐋᓐᓂᐊᕕᓐᓄᑦ ᐃᑲᔪᖅᑕᐅᓪᓗᑎᒃ ᐃᓅᔪᓐᓃᖅᑎᑕᐅᔪᓐᓇᓂᕐᒥᑦ. ᑐᑭᓯᓯᒪᒐᑦᑕ ᑖᓐᓇ ᑐᓴᖅᑕᐅᑎᑦᑎᔾᔪᑎᕗᑦ ᐊᒃᓱᑲᓪᓛᓗᒃ ᐃᑉᐱᓐᓂᐊᓕᖅᑎᑦᑎᓯᒪᒻᒪᑦ ᓄᓇᓕᑦᑎᓐᓂ, ᑕᐃᒫᓪᓗ ᑐᑭᓯᓇᖅᓯᑎᑦᑎᒍᒪᒐᑦᑕ ᓱᒐᓱᐊᕐᒪᖔᑦᑕ ᐊᒻᒪᓗ ᐅᖃᐅᔾᔨᔪᒪᓪᓗᑕ ᐊᖏᖅᓯᒪᓂᖃᑦᑎᐊᕋᑦᑕ ᖃᓄᐃᓐᖏᑦᑎᐊᖁᓪᓗᒋᑦ ᐃᖃᓗᒻᒥᐅᖑᖃᑎᕗᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ- ᐋᒃᑑᐸ 17
183, 184, 227, 228 + 601
ᐋᒃᑑᐸ 13, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᓇᒡᒋᔾᔭᐅᓕᖅᑭ, ᐋᒃᑑᐸ 17, 2023 ᐱᒋᐊᕐᓗᑎᒃ ᐅᓐᓄᓴᒃᑯᑦ 3 :15-ᒥᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 183, 184, 227, 228 + 601

ᐃᒥᖅ ᐳᓪᓚᖃᕈᓐᓃᓂᖅᐸᑦ, ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᓄᓇᕘᒧᑦ ᓴᖅᑮᕙᑦᑐᑦ ᐅᔾᔨᕈᓱᒋᐊᖁᔨᔾᔪᑎᒥᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᖅᐸᑦᑐᑎᒃ. ᑕᒪᓐᓇ ᐃᒥᒃᑯᑦ ᓄᖅᑲᑎᑦᓯᒍᑎᐅᔪᖅ ᐊᑦᑐᐊᓯᒪᒍᓂ ᐃᕝᕕᑦ ᓇᔪᒐᖓᓐᓂᑦ, ᐅᔾᔨᕈᓱᒋᐊᕈᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᕗᑎᑦ.

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᖁᔭᓕᓐᓇᐅᑎᓪᓗᒍ ᐱᓇᓱᐊᕈᓯᐅᑉ ᓄᖕᖑᐊᓂ ᐊᑐᕆᐊᓂ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᐱᓕᕆᐊᑦᓴᖅ
ᐋᒃᑑᐸ 12 2023 – ᐃᖃᓗᐃᑦ, ᓄᓇᕗᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᓄᓇᓕᓐᓂ ᒪᓕᒐᕋᓛᓕᕆᔨᖏᑦ ᑲᑐᔾᔨᖃᑎᖃᖅᑐᑎᒃ ᕈᐊᐃᐅᓪ ᑲᓇᐃᑎᐊᓐ ᒪᐃᓐᑕᑦ ᐸᓖᔅ (RCMP) ᐸᓖᓯᒃᑯᓐᓂᑦ ᐊᐅᓚᑦᓯᓚᐅᖅᑐᑦ ᑭᒃᑯᑐᐃᓐᓇᕐᓂᑦ ᖃᐅᔨᓴᖅᐸᓚᐅᖅᑐᑦ ᓱᕐᕋᓯᒪᖏᒃᑲᓗᐊᕐᒪᖔᑕ ᐃᒥᐊᓗᒻᒧᑦ ᐋᖓᔮᕐᓇᖅᑐᓄᓪᓘᓐᓃᑦ ᐊᒻᒪ ᐊᑦᑕᓇᑦᑕᐃᓕᒪᔪᓕᕆᓂᕐᒥᑦ ᓄᓇᓕᐸᐅᔭᐃᑦ ᐃᖃᓗᐃᑦ ᐃᓗᐊᓂ ᓇᒧᑐᐃᓐᓇᖅ ᓅᑉᐸᑦᑐᑎᒃ ᖁᔭᓕᓐᓇᐅᑎᓪᓗᒍ ᐱᓇᓱᐊᕈᓯᐅᑉ ᓄᖕᖑᐊᓂ.