ᐳᓛᖅᑎᑦ

ᐃᓄᖕᓄᑦ ᑐᓴᕋᑦᓴᖅ

ᐊᐳᒻᒧᑦ ᐊᒻᒪ ᓂᓚᒻᒧᑦ ᓄᐊᕝᕕᐅᕙᓐᓂᖏᑦ ᓄᓇᒃᑰᔫᑦ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐱᔾᔪᑎᒋᓪᓗᒋᑦ ᒪᓕᒐᐃᑦ ᑎᑎᕋᕐᓯᒪᔪᑦ ᐅᕙᓂ ᓄᓇᓕᓐᓂ ᐊᑐᕆᐊᓂ ᐃᖏᕐᕋᔾᔪᑎᓄᑦ ᐊᑦᑕᓇᑦᑕᐃᓕᒪᔪᓕᕆᔾᔪᑎ ᒪᓕᒐᕋᓛᖅ 943, ᐊᒻᒪᑦᑕᐅᖅ ᓄᓇᕘᒥ ᐊᑐᕆᐊᒃᑯᑦ ᐃᖏᕐᕋᕙᑦᑐᓄᑦ ᐊᑦᑕᓇᖅᑐᒦᖁᔨᒐᑎᒃ ᒪᓕᒐᖅ ᐱᔾᔪᑎᒋᓪᓗᒋᑦ ᐲᔭᐃᕙᓐᓂᐅᔪᖅ ᓄᓇᒃᑰᔫᓄᑦ ᓄᐊᕝᕕᐅᓯᒪᔪᓂᑦ ᐊᐳᒻᒧᑦ, ᓂᓚᒻᒧᑦ ᐅᕝᕙᓘᓐᓃᑦ ᓱᓇᑐᐃᓐᓇᕐᓄᑦ ᐊᕝᕕᐊᕈᑎᐅᓂᐅᓴᔪᓄᑦ ᐊᖁᑎᐅᑉ ᑕᑯᔪᓐᓇᖅᑕᖏᓐᓂᑦ ᓄᓇᒃᑰᔫᑉ ᐃᒐᓛᖏᒍᑦ ᐅᕝᕙᓘᓐᓃᑦ ᓄᓇᒃᑰᔫᒥᑦ ᐲᑐᐃᓐᓇᕆᐊᓕᓐᓄᑦ ᓄᓇᒃᑰᔫᖅ ᐃᖏᕐᕋᔾᔪᑎᐅᑎᓪᓗᒍ.

ᐅᑭᐅᖅᐸᓪᓕᐊᓕᕐᒥᑎᓪᓗᒍ ᓄᓇᑦᑎᓐᓂ, ᐊᐱᓂᐅᓴᑐᐃᓐᓇᕐᒪᑦ ᐊᒻᒪ ᓱᓇᑐᐃᓐᓇᐃᑦ ᖁᐊᖅᐸᓕᕐᓗᑎᒃ ᓂᓚᕈᕐᓗᑎᒃ, ᐲᔭᐃᓂᐅᔪᖅ ᑕᒪᒃᑯᓂᖓ ᓄᓇᒃᑰᔫᓐᓂᒃ ᐱᒻᒪᕆᐅᕙᒻᒪᑦ ᐊᑦᑕᓇᖅᑐᒦᖁᔭᐅᒐᓯ ᐊᒻᒪ ᐊᓯᓯ ᓄᓇᒃᑰᔫᖅᐸᒻᒥᔪᑦ ᐊᒻᒪ ᐱᓱᑉᐸᑦᑐᑦ ᐊᑐᕆᐊᒃᑯᑦ.

ᐃᓄᓐᓄᑦ ᑐᓴᕋᔅᓴᖅ

2024 ᓇᒻᒥᓂᖁᑎᓄᑦ ᐱᓕᕆᒍᓇᐅᑎᓂᒃ ᓄᑕᔾᔨᖅᓯᓂᑦ

ᓄᓇᓕᐸᐅᔭᒃᑯᑦ ᐃᖃᐃᑎᑦᑎᒍᒪᒻᒪᑕ ᓇᒻᒥᓂᖁᑎᓂᒃ ᓇᒻᒥᓂᓕᓐᓂᒃ ᑕᒪᓐᓇ ᖃᕋᑕᐅᔭᒃᑯᑦ ᐃᓯᖅᑕᕝᕕᒃ ᓇᒻᒥᓂᖁᑎᓂᒃ ᐱᓕᕆᒍᓐᓇᐅᑎᑦ ᓄᑕᔾᔨᖅᑕᐅᓂᖏᑦ ᑕᒪᑐᒧᖓ 2024 ᐅᓪᓗᖅᓯᐅᑎᑦ ᐊᕐᕋᒍᖓᓄᑦ ᒫᓐᓇ ᒪᑐᐃᖓᓕᒻᒪᑦ!

ᓇᒻᒥᓂᖁᑎᓂᒃ ᓇᒻᒥᓂᓕᑦ ᑲᔪᖏᖅᓱᖅᑕᐅᕗᑦ ᑐᓂᓯᖁᔭᐅᓪᓗᑎᒃ ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᓂᒃ ᖃᕋᑕᐅᔭᒃᑯᑦ ᐃᖃᓗᐃᑦ ᓇᒻᒥᓂᖁᑎᓄᑦ ᐱᓕᕆᒍᓐᓇᐅᑎᑦ ᐱᓕᕆᔾᔪᑎᑐᖓᒍᑦ ᓯᕗᓂᖓᓂ ᔭᓄᐊᕆ 31−ᖓ, 2024 ᐱᒍᓐᓇᖁᓪᓗᒋᑦ ᐊᑭᑭᓪᓕᒋᐊᖅᓯᒪᔪᒥᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ. ᓄᑕᔾᔨᖅᓯᓂᒻᒧᑦ ᑐᒃᓯᕋᐅᑎᑦ ᐱᔭᐅᔪᑦ ᕕᕗᐊᕆ 1−ᖓᓂ, 2024 ᐊᒻᒪᓗ ᑭᖑᓂᖓᒍᑦ, ᐊᑭᓖᑎᑕᖃᑦᑕᓂᐊᒻᒪᑕ ᐃᓘᓐᓇᓕᒫᖓᓂᒃ ᓄᑕᔾᔨᖅᓯᓂᒻᒧᑦ ᐊᑭᖓᓂᒃ.

ᐃᓄᖕᓄᑦ ᑐᓴᕋᑦᓴᖅ

ᐊᑐᕆᐊᖅ ᒪᑐᔭᐅᓯᒪᔪᖅ - ᐸᓚᐅᒑ ᐊᑐᕆᐊᖅ

ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᐸᕐᓇᐅᑕᐅᔪᒥᑦ ᒪᑐᓯᒪᒐᔭᕐᓂᖓᓄᑦ ᓅᕖᐱᕆ 5- ᓅᕖᐱᕆ 17- ᐸᓚᐅᒑ ᐊᑐᕆᐊᖅ.

ᓄᓇᓕᕐᒥᐅᑕᐃᑦ ᐊᑐᕆᐊᒃᑰᐸᑦᑐᑦ ᐅᐸᒍᓐᓇᐸᓐᓂᐊᖅᑐᑦ ᓱᓕ ᐸᓚᐅᒑ ᐊᑐᕆᐊᖅ. ᐱᓕᕆᐊᖃᕐᓂᖏᓐᓂ. ᐃᓂᖓᑕ ᖃᓄᐃᓕᖓᓂᖓ ᐊᒻᒪ ᐊᑐᕆᐊᒃᑯᑦ ᐊᐅᓚᑕᐅᕕᐅᓛᖅᑐᖅ ᑕᑯᑦᓴᐅᑎᑕᐅᔪᑦ ᐊᔾᔨᖕᖑᐊᒥ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᖅᑎᓂᑦ ᐊᐅᓚᑦᑎᔨ 867-979-5607 k.driscoll@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᐃᒥᖃᖏᑲᐃᓐᓇᓛᖅᑐᑦ ᐊᒻᒪ ᐅᔾᔨᕈᓱᒋᐊᕈᑎᒥᑦ ᐃᒥᕐᒥᒃ ᑎᖅᑎᑎᑦᑎᖃᑦᑕᕆᐊᖃᕐᓗᑎᒃ
441, 442, 443, 445, 446, 447, 450, 451, 452, 453, 455, 1631, 1637, 1639, 1641, 1643, 1680, 1682, 1684 +1686
ᓅᕖᐱᕆ 1, 2023 – ᐃᖃᓗᐃᑦ, ᓄᓇᕗᑦ

ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᑎᓴᒻᒥᖅ, ᓅᕖᐱᕆ 2, 2023 ᐱᒋᐊᕐᓗᑎᒃ 9 :00 ᐅᓪᓛᒃᑯᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.

ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 441, 442, 443, 445, 446, 447, 450, 451, 452, 453, 455, 1631, 1637, 1639, 1641, 1643, 1680, 1682, 1684 +1686

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᐅᑎᖅᑐᑦ

11:00am- ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᕐᕕᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᐸᐅᔭᒃᑯᑦ ᐱᔨᑦᓯᕋᖅᑎᖏᑦ ᐱᔨᑦᓯᕋᓕᕐᒥᒻᒪᑕ, ᐃᒥᖅᑕᑏᓪᓗ, ᓴᓂᓕᕆᐅᑎᓕᕆᔩᑦ, ᐊᒻᒪ ᐅᑎᕐᒪᑕ ᐊᓪᓚᕕᒻᒥᐅᑕᐃᑦ ᐱᔭᑦᓴᕆᕙᑦᑕᒥᓄᑦ.

ᐊᖅᑯᑎᓗᐊᑕᐅᔪᑦ ᐊᐳᑕᐃᔭᕐᓯᒪᔫᒥᓕᖅᑐᑦ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᕐᓯᓪᓗᑎᓪᓗ. ᐊᑐᕆᐊᑦ ᒪᑯᐊ, ᐊᓯᖃᕈᓐᓇᕆᓪᓗᑎᒃ, ᐊᖅᑯᑎᓪᓗᐊᑕᖏᑦ ᐊᒻᒪ ᓄᐊᑦᓯᕕᐅᕙᓐᓂᖏᑦ ᐱᔨᑦᓯᕋᖅᑎᓄᑦ ᓄᓇᓕᐅᑉ ᕿᑎᐊᓃᓐᓂᖏᑦ (ᓲᕐᓗ ᓄᓇᓕᐅᑉ ᕿᑎᖓᒎᖓᔪᖅ, ᖃᖅᑲᓕᐊᕆᐊᖅ, ᓂᐊᖁᖕᖒᓯᐊᕆᐊᖅ ᐊᒻᒪ ᖃᖓᑕᓲᒃᑯᕕᓕᐊᕆᐊᖅ).  ᐊᓯᖏᑦ ᐊᑐᕆᐊᑦ ᐊᑐᖅᑕᐅᓗᐊᖅᐸᖏᑦᑐᑦ ᓱᓕ ᐊᐳᑕᐃᔭᕐᓯᒪᖕᖏᑐᐃᓐᓇᕆᐊᓖᑦ.

ᐃᓄᖕᓄᑦ ᑐᓴᕋᑦᓴᖅ

ᐃᒥᖃᖏᑲᐃᓐᓇᖅᑎᑕᐅᓂᐊᖅᑲᐅᔪᑦ ᖁᔭᓈᖅᑕᐅᑲᐃᓐᓇᖅᑐᑦ

ᐅᓪᓗᒥ ᐸᕐᓇᐅᑎᐅᓯᒪᔪᖅ ᐃᒥᖃᖏᑲᐃᓐᓇᑎᑦᓯᓂᐅᓂᐊᖅᑲᐅᔪᖅ ᐃᓪᓗᓄᑦ ᐅᑯᓂᖓ 630, 902, 911, 913, 922, 924, 933, 944, 946, 1023, 1025, 1026, 1028, 1029, 1030, 1031, 1033, 1034, 1036 + 1057  ᖁᔭᓈᖅᑕᐅᑲᐃᓐᓇᖅᑐᖅ. ᑕᒪᓐᓇ ᐱᔾᔪᑎᒋᓪᓗᒍ, ᐃᒥᕐᒥᒃ ᑎᖅᑎᑎᑦᓯᒋᐊᑐᖏᑦᑐᑦ ᑖᒃᑯᓇᓂ ᓇᔪᒐᖃᖅᑎᐅᔪᑦ. ᑐᓴᖅᑎᓛᕐᒥᔭᕗᑦ ᓄᓇᓕᕐᒥᐅᑕᐃᑦ ᐃᒥᖃᖏᑎᑕᐅᓂᐅᓴᓕᖅᐸᑕ. ᖁᔭᓐᓇᒦᖔᓯᑦ ᐅᑕᖅᑭᑦᓯᐊᐸᒃᑲᑦᓯ.

##

ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ: ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᓯᔨ 867-979-5607 k.driscoll@iqaluit.ca

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ
ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ

6:30am- ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.

ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ.  ᐅᖄᓚᒍᓐᓇᖅᑐᓯ 979-4422 ᖃᑦᑎᕆᔨᒃᑯᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ.

ᐃᓄᖕᓄᑦ ᑐᓴᕋᑦᓴᖅ

ᕼᐋᓗᐄᖑᓕᖅᐸᑦ ᐳᓚᕋᓐᓂᐅᔪᖅ ᐅᓐᓄᒃᑯᑦ ᑭᖑᕙᒋᐊᖅᑕᖅ

ᐱᔾᔪᑎᐅᓗᓂ ᓯᓚᐅᑉ ᖃᓄᐃᓐᓂᖓ ᐊᒻᒪ ᑕᑯᕕᑦᓴᐅᓯᐊᖏᓐᓂᖓ, ᓄᓇᓕᐸᐅᔭᐃᑦ ᐃᖃᓗᐃᑦ ᑭᖑᕙᒋᐊᕆᔪᒪᔪᑦ ᕼᐋᓗᐄᖑᓕᖅᐸᑦ ᐳᓚᕋᓐᓂᐅᔪᒥᑦ. ᐳᓚᕋᓐᓂᐅᔪᖅ ᐊᑐᖅᑕᐅᖔᖁᔭᐅᓕᖅᑐᖅ ᐱᖓᑦᓯᕐᒥ, ᓅᕖᐱᕆ 1.

ᐊᑏ ᐳᐃᒍᑦᑕᐃᓕᒋᑦᓯ ᖃᐅᔨᓴᕆᐊᑦᓴᖅ ᖁᕕᐊᓱᑦᑐᒻᒪᕆᐅᔪᓂᑦ ᓄᑲᑉᐱᐊᓂᑦ, ᐊᒻᒪ ᐃᓚᒋᔭᐅᔪᓄᑦ ᐃᖃᓗᓐᓂ ᒪᓕᒐᕋᓛᓕᕆᔨᒃᑯᓐᓂᑦ ᐊᒻᒪ ᐃᖃᓗᓐᓂ ᑐᐊᕕᕐᓇᖅᑐᓕᕆᔨᒃᑯᓐᓂᑦ ᑕᑯᒍᕕᒋᑦ ᐳᓚᕋᑦᑐᖃᕐᓂᖓᓂ. ᑐᓂᓯᒐᑦᓴᖃᕐᒪᑕ ᐱᔪᒥᓇᖅᑐᓂᑦ.

ᐊᑦᑕᓇᔾᔭᐃᕐᓯᒪᓂᐊᖅᑯᓯ, ᐊᒻᒪ ᖁᕕᐊᓱᓪᓗᓯ ᐳᓚᕋᓕᕈᑦᓯ.

##

ᐃᓄᖕᓄᑦ ᑐᓴᕋᑦᓴᖅ

ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ ᐃᓯᕐᕕᖓᑕ ᐱᕕᑐᓂᖓ ᓴᓇᔭᐅᒋᐊᕐᓂᐊᖅᑐᖅ

ᐃᓯᕐᕕᖓᑕ ᐱᕕᑐᓂᖓ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᐅᑉ - ᐃᓪᓗ 901 - ᓴᓇᔭᐅᒋᐊᕆᐊᕐᒪᑦ ᐃᓗᐊ ᐊᒻᒪ ᒪᑐᓯᒪᑲᐃᓐᓇᓂᐊᖅᑐᖅ ᑭᒃᑯᑐᐃᓐᓇᕐᓄᑦ ᓅᕖᐱᕆ 6-ᒥᑦ ᑏᓰᐱᕆ ᕿᑎᐊᓄᑦ.

ᐊᓐᓂᑭᑦᑐᕐᕕᒻᒧᑦ ᓱᓕ ᐃᓯᕐᕕᑦᓴᐅᓂᐊᖅᑐᖅ. ᐃᓯᕐᕕᑦᓴᐅᓂᐊᖅᑐᖅ ᐊᕐᓇᐃᑦᑐᖅ ᐊᓐᓂᑭᑦᑐᕐᕕᒻᒧᑦ ᓄᓇᓯᐅᓄᑦ ᓄᖅᑲᖓᕕᐊᓂᑦ ᐳᐃᔾᔪᕋᕐᕕᖃᕐᕕᐅᑉ. ᐊᓐᓂᑭᑦᑐᕐᕕᒻᒨᕐᕕᑦᓴᐅᓗᓂ ᐃᓯᕐᕕᐅᓗᓂ ᐊᐅᐸᑦᑐᖅ ᒪᑐ, ᓴᓂᐊᓃᑦᑐᖅ ᐃᓯᕐᕕᑯᑖᖓᑕ, ᓄᓇᓯᐅᑎᓄᑦ ᓄᖅᑲᖓᕕᒻᒥᑦ ᐃᓯᕐᕕᒃᑯᑦ.