ᑲᓇᑕᐅᑉ ᐸᓖᓯᖏᑦ – (867) 979-1111
ᖃᑦᑎᕆᔨᒃᑯᑦ/ᓄᓇᒃᑰᔫᖅ ᑐᐊᕕᖅᑐᓕᕆᔾᔪᑎ – (867) 979 - 4422
ᐱᕐᓯᑎᓪᓗᒍ ᑐᑭᓯᒋᐊᕐᕕᒃ – (867) 979-5300ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᐃᓘᓐᓇᖏᓐᓂᑦ ᐃᖃᓗᒻᒥᐅᑕᓂᑦ ᐊᒻᒪ ᓇᖕᒥᓂᖃᖅᑎᓂᑦ ᐃᒥᓕᕆᔾᔪᑎᓄᑦ ᐊᑭᓕᕐᓱᐃᑎᑕᐅᕙᑦᑐᓂᑦ ᓱᓪᓗᓕᒃᑯᑦ ᐃᒪᖃᖅᐸᑦᑐᓂᑦ ᑕᑯᓛᕐᓂᖏᓐᓂᑦ ᐊᓯᔾᔨᕐᓯᒪᔪᓂᑦ ᑕᖅᑭᖓᓄᑦ ᓰᑏᐱᕆ. ᑕᐃᒃᑯᐊ ᐱᔨᑦᓯᕋᐅᑎᐅᔪᑦ ᐊᑦᑐᖅᑕᐅᔾᔮᖏᑦᑐᑦ ᓄᓇᒃᑰᔫᒃᑯᑦ ᐃᒪᖃᖅᑎᑕᐅᕙᑦᑐᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᐃᑎᑦᓯᒍᒪᓕᕆᕗᑦ ᓄᓇᓕᕐᒥᐅᑕᓂᑦ ᐅᔾᔨᕐᓱᑲᓐᓂᖁᔭᐅᓗᑎᒃ ᓇᓕᐊᓐᓄᕋᓕᕈᑎᒃ ᕼᐋᓗᐄᓐᓇᐅᓕᖅᐸᑦ ᐳᓚᕋᓐᓇᐅᓕᖅᐸᑦ ᓇᒡᒋᔾᔭᐅᓕᖅᑭᕐᒥ, ᐋᒃᑑᐸ 31, 2023.
ᓱᕈᓰᑦ ᐊᑦᑕᓇᖅᑐᒦᖁᓇᒋᑦ ᐳᓚᕋᓐᓂᖏᓐᓂ, ᐃᖃᓗᐃᑦ ᓄᓇᓕᖓᓂ ᒪᓕᒐᕋᓛᓕᕆᔨᒃᑯᑦ ᐱᓕᕆᖃᑎᖃᕐᓗᑎᒃ ᐃᖃᓗᐃᑦ ᖃᑦᑎᕆᔨᒃᑯᖏᓐᓂᑦ ᓱᑐᐃᓐᓇᕐᒦᓛᕐᒪᑕ ᐃᖃᓗᐃᑦ ᐃᓗᐊᓂ ᖃᐅᔨᒪᑦᓯᕙᓪᓗᑎᒃ ᐊᖅᑯᑎᓂᑦ ᐃᓚᒌᓄᑦ ᐊᕐᕌᒍᑦᑎᓐᓂ ᐳᓚᕋᓐᓂᐊᖅᑐᓄᑦ, ᐊᒻᒪ ᖃᐅᔨᓴᖅᐸᓪᓗᑎᒃ ᓇᒥᑐᐃᓐᓇᖅ ᓄᓇᓕᐅᑉ ᐃᓗᐊᓂ ᐊᒻᒪ ᑕᑯᑦᓴᐅᓇᓱᐊᖅᐸᓪᓗᑎᒃ ᓇᒥᑐᐃᓐᓇᖅ ᕼᐋᓗᐄᓐᓇᐅᑎᓪᓗᒍ ᐅᓐᓄᒃᑯᑦ.
ᐱᖓᑦᓯᕐᒥ ᐋᒃᑑᐸ 25, ᐱᒋᐊᕐᓗᑎᒃ 9-ᒨᖅᐸᑦ ᐅᓐᓄᒃᑯᑦ, ᐊᑐᕆᐊᒃᑰᐸᑦᑐᑦ ᐸᕝᕕᓵᖑᑲᐃᓐᓇᓛᖅᑐᑦ. ᐊᖏᔪᐊᓗᒻᒥᑦ ᔭᓄᕋᐃᑐᒥᑦ ᐊᐅᓚᐅᑎᐸᐅᔭᓂᑦ ᐊᑐᕆᐊᒃᑯᑦ ᓅᑦᓯᑲᐃᓐᓇᓛᕐᒪᑕ ᐅᒥᐊᕐᔪᐊᓄᑦ ᓂᐅᕋᐃᕕᒻᒥᑦ ᐊᐅᓚᐅᑎᖃᕐᕕᒻᒧᑦ ᐆᒻᒪᖅᑯᑎᓕᕆᔨᒃᑯᓐᓄᑦ.
ᒪᕐᕉᓐᓂᒃ (2) ᐃᑲᕐᕌᓂᖅᑲᐃ ᐱᓕᕆᓛᖅᐸᓪᓚᐃᔪᑦ. ᐊᑏ ᐅᔾᔨᕆᓇᓱᐊᓛᖅᑲᓯᐅᒃ ᐱᓕᕆᔨᐅᔪᑦ, ᐊᒻᒪ ᖁᔭᓐᓇᒦᒃ ᐅᑕᖅᑭᑦᓯᐊᓛᕐᒥᒐᑦᓯ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑭᐊᓐᑦ ᑐᕆᔅᑯᓪ ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᔨᓂᑦ ᐊᐅᓚᑦᓯᔨ
867-979-5607 k.driscoll@iqaluit.ca
ᖃᐅᔨᒪᖁᔭᐅᔪᓯ ᐃᒥᖃᖏᑎᑕᐅᓛᕐᓂᖓᓂᑦ ᐱᖓᑦᓯᖅ, ᐋᒃᑑᐸ 25, 2023 ᐱᒋᐊᕐᓗᑎᒃ ᐅᓐᓄᓴᒃᑯᑦ 3-ᒥᑦ ᓴᓇᔭᐅᔭᕆᐊᖃᕐᒪᑕ ᐃᒥᓕᕆᔾᔪᑏᑦ.
ᐃᒥᖃᖏᑎᑕᐅᑲᐃᓐᓇᕋᔭᖅᑐᑦ: 183, 184, 227A - 227L, 228, 601
ᐃᒥᖅ ᐳᓪᓚᖃᕈᓐᓃᓂᖅᐸᑦ, ᐊᖏᔪᖅᑳᖓᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᓄᓇᕘᒧᑦ ᓴᖅᑮᕙᑦᑐᑦ ᐅᔾᔨᕈᓱᒋᐊᖁᔨᔾᔪᑎᒥᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᕆᐊᖃᖅᐸᑦᑐᑎᒃ. ᑕᒪᓐᓇ ᐃᒥᒃᑯᑦ ᓄᖅᑲᑎᑦᓯᒍᑎᐅᔪᖅ ᐊᑦᑐᐊᓯᒪᒍᓂ ᐃᕝᕕᑦ ᓇᔪᒐᖓᓐᓂᑦ, ᐅᔾᔨᕈᓱᒋᐊᕈᑎᒃᑯᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᕗᑎᑦ.
ᓄᓇᓕᐸᐅᔭᐃᑦ ᐃᖃᓗᐃᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᒥᐅᑕᓂᑦ ᐃᒥᕐᒥᒃ ᑎᖅᑎᑎᑦᑎᖁᔨᓂᖅ ᐅᕙᓂ ᐲᖅᑕᐅᒻᒪᑦ ᐃᓪᓗᐃᑦ ᓇᓴᐅᑎᖐᑦ: 102, 103, 104, 105, 106, 107, 108, 109 + 273.
ᑐᑭᓯᒋᐊᒃᑲᓐᓂᕐᕕᑦᓴᖅ ᐅᓪᓗᒃᑯᑦ ᐃᖅᑲᓇᐃᔭᕐᓇᐅᑎᓪᓗᒍ ᐅᕗᖓ:
ᓲ ᐊᐃᕗᕆ ᓴᓇᔪᓕᕆᔨᒃᑯᑦ ᐊᓪᓚᑦᑎᖓᑦ S.Avery@iqaluit.ca | 867-979-5630
ᓄᓇᓕᐸᐅᔭᐃᑦ ᐃᖃᓗᐃᑦ ᖁᕕᐊᒋᓪᓗᒋᑦ ᐃᓕᑦᓯᓐᓂᒃ ᑐᓴᖅᑎᑦᓯᒍᒪᓕᕆᕗᑦ ᐱᖕᖑᐊᖅᑐᓕᕆᓂᕐᒥᑦ ᐱᓕᕆᔨᕗᑦ ᐃᖅᑲᓇᐃᔭᖅᑎᑦᓴᓯᐅᓕᕐᒥᒻᒪᑕ ᐊᒥᓱᓂᑦ. ᓄᑖᖑᓛᖑᔪᓐᓇᕐᓯᔪᑎᑦ ᐃᓚᒋᔭᐅᓕᕐᓗᑎᑦ ᐱᓕᕆᔨᓄᑦ ᖁᕕᐊᓇᖅᑐᓂᑦ ᑎᒥᒧᑦ ᐱᐅᔪᓂᑦ ᖃᓄᐃᓕᐅᕈᑎᑦᓴᓕᐅᖃᑕᐅᕙᓪᓗᑎᑦ ᐃᖃᓗᒻᒥᐅᓕᒫᓄᑦ.
ᕿᓂᖅᑐᒍᑦ ᐅᑯᓂᖓ ᐃᖅᑲᓇᐃᔭᖅᑎᑦᓴᓂᑦ:
ᐃᓪᓗᒥᑦ ᓴᓗᒻᒪᕐᓴᐃᔨ - ᐱᖕᖑᐊᖅᑐᓕᕆᔨᒃᑯᑦ ᐱᓕᕆᕝᕕᖏᓐᓂᑦ
ᐳᐃᔾᔪᕋᖅᑐᓂᑦ ᖃᐅᔨᓴᖅᑎ/ᐳᐃᔾᔪᕋᕐᓂᕐᒥᑦ ᐃᓕᓴᐃᔨ
ᐱᖕᖑᐊᖅᑐᓕᕆᔨᒃᑯᑦ ᐱᓕᕆᐊᑦᓴᖏᓐᓂᑦ ᑐᑭᒧᐊᑦᑎᑦᓯᔨ
ᐱᖕᖑᐊᖅᑐᓕᕆᔨᒃᑯᓐᓂ ᐱᓕᕆᐊᑦᓴᓕᕆᔨᑦᓴᓂᑦ
ᓄᓇᓕᐸᐅᔭᐃᑦ ᐃᖃᓗᐃᑦ ᑐᓴᐅᒪᖁᔨᓕᕆᕗᑦ ᓄᓇᓕᕐᒥᐅᑕᓂᑦ ᐊᑐᕆᐊᕐᒥᑦ ᒪᑐᔭᐅᓯᒪᓂᐊᖅᑐᒥᑦ ᐸᕐᓇᐅᑕᐅᔪᒥᑦ ᐋᒐᓯ 28ᒥ ᐱᒋᐊᓗᓂ ᐋᒃᑑᐸ 24ᒧᑦ ᓯᓈ ᐊᑐᕆᐊᕐᒥᒃ ᒪᑐᓯᒪᓂᐊᖅᑐᖅ ᐊᑐᕆᐊᑦᑕᖓ ᓴᓇᔭᐅᒋᐊᕈᒪᒻᒪᑦ ᐊᒻᒪ ᑰᕝᕕᑦᓴᓂᑦ ᐋᖅᑭᑦᓯᕕᐅᓗᓂ.
ᖃᓂᒋᔭᖓᓂ ᐱᓕᕆᕝᕕᓖᑦ/ᐃᓪᓗᓖᑦ ᓱᓕ ᐸᓚᐅᒑ ᐊᑐᕆᐊᕐᒨᕈᓐᓇᓂᐊᖅᑐᑦ ᓴᓇᓂᖏᓐᓂ. ᐃᓂᒋᔭᐅᔪᖅ ᐊᒻᒪ ᐊᑐᕆᐊᓂ ᐊᐅᓚᑕᐅᓂᐊᖅᑐᑦ ᐸᕐᓇᐅᑏᑦ ᑕᑯᑦᓴᐅᑎᑕᐅᔪᑦ.
##
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:
ᑖᐊᒥᓗᐊᕐ ᐊᑎᐅᓪᓕᑭ
ᐱᓕᕆᐊᑦᓴᓕᕆᔨ
ᓄᓇᓕᐸᐅᔭᐃᑦ ᐃᖃᓗᐃᑦ
867-222-2950 | t.adeleke@iqaluit.ca
ᓄᓇᓕᐸᐅᔭᐃᑦ ᐃᖃᓗᐃᑦ ᑎᒥᖁᑎᖓᑦ ᓄᓇᖁᑎᓕᐅᖅᐸᓪᓕᐊᓕᕐᒪᑕ ᑰᓕᐊᕆᐊᒥ ᓴᓇᕕᖃᕐᕕᑦᓴᒥᑦ ᑕᒪᒃᑯᐊ ᓄᑖᑦ ᓴᓇᕕᖃᕐᕕᑦᓴᑦ ᓄᓇᖁᑎᓕᐊᖑᓂᐊᖅᑐᑦ ᓴᓇᔭᐅᒋᐊᖃᓕᕐᒪᑕ ᐃᑲᔪᕐᓱᐃᔾᔪᑎᐅᓂᐊᖁᓪᓗᒋᑦ ᓄᓇᓕᐅᑉ ᐱᕈᖅᐸᓪᓕᐊᓂᖓ ᐱᓪᓗᒍ.
ᖃᐅᔨᓴᕐᕕᒻᒥ ᓱᑎᒋᔪᓂᑦ ᑕᑯᖃᑦᑕᓂᐊᖅᑐᓯ ᐊᕐᕌᒍᒥ ᐱᒋᐊᕈᑎᐅᓗᑎᒃ ᖃᐅᔨᓴᖅᑏᑦ ᓄᓇᒥᑦ ᐋᒃᑑᐸ 2023. ᐋᒃᑑᐸᒥ ᐊᒻᒪ ᓅᕖᐱᕆᒥ 2023, ᑕᑯᕙᓐᓂᐊᑐᑦᓴᐅᕗᓯ ᐊᒻᒪ ᑐᓴᕐᓴᐅᕙᓪᓗᑎᒃ “ᖃᐅᔨᓴᕐᕕᑦᓴᒥᑦ ᐃᓯᕐᓴᒥᑦ” ᐳᑑᕆᔪᓂᑦ, ᑐᑭᓯᒋᐊᕈᑎᒋᓇᓱᑉᐸᓂᐊᖅᑕᑎᓐᓂᑦ ᐊᕙᑎᐅᑉ ᖃᐅᔨᓴᖅᑕᐅᔫᑉ ᓄᓇᑦᑕᖓᓂᑦ.