ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ

03/01/2024

ᑭᒃᑯᑐᐃᓐᓇᕐᓄᑦ ᑐᓴᕋᑦᓴᖅ

ᓄᓇᓕᓐᓂ ᐱᔨᑦᓯᕋᖅᑏᑦ ᓱᓕ ᓄᖅᑲᖓᑲᐃᓐᓇᖅᑎᑕᑦ

ᔮᓐᓄᐊᕆ 04, 2024 – ᐃᖃᓗᐃᑦ, ᓄᓇᕗᑦ

7:30 AM - ᓄᓇᓕᐸᐅᔭᐃᑦ ᐃᖃᓗᐃᑦ ᐃᖅᑲᓇᐃᔭᖅᑎᖏᑦ ᖃᐅᔨᒪᖁᔨᔪᑦ ᓄᓇᓕᓐᓂᒥᐅᑕᓂᑦ ᓄᓇᓕᓐᓂ ᐱᔨᑦᓯᕋᖅᑎᓕᒫᑦ ᓱᓕ ᓄᖅᑲᖓᑎᑕᐅᒻᒪᑕ ᓇᓗᓇᐃᕐᓯᑲᓐᓂᓚᐅᖏᓐᓂᖏᓐᓂ ᐊᓯᐊᒍᑦ, ᐱᓪᓗᒍ ᓯᓚᕈᔫᓗᐊᕐᓂᖓ.

ᖃᑦᑎᕆᔨᒃᑯᑦ, ᓄᓇᒃᑰᔫᒃᑯᑦ ᑐᐊᕕᕐᓇᖅᑐᓕᕆᔨᒃᑯᑦ ᐊᒻᒪ ᐸᓖᓯᒃᑯᑦ ᐅᖄᓚᕕᐅᒍᑎᒃ ᐅᐸᒍᓐᓇᓂᐊᖅᑐᑦ ᑭᓯᐊᓂ ᓯᓚ ᐅᓗᕆᐊᓇᓗᐊᓕᖅᐸᑦ ᓯᓚᕈᔫᓗᐊᕐᓂᖓᓄᑦ ᐊᒻᒪ/ᐅᕝᕙᓘᓐᓃᑦ ᐅᐸᑦᑕᐅᔪᓐᓇᖏᒃᑯᑎᒃ; ᓯᓚ ᐱᓪᓗᒍ ᓇᓗᓇᖏᑦᑐᖅ ᐅᑕᖅᑭᑲᐃᓐᓇᖃᑦᑕᓂᐊᖅᑐᑦ. ᐅᖄᓚᒍᓐᓇᖅᑐᓯ 979-4422 ᖃᑦᑎᕆᔨᒃᑯᓐᓄᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ.

ᓄᓇᓕᓐᓂᒥᐅᑕᐃᑦ ᐊᑐᕆᐊᕐᓃᖏᑲᐃᓐᓇᖁᔭᐅᔪᑦ ᓱᓕ ᐅᖓᓯᑦᑐᒧᑦ ᑕᑯᕕᑦᓴᐅᖏᓪᓗᐊᕐᓂᖓᓂ, ᐊᓄᕌᓗᐊᕐᓂᖓᓂ ᐊᑐᕆᐊᕐᓗ ᐊᑦᑕᓇᓗᐊᕐᒪᑕ.

ᓄᓇᒃᑰᔫᖁᑎᒥᓂᒃ ᐃᖅᑲᐃᑎᑕᐅᕗᑦ ᓅᑦᓯᖁᔭᐅᓗᑎᒃ ᐊᕝᕙᐃᕐᓯᒪᓂᐊᕐᒪᑕ ᐊᐳᑕᐃᔭᐃᔨᓂᑦ ᐃᑲᔪᕐᓱᐃᓗᑎᒃ. ᕿᒪᐃᑐᐃᓐᓇᕐᓯᒪᔪᑦ ᐊᑐᕆᐊᓂ ᐊᒻᒪ ᓄᓇᒃᑰᔫᖅᑐᑦ ᐊᕝᕕᐊᑐᐃᓐᓇᖅᑐᑎᒃ ᐊᐳᑕᐃᔭᐃᔪᓂᑦ ᐊᑐᕆᐊᓂᑦ ᐊᐳᑕᐃᔭᐃᓂᖏᓐᓂ ᑎᒍᔭᐅᓚᑦᓯᑐᐃᓐᓇᕆᐊᓖᑦ ᒪᓕᑦᑕᐅᓗᑎᒃ ᓄᓇᓕᓐᓂ ᐊᒻᒪ ᓄᓇᕘᒥ ᒪᓕᒐᐃᑦ. ᓄᓇᓕᐸᐅᔭᒃᑯᑦ ᐸᓯᔭᑦᓴᐅᔾᔮᖏᑦᑐᑦ ᐊᐳᑕᐃᔭᐃᑎᓪᓗᒋᑦ ᓄᓇᒃᑰᔫᒥᑦ ᓱᕋᐃᓐᓂᖅᐸᑕ ᐊᑐᕆᐊᓂ ᕿᒪᑦᑕᐅᑐᐃᓐᓇᕐᓯᒪᔪᒥᑦ ᐅᕝᕙᓘᓐᓃᑦ ᓱᕋᐃᓐᓂᖅᐸᑕ ᓅᑎᕆᑎᓪᓗᒋᑦ ᓄᓇᒃᑰᔫᒥᑦ.

ᓄᓇᓕᓐᓂᒥᐅᑕᐃᑦ ᓄᓇᒃᑰᔫᒃᑯᑦ ᐱᔨᑦᓯᕋᖅᑕᐅᕙᑦᑐᑦ ᐃᒥᕐᒥᒃ ᐱᐅᕐᓱᐊᖁᔭᐅᔪᑦ ᐊᒻᒪ ᑯᕝᕕᕋᓗᐊᖏᑲᐃᓐᓇᕐᓗᓯᓗ ᐊᓐᓄᕌᓂᑦ ᐅᐊᓴᐃᖏᑲᐃᓐᓇᕐᓗᓯ ᐊᒻᒪ ᓂᕐᕆᑎᓄᑦ ᐅᐊᓴᕐᕕᓐᓂᑦ ᐊᑐᖕᖏᑲᐃᓐᓇᕐᓗᓯᓗ, ᐊᒻᒪᑦᑕᐅᖅ ᑎᒻᒥᑳᖅᑐᒧᑦ ᐅᕕᓂᓐᓂᐊᑲᐃᓐᓇᕐᓗᓯ ᐅᕕᓂᓐᓂᐊᕐᕕᒃ ᐊᖏᔪᖅ ᐊᑐᖕᖏᑲᐃᓐᓇᕐᓗᒍ.

ᑐᓴᕆᐊᒃᑲᓐᓂᕐᕕᑦᓴᖅ ᓄᓇᓕᓐᓂ ᐱᔨᑦᓯᕋᖅᑏᑦ ᐱᔾᔪᑎᒋᓪᓗᒋᑦ ᐅᖄᓚᓗᓂ ᐱᕐᓯᑎᓪᓗᒍ ᐅᖄᓚᕕᐅᒋᐊᓕᓐᓄᑦ 979-5300. ᐅᓇ ᐃᓄᓐᓄᑦ ᑐᓴᕋᑦᓴᖅ ᐊᑐᖅᑕᐅᖏᓐᓇᓂᐊᖅᑐᖅ ᐊᓯᐊᒍᑦ ᓇᓗᓇᐃᕐᓯᓚᐅᖏᓐᓂᖏᓐᓂ.

##

ᑐᑭᓯᒋᐊᒃᑲᓐᓂᕈᒪᔪᑦ ᖃᐅᔨᒋᐊᖅᑕᐅᒍᓐᓇᖅᑐᖅ ᐅᓇ:

ᐊᓕᒃᓯ ᑳᒧᕋᓐ

ᑐᓴᐅᒪᐅᑎᓕᕆᓂᕐᒥᑦ ᐊᒻᒪ ᐱᔨᑦᓯᕋᐅᑎᓕᕆᓂᕐᒥᑦ ᐊᐅᓚᑦᑎᔨ

ᓄᓇᓕᐸᐅᔭᐃᑦ ᐃᖃᓗᐃᑦ 867-979-5607 | k.driscoll@iqaluit.c

Notice: 
Notices Categories: