ᓄᓇᓕᓐᓂᒥᐅᑕᐃᑦ

ᖃᑦᑎᕆᔨᓄᑦ ᐃᒪᖃᐅᑏᑦ ᖃᐅᔨᓴᖅᑕᐅᓂᖏᑦ ᐊᑦᑐᐃᓂᖃᑐᐃᓐᓇᕆᐊᓖᑦ ᐃᒥᕐᒧᑦ ᓱᓪᓗᓕᓐᓂ ᐳᓪᓚᑦᓯᒪᓂᖏᓐᓂᑦ / ᐃᓱᕐᓂᖓᓂᑦ
ᐋᑦᑑᐸ 17, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᐱᓇᓱᐊᕈᓯᕐᓂ ᐊᒡᒋᖅᑐᓂ, ᐃᖅᑲᓇᐃᔭᖅᑏᑦ ᖃᐅᔨᓴᖃᑦᑕᖑᓱᒻᒪᑕ ᖃᑦᑎᕆᔨᓄᑦ ᐃᒥᖃᐅᑎᓂᑦ ᐃᖃᓗᐃᑦ ᐃᓗᐊᓂ ᓱᑐᐃᓐᓇᒦᑦᑐᓂᑦ, ᖃᓄᐃᖏᒃᑲᓗᐊᕐᒪᖔᑕ ᖃᖓᑐᐃᓐᓇᖅ ᐊᑐᖅᑕᐅᒋᐊᖃᓕᕐᓂᕈᑎᒃ. ᖃᐅᔨᓴᕐᓂᖏᓐᓂᑦ, ᐃᒥᕐᒧᑦ ᓱᓪᓗᓕᓐᓂ ᐳᓪᓚᓯᒪᓂᖏᑦ ᐊᑦᑐᖅᑕᐅᓚᐅᖅᐸᓂᐊᖅᑐᑦ ᕿᓚᒥᐅᒐᓗᐊᖅ. ᐊᒻᒪᑦᑕᐅᖅ, ᖃᐅᔨᓴᓚᐅᖅᑎᓪᓗᒋᑦ, ᐃᒥᖅ ᐃᓱᕐᓯᑐᐃᓐᓇᕆᐊᖃᕐᒪᑦ, ᐃᒥᒃᑯᕖᑦ ᐃᓗᖏᑦ ᐊᐅᓚᑎᑕᐅᑐᐃᓐᓇᕆᐊᖃᕐᒪᑕ ᐃᓗᓕᕈᓗᖏᑦ ᐊᐅᓚᔾᔭᓪᓗᑎᒃ. ᖃᐅᔨᒪᓂᐊᖅᑯᓯ ᐃᒥᖅ ᖃᐅᔨᓴᖅᑕᐅᖏᓐᓇᓯᐊᕐᒪᑦ, ᐊᒻᒪ ᐅᓗᕆᐊᓇᕋᓂ ᐃᒥᖅᑐᒍ. ᓯᑎᒃᑯᑦ ᓇᑯᕐᒦᖅᑐᑦ ᐃᑲᔪᕐᓯᑦᓯᐊᕐᓂᓯᓐᓂᑦ ᐊᒻᒪ ᑐᑭᓯᐊᑦᓯᐊᕐᓂᓯᓐᓂᑦ ᐱᓕᕆᒋᐊᓕᓐᓂᑦ. -30-
ᑐᑭᓯᒋᐊᒃᑲᓐᓂᕐᕕᑦᓴᖅ ᖃᐅᔨᒋᐊᕐᓗᒍ:

ᓯᑎᒃᑯᑦ ᑲᔪᓯᑎᑦᑎᕗᑦ ᒪᓕᒐᕋᓛᒥᑦ ᓱᐴᖅᑐᕐᓗᒐᖅᑐᕈᓐᓇᕐᓂᑦᒧ /ᓯᒡᒐᓕᐊᖅᑐᕈᓐᓇᓂᕐᒧᑦ /ᐳᔫᖅᑐᓂᑦ ᓯᒡᒐᓕᐊᓐᖑᐊᓄᑦ

ᐊᑦᑐᑉᐱᕆ 10, 2018 - (ᐃᖃᓗᐃᑦ,) -   ᒪᐃᔭ ᕋᑦᐳᓐ, ᑭᒡᒐᖅᑐᐃᓪᓗᓂ ᑲᑎᒪᔨᓂᑦ, ᐅᖃᖅᑲᐅᔪᖅᐅᓪᓗᒥ ᐱᖓᔪᐊᓐᓂ ᐅᖃᓕᒫᖅᑕᐅᓚᐅᕐᖓᑦ ᐅᓐᓅᓚᐅᖅᑐᖅ. ᒪᓕᒐᕋᓛᖅ #863 ᐊᑐᓛᓕᖅᑐᖅ ᐊᑦᑑᑉᐱᕆ 17−ᒥ – ᒐᕙᒪᑐᖃᒃᑯᑦ ᐅᑭᐅᖅᑕᖅᑑᓪᓗ ᐊᕕᑦᑐᖅᓯᒪᓂᖏᑦᑕ ᓱᐴᖅᑐᕐᓗᒐᕐᓄ ᒪᓕᒐᖅᑎᒍᑦ ᐃᓕᓴᕆᔭᐅᓕᖅᑎᓪᓗᒍ.

ᖃᑦᑎᕆᔨᒃᑯ ᒪᑐᐃᖓᓛᖅᑐᑦ ᓯᕙᑖᕐᕕᒻᒥ ᐊᑦᑑᑉᐱᕆ 13−ᒥ  

ᐊᑦᑑᑉᐱᕆ 9 2018 (ᐃᖃᓗᐃᑦ, ᓄᓇᕗᑦ) – ᐱᓇᓱᐊᕈᓯᕆᓛᕐᖓᒍ ᐃᑭᑦᑎᑦᑎᑦᑕᐃᓕᒪᓂᕐᒧᑦ, ᓯᑎᒃᑯᑦ ᑐᐊᕕᕐᓇᖅᑐᓕᕆᕕᖓᓐᓂ ᒪᑐᐃᖓᑎᑦᑎᓛᖅᑐᑦ ᓯᕙᑖᕐᕕᒻᒥ, ᐊᑦᑑᑉᐱᕆ 13, 4−ᒥᑦ ᐅᓐᓄᒃᑯᑦ 7−ᒧᑦ ᐅᓐᓄᒃᑯᑦ ᖃᑦᑎᕆᕕᒻᒥ, ᓯᑎᒃᑯᓐᓂ.

ᖁᔭᓕᓂᕐᒧᑦ ᐅᓪᓘᑎᓪᓗᒍ ᐊᓪᓚᕝᕕᐅᑉ ᐃᑲᕐᕋᕆᓛᖅᑕᖏᑦ ᐊᒻᒪ ᓄᓇᒃᑰᔫᒃᑯᑦ ᐱᔨᑦᓯᕋᖅᑎᓄᑦ ᐅᓪᓗᕐᓯᐅᑎᑦᓴᖅ
ᐋᑦᑑᐸ 4, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᑎᒃᑯᑦ ᐊᓪᓚᕝᕕᖏᑦ ᒪᑐᓯᒪᓛᕐᒪᑕ ᖁᔭᓕᓂᕐᒧᑦ ᐅᓪᓘᑎᓪᓗᒍ, ᓇᒡᒋᔾᔭᐅᒥ, ᐋᑦᑑᐸ 8, 2018. ᓄᓇᒃᑰᔫᒃᑯᑦ ᐱᔨᑦᓯᕋᖅᑏᑦ ᐃᖅᑲᓇᐃᔭᖅᐸᑦᑕᖏᑦ ᐃᑲᕐᕋᖏᒍᑦ ᐃᓚᖕᖓᕐᓯᒪᓛᕐᒥᔪᑦ ᑕᕝᕙᓂ ᐅᓪᓗᕐᒥ.
ᓄᓇᓕᕐᓂᒥᐅᑕᐃᑦ ᐃᒻᒥᖅᑕᐅᔪᒪᓛᖅᑐᑦ ᓇᒡᒋᔾᔭᐅᒥ ᐅᖄᓚᒍᓐᓇᓛᖅᑐᑦ ᓯᑎᒃᑯᑦ ᑭᐅᔨᖏᓐᓄᑦ 979-5650-ᒧᑦ, ᐱᒋᐊᕐᓗᑎᒃ ᐅᓪᓛᒃᑯᑦ 8-ᒥ ᐅᓐᓄᓴᒧᓄᑦ 4-ᒧᓄᑦ. $250-ᓂᑦ ᐊᑭᓖᒋᐊᖃᕋᔭᖅᑐᑦ ᐃᒥᖅᑕᐅᔪᒪᓂᐊᖅᑐᑦ ᑕᕝᕙᓂ ᐅᓪᓗᕐᒥ.

ᑮᓇᐅᔾᔭᔅᓴᒐᑎᑦ ᐃᑲᔪᖃᑦᑕᖅᓯᒪᔪᓄᑦ ᐃᓕᓴᕆᔭᐅᔾᔪᑎᑖᖅᑎᑦᑎᓇᓱᐊᕐᓂᖅ
ᐊᑦᑑᑉᐱᕆ 1, 2018 (ᐃᖃᓗᐃᑦ, ᓄᓇᕗᑦ) – ᓯᑎᒃᑯᑦ ᑭᒃᑯᑐᐃᓐᓇᕐᓂᑦ ᓂᕈᐊᕋᔅᓴᕈᖅᑎᑦᑎᖁᔨᓕᕐᒥᒻᒪᑕ ᐃᑲᔪᖃᑦᑕᖅᑐᓂ ᑮᓇᐅᔾᔭᔅᓴᖏᑦᑐᓂᑦ ᑲᑐᔾᔨᖃᑎᒌᓂᓪᓘᓐᓃᑦ 2018−ᒥ ᐃᓕᓴᕆᔭᐅᖁᓪᓗᒋᑦ.
ᑕᕝᕙᓂ ᐊᕐᒍᒥ ᐃᒪᐃᑦᑐᒥᑦ ᐃᑲᔪᖃᑦᑕᕐᓂᕐᒧᑦ ᐃᓕᓴᕆᔭᐅᔪᓐᓇᖅᑐᑦ:
 ᓄᓇᓕᓐᓂ ᐱᕙᓪᓕᐊᑎᑦᑎᓂᖅ
 ᐃᓅᓱᑦᑐᐃᑦ
 ᓴᓇᓐᖑᐊᕐᓂᖅ
 ᐱᓐᖑᐊᕐᓂᖅ ᒥᕐᖑᐃᓯᕐᓂᓪᓗ
 ᐃᑲᔪᖅᑎᒻᒪᕆᒃ
 ᐱᔨᑦᑎᕋᕐᓂᖅ ᑲᑐᔾᔨᖃᑎᒌᓐᓂᑦ

ᐃᒥᖃᖕᖏᑲᐃᓐᓇᓂᐊᖅᑐᑦ ᓰᑏᐱᕆ 28-ᒥ ᓯᓚᑦᑐᓴᕐᕕᐅᑉ
ᐅᖓᑖᓂᒥᐅᑕᐃᑦ
ᓰᑏᐱᕆ 27, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᑦ ᓯᓚᑦᑐᓴᕐᕕᐅᑉ ᐅᖓᑖᓂ ᐃᓪᓗᓕᓐᓂᑦ ᐃᒥᖃᖕᖏᑲᐃᓐᓇᓛᕐᒪᑕ ᑕᓪᓕᒥᕐᒥ, ᓰᑏᐱᕆ 28, 2018, ᐱᒋᐊᕐᓗᑎᒃ ᐅᓪᓛᒃᑯᑦ 9-ᒥ ᐅᓐᓄᓴᒧᓄᑦ 4-ᒧᓄᑦ ᓯᑎᒃᑯᑦ ᐃᖅᑲᓇᐃᔭᖅᑎᖏᑦ ᐱᔭᕇᓛᖁᓪᓗᒋᑦ ᒪᑭᒪᔾᔪᑎᓂᑦ ᐱᓕᕆᔾᔪᑎᒍᑦ ᓴᓇᔭᕆᐊᓕᓐᓂᑦ ᐃᒥᕐᒧᑦ ᓱᓪᓗᓕᒻᒪᕆᐅᑉ ᐃᓚᖓᓂᑦ.
ᐃᓪᓗᓖᑦ ᐅᑯᓇᓂ ᐊᑦᑐᖅᑕᐅᔪᓄᑦ ᐱᖃᓯᐅᔾᔭᐅᓂᐊᖅᑐᑦ: 500-ᓂ, 5000-ᓂᑦ ᐊᒻᒪ 5100-ᓂᑦ.
ᐅᔾᔨᕈᓱᒋᐊᖁᔨᔾᔪᑎᒥᑦ ᐃᒥᕐᒥᒃ ᑎᖅᑎᑎᑦᓯᖃᑦᑕᖁᔭᐅᓂᐊᖅᑐᑦ ᐊᑐᕐᓂᐊᕐᒥᔪᑦ, ᒪᓕᑦᑐᒋᑦ ᐋᓐᓂᐊᓇᖕᖏᑦᑐᓕᕆᔨᒃᑯᑦ ᐊᑐᖅᑕᐅᖁᔭᖏᑦ, ᐱᒋᐊᕐᓗᑎᒃ ᐅᓐᓄᓴᒃᑯᑦ 4-ᒥ ᑕᓪᓕᒥᕐᒥ, ᓰᑏᐱᕆ 28, ᐅᓐᓄᓴᒧᓄᑦ 4-ᒧᓄᑦ ᓈᑦᓯᐅᖑᔭᒥ, ᓰᑏᐱᕆ 30, 2018.

ᐊᑐᕆᐊᖅ ᒪᑐᓯᒪᑲᐃᓐᓇᓂᐊᖅᑐᖅ ᐊᑯᓐᓂᖓᓃᑦᑐᖅ ᐃᖅᑲᖅᑐᐃᕕᐅᑉ ᐊᒻᒪ ᐳᐃᔾᔪᕋᕐᕕᐅᑉ
ᓰᑏᐱᕆ 14, 2018 (ᐃᖃᓗᐃᑦ, ᓄᓇᕗᑦ) - ᓯᑎᒃᑯᑦ ᖃᐅᔨᒪᖁᔨᓕᕐᒥᔪᑦ ᓄᓇᓕᕐᓂᒥᐅᑕᓂᒃ ᑲᖏᖦᖠᓂᖅ ᐊᑐᕆᐊᖅ - ᐊᑐᕆᐊᖅ ᐊᑦᑐᐊᔪᖅ ᐃᖅᑲᖅᑐᐃᕕᒻᒧᑦ ᐊᒻᒪ ᐳᐃᔾᔪᕋᕐᕕᒻᒧᑦ - ᒪᑐᓯᒪᑲᐃᓐᓇᓛᕐᒪᑦ ᐱᒋᐊᕐᓗᓂ ᓇᒡᒋᔾᔭᐅᒥ, ᓰᑏᐱᕆ 17 ᓄᖕᖑᐊᓄᑦ ᓰᑏᐱᕆ.
ᑎᑎᕋᕐᓯᒪᔪᓂᒃ ᓴᖑᖁᔨᔪᓂᒃ ᐋᖅᑭᑦᓯᓯᒪᓂᐊᖅᑐᑦ ᓄᓇᒃᑰᔫᖅᑐᑦ ᐊᒻᒪ ᐱᓱᑦᑐᑦ ᖃᐅᔨᒪᖁᔭᐅᓗᑎᒃ ᓇᐅᒃᑰᖔᕈᓐᓇᕐᒪᖔᑕ ᐊᑐᕆᐊᒃᑯᑦ.
ᓯᑎᒃᑯᑦ ᒪᒥᐊᑦᑐᑦ ᐊᑲᐅᖏᓕᐅᕈᑎᐅᓂᐊᖅᑐᓂᑦ, ᐊᒻᒪ ᖁᔭᓐᓇᒦᖅᑐᑎᒃ ᑐᑭᓯᒋᐊᓂᑦᓯᓐᓂᑦ.