ᓄᑖᖅ ᓇᒻᒥᓂᖃᑦᑎᓄᑦ ᒪᓕᒐᕋᓛᖅ ᐱᔭᕆᐊᕿᓪᓕᕚᓪᓕᖅᑐᖅ ᐊᑐᖅᑕᐅᓂᖓ ᐊᒻᒪᓗ ᐊᑦᔨᒋᓕᑎᑦᑎᕚᓪᓕᖅᑐᓂ

 

ᐱᕙᓪᓕᐊᔪᑎᒍᑦ ᓴᖅᑭᑕᔅᓴᖅ

ᓄᑖᖅ ᓇᒻᒥᓂᖃᑦᑎᓄᑦ ᒪᓕᒐᕋᓛᖅ ᐱᔭᕆᐊᕿᓪᓕᕚᓪᓕᖅᑐᖅ ᐊᑐᖅᑕᐅᓂᖓ ᐊᒻᒪᓗ ᐊᑦᔨᒋᓕᑎᑦᑎᕚᓪᓕᖅᑐᓂ

ᔪᓚᐃ 11, 2018 (ᐃᖃᓗᐃᑦ, ᓄᓇᕗᑦ) – ᒪᐃᔭ ᕆᐊᑦᕘᓐ ᐊᒻᒪᓗ ᑲᑎᒪᔩᑦ ᖁᕕᐊᓱᑉᐳᑦ ᓇᓗᓇᐃᖅᓯᔭᕆᐊᔅᓴᖅ ᑖᒃᓱᒥᖓ ᓄᑖᒥᒃ ᓇᒻᒥᓂᖃᑦᑎᐅᔪᓄᑦ ᓚᐃᓴᑖᕋᓱᐊᕐᓂᕐᒧᑦ ᒪᓕᒐᕋᓛᖅ (#859) has ᐊᖏᖅᑕᐅᓚᐅᕐᓂᖓᓂᒃ.

“ᑖᓐᓇ ᓄᑖᖅ ᓇᒻᒥᓂᖃᑦᑎᐅᔪᓄᑦ ᓚᐃᓴᑖᕋᓱᐊᕐᓂᕐᒧᑦ ᒪᓕᒐᕋᓛᖅ ᑐᓐᖓᕕᖃᑦᑐᖅ ᐃᓱᒪᒋᔭᐅᖃᑦᑕᓚᐅᖅᑐᓂᒃ ᐅᖃᓪᓚᖃᑎᖃᓐᓂᒃᑯᑦ ᐱᓕᕆᕝᕕᖃᕝᕕᐅᔪᓂᒃ ᓄᓇᓕᓐᓂᒃ,” ᐅᖃᑦᑐᓂ ᒪᐃᔭ ᕆᐊᑦᕘᓐ. “ᓇᒻᒥᓂᖃᑦᑎᐅᔪᑦ ᓇᓗᓇᐃᖅᓯᑦᑎᐊᓚᐅᕐᒪᑕ ᑭᓱᑦ ᐊᑐᖅᑕᐅᑎᐊᕐᒪᖔᑕ ᐊᒻᒪᓗ ᑭᓱᑦ ᐋᖅᑭᒋᐊᖅᑕᐅᔭᕆᐊᖃᒻᒪᖔᑕ.”

ᐱᓪᓗᐊᑕᐅᓂᖏᑦ ᓄᑖᑉ ᓇᒻᒥᓂᖃᑦᑎᓄᑦ ᓚᐃᓴᔅᓯᐅᑉ ᐱᖃᓯᐅᔾᔨᔪᖅ ᓄᑖᓂᒃ ᐊᑭᖏᓐᓄᑦ ᑐᓐᖓᕕᒋᔭᐅᓂᐊᖅᑐᒥᒃ ᐊᑦᔨᒋᖏᑦᑐᑦ ᐊᑭᖏᑦ ᒥᑭᑦᑑᑎᓄᑦ ᐊᒻᒪᓗ ᐊᖏᔪᓄᑦ ᓇᒻᒥᓂᖃᑦᑎᐅᔪᓄᑦ, ᒪᓕᒃᑐᒍ ᖃᑦᑎᓂᒃ ᐃᖅᑲᓇᐃᔭᖅᑎᖃᓐᓂᖓ; ᒥᑭᓪᓕᕚᓪᓕᖅᓯᒪᓂᖓ ᐸᐃᑉᐹᓕᕆᓂᕐᒧᑦ; ᖃᑦᑏᓐᓇᕈᖅᐹᓪᓕᖅᓯᒪᔪᑦ ᓇᐃᓴᐅᑎᖏᑦ ᐱᔪᓐᓇᐅᑎᑖᕆᔭᐅᔭᕆᐊᖃᖃᑦᑕᖅᑐᑦ; ᐅᓄᖅᓯᕚᓪᓕᖅᓯᒪᔪᑦ ᓱᒋᐊᖅᑕᐅᓃᑦ ᒪᓕᖃᑦᑕᖏᑦᑐᓄᑦ; ᖃᑦᑏᓐᓇᕈᖅᐹᓕᖅᓯᒪᔪᑦ ᐊᑭᓖᔾᔪᑎᑦ ᐊᐅᔭᒃᑯᑦ ᓇᒻᒥᓂᖃᕋᓱᐊᕐᓂᕐᒧᑦ; ᐊᒻᒪᓗ ᖃᕋᓴᐅᔭᒃᑯᑦ ᐱᓕᕆᓂᕐᒧᑦ ᓇᓗᓇᐃᖅᓯᔾᔪᑎᑦ ᐊᑐᐃᓐᓇᐅᓕᕐᓂᐊᖅᑐᑦ ᑎᓯᐱᕆᒥ.

ᓇᒻᒥᓂᖃᑦᑎᓄᑦ ᓚᐃᓴᑖᕋᓱᐊᕐᓂᕐᒧᑦ ᒪᓕᒐᕋᓛᖅ ᓇᒻᒪ 859, ᑭᖑᕝᕖᔪᖅ ᐱᑐᖃᒻᒥᒃ ᓇᒻᒥᓂᖃᑦᑎᓄᑦ ᓚᐃᓴᑖᕋᓱᐊᕐᓂᕐᒧᑦ ᒪᓕᒐᕋᓛᖅ ᓇᒻᒪ 624 ᐊᒻᒪᓗᒃᑕᐅᖅ ᐋᖅᑭᒋᐊᕈᑎᑦ ᓇᒻᒪ 645, ᐊᑐᓕᕐᓂᐊᖅᑐᖅ ᑕᕝᕙᑲᐅᑎᒋ.

ᐊᓯᒃᑲᓐᓂᖏᓐᓂᒃ ᑐᑭᓯᔾᔪᑎᓄᑦ ᑕᑯᔪᓐᓇᖅᐳᑎᑦ ᐱᖃᓯᐅᑎᓯᒪᔪᒥᒃ ᓇᒻᒥᓂᖃᕐᓂᕐᒧᑦ ᐊᔪᓐᖏᔾᔪᑎᑖᕋᓱᐊᕐᓂᕐᒧᑦ ᒪᓕᒐᕋᓛᖅ ᓇᒻᒪ 859, ᐊᒻᒪᓗᒃᑕᐅᖅ ᑎᑎᕋᖅᓯᒪᔪᑦ ᐃᓗᐊᓃᑦᑐᑦ ᐊᐱᖅᑯᑎᑦ ᐊᒻᒪᓗ ᑭᐅᔾᔪᑎᓂ.

(ᖃᕋᓴᐅᔭᒃᑯᑦ ᑕᑯᔭᐅᒍᓐᓇᖅᑐᖅ ᓇᒻᒥᓂᖃᕐᓂᕐᒧᑦ ᓚᐃᓴᑖᕋᓱᐊᖅᑐᓄᑦ ᒪᓕᒐᕋᓛᖅ ᓇᒻᒪ 859

https://www.city.iqaluit.nu.ca/sites/default/files/inuktitut_-_business_...

ᖃᕋᓴᐅᔭᒃᑯᑦ ᑕᑯᔭᐅᒍᓐᓇᖅᑐᑦ ᐊᐱᖅᑯᑎᑦ ᐊᒻᒪᓗ ᑭᐅᔾᔪᑎᑦ

https://www.city.iqaluit.nu.ca/sites/default/files/final-_final_-inuk_-_...

-30-

ᓄᓇᓕᐸᐅᔭᒃᑯᑦ ᐃᖅᑲᓇᐃᔭᖅᑎᖏᑦ ᐱᔨᑦᑎᑦᑎᐊᕈᓐᓇᖁᓪᓗᒋᑦ ᓄᓇᖃᑦᑎᐅᔪᓂᒃ, ᖃᐅᔨᑎᓚᐅᖅᑎᒍᑦ ᐅᖃᐅᓯᒃᓴᖃᕈᕕᑦ ᐅᕝᕙᓘᓐᓃᑦ ᐃᓱᒫᓘᑎᖃᕈᕕᑦ ᒥᒃᓵᓄᑦ ᐱᔨᑦᑎᕈᑎᑦ ᐅᕝᕙᓘᓐᓃᑦ ᐱᓕᕆᐊᕐᒧᑦ. ᖃᕋᓴᐅᔭᒃᑯᑦ ᐊᐅᓚᑎᓪᓗᒋᑦ ᑎᑎᕋᖃᑦᑕᐅᑎᕝᕕᐊᒍᑦ ᐅᕗᖓ Iqaluitservices@city.Iqaluit.nu.ca, ᐅᖄᓚᓗᑎᑦ ᓄᓇᓕᐸᐅᔭᐃᑦ ᐊᓪᓚᒡᕕᐊᑕ ᐅᖄᓚᐅᑎᖓᑕ ᓇᒻᒪᖓᓄᑦ, 979.5600, ᓇᒡᒐᔾᔭᐅᒥᑦ ᐅᓪᓗᑐᐃᓐᓇᕐᒧᑦ, 9−ᒥᑦ ᐅᓪᓛᒃᑯᑦ 5-ᒧᑦ ᐅᓐᓄᓴᒃᑯᑦ, (ᐱᖃᓯᐅᑎᓐᖏᑦᑐᖅ ᖁᓛᓂ ᓂᕆᓐᓇᖅ), ᐅᕝᕙᓘᓐᓃᑦ ᐅᕗᓐᖓᓪᓗᑎᑦ Contact Us ᑎᑎᕋᖅᓯᒪᔪᑦ ᖃᕋᓴᐅᔭᒃᑯᑦ ᐃᑭᐊᖅᑭᕕᖓᒍᑦ, ᐅᕙᓂ http//:www.city.iqaluit.nu.ca/contact-us , ᐊᒻᒪᓗ ᑎᑎᕋᑦᑎᐊᕐᓗᒍ ᖃᕋᓴᐅᔭᒃᑯᑦ ᐱᔪᒪᓇᓲᑎ.